中環茶記 (已結業)

人在中環，真係幾難搵到啲性價比高嘅餐廳。尤其係呢一條威靈頓街，啲河粉都賣到8,9蚊甚至打住食神旗號嘅索價過百蚊，叫我地呢啲升斗打工仔情何以堪？！終於出現左一間貼地，環境舒服，服務優質，價錢公道嘅中環茶記話哂都座落於中環貴價地段，餐廳招牌十分搶眼，裝修懷舊得黎又夠哂有型係非一般嘅茶記！再望望價錢，真係一啲都唔算貴，炒粉麵飯都非常齊全，唯獨係過左下午茶時段就無得叫西多士蝦多士，好可惜😢😢😢😢😢建議餐廳可以全日供應呢啲香港特色食品！！紅豆冰絕對唔惹少，大大杯，紅豆數量岩岩好！甜度絕對正常，奶望落好多但其實比例岩岩好呢杯野犀利喇，估佢唔到咁好飲，夏天黎飲呢個真係透心涼，每一啖都有mocha味嘅碎冰，加埋啲cream真係超邪惡個賣相又整得非常有心機，推薦！好肉絲炒麵係鐵板度上真係少食！今次係第一次！68蚊抵到爛，至比起一碗上市魚蛋粉有心機先啦係咪？麵底邊烤到好脆，中間啲麵就有啲係軟嘅，呢一種肉絲炒麵絕對係賣飛佛！肉絲仲要冇乜肥肉，所以好罕有地我可以清哂全碟！唔會過咸，唔會落得過多生粉，無乜味精，very good友人就叫左碟懷舊鐵扒，有豬扒同鰻魚。估你唔到成個板入面嘅所有野都堅好食薯條：外脆內軟

在中環搵食，路過發現有間新開茶餐廳，裝修比較特別，懷舊，就入去試下。坐底我就點左個常餐，雞扒配辛辣麵同牛油多士，再加凍檸茶，我個朋友就叫左星州炒米凍咖啡。我個雞扒係幾大件既，麵既味道由你自己落粉調較，個多士都好味。個星州炒米超大碟，係平時的茶餐廳兩倍size ,食唔晒要打包走呀，個凍咖啡就馬馬地啦。在中環呢個茶餐廳價錢禁大碟都不錯了，味道都不錯，又坐得舒服，侍應都ok啦，價錢比平民荼餐廳貴d啦，算合理，definitely will go again.

因為一些事情，我和老公去左中環！平時好少會去中環，印象中好像無同老公係中環食過野～ 因為中環一直比我感覺係「咩都貴過人」！ 但係Openrice 見到中環新開左間茶餐廳，睇其他人評價好似唔錯，又唔算貴，而且仲好有特色甘就走去試下！平時真係好少會影人地餐廳門口，但真次忍唔住影左我覺得門面好吸睛，中環茶記主打「懷舊」，但對我來說卻好新鮮！ 好有係電視睇返以前的茶記的感覺！再睇埋入面，感覺自己同老公坐左時光機返以前！講返野食先！我同老公好耐無食過鐵板排餐啦～一人叫左一個排餐！我叫左「烤豬排拼鰻魚」 $138 一黎到，嘩，條鰻魚都好大條下！絕對唔係cheap 野！ 再來豬扒都厚身，而且仲好juicy, 一點都唔dry! 好食！ 推介！之後我加$10 叫左杯懷舊雪兔！即係雜果賓治～杯野超靚！我呢d 港女又忍唔住要同杯野飲自拍！同埋杯野比我想像中好飲，甜度適中，又多生果食～ 而我老公就叫左 香煎美國牛扒拼三文魚扒 $168根據我老公的口供，牛扒煎得剛剛好，唔會太乾身！三文魚扒口感亦不錯～ 兩者都好味～ 而我老公就飲左薄荷朱古力～見到彩虹朱古力條真係好似返返細個果時～依家好耐係見過啦！ 杯野好重薄荷

