中央飯店

营业中

休息中

一間開業近60年歷史的老字號茶樓，食客大多是老人家或附近街坊，室內裝修還保留當年老一輩的香港風味，現在真係買少見少了！相對出面酒樓的價錢，這𥚃顯得更加親民；食物水準中規中矩，如不要求什麼擺盆，其實一點也不差。叫咗四個菜及一窩湯，除咗湯差啲之外，小菜各有特色，尤其喜歡梅菜扣肉，雖然外貌不大吸引，但豬肉肥瘦相間，梅菜惹味非常，送飯更是一流。想回味一下「香港舊日的足跡」，這裡是一個幾不錯的地方。#香酥荔蓉鴨#白果腐竹豬肚湯#梅菜扣肉#紫蘿炒雞片#油泡生魚球#紅豆沙#不收切餅費#中央飯店地址: 深水埗大埔道140號東廬大廈地下電話: 27776888

就係老闆一句8個人可以預訂燉湯就促成了是晚飯局，預訂了金銀菜燉豬肺湯、八寶鴨及大西米布甸，另外仲叫咗了腰肝卷、炸大腸、香酥荔蓉鴨、大良炒鮮奶、煎炆豆腐、梅菜扣肉、欖角蒸魚雲、海鮮雜菜煲同蜆肉蒸肉餅。金銀菜燉豬肺湯只看湯渣就知道非常足料，8人每人飲到3至4碗(酒樓湯碗)，消甜好味，豬肺的數量亦算多，豬肺、雞腳及瘦肉吸晒菜乾的香味，推介。八寶鴨嘅鴨偏瘦，肉質亦較結實，釀喺鴨殼入面嘅食材唔會煮得太淋，醬汁味道適中，不會太鹹。腰肝卷味道很好，豬腰豬潤碎作餡料與卷皮很夾，雖是油炸食品卻又不太油膩。梅菜扣肉d梅菜夠香，d扣肉肥瘦適中，我鐘意佢唔會太大碟，始終呢啲罪惡嘢每人食少少就心滿意足。炸大腸炸得夠乾身，又係細細碟，非常好，年紀大真係quota有限，呢啲嘢就算好食都係淺嚐好d。欖角蒸魚雲最正係d欖角，唔鹹，好食，不過魚雲就普通，唔夠肥美。煎炆豆腐比想像中好食，d豆腐都算香豆味，汁又唔會太多。海鮮雜菜煲又係好好食，可能本身對佢完全冇期望，d菜好新鮮同埋個湯都好味。蜆肉蒸肉餅就係肉餅有d潮式蜆仔嘅味，平時土魷蒸肉餅食得多，今次試吓蜆肉味嘅肉餅。香酥荔蓉鴨好彩叫咗，因為真係好正。因為本身已經有八寶鴨，

平時去搵屋企人飲茶，間唔中都會去中央飯店同佢地食。一見到出面就知道間酒樓好有歷史啦，星期六去都唔係太多人，可能真係太隱蔽。搵位坐低咗之後，發現張枱係冇點心紙，即係得阿姐喺樓面推住架車喺度嗌。好多酒樓都冇嘅燒腩卷，呢度就有，而且味道唔錯。另外佢嘅鳳爪調味都幾好，令人齒頰留香。不過嗌肉片泰式炒麵，啲肉片就太老，同有陣味。但有啲餸真係得呢啲舊式酒樓先整得出呢啲味道。希望平日呢間酒樓會有多啲人去啦，因為星期六係全日統一價錢。而平日有早點同下午茶。

一入門口就知道呢間係經營超多年嘅老店，裝修夥計味道都好懷舊，正合心意。五個人四餸一湯，包括鹽焗雞半隻、炸大腸拼腰肝卷、枝竹炆斑頭腩、梅菜扣肉及胡椒豬肚湯，另外叫咗一碗白飯兩罐汽水先至係$678，真係價廉物美。鹽焗雞半隻都算大份，雞肉夠香夠嫩。梅菜扣肉我話就話邪惡，不過呢間舖頭嘅扣肉偏瘦，雖然都係脂肪同瘦肉一層一層咁隔開，不過脂肪比例明顯低，食得健康啲都係好嘅。腰肝卷係幾樣之中最好食，豬腰豬肝同蔬菜切絲然後包住炸，味道同口感都唔錯，點少少醋就冇咁油膩。炸大腸都唔錯，揸得夠乾身，可以做雙拼都真係好開心，因為可以食多啲款式。枝竹斑頭腩個份量都幾大，斑頭腩肉都算多，記得喺出面其他地方食過，都差唔多嘅價錢但係份量就少好多。啲支竹吸咗斑頭腩嘅魚汁特別好味。個胡椒豬肚湯又係一絕，胡椒味剛剛好唔會太搶喉，豬肚洗得乾淨冇豬羶味，個湯煲得好靚，係超值選擇。呢碗綠豆沙雖然係送嘅，不過一D都唔失禮。

