中央飯店

营业中

休息中

很久都沒有見過點心車(不小心暴露了年齡), 也見到很多年青人到來試下舊式茶樓風味食物 : 蝦餃 - 一籠有四粒, 大大粒, 好爽口 牛肉球 - 都係大大粒, 而且加有芫茜, 好香好味 雞札 - 有腐皮/雞肉/魚肚/芋頭, 味道可以 义燒腸 - 腸粉質地都滑, 但唔係好薄果種 飲品 : 叫咗水仙, 普普通通 環境 : 是舊式茶樓格式, 要自已去加水, 點心可以自取, 或等點心車, 要自已揾位, 同其他人搭枱 服務 : 姐姐有禮貌, 點心車EE還幫手將點心送到枱面 價錢 : HK$128 (無加一服務費)

已經經過好多次，但冇一次入去，今次終於扚起心肝，趁呢個復活節假期，來一個一人前🍵🍵🍵地方唔算寬敞，座位之間是足夠的🙏🏻🙏🏻點心車唔多，但點心嘅款式好多，所有懷舊點心，例如雞扎、鵪鶉蛋燒賣、叉燒酥、蛋散……..全部都有得供應✌🏻✌🏻✌🏻仲有一個大電飯煲賣粥。今次試咗兩個點心，一個係醬汁鳳爪，呢個味道真係細細個嘅童年回憶，說不出的好食，從此食鳳爪只會有呢一間🥳🥳叫咗另一個懷舊嘅蛋燒賣，比較乾身，味道就一般，可以再叫。西米布甸留返下次再食。

⭐️評分：6.5/10-傳統氛圍，菜式經典，可能中午點心車更有特色-✳️荔芋香酥鴨 👍妹仔大個主人婆，個人好中意芋頭蓉！一上菜，濃郁酥炸芋香撲鼻而來芋蓉糯綿、稠密濕潤🤤鴨油滲入芋蓉炸漿較薄身剛好唯鴨肉調味不足，分量小肉質偏乾>可能剔除鴨肉更香口-✳️梅菜扣肉 👍同樣梅菜較扣肉更吸引🤭梅菜鹹淡適宜，帶淡淡甜味香氣濃郁，吸收豬油香進一步提昇香氣扣肉肥瘦均勻，肥肉層入口即溶唯瘦肉層較乾硬-⭐味道 6.5/10⭐️特色 6.5/10⭐️環境 4/10⭐️性價比 7.5/10 ⭐️賣相 6.5/10

見到人哋d post 話呢度仲有推車仔點心，又貪得意去吓懷緬一番🤣入到去見到座無虛席，呢度唔洗拎飛仔但就要自己企係度等位。客人以老人家同熟客居多😌點心係幾新鮮同大份，可以自己行出去拎又可以，等推車仔姨姨推到你附近時先叫又得。味道係正常水準，但特別在仲有d 舊式點心，鵪鶉蛋燒賣，大包，豬肚燒賣等等。👉🏻溫馨提示：小妹可能都比較晏去到，有d 點心都冇晒。同埋假日都比較多人，建議有心去就早d 去😃茶位$9，大點$24，中點$22，小點$19，特點$32，有加一服務。

英國友人回港，特意尋找中式懷舊菜，指定要食八寶鴨，可訂座及沒有用餐限時規定，就選定這店及預訂八寶鴨及西米布甸。近巴士站，距石硤尾或太子MTR也是數分鐘脚程。地方衛生一般，舊式粵菜食店裝潢，服務可以，價格實惠，但食物味道部份欠佳。八寶鴨內材料豐富，鴨肉全吸收，可惜過鹹。西米布甸好一般，有些少失望。豬肚湯及炸大腸唔多得。抄鮮奶及豆苗也可以。

嘆早茶, 可以去選中央飯店,理由除了是懷舊外,更難得是可親手揀選在點心姨姨手推的點心車內各籠點心。一人飲早茶,我選了鴨腳扎(中點~$22)和牛肉腸粉($24),飲了兩壺普洱茶.....咁就消磨了一個上午, 正呀！