位於中環既一間閃閃輝煌既門口 “中環茶記”中環有好多特色野 身為香港人既我都真係好小行！今日就約男朋友一齊去中環行下，去左呢間咁有特色既茶記食下野 。到時門口已經好靚 超閃既門口 就係馬路邊但位置唔近車站 我搭地鐡要行5-8分鐘左右 屋企人搭巴士要行遠D 10-15分鐘左右齊人入去啦~第一眼見到感覺似新裝飾既舊茶室咁 有好多特色舊野 例如:學生課室內風扇 80年代屋企地板 70年代冰室坐位 60年代舊茶記既掌櫃仲有三層高 我地上左二樓坐 人唔算多 位置好闊坐得好舒服餐牌選擇唔算多 店員好好人行黎推介我地食雜扒鐡板餐 份量好多 牛扒好薄 但雞多汁好滑 豬唔肥仲好淋 其他仲有司華力腸,煙力同雜菜冰飲加3蚊 冰檸茶唔會澀 叫左少甜 甜道岩岩好 又唔會太多冰我就想試沙嗲牛肉菠蘿包 賣相吸引 食落唔太夾 分開食好味D仲叫左個西冷牛扒3成熟 厚已不肥 多汁牛味重 大份可多人一齊分享特飲加10蚊 特濃朱古力咖啡 朱古力味比較少 咖啡唔會苦最後在叫多個皇牌焗豬扒飯 因為焗要時間 所以要等耐小小聽到叮一聲 送餐曹已經張野食送到黎二樓 店員唔洗上上落落就可以安全地送餐俾我地熱辣辣 岩岩焗起既焗豬扒飯終於到

今日黎左呢間懷舊餐廳，比心目中好好多。入內前，門面已經好有舊式餐廳嘅感覺，當然裝修是新派吧。入到去我叫左一個西冷牛扒同一杯薄荷朱古力，色香味皆有，值得一讚，真心推介。

今日同朋友喺中環行完街買完野，諗住一齊食埋晚飯先返去，但係喺中環行左好耐都搵唔到一間啱食嘅餐廳咁啱行過見到一間懷舊風嘅茶記，入邊嘅裝修都好懷舊睇到入邊嘅環境，好似返咗去細個同阿爸阿媽去茶餐廳食嘢咁，好懷念喺茶餐廳，我最鍾意就係食常餐，所以我叫咗呢個蕃茄薯仔肉碎湯配出前一丁，佢嘅湯都好足料，湯底酸酸地，下次可以試埋通粉常餐就梗係唔少得口多士同埋炒蛋啦，佢一炒蛋真係好滑好正去到茶記當然唔少得飲番一杯熱奶茶啦，茶味濃郁，正呀我朋友就比較鍾意試新野，所以佢叫咗呢個美國西冷牛扒配薯條，朋友話估唔到喺茶記食扒都可以咁正，啲薯條食極都係熱辣辣加埋呢杯整得咁靚嘅薄荷朱古力，我飲左一啖，薄荷味真係幾重喎，冇偷工減料最值得一提嘅就係呢個大過我隻手嘅冰火菠蘿包，點解會叫做冰火呢？我諗係因為送到黎嘅時候個菠蘿包熱辣辣，而佢中間嗰塊牛油又凍冰冰，所以感覺又冰又火，建議嚟到嘅時候大家即刻食仲未夠飽？我即刻叫多咗一個鹹牛肉炒蛋三文治，我細個嘅時候最鍾意食你到嘅時候好驚佢偷工減料，打開一睇，啲炒蛋同埋鹹牛肉真係幾多喎，抵讚跟餐點多咗一杯熱檸茶，呢啲懷舊嘅港式飲料真係飲極都飲唔厭最後我哋兩個人用二百幾蚊就賣咗單啦