隨著年齡增長，越來越喜歡光顧一些懷舊老店，是珍惜還是老餅？誰也不知道。唯一知道的是這家老店的茶市還有點心車。喜歡點心車是因為你可以擁有期待，此車沒有你的喜愛，還有下一車，不像點心紙般坦蕩蕩的讓你隨意剔隨意揀。先來五個點心，分別有鴨腳扎、山竹牛肉、魚肚燒賣、雞絲粉卷及鮮竹卷。魚肚燒賣像是比較冷門，外面亦不多地方吃得到；山竹牛肉味道不錯，真的有牛肉味；雞絲粉卷有點失望，因為味道不像從前吃到的味道，而且粉卷的皮較厚，餡料亦不是切得很仔細；鴨腳扎中規中矩，裡面的芋頭很好味；鮮竹卷的味道也不錯。之後再點了蝦餃和鮮蝦粉果，兩款點心都不錯，尤其是蝦餃，味道比得上外邊的大酒樓水準，而鮮蝦粉果的餡料也做得不錯，值得一試。最後來一個鳳爪排骨飯，鳳爪和排骨的質素也很不錯，鳳爪算是肥美。

推住車仔賣點心，仲要自己企係檯旁搵位都無乜邊幾間啦！今次就去一間街坊酒樓，係於石峽尾既中央飯店。一去到門口，就會比大門前紅卜卜既光管大招牌吸引住。我印象舊式酒樓，總會有人吐痰去痰盂。但清潔程度比我想像中好。而推車仔既姐姐好like，成日好都開心咁，賣左個點心，就不停多謝多謝。而想食好野就要自己主動行去廚房附近攞野食囉，因為好多好野都未放落車仔賣，就已經賣哂！例如：西米布甸，煲仔飯等。今次食咗d平時去飲茶既點心，始終有舊式味道。不過呢類舊式酒樓，有時候就要自己招呼自己啦，沖水想快就自己黎，想要辣椒油就自己行去攞會比較快。😅總括黎講，我比較喜歡舊式酒樓。

因為住得近所以諗住嚟食晚餐。點知金菇粉絲肥牛肉煲內有報紙，瑤柱蛋白炒飯內有魚骨。完全係劣食之中嘅劣食。店員態度亦麻麻哋，得知食物有問題後冇道歉。極差的進食體驗。

舊地重遊 -「石硤尾」一間仲有推點心車嘅酒樓，應該有成廿幾年冇去過，以前細個就成日去飲茶，…… 原本諗住重溫一下佢個「西米焗布甸」同「灌湯餃」，點知阿姐話焗布甸要11:00am後先有，唯有下次先再試😊 而灌湯餃就已經消失咗喺點心紙好耐喇！牛肉腸+鳳爪+咸水角連茶錢加一合共六十四蚊，味道唔好期望太高，合格而已，不過啲點心算大件。環境就唔會好乾淨，但嚟得都預咗。反而我覺得服務唔錯喎，街坊生意，阿姐見我生客，都有主動推介幾款點心俾我😊

五月前後來過兩次, 一次食晚餐另一次食午餐飲茶。兩次一齊寫食評, 先講晚餐30/April, 叫咗一個四喜拼盤。呢個拼盤size 的確好大足夠6至8人份量。但我們只得四個人。所以再叫一個中式牛柳& 蝦醬炒通菜已經好足夠了, 中式牛柳同通菜味道傳統, 蝦醬可能因為配合現代人口味稍稍淡味不過都ok啦. 要講講的反而係呢個四喜昇拼, 除咗size夠大之外因為全部都係油炸食物, 其實應該塔起碼有6人或以上先好叫, 食要求有速度因為食物在冷氣房間會好快降溫, 其中炸大腸同魷魚係最好食, 跟住係炸豬扒不過呢d巴西豬扒一般較瘦, 同”元朗冰室” 嗰d唔可以比較, 另一個炸豬雜就相當之因人而異, 始終係內臟料理.而另一次飲茶則只能說一般吧, 始終點心係預先整好的, 包會有倒汗水, 腸粉皮係細路哥那時食的厚皮口感,  味道係同幾十年前吃的一樣, 叫埋”乾炒油河”結尾, 當日飲茶唯一最好食嘅就係呢碟"乾炒牛河"無可否認嘅係呢度食飯無論日與晚都係好經濟。好啱屋企唔開飯嘅街坊嚟

