串爆

营业中

休息中

成都風味既串串🍢係香港實在少見，今日專程去近油麻地既一間串串食，仲要係放題可以盡食😆店內裝修偏木系，係食串串同同fd吹下水既好環境。我地擔心愈食愈辣所以叫左BB辣先，黎到既湯底好香，帶少少辣味。由於成都風味係用一個冷鍋放佢煮熟既串串🍢，所以都唔會因為熱湯而加重辣感，食得辣既可以叫小/中辣。如圖所見食物既選擇非常多～泡係冷湯吸左啲辣香味，不知不覺就食左好多。泡椒牛肉成都小香腸小食方面我偏好棒棒雞🐓，配上青瓜絲同麻醬好開胃😍甜品有成都老冰粉，冰甜！

排凍左就想食d暖野，咁就去食辣串，呢間係旺角既串爆，放題好抵所以去試下。放題$128一個人另加30就可以任飲埋。佢可以簡湯底辣度，我就簡左bb辣。食落就好微辣，岩哂唔食得辣又想過口癮既人。佢d款都唔少，小菜方面咁我就叫左去骨雞腳，雲耳，蒜泥青瓜。去骨雞腳食雞腳可以成隻咁食真係好爽，佢都真係清得乾淨，冇骨，雞腳好爽口好入味，辣度我唔食辣既人係接受到。呢個推薦!雲耳佢既小菜辣度都差唔多，呢個有少少酸甜加辣，好開胃，雲耳亦都好爽口。蒜泥青瓜呢個係唔辣既，好簡蒜泥味 ，青瓜新鮮爽脆。d串串我就都叫左好多下，咁就主要講下我最鍾意食既，就係蓮藕，蘿蔔，雞腎，海帶，鴨舌，雞軟骨。蓮藕都係好新鮮好爽口 。蘿蔔微甜，都好入味。魷魚腍腍地唔會un，都唔細舊，唔錯雞腎都爽口，夠入味，呢個可叫。雞軟骨我好鍾意，好爽脆，另類唔係炸都好好食既雞軟骨，食佢呢隻唔炸既就唔洗驚食雞軟骨炸左熱氣。鴨吞好入味，成條，夠哂過口癮。炮椒牛肉佢個炮椒會有d鹹，所以唔食咁鹹既人可能叫翻普通牛肉。 成都老冰粉另外佢有一款甜品都好特別，係啫喱咁，唔會太甜，佢有d米同瓜子，食落好香脆，啫喱配埋瓜子，2重口感幾特別，亦都可以戒下辣。咁我就

今日同朋友嚟咗油麻地食飯，佢話好想食串燒，咁岩經過一間食四川串燒嘅舖頭，見佢入邊都幾多人，就排下食lunch。佢除咗多款串燒之外，都有其他麵食小食同埋甜品嘅，咁我哋每人就叫咗啲串燒再share小食。呢個涼拌海帶絲份量都幾多，而且佢辣辣地好醒胃。跟住呢個香辣無骨鳳爪都幾淋，而且肉都多，我選得好開心haha！豆漿就偏甜，鍾意甜嘅朋友可以試吓。椰子汁幾清新有清甜嘅感覺唔錯。個牛肉麵好有驚喜，首先佢番茄湯好濃，然後牛肉都幾淋，麵好彈牙！我地叫左好多款串燒，有魷魚、魔芋、雞軟骨、魚皮餃、雞胗等等。上面提及呢幾款我都好推薦，好彈牙！好有口感。最後叫左個冰粉，有d提子乾同梅酸酸甜甜凍凍地好食！

啱啱見完客係旺角，有個舊同學咁啱又去旺角就話食過早嘅晚餐，附近有啲餐廳夜晚冇開堂食，嗰陣時5:00。係我哋徬徨冇嘢食之際見到呢間，麻辣嘅串燒就即刻入去入到去見到佢哋有個$128 30串嘅餐，諗住得一個鐘都食唔得好多就叫咗呢個上到嚟發現其實每一件都係一件唔係好多，烏後尾轉左佢哋有個128一位任食。佢有啲冷盤都幾好食，有個叫棒棒雞用啲芝麻醬青瓜撈埋啲雞絲，味道唔錯。串燒方面佢浸埋啲麻辣汁我哋揀咗個小辣，對於我哋唔好食辣來講已經好辣。最後雖然有啲趕但係都食到好飽