茶餐廳嘅文化伴著我的成長，幾十年來食物始終如一，所以說奶茶☕咖啡🥪 西多士絕對係香港人嘅精神。紙皮石，鐵皮天花係兒時茶餐廳的印象， 「中環茶記」今日將之重新演繹，地下、二樓嘅冰室格局，懷舊卻絕不地踎，那些年的鸞鳳和鳴，綠寶橙汁實在經典👍👍👍白天嘅中環茶記，仿如白領飯堂，早餐、午餐、下午茶時段都高朋滿座，今天晚市來到，少了打工一族，吃著懷舊晚餐、好有花樣年華嘅感覺💕乾炒牛河🤪去茶記食乾炒牛河是常識吧，牛肉入口腍滑，洋蔥、韮王、銀芽夠曬穫氣，醬油調味合度，若然顏色較深一點點，絕對係101分🤪鐵板牛扒配三文魚扒圓形鐵板好久不見，大大塊牛扒，淋上滿滿嘅黑椒汁，最愛鐵板嘅吱吱聲，拎張餐巾「避彈」尼一下真係好正。的而且確，港式牛扒就是「重汁不重量」，呢度嘅牛扒夠淋，黑椒汁又惹味、坑紋薯條外脆內軟，懷舊牛扒就係要呢啲👍👍👍同場加插香煎三文魚扒，厚度足有兩寸高，微焦外層金黃香脆，配合黑椒汁同樣味美👍👍👍去茶記點少得歷久常新嘅紅豆冰，超多紅豆，粒粒軟綿綿，撞入白滑花奶，好飲又好食😋😋😋龍鳳檸樂又係冰室之選，食飽飽喝一口，香港人嘛，就是愛茶記👑👑👑

This new Hong Kong Cha Chan Teng is just around of the corner of Tsui Wah. It has a very Hong Kong old school deco with a bright entrance.Wok Hei is the cornerstone of Cantonese cooking and this new restaurant in Central just nailed it! Out of all the dishes we ordered, our favourite was the Dry Beef Hor Fun (乾炒牛河) - Smoky, slightly charred, 'wok hei' flavoured hor fun with tender beef, and crunch from the bean sprouts.The sizzling plate with Pork Chop and Eel was amazing too! Half of the sizzli

懷舊香港風茶餐廳********************今日係星期日去完中環個AIA玩之後就行落去另一邊搵嘢食啦.見到威靈頓街新開嘅中環茶記外觀幾特別就入咗去試下啦,餐廳喺裝修上面都花咗唔少心思,可能係因為位於中環,想畀一啲外國嘅朋友見到香港以前嘅懷舊特色😂😂我哋兩個人嗌咗兩個扒餐,一個係 香煎美國牛扒配三文魚扒，牛扒配黑椒汁七成熟鐵板上，牛嘅肉汁都幾豐富，油脂比例都啱啱好容易入口， 而且呢塊牛扒火候精準，冇煎得過火，都幾嫩口而且冇筋肉嘅 三文魚扒煎得好香脆可口，個人覺得呢個主菜其實應該係三文魚扒做主角😂😂 另一個就係雜扒餐，由於小妹咩扒都想試下食，所以就叫咗呢個雜扒啦， 雜扒入面有豬扒雞扒同埋牛扒，我最鍾意嘅就係豬扒， 豬扒切落去嘅時候係好嫩滑呀，而且食落口一啲都唔會覺得好硬。雞扒就不過不失啦， 塊牛扒其實就同 上面嗰個美國牛扒係一樣嘅，不過煮嘅方法就唔同佢呢一個就冇咁重料？😊😊兩個扒餐都配搭薯條，薯條夠曬粗，好脆口仲有西蘭花豆角紅蘿蔔做薯菜好豐富呀。店員上菜嘅時候，仲會貼心問你一句要唔要茄汁，你要嘅話佢哋就會另外用個兜仔藏畀你冰室食嘢就一定要飲下啲懷舊野懷舊奶茶，見到個顏色 ，忍唔

