中華小館

营业中

休息中

之前都食過一次啦間餐廳🍴咁好食梗係唔好俾佢停，餐廳有充足的冷氣，十分舒適。餐廳佈置優雅，▪蜜汁叉燒皇 $168這裡的叉燒外皮烤至脆卜卜，叉燒豐厚帶陣陣麥芽甜香😋。梅頭肉肥瘦相間，脂肪油香與鬆化juicy質感十分出色，果然名不虛傳👍🏻。▪八味一口豆腐 $68金磚豆腐皮脆嫩滑，面頭灑上椒鹽同炸蒜，辣辣地超惹味🤤🤤！調味偏重味，好岩送酒🤪▪芥末鮮魷魚鬚 $78餐廳嚴選餘材，用上鮮魷魚鬚🦑口感彈牙唔會過老，配上辣辣地既芥末醬幾清新嘅配搭

父親節book餐廳食飯未呢? 把握最後機會啦，比較出名既中菜餐廳都爆曬場，係openrice搵到一間最近先開業既中菜餐廳，我地就訂位過去食飯，服務比想像中好，環境亦好舒適❤️❤️🔸桂花山藥🔸山藥有驚喜，很爽脆，配上桂花蜜，又不會過甜，是一道開胃的前菜🔸羽衣金蘭雙蝦炒飯🔸炒出的飯粒鮮香撲鼻，一粒粒飯粒分明絕不含糊，最後再混以大蝦和櫻花蝦，令炒飯更富咬口，盡顯廚師炒功。🔸脆皮咕嚕肉🔸勁爆澎湃嘅拉絲😍😍一夾起就痴住拔出嚟！滿足哂視覺效果！正！仲要唔會好甜！食落脆皮得嚟又易咬開！酸酸甜甜好好味！！

今晚同屋企人一齊去食飯，難得屋企人話好耐無食過中菜，我哋就入去試下啦！依間餐廳真係唔好睇少，以為細細間，但裝修得非常之靚，又好舒服，最！重！要！d野食真係好有質素呢😎😎😎😎😎🌶️霸王辣子雞: 雞件外層乾身帶香脆，這款麻跟辣度不太高👅非常惹味蝦子柚皮: 另一道考功夫菜，自己一定煮唔到，當然要試吓。柚皮一啲苦澀味都無，炆得夠入味，上湯茨汁厚薄適中，蝦子帶出鮮味，食落甘甜👍🏻見到佢個脆皮咕嚕肉同士多啤梨蝦球都好食，下次要再回訪❤️😉

下班後與友人飯聚，有段時間未有吃中菜，剛好大家都位於灣仔，就選了鄰近地鐵站的中華小館👩‍🍳💕口水雞 ($88)重慶辣汁香濃又惹味，而且唔會太過辣而搶過雞味。店員話大廚選用新鮮雞，所以有雞味之餘，肉質都好滑溜，連雞皮都好鬼滑，引唔住一舊接一舊😋😋😋💕芥末鮮魷魚鬚 ($78)一碟鮮魷魚鬚份量都幾多，食極都食唔完咁，有微微辣，好惹味呀❤️💕尖椒炒烏雞 ($138)而我地最估唔到係呢個尖椒炒烏雞，好少見到餐廳會用烏雞，辣得非常惹味，而且炒得好香口，私心推介呢個比大家💯💯

前幾日經過灣仔，見到一間新開既中菜餐廳，我就八掛去望吓食咩啦！有個姐姐出嚟好有禮貌話，想睇咩？食d咩？我地係新開食中菜，大件夾抵食架，我被呢位員工既服務態度同熱誠吸引到，就入左去，原來有兩層，樓底夠高，座位夠闊落坐得好舒服😌❣️羽衣金蘭雙蝦炒飯 炒飯份量好多都幾大碟，炒飯粒粒分明夠乾身，上面鋪滿左脆卜卜既櫻花蝦同大蝦，好睇又好食😍😍❣️脆皮燒腩仔燒腩仔唔韌，肥瘦適中，一層肥一層瘦，幾靚。至於味道唔會好鹹，脆皮脆卜卜，好香脆，夠晒新鮮。❣️士多啤梨蝦球味道幾特別，好香士多啤梨味，甜甜嘅果香味道令人越食越開胃，蝦球肉質都好彈牙，推介💯

之前經過就看到這家中菜館，就位於灣仔地鐵站旁邊，提前看過菜單發現挺適合宴會嘅，正好婆婆生辰，我們就訂了位來試試，想不到全家都非常喜歡，婆婆很滿意！向服務員詢問餐廳的特色菜以及推介，他們都很熱心地向我們推介，最後在他們的幫助下，我們總共點了七個菜，可惜準確的菜名忘記記下來了。🐮牛雜：牛肚，牛腸，牛肺等都有，很軟爛很入味。🐷叉燒：色澤很吸引，位置很好，有肥有瘦不會很柴。🍲柚皮：主體是鹹鮮味，很綿軟，婆婆很喜歡。🐔口水雞：很麻很辣，雞很嫩滑。🥠炸豆腐：外殼酥裡面嫩滑，可以吃到很香的香料的味道。🦐蝦球：蝦仁很大，炸衣夠薄，酸甜的汁很開胃。🍚炒飯：量好大！我們一人分到一碗還有剩。裡面有蝦仁，蝦米，蛋等，鹹淡適中，米粒也粒粒分明。