今日啱啱完sem就想搵間放題慶祝下，不過平時食得多日式放題，所以就想試下其他類型既。係openrice到碌碌下比我見到間食串燒放題既，不過就唔係平時個種「燒嘢食」放題既感覺，而係川式麻辣燙。呢到門口先知佢做緊全日優惠$128/位，另加$30飲品放題，所以諗都冇諗就行左入去啦佢舖頭唔算大，座位唔多，但可以保持到適當既距離。我去個陣係3:30下午茶既時間，但都坐滿人，我估都應該唔錯既🤤佢基本一枱係一碗大湯底，有唔同辣度比你揀，我本身唔係好食得辣，所就揀左bb辣，都幾過癮。佢首先會推薦你試下佢d小食（都係任食架）棒棒雞：係涼拌雞絲粉皮走粉皮蒜泥青瓜：酸度啱啱好，一路食串串一路食青瓜中和下，不錯不錯麻辣千層肚：佢既麻辣有d似譚仔既，不過冇咁鹹至於串串，選擇上我略嫌少左d成都小香腸：我覺得係變奏版既小臘腸😂泡椒牛肉：食落口有點酸😂同埋咬到辣椒籽好辣佢d內臟出乎意料，全部都大大舊，食到啖啖肉既感覺。特別係雞軟骨同鴨舌，真係好大粒🥰成都老冰粉：呢個係甜品，個味食落似新年食個種透明長形半硬糖，鐘唔鐘意就因人而異啦~~我自己就覺得幾ok既

日式放題、任食邊爐呢啲就試得多，今日同朋友黎食下呢個串串放題，朋友咁鍾意食辣，好期待呀。晚上無得堂食，我地就揀左下午茶時段黎，$128/位加多$30/位任飲，呢個價錢任飲任食其實抵喎，不過可能平日加上下午，食客唔算多，一黎到就有位。強烈建議加埋任飲，就算唔怕辣，杯飲品都好緊要，呵呵。飲品在雪櫃自取，有汽水啤酒等，個人好鍾意呢隻椰汁，甜甜的好啱解辣。先點了兩款小食，棒棒雞同麻辣豬紅。棒棒雞係雞絲同青瓜絲加上麻醬，不辣的。另一個係韭菜豬紅，豬紅很滑，麻辣汁正。點的第一盤串串到啦，上枱時係熱辣辣的，飄來陣陣辣味，點了小辣，但望落都好紅唔知有幾勁呢～泡椒肥牛好正，又酸又辣好過引。麻辣牛肉帶點孜然味，香口。第二輪小食點了麻辣千層肚同香辣蓮藕片，千層肚就係牛栢葉，已切細細件不會韌，食落幾爽口。蓮片個辣汁係麻中帶酸的，口感爽脆，味道豐富唔係死辣。除左串串同小食，麵食都係任叫的，點都習慣有啲澱粉質落肚麻，點了成都肥腸麵麻辣湯，麵有韌性吸了湯汁好味。朋友揀左招牌牛肉麵麻辣湯，佢話碗麵牛肉好少，但無所謂啦，可以食串啲肉嘛，哈哈。第二輪多點一些蔬菜類，店員會把串串拎出黎放入我地個大碗入面，如果前一轉未食完仲

呢日朋友都早咗放工，約咗食完野去GYM咁唯有搵啲肥嘅野食啦碌咗openrice一陣先搵到呢間野又麻辣串燒咁，就食佢佢係放題形式，餐紙上面除咗列咗價錢嘅都係任食涼拌海帶絲個人覺得幾款風味小食都好正好開胃惹味真心呢幾樣野都值回票價今日MVP棒棒雞同蒜泥青瓜我忍唔住呢兩碟都ENCORE咗芝麻醬混雞絲呢個配搭真係無敵然後就係放題串燒上枱因為佢係四川風味，所以配一碗麻辣湯咁直情係食緊麻辣燙!如果自問唔太食得辣，揀BB辣就無死個人大推麻辣牛肉，牛肉腍軟得黎有微微麻辣香，好正然後就係鴨舌!佢呢到嘅鴨舌醃到入曬味，忍唔住CHUR咗幾隻雞軟骨、萵筍都推呢個冰粉真係痴線，食完麻辣肥野再食呢個好似非常安慰到自己咁尤其佢酸酸甜甜有埋啲提子乾，好夾好好食!!!