係中環行行下街，見到呢間充滿懷舊嘅茶餐廳，價格合理就入咗去食。入面真係有好多懷舊裝修，見到啲枱、櫈、牆壁等都充電心思，好鐘意呢度既牆同地板，愈黎愈少餐廳有。好多女仔都對茶餐廳印象麻麻，係因為覺得服務差又噪。但依家可能要改觀啦，呢間餐廳服務都唔錯，有幾層，係2樓坐完全係可以同朋友傾計，餐碟環境都好乾淨，同朋友過黎食嘢吹水都好好。係中環呢個貴價地段，呢間餐廳價錢好平民。 美國牛扒拼三文魚扒 $168所有鐵板餐可配蒜蓉、黑椒及燒汁。我哋就揀咗黑椒汁，香辣入味。覺得呢個火候精準，沒有煎得過火，牛扒大約七成熟，牛扒嫩口，沒有筋肉，牛味濃郁。而三文魚扒大舊，煎得香口，魚肉鮮甜。咖喱吉列豬扒蔥油餅 $68吉列豬扒炸得好酥脆，出面嘅皮真係食得脆卜卜，而入面豬扒仲保持肉汁，唔會太乾，鮮嫩多汁。咖喱好有椰香，香味濃郁，唔會太辣而保持味道，點上蔥油餅，好正，吸哂啲咖喱味。油菜 $18懷舊雪兔 $26睇個造型就知道幾懷舊，有唔同顏色既棉花糖。加上入面有菠蘿，飲落酸酸甜甜。依家係茶餐廳都好少見。薄荷朱古力 $30見到個顏色，真係忍唔住唸起童年，朱古力味較濃。

Happy Friday night 🌃 落蘭桂坊飲野前都要食小小野先，見到威靈頓街新開既中環茶記就叫埋fd黎試下，淨係睇裝潢都知道餐廳花了很多心思地磚、窗框、 枱櫈、餐具餐具、枱凳等……每個細節位都充滿濃郁既懷舊香港風情特色餐廳香煎美國牛扒拼三文魚扒$168牛扒配黑椒汁7成熟鐘板上，咬落肉汁豐富，油脂比例岩岩好三文魚扒好香，口感剛剛好薯條夠哂粗，非常脆口仲有西蘭花，豆角，紅蘿白做薯菜超豐富烤豬扒拌鰻魚$138鰻魚非常肥美又大條，肉質充滿彈性，保留了完美既鰻魚香豬扒肉好嫩，連骨既位最滋味咖哩吉列豬扒伴蔥油餅$68吉列豬扒炸得好酥脆，加上咖哩汁好惹味夾埋蔥油餅食，大滿足❣️

友人這天帶我來這間新開的茶餐廳吃午餐！裝潢是懷舊的風格，而座位也算寬敝呢！在中環50-60元的午市套餐還算是挺划算的，我就決定試試這個忌廉汁吞拿魚繪扁意粉！賣相雖然不是特別出眾，但忌廉汁和吞拿魚配合的味道很不錯，而且醬汁和意粉的份量亦不少。醬汁的稀稠程度和意粉的煙韌程度控制的不錯。友人點了個常餐－蕃茄薯仔肉碎湯米粉配炒蛋厚多士，而我當然借機嚐幾口啦！蕃茄薯仔肉碎湯的味道剛剛好，不會太甜太酸，而且肉碎和薯仔也很多。炒蛋呈淡黃色和水嫩嫩的狀態，比想像中有更多蛋味，而且質感挺滑溜。 厚多士雖然沒有非常厚，但被烘的很香脆，再沾滿了牛油，邪惡又美味！兩個餐都包括了飲品。看到餐廳有凍熱檸蜜提供，我們都立刻決定好了，哈哈！整體性價比還不錯，下次會再回頭的！

中環茶記佢系一間有特式嘅茶餐廳 系一間中高價嘅茶餐廳 佢個瑞士汁撈公仔除左有瑞士汁之外仲有炸蒜嫁👍🏼👍🏼👍🏼 佢個菠蘿油系非常之熱 層皮都好脆 不過舊牛油細左啲 如果系鐘意去懷舊冰室打卡嘅朋友不妨試下

尋日搭的士經過威靈頓街見到大大個招牌寫住"中環茶記", 餐室內又好明亮非常吸睛, 所以今日就決定去試下試!茶記入面每張枱既擺放不錯, 有別於平時茶記放到密質質, 樓底亦夠高, 整體空間感好好。時日我點了下午茶餐的西多士跟熱鴛鴦, 只係$28中環唻講好平~ 西多士炸得不錯, 不會很油淋淋, 入面填滿有粒粒既花生醬, 喜歡花生醬的朋友一定會滿足! 唯一唔好既地方係佢地用散裝糖醬而不是一瓶瓶可以refill的, 感覺很不環保.......至於杯熱鴛鴦, 入口夠滑, 茶亦夠香, 只略嫌不夠啡, 如果茶啡比例調整一下會更好!