串Grill 自助燒烤專門店 (廣華街) (已結業)

韓燒小胖就見得多，但呢種自助串串燒就比較少見，有d似迷你版無火BBQ ，仲要係係室內有冷氣同唔洗自己串肉，正😄佢的食物種類都幾多，基本BBQ會食的佢都有，包括猪，牛，雞，腸仔等，而且佢猪，牛，雞等肉款入面又有再細分其他部位，例如牛柳，西冷等。除此之外，佢仲有其他少見的食物，如墨魚咀，魚肉年糕，豬大腸等。佢的食物細細件，一口一個，食材亦頗新鮮。小胖超推牛，菠蘿，魚肉年糕和台灣腸，由其係菠蘿，又甜又酸，好食😋店家好貼心咁會附上每樣食物的燒烤時間，等你唔會燒過頭或燒唔熟，而且佢仲有唔同調味粉，例如孜然粉，韓式梨汁燒烤醬等俾你加咗上去肉到，加咗醬的肉超好食😋最後仲會有每位一杯雪糕做甜品，正😄佢的價錢適中，店內冷氣亦夠強，唔會一路燒一路流汗，不過店內坐位相對唔算好闊落，始終店舖比較細，不過都ok 坐的。

政府派咗錢, 梗係要去消費, 振興經濟, 諗起就食 “肉” 大增. 今次同老公去串 Grill. 入到去坐低, 職員就禮貌地問我地有無食過, 我地係第一次食, 於是佢就清楚地講解一次點樣 grill 法. 一層層的食物放在架上, 個爐係用發熱線, 將串燒放正在空隙位, 就會自動轉, 確保食物可以平均地燒到.食物種類繁多, 豬牛雞魚雜丸, 菇, 棉花糖, 雞蛋仔, 紫薯等, 不能盡錄. 在 menu 上揀了自己鍾意的食物就交給職員, 食物隔離有個時間提示顧客食物需要燒的時間, 認真夠細心 食材又夠新鮮, 燒到差不多可以食就揸蜜糖, 仲有調味料可供選擇.仲有汽水, 樽裝飲品任攞, 我就最意飲豆漿.最後每人有一杯雪糕, 有幾款口味可以揀, 正.我最欣賞就係睇下幅牆都知有乜食物可揀, 夠特別.

本人好少寫食評 但因為經歷太唔愉快本身諗住黃店💛支持下有youtuber介紹 openrice又咁多好評 點知入到去先知中伏🤭Book 7:30pm 食 等到7:45pm先入座 都唔緊要最嬲係店員9:30pm已經趕我地走每隔3-4分鐘就輪流過黎chur人離開🤨我明白外面有其他客人等候但入座時冇人通知過我要9:30pm還枱最後搞到啲last order食到趕頭趕命連雪糕都食到一半就頂唔順走人🙄120分鐘任食本身諗住時間充裕但個爐唔大 又要預位比串燒轉動每次燒到8串左右 等食既時間會較長食物、飲品種類唔多 對🐮牛肉比較失望 肉質地偏瘦 得牛脷ok位置比較窄同密集 坐到頂住對腳人均消費$27x黎講 出面有更高質串燒選擇呢間食到一肚氣 試一次就夠😊😌

之前喺網上見到呢間自助串燒店，就咁朋友book咗黎食🥰坐低之後店員好細心咁樣同我哋解釋個燒烤爐係點樣運作，另外仲有一張紙話俾我哋聽每款食物大概要燒幾耐😝.食完之後總結左幾款好食嘅串燒組合🤤📎牛舌🐮👅+孜然粉🧂燒完之後保持爽口同埋好juicy，孜然粉帶甜味，唔會得個鹹字.📎翠玉瓜/雞髀菇+蜜糖燒烤汁🥛去食串燒淨係食肉好快就會膩，雞髀菇同翠肉瓜表面燒到乾身，估唔到裏面咁多汁🤓.📎棉花糖+雞蛋仔棉花糖燒到半溶狀態🙈仲有拉絲效果添雞蛋仔放喺旁邊燒到微脆，雙重口感真係唔錯👍🏻餐牌：環境：整體都非常乾淨，唔會坐得唔舒服😌‼️廣華街呢間分店只係得四至五張枱，想食嘅話記得要book位‼️