#舊式酒樓 #自己搵位 #同人搭枱 #推車仔叫賣點心 #無點心紙寫 公眾假期滿座，好在唔洗排隊等要等點心車經過，叫停職員先點到菜有蒸魚套餐，有湯有飯，魚幾好食嗌蒸魚餐要同樓面職員落單，推車的職員落唔到單3點後就無點心 ，唔好摸門釘春卷，咸水角係凍既，唔熱🙃排骨腸粉係上下一堆排骨，下面一堆腸粉，唔係腸粉包排骨，腸粉蒸得好透，一夾就散豬骨粥多到就滿瀉，但味就有d淡，得好淡咸味，無咩豬骨同菜乾味🤨叫點心時，職員好熱情，係咁講多謝哂點心賣晒時又會耐心解釋 今次食中午12點幾煎腸粉同西米布甸已經賣晒同行覺得食物好普通，連鎖好食好多，我就覺得正常，都係咁上下，唔覺連鎖既好食d

同兩個朋友相約飯聚而這店是小學時每天都經過嘅地點。講的是80年代頭, 那時從沒入過去, 幾十年後嘅今日來到。門口依然係一樣, 同當年腦海中記憶沒大分別。餐牌係一本深褐色膠皮做的幾頁紙。而推介的菜式則是貼在牆上的精美過膠印刷品。值得推介的有炸大腸, 炸得乾脆而且腸壁沒有半點肥羔。沒有肥羔這點應該是供應商的功勞,深橙紅色的色準相當高。現在很多店做呢個菜嘅顏色相當参次。瑤柱馬蹄蒸肉餅也相當有水準。蜜餞合桃黑椒牛仔粒, 炸合桃本身就特別討人歡心。而牛肉不是粒是一件件的更有本地風味。東江雞半隻份量十足, 同上次在九龍灣那間什麼名廚開的圍村菜份量比是天與地呵。同樣半只雞。大概那只是春雞吧！不過來這裡要注意的是佢地可能比一般店早打烊，9點半左右已經見員工有動靜開始密密收碟。明白嘅，作為員工想盡可能早點回家嘅心態。

喺香港地小人多嘅環境之下，舊式茶樓真係買少見少，依家去茶樓仲邊度見到阿姐推車仔叫咖之前book mark左石硤尾嘅中央飯店，想食好耐㗎啦，但係因為疫情嘅關係，諗住等疫情好少少嘅時候先去食近排見疫情冇咁嚴峻，終於都的起心肝去試吓入到去茶樓嘅裝修，真係好有舊式茶樓嘅風味，仲見到阿姐推住點心車喺度叫，有親切咁呢不過唔知係咪太遲去，基本上啲點心都賣晒，阿姐亦都話做輪，唔再出點心，叫黎叫去都係嗰兩款所以試唔到啲咩好傷心燒賣好大粒，裏面有大大粒嘅新鮮蝦半肥瘦豬肉新鮮彈牙，幾好食排骨唔會有好多肥豬肉，一樣都幾新鮮，好多湯汁

黎過幾次食晚飯，一直想試下佢D點心，今日終於如願以償。兩個人，叫了7個點心，分別有魚肚燒賣、鴨腳扎、山竹牛肉、蒸排骨、叉燒腸、鳳爪同埋焗西米布甸，其實仲有個豬骨粥(不過唔記得影相)。咁多樣點心之中我覺得叉燒腸最好食，其次就係魚肚燒賣(燒賣好食，魚肚唔掂)，焗西米布甸都好食，不過如果可以再燶D會更正。鴨腳扎、山竹牛肉、蒸排骨同鳳爪就正正常常啦。成個過程，最欣賞佢仲係推住車仔叫賣點心(雖然只有2架車)，不過成件事唔同晒，配合埋呢間舊式酒樓，真係無得頂呀。

朋友生日飯，揀咗間中菜飯店，地點喺深水埗同石硤尾之間。去到門口，見到招牌，好有金宵大廈feel！推門入去，好似入咗結界咁，時光倒流返去細個果陣，同屋企人食飯果種舊式中菜廳。小菜價錢都幾便宜！中菜不能不叫鹽焗雞西蘭花炒帶子蒜蓉炒白菜仔東坡肉偏甜沙拉骨其實係炸豬扒加沙律醬，有d失望，不過都幾好食嘅！什錦又撞咗炸豬排😢早知唔叫沙拉骨😅特別推介芭提雅軟殼蟹，好有泰式風味！眼闊肚窄嘅我哋叫咗8個餸，點知全部大大碟，勁飽，仲有打包😂如果想懷念下舊式中菜廳味道，呢度絕對係一個抵食嘅選擇！

我屋企人十幾年無食，諗住翻嚟懷舊下，點知垃圾到呢『巴堤雅軟殼蟹』全部都係肺。真係唔會再食🤮，食到係咁走入廚房講。又求奇，放低無耐啲北茹扒鴨掌，凍架，啲鴨掌好似食完放翻落嚟咁。