中村藤吉 (已結業)

相信要數近期的熱點非中村藤吉莫屬。抹茶本來就是2015的大熱食品，再加上是來自日本京都，吸引大家去潮聖也不無道理。今天，與媽媽一起來潮拜一下。媽媽年紀漸大，愈來愈珍惜與她相處的機會。她今天也提到，比起同年的朋友，她似乎較精靈。朋友多數只留在家或工作地點，什少外出。相反，我時時與媽媽外出，亦與她討論時下的潮流，讓她多與外面接觸。在外用餐，只要細心一看，就留意到食客多與朋友或另一半用餐，什少與父母結伴。年紀愈大，愈不願意主動接觸新事物。我希望為父母生活帶來新鮮感，因此，愛帶他們外出什至旅遊。碰巧今天下午到尖沙咀看醫生，便提議先到中村藤吉拿籌號。我們1點拿到籌號後便去別處享用午餐。接著去看醫生，看完已是4點30分，剛輪到我們。如果看完醫生仍未輪到我們，便打算放棄，實在沒有耐心乾等呢。看來今天的運氣不錯。雖然要等候，但店方確實聰明細心，大家可用QR code查詢輪號，方便食客之餘，又可避免大量人客在外輪候。中村藤吉與大部份日本的餐廳一樣，追求環境質素。餐廳內確實可擺放更多的食桌，但店方並沒有這樣做，反而擺放了佔了很多空間的茶道榻榻米。而且食桌間也留有適量的空間。加上特高的樓底，店內的空間感十足

由話開到真係開左，都好想食。但又唔想同人迫，諗住拖多排，人潮應該會退DD。點知又低估左HK人排隊既耐性。 對鹹點無咩興趣，單叫甜品。揀咗個抹茶軟雪糕。雪糕奶味同抹茶味好夾，唔會互相搶過對方，好滑好幼嫩。丸子有D硬，唔夠煙UN。配埋個紅豆蓉真係好正，因此紅豆起晒沙，好甜!

应该是第一个留下试吃体验的大陆食客了  11：00开市  因为是周六  以防万一起了大早9：00便到The One UG2电梯大堂中村家排队的位置竟然已经有人在了排到3号  10：00就50+人的长队  10：30派飞  拿到卡片后被店员带到18层  狭长的走廊尽头便是中村藤吉的十字图案布帘  门口继续等一会儿  第一批食客可以进了  卡片换排号小票  有座位等  再之后  才终于得以进入店铺  排号靠前  被安排在靠窗位置  可以看过去港岛繁复的等待过程是为了难得的美食  心情很平静  一整个早上的疲惫在见到朴素而富质感的抹茶作物后一扫而空  找不到什么语言描述  看图就好  160年的坚持  换来宇治抹茶之神的名头  抹茶者  中村藤吉也

記得食個日係開張第一日，十一點幾上到去已經人頭湧湧，每張枱仲限住坐九十分鐘，所以都知道一定要等返二個鐘先有位架啦。等啊等啊等，最後要成二點幾先入到去+_+。甘辛苦入到黎，早餐又未食，梗係叫盡佢啦！點知睇到其實啲野食都幾貴，所以最後叫左兩樣野算啦。首先要講下個set，有腐皮綠茶拉麵加綠茶啫哩。拉麵就無影相，因為麻麻，所以只係影左甜品。對於綠茶愛好者黎講，覺得小小一杯啫哩已經好好味，加埋上面配個粒白玉，口感好特別！chur完一輪之後我地就轉攻甜品，芭菲！其實係我第一次食芭菲，好大杯，二人食剛剛好。入面既雪糕明明放左好耐都唔溶喎，好神奇！入面仲有好多配料tim，有白玉米通栗子等等，總之正啦！食完之後仲同場加映日本人教泡茶！👏好特別啊，有機會一定要再黎食！

