影片
初三赤口，百无禁忌去拜年，新界美食多，不过唔系自己地头，当然由地胆老友带路啦！我呢位老友，简直系皇帝舌头，对食系好高要求，所以跟住佢去食，唔一定贵，但一定有番咁上下。呢间我都系第一次嚟，门口平平无奇，地方细，枱好迫，D碗筷好旧啰！不过，唔知系咪因为新年，门口都排晒队。讲真，D茶……唔得，冇茶味！好彩，D点心又喜出望外，估佢唔到，又几好味噃！好耐冇食过咁爽口，仲成只虾嘅虾蛟，个笼好好Q，反而个笼好新净，仲系两只一笼，排骨比较失色，肥咗D，肠粉……好味！
继续阅读
平时同老公都主要系食西餐日本野为主, 但天气实在太冻啦而且又有Ｄ想转口味今日就转食左潮州菜. 话晒我都系潮州人对于食咩都有一Ｄ研究, 不得不吃的就一定系卤水, 而卤水鹅件就一定系我既至至至至爱.话晒又入味又要啖啖肉! 佢呢度虽然等餐等左有Ｄ耐不过都唔算令到我失望既. 鹅件好入味但唔会好咸, 旁边的卤水花生好香又够林,另外仲有鸡肾同埋豆腐在底. 鸡肾就一般般有D 硬同干. 豆腐都好好既唔会好油不过又沾上卤水汁另到淡淡的豆腐都有点味道. 呢一个真系厉害呀我都冇咩地方见过油盐水煮九肚鱼呢度竟然有!!! 味道仲要系同我细细个被迫同家人番乡下时食到既味道一样嫁实在系太传统太好味啦. 汤下面既萝卜条又够林同入味, 未到熟都够热条鱼又唔会烂. 仲要冇走过油既. 赞赞赞
继续阅读
天气冻，适逢放假，一个人走咗出去酒楼饮茶。安顿好，再嗌侍应，帮我开壸铁观音暖吓身先。柯打都未落好，就嚟个惊人大发现！放喺眼前嘅餐具，的确「无得顶」...... 牙签包湿晒身，胶筷子其中一只脚断咗大半吋嘅🥢，仲有崩嘴茶壸刚上枱𠻹！送点心𠮶位阿姐，将我同另外两枱客所点的嘢捞到乱晒坑，搞到人家黑晒口面兼破口大骂！食物味道纵然唔错，但系食家雅兴近乎被扫清！埋单𠴱阵，离谱到无极限！收银员竟然衰到比张中间烂咗一截嘅五十蚊纸作找赎，「老实到不行」！侍应递来皮套之时，我终于忍唔住，寸咗佢两句！仲同酒楼嘅大经理讲，咁样做生意，简直倒米！睇完食评，大家仲有兴趣嘅话，就去试啦！
继续阅读