係專做串燒放題，俾客人體驗整串燒（整得好食）到底有幾難既良心小店😂💛！落單速度快，而且有好多選擇！首推肉類串燒，產地同肉質均非常優良。食肉獸可以專攻M6和牛牛柳同黑毛豬頸肉等肉串sssss，而同我一樣鐘意食內臟既朋友就可以食雞皮同豬大腸😝燒到佢地脆卜卜，外脆內軟嗰陣真係好有成功感！😆有得燒棉花糖同雞蛋仔都係一大驚喜來，前者一唔覺意燒過龍就會跌落個爐到好過癮🤪（好玩程度滿分），後者經烘焙後啲雞蛋香出唒來，又係一流！係旺角油麻地一帶諗唔到食咩可以考慮下幫襯依間呢😝！.Tips Time📈 : （1）枱邊有張燒烤時間建議表，跟住佢燒就無錯，d牛千其唔好燒太耐，會食d肉靱出一個新境界（I accidentally tried once)(2)串燒頭同尾要卡住卡住，大小大小咁擺，活用空間to the max(3)真係要計住燒烤時間（尤其係雞皮同雞中翼要燒好x耐🙃），廢事嗌太多又燒唔切啦，因為依度d time slot 都幾tight ，一夠鐘就會有新一批客人入座😗如果唔夠時間燒就直接skip海鮮啦, seafood is not the main point here🤪(4)係臨走之前職員會為每

有兩間分店小心唔好去錯，呢間係廣華對面嘅地鋪，另一間係油麻地。本身約朋友各自去，去到唔見人打比佢，先知佢去緊油麻地嗰間，好彩兩間都叫近，行過黎都唔算耐。一路食一路聽住餐廳電話keep住響，仲偷聽到今晚晚市都full哂，所以黎食記住book位先。飲品選擇都好多，由正常嘅汽水、鴻福堂嘅清熱菊花蜜、烏龍茶到黑豆漿都有。自助串燒呢個concept好新，佢啱啱開嗰時已經bookmark左。一入座店員會示範點用，教得幾清晰，同埋叫你睇張表啲肉要燒幾耐（雖然後尾都懶得計時）。自動串燒機一次過可以同時燒十三串，會自轉好得意，啱哂懶人，全晚我淨係負責放上去同拎落黎咁大把。不過有時啲串串會卡住，記住就要手動幫佢卡翻啱嗰啦。睇住啲肉慢慢變熟，開始滴肉汁嗰下真係好吸引。Menu一版過。肉類方面都佔左menu一半選擇，肉食動物就啱哂。雞翼偏瘦，但燒到嗰皮夠脆就正；台灣腸好夠肉汁；豬五花半肥瘦，個邊烤到微焦、脆脆地咁超正。因為要做到串住自轉，所以啲肉都係一口size，咁同男朋友黎都唔驚食串燒食得太豪邁嚇親人。燒汁個容器密封式設計，入面有埋嗰掃比你。方便搽上啲串燒度，又唔驚會污染到啲汁。燒汁就咁已經好夠味，想濃味少

