串爆

营业中

休息中

經過旺角廣華街，發現呢間新開食成都辣串串，入面地方細細，夜晚好爆場，好彩兩人岩岩有位，就試試！任飲任食兩小時$168+$30。佢個湯底係有得揀辣度，事關男朋友唔食得辣，自己好食得辣，個老闆娘好好，比我地要兩個湯底，一個要唔辣係豬骨湯，我就要左中辣，可以一次過滿足晒願望。佢都有幾款小食，每樣都辣辣地，唔食得辣既朋友可以食棒棒雞，係麻醬雞絲泥，必食！之後到串串放題，有好多選擇，可以每樣叫哂，因為每次份量係一串咁，所以唔怕眼闊肚窄既朋友，特別可試成都小香腸，鴨舌，平時無乜機會食。啲串串索哂啲辣湯同豬骨湯，好夠味！配埋大陸椰汁一流，啤酒又任飲，都叫抵食。唔夠飽既可以試食埋碗面同薯粉，最後仲要食個冰粉作甜品。呢個真係大陸先有得食，係類似白色涼粉咁，上面有啲山楂碎，酸酸甜甜好開胃!