期待去中村藤吉已久，今日終於下定決心去排隊，選擇星期六去就預咗要排長龍架啦，十點鐘左右去到商場UG2，姐係排隊搭電梯嘅果層，果然好多人，不過職員會係呢度派定少量籌先，等到上到去會再係11點派QR code飛仔。如果冇係UG2果層攞到籌，就要上到去店舖門口排隊等到十一點，等排哂飛仔俾攞到籌嘅人先有飛派。十點鐘左右去到攞到三十幾號嘅籌，係附近行下，大約一點就可以入到去了！！！☺店內環境舒適，不會安排太過多的桌椅令人覺得侷促，每枱都會有一壺茶提供，茶壺造型古樸亦很有份量，要小心輕放呢～叫咗個抹茶烏冬冷麵定食，抹茶麵條很清爽，旁邊附有咸咸的漬物正好配就着灑了芝麻和紫菜的珍珠飯，加上一人份的丸子紅豆抹茶啫喱剛好是女生不會浪費的份量。👍👍另外還叫了個抹茶芭菲，內有抹茶蛋糕、啫喱和同埋雪糕，仲有紅豆、丸子、脆米。內容豐富，抹茶味特出，不會太甜。總括黎講中村藤吉是值得一去的店舖，抹茶迷必去哦。😉

抹茶芳香，總是誘人！KsMeow終於來到中村藤吉香港店朝聖，品嚐她家一道道宇治甜點，讓味蕾再次重拾京都甜蜜感覺！．．．KsMeow本想入手抹茶蛋糕給早肥先生，奈何已被掃清了！香港店位於尖沙咀The One 18樓，餐廳裝潢頗像京都駅店，樓底頗高，座位間距相當闊落，大量自然光透入店內，令我倍感輕鬆，細味高質抹茶甜點，環境也很重要呢！．．．綠茶粉與蕎麥幻化出「冷抹茶蕎麥麵」其口感煙韌，配冰凍鮮味的麵汁、即磨的山葵及蔥花同吃，完全的京都風味！另附漬物，質感爽脆帶鹹，增強整體層次，吃著冰涼麵條，頓感涼快！跟炎熱天氣，形成強烈對比！！！．．．「熱腐皮烏冬」烏冬質感滑溜順口，不失嚼勁！內里還包括爽口的大蔥及軟熟不油膩的甜腐皮，可說是清而不寡的一道主食！．．．主食過後，進入KsMeow最期待的甜品環節！用上典雅白碗子盛著的「抹茶生茶啫喱」讓人更感清涼，生茶啫喱每天從京都宇治空運抵港，質感QQ，入口嫩滑具茶香，吃畢，餘韻盡是甘而不澀的抹茶芳香！配上冰凍具微微奶香的抹茶雪糕、彈牙的白玉丸子及甜糯的紅豆蓉同吃，味蕾超滿足呢！．．．曾在當地吃過她家的抹茶芭菲，今次，則選擇焙茶口味的「焙茶丸十芭菲」面層是香滑

因為剛好這個星期六長週要上班所以12點一放工就去中村取票～大約1點取飛已經270號之後很好地因為有電話網上查票所以就跟朋友去了其他地方～但票下面寫如果7:15票還未叫到就會自動取消～因為last order 而店是很早關的我和友人等了6小時多，幸好7:10左右叫到我地的票，等的期間發現很多人不知要一早取票和我地估計每日只發300票(因為店員話今天是大約1點左右派完所有票)入座先給我們一壼茶～茶壺好令～但很重手又有不同colour但去到只有甜品叫～麵食已賣完反正朋友對麵食不大興趣我地2人點左3個甜品～晚餐都沒有吃～但已經好飽!1.蛋糕系店內都幾好賣，好彩堂食還有很重茶味，雪糕也算滑口2.我比較對入面的啫喱有興趣，因為其他東西系蛋糕都有3.綠茶紅豆甜湯，綠茶比較重味澀口，但配炸菜很特別～應該不是每人可以接受環境真的舒服，枱不多，五會迫，加上系the one 甘高望海望住香港高樓密密的夜景～正!

一早做左功課,知道11:00開既佢,如果真係11:00先去,就要等到中午後,什至下午先食到,所以急急忙忙朝早9:00左右就到左,上18樓既LIFT都未開,原來要先響下面中座到排隊先,唔知排邊度可以問服務台,9點半左右其實先開始有人跟我尾,但接近10點後開始,後面就好多人喇原來10:30就會有中村員工落黎派號碼籌,好好排隊,準備好水之類耐心等下啦,派完無耐終於開LIFT比你上去LU,上到去要再響門口排,響10"45-11:00既時間,佢會隔一陣就整D花臣比你,等你一步一步咁接近佢間餐廳,越來越期待同興奮,同時都有D野打發時間,呢個節奏,掌控得唔錯。 首先,會有員工幫你登記人數,隔一陣話個今日既JELLY($88?)限量幾多份,逐一幫你登記,比一張紙你,再隔一陣就會請一部分既客人終於可以推開簾入去坐,隔一陣就派建議你點食唔同美食既食法紙比你,到差唔多11點,就將張號碼紙比佢,再按電腦幾位,拎住張電腦飛,就準備可以入去喇~入先既會安排你坐窗邊有景睇既位先,之後係右手邊好日本風既位置,最後係中間大木台,一坐低就有好貼心既員工過黎同你講,提番你個茶壺較重同熱,要小心,(比個讚!)再遞上MEUN