在香港吃串燒一直都比較貴，所以一直不敢放開來吃，但聽朋友說有間串燒放題挺不錯的，而且早鳥時段又挺便宜的，就馬上訂座來吃一下，過一過癮了！最重要的是這個是自動的，最適合懶人了！串燒放題７：３０前離座（２０８元）這個放題包括了澳洲Ｍ６和牛牛柳，算是性價比挺高的選擇！而且還有其他的牛，如牛西冷，牛肋腩，還有我很喜歡的牛舌！牛柳吃起來肉質柔軟，有肉汁，而牛西冷，牛肋腩就吃起來會更加多汁，而且多了很多油香！牛舌就帶點爽，又有牛味！豬方面，豬五花和豬大腸都挺不錯，燒到外面焦脆，內裡多汁有油香！雞方面，全部都挺不錯！連平常最難燒的雞中翼也可以燒得非常完美，吃起來嫩滑多汁！雞軟骨也挺不錯！腸就挺推薦芝士腸和台灣腸，吃起來都有爆汁的感覺，外面脆脆的！丸方面，魚肉年糕挺不多，外面Ｑ彈，內裡ＱＱ糯糯的，喜歡吃年糕的可以試一下！燒賣也挺不錯，燒完外脆內嫩的感覺！海鮮就試了墨魚咀和多春魚，墨魚咀爽滑，多春魚焦香！甜品就試了雞蛋仔，燒到外面脆脆，內裡軟熟，有雞蛋的香味！飲品方面，選擇不是太多，但常見的都有，還有比較健康的豆漿！調味方面，有６—７款，但我最喜歡就是孜然配辣椒粉，吃起來特別惹味！

之前YouTube睇過人介紹，覺得好似新分店幾光猛新淨，所以想同朋友一試，原本想預訂油麻地分店，但點知佢話冇晒位，所以就改咗廣華街主店。主殿應該都開咗好一段時間，以往經過都會見到但係冇深究，因為都覺得感覺比較殘同逼夾。入到去第一個感覺座位枱數的確唔多，但好彩都算寬躺同大張。入咗店員簡單介紹後，就可以開始手寫點單，點單數量你想像中少，有幾款串燒都缺貨冇提供，包括羊肉串覺得非常可惜。開始是點左牛柳粒，標明和牛牛柳粒，燒完一啲牛味都無，唔落調味料或者調味粉根本冇味，口感都有啲似食緊擦子膠咁。蜆肉難食到不得了，根本係急凍雪藏貨穿埋一堆，燒幾耐都係咁難食。基本上肉類都係唔太好食，唯一可取小小嘅係牛舌，豬五花簡直成舊都係脂肪少少肉都冇，雞皮正常可以的。但其實最大問題係上盤時真係唔知邊啲肉打邊啲肉，根本單憑眼睇係分唔到，有時食食吓都唔知食緊啲咩，一來無味，二來口感都係一樣。我個人唯一覺得比較好食嘅係燒菠蘿同甜薯，味道最正常。飲品方面選擇還好，基本有汽水，罐裝烏龍茶，亦有樽裝檸檬茶菊花茶等。用餐時間120分鐘，感覺好似好多，但係要諗埋其實串燒燒烤時間，可以話食得飽嘅，但係真係選擇好少。最吊詭嘅係成45

成績公佈左，好滿意，當然要去慶祝啦☺️食串Grill 自助燒啦一百二十分鐘任食，任飲，超抵。地方乾淨，沒有燒烤既油煙感。桌子寬大，放個五層食物物架足夠有餘，坐得舒服。一座底就有人招呼講解。未落order已經有盤食物準備好比你，等你一路睇落餐紙，一路燒住啲野食先，好似好怕餓親啲客咁，服務唔比滿分都唔得啦。個燒爐有個大滾輪，放啲串好既食物落去，啲串串會自轉，所以啲食物燒得特別均勻。但啲串串就要放得好，齒輪對岩位，咁先轉得順，放唔好就會卡住唔郁呀啦。呢度燒汁代密糖，食物燒到七八成熟就可以塗燒汁。要重口味，仲可以加其他調味料，有泰式魚露，韓式梨汁燒烤醬，海鹽，孜然粉，七味椒鹽和串grill辣粉。調味料都好多選擇。佢啲食物冇醃製過，所以落些少調味料會好啲。食物種類多，基本豬，牛，海鮮，蔬菜都有。係點餐紙填上想要既數量，食物很快便送上，超讚。食材新鮮，全部都細細件串起晒，方便拿起就放入轉架到燒。要好好利用個燒烤架，上層可以放已經燒好既串串，放涼但又可以保持一定既温度呢度仲有晒燒烤時間表，真係岩晒手殘人士，地獄廚神去食。飲品就自己出去雪櫃自取，很方便。推介指數鯖魚，啲魚油被熱力迫晒出黎，啖啖魚油香，好