近排天氣開始涼返，就想食啲暖粒粒嘅嘢醫下肚仔😍今日行開旺角，見到呢間細細間嘅任食串串，價錢又唔算貴，就同朋友一齊試吓先。餐牌有唔同嘅肉類、蔬菜類、小食，仲可以任食湯麵，加多$30可以任嗌飲品。-至於串串方面，我哋班食肉獸就order左一大堆肉類，辣度就點咗BB辣(辣度仲有好多級)。一大盤嘅串串浸左喺辣汁入邊，雖然只係BB辣，但係對於我哋來講都真係幾辣下，但係辣得來又整得幾好食喎！我同朋友最鍾意食鴨舌、牛筋丸、魷魚、肥腸！咁多樣食物，泡椒肥牛最特別，泡椒用肥牛肉包住，望個樣都知咩味啦！食得辣嘅朋友一定會中意，因為真係唔講得笑🤣-因為我哋覺得太辣嘅緣故，我哋第二盤就嗌咗唔辣，但係本身因為啲串串都有少少調味，所以對於我哋來講就剛剛好~-小食方面，我同朋友點咗香辣無骨鳳爪、蒜泥青瓜、棒棒雞。鳳爪沾滿辣油，好惹味！青瓜同棒棒雞相對就清新啲，中和下個辣度。-甜品就係成都老冰粉口感似涼粉，配搭瓜子、提子乾、酒糟，同黃糖，口感豐富。最緊要係食落透心涼，舒緩到辣味嘅刺激！-好彩我哋有加$30任飲飲品先至可以解下辣咋！飲品方面，同平時火鍋或者放題嘅飲品有啲唔同，平時比較少見，但都

原本約左食九點半諗住食平啲，點知去到時九點三，附近大量非人類生物出現左，又有數架車拍左係到。我同朋友二話不說衝左入舖避一避先啦。店員都深明發生乜事，仲話入左黎先啦。而且，依然只收我地$128/位，真係太感動啦唔講得笑，要食返多啲黎定下驚先呢度地放不大，但清潔乾淨每張枱都有搓手液，紙巾提供真係串到爆！咁既價錢，可以食到咁多美食，抵佢串既！一於叫多啲食多啲揀左中辣湯底，點知愈食愈辣個湯底除左辣仲有麻和香。成都口味，鮮香麻辣串好左既食材會浸左係碗麻辣湯到，吸收晒啲日月精華，包你過足麻辣癮。必食推介，地獄泡椒肥牛塊肥牛卷住隻泡椒。整個放入口已覺嗆鼻，一口咬落去啲辣汁爆晒出黎，又酸又辣，我灌左半罐可樂先搞得點。幸好呢度加$30就可以任飲，不過之後我只係食左塊肥牛，放棄左隻泡椒。萵荀係我既至愛食物之一。厚切又爽口多汁，唔係太辣，可以中和返口腔既辣度，唔錯呀。長長既五花肉條，肥瘦均勻，啖啖肉。蘿蔔，厚百頁，豆卜，豬皮.....呢啲掛湯力高既食材必食，特別滋味。仲有唔好遺忘食鴨舌，佢本身已經滷到好入味，所以食落去除左麻辣，仲會覺得喊喊地叫左兩大盆串串，都比職員話我地食咁少。傻啦，我地仲要食四川小食呀

天氣凍凍地，心思思想食下d辣野，今日就試左旺角廣華街一間食四川串串既餐廳香港比較少見食串串既餐廳，仲要係放題串串既款式選擇都好多，仲有小食，湯麵同甜品。辣度仲可以自己簡，我就簡左bb辣先黎兩個小食，蒜泥靑瓜同棒棒雞。靑瓜好爽口，加埋蒜蓉好惹味。棒棒雞就係麻醬雞絲再加靑瓜絲，呢個配搭幾時都係無敵的，香濃既麻醬令雞絲味道更好，靑瓜絲又可以解膩。飲品叫左椰汁，外面好似未見過呢款椰汁賣，香又吾會好甜麻辣千層肚食落好驚喜，麻辣好香，香氣係口入面會維持一段時間，千層肚勁爽口，咬落去既感覺好過癮主角串串出場，香氣撲鼻，聞到會流口水。串串索晒d汁味，辣度剛好，食落個口會有少少麻痹既感覺，好有四川既風味，會食上癮招牌牛肉麵，簡左吾辣。麵質煙韌，湯底清甜，舊牛肉都好入味而且嫩滑，呢碗足足重復點左3次仲試左火鍋川粉。類似紅薯粉既闊版，口感好煙韌，而且會索晒湯底既味道一定要食成都老冰粉，涼涼地解辣一流好耐冇試過咁正宗既四川味道，而且仲要係辣得咁過癮