第一次這麼早便到尖沙咀, 中村還未開門就到the one 排隊. 等了這麼久, 終於可以入座了.點了3款甜品, 當中本人覺得最正就是抹茶啫喱了~ 雪糕略為甜了一點, 若果可以多一點抹茶味就更好了. 另外值得一提就是紅豆蓉, 有濃郁的紅豆味, 甜味是預期之內. 雖然享受的時間真少, 但感覺十分滿足. 

京都百年老店中村滕吉，海外首間分店落戶於香港，身為綠茶控的我，怎能錯過，急不及待，立即去品嚐。當天早上約10:40到達， 門外已有一條等候的人龍。已有心理準備先取票，午餐後回來才可入坐。但幸運地， 輪候號碼是19，店員告知第一輪已可入座， 興奮不已。步入店內，抹茶的香氣彌漫著整間店，還以為自己身在京都，但遠眺窗外美麗維港景色，才想起以後不用到京都，已可在香港品嚐這出色的抹茶，真是太幸福了。抹茶大褔紅豆湯， 香港限定版，香甜的紅豆與濃厚的抹茶煮開，再配上煙韌大褔，呷一口濃濃甘香的綠茶湯，香濃幼滑，三者絕對是最佳組合 。腐皮抹茶烏冬定食，烏冬比較幼身彈牙，帶有香濃的抹茶味道，還滲出淡淡的小麥香，腐皮帶點甜口， 配著香蔥，口味清新，很適合在這悶熱的天氣吃。定食附上白飯，灑滿海苔，配著漬物，簡單樸實美味。但有一點可惜的是，定食的抹茶啫喱，由於當天飛機延誤，所以由抹茶雪糕代替，大感失望。京之精選，一次過可嚐到多款人氣甜點。由焙茶蛋糕、抹茶蛋糕、紅荳蓉、粟子、忌廉及白玉丸子組合而成 ，值得推介。焙茶及抹茶蛋糕入口幼滑軟綿，滲出淡淡茶香，與紅荳蓉、抹茶雪糕一口吃下，實在是不能錯過的甜點。丸十芭菲，

來自京都的中村藤吉終於在港開張，身為綠茶迷的我當然要立即去朝聖一下。我大約下午3點左右到達，取了241號籌，問一問前台小姐現時進道，發現只嗌到97號籌??!一場來到，我和友人都決定等一等，一等便是4小時，我們在大約晚上7點入坐，限時1.5小時，由下午茶變了晚餐。值得一提的是，在等位的過程中，職員有時會捧出一杯杯焙茶安慰焦躁的客人，茶十分香，喝下去有一陣甘味，十分不錯。茶芥 $10/1茶具十分精美，感覺很有詩意。綠茶味道一般，不如免費的焙茶好喝，但可以無限續杯，和朋友邊聊天邊喝也不錯。腐皮蕎麥麵 $78市面較少見的綠茶蕎麥麵，來到當然要一試。來到後，卻大失所望。綠茶蕎麥麵沒有綠茶味，與一般蕎麥麵無異。腐皮偏甜，與喊味湯底不夾。反而最好吃的是作為配菜的酸瓜，酸酸辣辣令人胃口大開。抹茶啫喱 $88本身想試焙茶啫喱，但已經售罄了。啫喱十分多，但味道一般，抹茶味並不突出。抹茶雪糕就十分美味，微甜中帶有香濃的抹茶味。但吃多了會覺得膩。抹茶餡餅 $98感覺上與抹茶啫喱差不多，只是多了點雜果和兩塊餅，所以吃完感覺十分膩。總括來說，味道不錯，可以一試，但要排4小時的隊就不值得了