懶人自助BBQ,鍾意串燒又驚麻煩嘅必試。試完真係覺得好方便，串燒自轉，同朋友邊吹水邊等食，唔洗自己嚟，very good.今日5點幾到，好彩仲有位，即時入坐😌7:30前離座加埋一都係二百頭✌🏻兩個人坐四人位，好鬆動，兩個鐘可以慢慢食。第一次食，店員好有耐性介紹配料醬料教你點擺好串燒。店員都好友善有禮，做嘢好快手。飲品支裝嘅都係鴻福堂，推介黑豆漿同菊花蜜👊🏻今日出面落完雨好熱，好彩飲品夠凍，爽晒😌韓式梨汁燒烤醬😬甜甜哋好香雪梨味，食雞翼一流。白色果罐係連掃嘅燒汁，肉去到6、7成可以上汁另外個魚露對我嚟講有少少鹹。另外仲有孜然粉、味椒鹽、海鹽等🤘🏻🤘🏻肉類都好新鮮，配埋燒肉汁好夾。平時自己都會買雞皮返屋企氣炸，所以今日前後食咗6串😃燒到脆脆哋加埋個梨汁好正🤗雞軟骨偏多肉，加海鹽已經好好食😋五花腩肉，細細粒半肥瘦，一啖過啱啱好😊推介多春魚、牛肋腩、豆卜同埋牛舌。牛舌芯好軟燒到七、八成熟加多少少孜然粉好正。睇住張表嚟燒，就係最佳嘅時間👊🏻最後甜品🥳🥳今日有草莓、雲尼拿、曲奇同朱古力好完美嘅一餐懶人BBQ未試過嘅朋友可以試下，早場就冇咁多人，唔洗等咁耐。我7號食完走人門口好多人等緊位🙈

終於第一次去左試懶人串燒旺角一帶好多串燒鋪，今日就去左廣華街嘅串Grill，佢地仲有一間分店喺譽發大廈。鋪頭冷氣開得好足，一行入去係會有d凍，但個燒爐開住，食住野就會啱啱好。坐位全部都係卡位形式而且加高左d版，私隱度大大提升。店員安排左座位之後細心講左一次點樣點餐，擺串燒，同醬汁等等。唔洗驚第一次食唔知頭唔知路，呢個安排好細心。飲品有豆漿，茶，汽水自取任飲，亦好似有啤酒單點，啱哂唔同需求。食物方面，餐單用蠟筆畫完可重覆使用。有牛肉，豬肉，雞肉，海鮮，疏果類，丸類。咁多樣串燒，我就會推薦牛肉類 牛肋腩，帶少少筋同脂肪，燒耐左都唔會太韌，亦有牛香味。豬肉類就鐘意豬五花，唔會有好多豬毛，油脂多，所以一路燒d油香逼哂出黎，肉質都算嫩滑。海鮮類會推薦墨魚咀，有咬口，不過就要加多d醬汁先食得更滋味。蔬果類推薦甜薯，唔加任可野，燒熱就好好食，淡香嘅甜薯味好好食，燒車厘茄燒膩，轉頭又可以食多幾串肉串燒。而甜品燒雞蛋仔好有驚喜，燒到外脆內軟真係一流，想食脆d燒耐d都仲得，唔易燶，冇唸過雞蛋仔做串燒會咁夾。醬汁方面有韓式梨汁醬，泰式魚露同各重味粉自行調較。食完之際店只就比左我同朋友一人一杯Häagenda