作為MK子的我，今日約咗朋友泥食成都辣串串，裝修樸實但好有成都風味。$128自選15串，共30串，每款兩串，價錢確實夠晒抵。由於個人比較食得辣，所以夠膽挑戰中辣，一睇就知正，又香又辣，成盤辣油咁樣，食落去啲串串浸晒啲辣油嘅香味真係好鬼正，而且佢唔係剩係得辣，加埋啲香料，感覺真材實料。咁除咗串串之外，另外都叫咗啲風味小食（任食）。棒棒雞：細細碟咁食落去幾過癮，少少胡麻醬喺面，真係名副其實咁棒。香辣蓮藕片；依個酸酸辣辣，而且帶點香味，的確係一個唔錯嘅小食，過下口癮都幾爽。食完前菜主角終於嚟啦，食咗超多野唔記得咗自己食過咩，總之就好好食啦，其實啲食材本身都已經唔錯好新鮮，不過有幾款比較特別我都推介一下。成都小香腸有少少似臘腸不過細條好多，但係幾過癮，又冇臘腸咁甜。花枝丸其實所有丸類都好彈牙好過癮，再soak 埋啲汁簡直係人間美味。雞腎佢個雞腎除咗幾日味之外，而且口感仲好爽，食材質素本身已很好，再加埋個成都辣汁簡直將味道昇華。泡椒肥牛我想講依個係地獄級嘅辣，當初我朋友仲同我講剩係得酸味，令我掉以輕心，一咬落去成口辣椒核，即刻要飲返10罐啤酒都唔掂，食得辣嘅你不妨挑戰下。食辣野當然要啤啤佢，兩條

味道很有四川麻辣的味道，是麻辣燙的感覺。有不辣、小辣、中辣、大辣，適合不吃辣的，也可以去嘗試。這次我點的是小辣，味道適中，不太重口味。但如果重口味的，可以推薦吃中/大辣。小吃的蓮藕也是不錯，酸酸辣辣非常開胃。有不同的小吃質素也不錯，而且服務態度好。很適合三五成群去邊吃邊聊天，而環境也是乾淨。餐廳也會播歌，但不會太嘈吵。價錢方面，也是很合理。不會太貴，但那裏主要吃素菜。雖然也有肉，但素菜更能特顯那湯汁的麻辣。

今日同朋友一齊食飯，大家都好食得辣既，所以每次念食咩既時候就想食辣野😙 見比呢個店又幾正。試下先👆🏻一串串每支份量都5係好多，所以要自己預個份量，但種類繁多！（其實個感覺有啲似打邊爐，麻辣燙嘅感覺，只係佢一串串已經煮好晒）小食方面都好多！每款份量好小，所以真係乜都試下😍滷水雞翼尖蓮藕片（酸酸地幾開胃）香辣海蜇甜品🍮價錢方面不貴100幾蚊就食比任食任飲，同一班朋友去食傾下計都不錯，因為佢係兩小時任食，當然5食得辣既朋友其實都可以食，佢分bb辣、晤辣，會再去食！

經過旺角廣華街，發現呢間新開食成都辣串串，入面地方細細，夜晚好爆場，好彩兩人岩岩有位，就試試！任飲任食兩小時$168+$30。佢個湯底係有得揀辣度，事關男朋友唔食得辣，自己好食得辣，個老闆娘好好，比我地要兩個湯底，一個要唔辣係豬骨湯，我就要左中辣，可以一次過滿足晒願望。佢都有幾款小食，每樣都辣辣地，唔食得辣既朋友可以食棒棒雞，係麻醬雞絲泥，必食！之後到串串放題，有好多選擇，可以每樣叫哂，因為每次份量係一串咁，所以唔怕眼闊肚窄既朋友，特別可試成都小香腸，鴨舌，平時無乜機會食。啲串串索哂啲辣湯同豬骨湯，好夠味！配埋大陸椰汁一流，啤酒又任飲，都叫抵食。唔夠飽既可以試食埋碗面同薯粉，最後仲要食個冰粉作甜品。呢個真係大陸先有得食，係類似白色涼粉咁，上面有啲山楂碎，酸酸甜甜好開胃!

竟然係串串放題！一直都好想可以食度正宗嘅四川串串，終於搵到依間任食串串嘅店鋪，按時段收費，任食2個鐘，除咗唔同種類嘅串串之外，仲有唔少前菜同麵食任君選擇。頭一次選咗辣度之後，就唔可以再改。我地揀咗BB辣，估唔到已經非常麻，好過癮。肉類方面，有牛肉、豬肉，雞肉，各式各樣嘅丸類等等，而素食方面，就有唔同嘅蔬菜同豆腐類。放幾張相俾大家睇下啲串串~每串嘅份量都好平衡，唔會話得一小啖，選嘅食材都係易吸味，係舌尖上嘅享受~ 再加點串串嘅話，係直接再將啲串串放係個湯碗度。小食方面都非常滋味，細細碟唔怕食唔哂。火鍋川粉就係平時嘅薯粉，soak哂嘅麻辣味超上癮~最後仲點咗成都老冰粉，上面灑咗紅糖、提子乾，仲加咗少少酒，解辣一流~