中村藤吉一路都係宇治好出名既綠茶，仍聽聞有唔食綠茶既朋友食完之後愛上左綠茶！上次去到宇治想試，點知未開😭今日終於係香港開喇！排幾耐都梗係要黎試！今日點左兩樣野1）綠茶喬麥麵喬麥麵無咩綠茶味。同普遍喬麥麵差唔多，有啲失望😭2）丸十芭菲芭菲同食個麵一樣咁飽！芭菲先有淡忌廉鋪面，望落好多好厚咁，其實得小小咖咋！入面有綠茶蛋糕，丸子，紅豆，中間仲收埋左好好味既綠茶雪糕，仲有一粒莓，最底仲有層綠茶。不得了，差唔多可以試晒咁多款中村藤吉綠茶產品！中村藤吉既綠茶真係好香，帶小小甘既味道！不得不提一下，台既焙茶，真係非常香，非常好飲！

從4月中得知中村藤吉會在香港開分店，當時已期待能在開張初期有機會前往，目睹其風采。最後決定於17/5早上一早前往。環境：由於位處於18樓，居高臨下，四周的景色一覽無遺，十分愜意。加上兩邊為落地玻璃，採光一流，令室內更加明亮。食物：中村藤吉以抹茶為主打，備有多款抹茶美食、甜食和鹹食都有，任君選擇。今次因為是獨自前往，便只試了兩款而已。每日限量發售。當日限量10份。在進入店內，開始派籌之前，店員會逐一詢問客人是否想要這道甜點。的口感有點像黃豆粉糯米糍，但上邊鋪滿的是抹茶粉，茶味濃郁。旁邊所附送的是黑蜜和抹茶蜜，用來蘸著吃。相當吸引的甜點。可以一次過試到綠茶、烘茶兩種口味的雪芳蛋糕。蛋糕口感鬆軟，十分好吃，感覺烘茶比綠茶的更勝一籌。一邊的忌廉奶味很濃，聽說是用北海道牛奶製成，果然不錯。服務：中村藤吉是典型日式老字號，在服務方面非常週到。店員都面帶笑容，舉止有禮，很能令人放心和留下好印象。

晌京都既「中村藤吉」係有百年歷史既日本京都老字號抹茶店，專門提供超高級綠茶同埋甜品，每日都有大量人去排隊，家妹正正係晌尋日去咗京都朝聖，我就今日晌香港朝聖，哈哈！中村藤吉第一間晌海外既分店就揀左晌香港開，實在係香港人既口福！中村開舖第二日，我地朝早9點半已經去咗排隊，但由於電梯仲未開，所以就要晌UG2樓層既升降機大堂排隊。到左開店時間11點，職員會按順序向客人發放輪候號碼。由於我地之前已經有唔少人晌度等緊，我地係30號飛。食唔到第一輪（佢地48個位），但都應該可以晌第二輪入座，最後我地等到12:30左右先入到。香港店既裝修非常日式，聽講食材每天都會由京都直送香港。店內有茶道教室同埋紀念品店，後者每日都會有抹茶蛋糕賣，但賣曬就無。另外，香港店都有頂級初摘綠茶賣，每天限量供應5杯，每杯售$198，真係唔平，未係我呢種小薯試的東西。我地點咗兩款野，包括係焙茶啫喱同埋鎮店之寶抹茶芭菲。前者係焙茶雪糕、焙茶啫喱、紅豆、白丸玉子。後者由忌廉、綠茶蛋糕、紅豆蓉、玄米米通、白玉丸子、綠茶果凍等等組成、底部仲有綠茶雪糕。另外，玉露茶每位收費$10，個茶幾香，但未算最好。個茶壺極重，同其他器皿一樣由京都運

很有名氣既抹茶店喺香港開分店，即刻請假喺平日泥試。10:30去到已煙手韌經排第12個，試唔到當日限定10份既蕨餅。最終揀左抹茶啫喱同焙茶丸十芭菲。抹茶啫喱既主角啫喱質感幾好但抹茶味好淡，丸子煙韌，紅豆甜度適中。芭菲唔似好多鋪頭咁一大埋忌廉喺裡面，炒米真的好香好香，但係呢杯既紅豆好甜!!兩款食物既紅豆唔同的? 同埋我好好彩咁食到粒完全未熟(唔係中間少少)既丸子。。。(╥ω╥`) 整體泥講，係好食但未去到雜誌講到咁“神”囉。。。