呢間餐廳想食好耐但係次次唔book根本就唔洗旨意食到 今次終於肯的起心肝唔玩即興 終於可以試到呢個懶人串燒🤤由於佢係放題形式 一坐低佢會俾咗個頭盤先 跟住佢會跟手介紹埋個燒烤爐點用 員工十分之好心機 雖然忙到七彩 但係佢嘅態度一啲都唔差 解釋一啲都唔Hea 頭盤有齊基本嘅肉類同疏菜 可能因為佢不段轉住嘅原因 所以每一串嘅肉燒完出黎都非常均勻juicy 佢每張枱都會有一隻手都數唔哂嘅調味料 椒鹽 海鹽 串grill辣粉 孜然粉 韓式梨醬 燒烤醬 泰式魚露 可能因為佢嘅肉係完全無醃過嘅關係 所以我建議點都落少少調味料吊下味 正正係因為佢嘅肉無醃過 所以唔會食乜都一樣味 想食咩味 完全自己話事另一樣要讚嘅係佢嘅串燒鐵籤非常之乾淨 平時好怕去食串燒燒烤類嘅嘢 因為所有用具個感覺都好油淋淋 令到咩胃口都無哂 但係呢度嘅鐵籤即使有一個齒輪位(係其中一個令到佢識自己轉嘅秘密🤭) 令到佢清潔時嘅難度增加不少 但係佢每一枝鐵籤感覺都非常乾淨 一啲都唔油 真係要俾個👍🏼佢而成餐飯入邊 本人推介中嘅推介真係非呢粒雞蛋仔莫屬！燒完熱辣辣 內脆外軟 佢每人仲會送一杯大師嘅雪糕 建議將粒啱啱燒完嘅雞蛋仔連埋杯雪糕

今日過到黎旺角，打邊爐就打得多！食自助串燒就未試過！今次就近近地揀左近廣華附近嘅！之前已經見好多人排隊！今次終於黎試一試喇！呢度都有唔少選擇揀！略睇都有20-30款選擇！所以我地每款都試下！試下邊款好食就可以瘋狂encore！豬牛雞各都有幾款，仲有海鮮tim！任食兩粒鐘！個爐都幾夠火力！仲碌碌自轉，好方便！唔洗自己拎住！都幾好渦！gimmick野！打卡一流！呢度仲有飲品自助，都唔少選擇嫁！仲有燒烤建議時間，等你可以跟住時間黎燒，唔會燒過龍！唔識煮野食嘅人都可以跟住黎燒！最後仲有haagendaz食呀！正！每人有一杯！有幾隻味你揀tim！呢間野岩曬兩個人黎食！咁一定會食得夠飽！

今日黎食懶人串燒，只要將肉串放在自動爐上，就會自動轉身，乖乖等食就可以啦！最重要個爐好夠熱！ 唔會燒好耐都唔熟。肉類串燒種類量唔算太多，但以質取勝，特別推薦牛肉，因為有澳洲和牛，紐西蘭牛，仲有荷蘭豬牛同豬都好高質，肉燒過後，香味更強。其他最愛係雞脾菇、冬菇、墨魚咀、雞軟骨、雞翼。所有食材是高質，size多切成四方 ，細粒，因為咁樣燒出嚟會均勻快熟。店員係入座時很用心講解使用烤爐方法，又介紹4款粉狀調味料，同3款醬汁，服務很好👍🏻

今次去串Grill食到飽🤤肉類串燒種類都多，品質不劣，特別推薦牛肉、雞尾菇、冬菇、墨魚咀、雞軟骨、魚肉年糕、燒菠蘿😆😆沒有推介的，不代表不好吃，只是以上食物比較更有驚喜👍🏻👍🏻質素是中上級數😙食材既size切得用心，例如牛肉串，粒粒切到好平均，唔會太大粒，燒出嚟會好均勻，好快熟。店員很用心講解使用烤爐方法，服務很好👍🏻串燒會自動喺個爐度轉，唔使手動反轉，兩隻手可以用嚟影相，影到咁上下，嘢食就熟🤣🤣🤣