之前friend陪我打卡西餐 咁今次就到我陪佢地食佢地最鐘意嘅中菜啦❤️ 我地嗰日夜晚去到 人唔算好多 檯與檯之間唔會太擠逼 環境都唔錯㗎✨我地嗌咗三個小菜同叉燒 分別係蝦子柚皮🦐 口水雞🐔 八味一口豆腐🧆 三個餸味道都唔錯 份量都好大 至於叉燒口感味道都出色 夠曬我地三個食 仲好飽添😙特別想提吓蝦子柚皮 我地見到menu上邊有一個從來無見過嘅菜式 係呀就係嗰個圓圓地嘅物體 其實佢係西柚嘅皮嚟嘅😯 不過完全唔會有想象中嘅苦澀 反而吸飽曬汁嘅鮮甜 咬落去好綿軟 不過又有啲纖維感 仲要爆曬汁 好特別又超好味🤤 我估應該好少地方可以食到呢個餸 值得一試！最後埋單人均百幾蚊 抵食💯檯與檯之間唔會太擠逼 環境都唔錯㗎✨我地嗌咗三個小菜 分別係蝦子柚皮🦐 口水雞🐔 八味一口豆腐🧆 三個餸夠曬我地食 仲好飽添😙

探店日常之中菜篇食過嘅連鎖中菜店多不勝數 今次無意中見到呢間風格好特別嘅菜館 咁就拉埋屋企人黎試吓😙--先唔講菜品 佢個裝修就已經贏過好多餐廳😉 我地張檯隔離係一個古色古香嘅屏風 好睇之餘又提供咗私隱 另外想講餐具都好賞心悅目😝 --我地三個人嗌咗四樣嘢食 印象中全部都唔錯👌🏻 不過另外印象最深刻嘅就係牛雜🤘🏻 我覺得佢做得比好多麵店or牛雜店仲要出色 而且各種雜嘅比例好平均 唔會太多肚太少其他嘢 味道嚟講真係好入味🤩 應該係煮嘅時間夠長 所以口感同味道都無懈可擊🫶🏻--呢種小店想都生存係要靠大家多多支持🧐

🌟中華小館🌟地址: 灣仔駱克道128號地下及1樓兩個人隨意地走進這間中華小館，隨意地叫咗幾個看似不錯嘅餸。第一道係✨脆皮咕嚕肉✨，應該係每個中餐廳都會有嘅菜式吧，不過呢度算係做得比其他地方出色。炸衣非常薄且掛汁，所以酸甜嘅味道好濃重。另外配菜中嘅甜椒同菠蘿都入味，而且可以解膩。4.7/5第二道係✨尖椒炒烏雞✨，呢個就唔常見啦。烏雞嘅營養價值比普通雞肉更高，食起上嚟都比較嫩滑。調味惹味，辣味夠出，唔會太鹹。4.3/5最後嘅主食係✨羽衣金蘭雙蝦炒飯✨，雙蝦就真係雙蝦，不過入門仲有好多櫻花蝦所以蝦味都夠足。份量真係好大，我地兩個最後打包咗一半返屋企😂。4.5/5

一行人見到menu上面有好多其他地方好難見到嘅款，有啲surprise，不過為咗避免中伏，我地都係要咗啲大路嘢試下先。～～～～～蜜汁叉燒皇 $168 (另加一)數過好似有十幾舊，標準嘅色澤，標準嘅梅頭肉，標準嘅半肥瘦，無從挑剔。試埋味道更係驚喜，鹹同甜嘅比例啱啱好，仲要有好濃嘅豬肉味，爆燈推介。～～～～～惹味牛雜 $88 (另加一)呢個價錢真係好平，仲平過屋企樓下嘅粉麵鋪，不過分量更多，質素亦不錯。睇落食落都好乾淨，同埋頗入味，而且食得出沙茶味。真心不錯。～～～～～八味一口豆腐 $68 (另加一)外層嘅炸粉超級薄同脆，而入面就嫩滑到入口即化。食得出係現炸嘅，因為入面仲係熱辣辣嘅。調味都好好，食得出椒鹽香。

