中華潮粵酒家 (已結業)

天氣凍，適逢放假，一個人走咗出去酒樓飲茶。安頓好，再嗌侍應，幫我開壼鐵觀音暖吓身先。柯打都未落好，就嚟個驚人大發現！放喺眼前嘅餐具，的確「無得頂」...... 牙簽包濕晒身，膠筷子其中一隻腳斷咗大半吋嘅🥢，仲有崩嘴茶壼剛上枱𠻹！送點心嗰位阿姐，將我同另外兩枱客所點的嘢撈到亂晒坑，搞到人家黑晒口面兼破口大罵！食物味道縱然唔錯，但係食家雅興近乎被掃清！埋單𠴱陣，離譜到無極限！收銀員竟然衰到比張中間爛咗一截嘅五十蚊紙作找贖，「老實到不行」！侍應遞來皮套之時，我終於忍唔住，寸咗佢兩句！仲同酒樓嘅大經理講，咁樣做生意，簡直倒米！睇完食評，大家仲有興趣嘅話，就去試啦！