🌸本人好少食中菜 所以無法與其他餐廳比較食物質素🥹 不過！媽咪係中菜達人！佢唔單止經常食 仲要自己識做 咁今次我就負責寫低佢嘅感想啦😎🌸今日叫咩餸都係媽咪話事 我地叫咗蝦子柚皮 士多啤梨蝦球同尖椒炒烏雞 三個餸都好有特色 我個人就最鐘意酸甜嘅蝦球😍🌸媽咪同我講話 蝦子柚皮係道好費功夫嘅菜式 因為做嘅過程太過繁複 所以好多餐廳都唔再做 今次可以試到都好開心✨我覺得食落完全唔會有想象中柚皮苦澀嘅感覺 取而代之嘅就係蝦鮮味 唔知點做到嘅 不過又真係好味😉🌸估唔到媽咪呢個要求咁高嘅人都大讚呢間中菜館 好少見佢食得咁開心

今日向大家推介一間位於灣仔嘅中菜館-中華小館去過三次之後終於捨得寫食評啦😂😂😂前兩次我地嗌過叉燒 牛雜嗰啲 全部都無出錯 係招牌唔係招牌都好味 大家可以跟自己喜好叫👌🏻👌🏻👌🏻芥末鮮魷魚鬚我地上次都食咗 但係佢真係太清爽太刺激啦 所以我地今次都嗌咗 係幾日唔食就掛住嘅味道🤪🤪🤪今次試咗幾款新嘢 有桂花山藥 口水雞 尖椒炒烏雞 印象最深嘅都係嗰個尖椒炒烏雞 屋企人好鐘意食辣 我地一致認為呢個炒得超香超乾爽 烏雞肉質又唔會太鞋🤤🤤🤤好啦我地已經決定下個星期再嚟啦 希望有生之年可以食勻曬所有餸🙈🙈🙈

同媽咪兩個人中菜館約會🥰 今次係我揀嘅地方 食完之後我地母女👩🏻‍👧🏻都覺得不俗！👐🏻口水雞 $88-個盤唔算大 但係雞好似層層疊咁疊上去 所以其實分量比想象中更多😲 -雞肉嫩滑有雞味 加上辣油好重口味 我鐘意😌👐🏻芥末鮮魷魚鬚 $78 -魷魚夠彈牙 食落都新鮮 因為佢夠粗身所以好有肉感😜-調味偏清爽 加埋黃瓜絲好開胃😻👐🏻脆皮咕咾肉 $138-價錢唔算平 不過同質素成正比🙌🏻 肉塊偏大 瘦肉嘅比例偏多 所以唔會好似其他地方果啲咬咗一啖油咁 反而比較有嚼口😎-酸甜嘅肉塊非常可口 完全停唔到落嚟🤩👐🏻整體而言十分推薦 ❤️

從地鐵站出來不久，便能看到整條街燈火通明💡，但其中卻有一間格外不同，無論是裝修或風格或菜式都不一樣，別樹一幟😊，讓人一眼便被吸引。於是我們便走進了這家小飯館。現在想來果然一切都是緣分😇。一進餐廳便遇到了老闆的熱情招待🤗，老闆招呼我們坐下，便幫我們拿來菜單，我們不太能吃辣🥵，詢問他有何推介，他便告訴我們今天的脆皮燒腩仔格外好吃😋。最後我們點了脆皮燒腩仔，桂花山藥及雙椒溏心皮蛋，且老闆特意幫我們少辣。脆皮燒腩仔切成了一塊塊，一口大小🤏🏻，入口首先感受到硬脆的皮，然後是油脂爆發出來的香味🤤。加上秘製的芥末醬，既解膩又豐富，味道很是不錯。接著是桂花山藥。聞著就已經聞到桂花的清香🌸，吃進口更是感受到香甜的味道，跟爽口的山藥混合起來格外美味😍。最後還有雙椒溏心皮蛋。說實話，一開始因為怕辣所以有些忐忑😨，不過最後發現辣椒只是微微的辣味😮，作用在於引出皮蛋的濃郁氣味，喜歡皮蛋的我們都覺得不錯😚。緣分到了，自然能發現一家好餐廳。😎

🔆本日menu🔆🔆牛雜🔆蝦球🔆辣子雞🔆🔆牛雜🔆📌量大實惠 一大煲嘅牛雜 蘿蔔只係有淺淺一層 省低全部都係牛嘅不同部位 未到一百蚊就咁多算係好抵食📌味道香濃 汁嘅味道入曬去 唔會有太大內臟嘅腥味 證明洗得好乾淨同浸得好入味📌口感適中唔會煮到爛曬碎曬 仲係一舊舊不過好易咬🔆蝦球🔆📌味道新穎同一般嘅咕佬蝦球唔同 佢用士多啤梨做汁 會多咗一陣果香 既酸又甜 非常特別📌賣相精緻一個一個排列 加上係粉紅偏紅色 望落好夢幻好靚📌 不俗口感外衣唔會炸得太硬 而且厚度比較薄 所以食落啖啖肉 🔆辣子雞🔆📌味道正宗麻辣味唔係辣椒精嗰種死辣 而係真辣椒嘅香辣 加上麻味都夠重 所以調味好出色📌雞肉嫩滑雞肉粒嘅口感好好 雞肉汁水都多 完全唔會太過乾硬