重陽節long weekend ，專程嚟到深水埗中央飯店，感受舊式酒樓車水馬龍嘅氛圍，蒸氣、叫喊同新聞報道共冶一爐，場內以中老年人為主，有一兩枱遊客，互不打擾，一種大隱隱於市嘅閒情逸致。蒸籠點心除咗日常選擇，傳統一啲仲有大包同魚肚燒賣。阿姐都會推住煎釀三寶等嘅熱氣之選繞場。特別推薦雞紮、鮮蝦粉果同芋角，完美演繹大件夾抵食，份量十足，味道亦不差。至於蠔仔肉鬆湯飯，價錢親民，用料的確大方，如果已經食咗點心，三至四人share都好足夠。不過口味偏淡，未有特別記憶點，建議留力食點心。最後嗌咗酸甜炸軟殼蟹，非常可惜嘅一道餸，軟殼蟹新鮮炸好，理應香脆可口，但係未加溫嘅酸甜醬好似一盤冷水，幫軟殼蟹迅速降溫，又熱又凍嘅口感相當突兀。總括，中央飯店充滿舊區情調，係一幅樸實無華嘅平民寫照，點心表現豪邁大方，但嗰日試嘅小菜就不盡人意，希望下次試佢嘅晚市會有更大驚喜。

雖然我份人唔傳統,但香港嘅舊式情懷的確令人難以抗拒!今次就同左屋企人去左深水埗呢間中央飯店飲茶,呢度除左有懷舊嘅點心車之外,食物質素都非常驚喜🥰🌿四寶滑雞扎非常足料,入而用上魚肚而不是豬皮!🌿蟹籽蒸燒賣雖然係外表並唔算精緻,但材料絕不馬虎,入面係結實嘅豬肉餡👍🏻🌿水晶鮮蝦餃皮薄餡靚,而且都幾大粒!🌿西米布甸味道唔算太甜,份量都幾大碗!🌿蒸魚飯套餐套裝只係$55,非常抵食,配合欖菜一起蒸更添香氣,豉油汁味道非常香濃,送飯一流!發現餐廳裡除左有幫襯多年嘅老街坊外,專登黎食嘅年輕人或外國人也有不少!整體食飯質素都非常值得再次到訪😋

重新裝修無耐🫡都keep到份懷舊味呢到飲茶吳係茶樓feel係茶居feel而家重keep到推車仔既做法🫡魚肚燒賣吳係用燒賣皮包住係上面有豬肉包住蝦下面底就襯上魚肚呢個組合幾好魚肚既彈豬肉既香中間蝦先係 驚喜位🤩帶重左個鮮彈👍🏻建議食法:用筷子 叉住側面 咬入口咁就可以食到整個層次😉蝦餃簡單就係 皮薄餡多🤩蝦腸腸粉滑既👌🏻蝦都夠大墨西哥叉燒包只係室溫平時都係中式包而家用西式包點餡肉都夠多西米焗布旬上次舊酒樓食過之後都幾喜歡呢個 面少少乾未做到焦香既效果入面亦軟濕不過 特別之處有餡 蓮蓉😯咁配又幾正🫡布旬蛋香味➕ 蓮蓉既甜👍🏻當然我覺得乾身少少面有焦香 再配蓮蓉更好😁結果: 整體不錯價錢💰平咁多都係$1472個人#魚肚燒賣#中央飯店

今朝要去深水埗名店買口罩，未免晏咗人太多，所以一早就出門，點知嚟到又太早，咁不如再翻兜我心念念既中央飯店。上個禮拜無食到臉咁大既大包，今次一樣食唔到，阿姐話啱啱賣嗮。咁好啦，好彩仲有蝦腸，今次食返無上次咁驚喜，感覺粉皮無上次咁滑，上星期既蝦味道比較鮮，但今次既蝦腸都係上等既。另外又點咗魚肚燒賣，第一次食，魚肚索嗮啲汁，食落爽甜，燒賣本身彈牙有咬口，裏面除豬肉外，應該仲有蝦肉，味道唔錯。最後食咗碟鴨腳扎，裏面既芋頭入口鬆化，肉就係魚肚燒賣既肉，拆開腐皮，裏面既鴨腳包住醬汁，都幾得意，醬汁係腐皮裏面，唔係外面，呢個係我見過第三個版本既鴨腳扎，都算幾特別，鴨腳質感比較raw，入味但唔係燜到淋，有咬口，甚至腳筋都系脆既。特別一提，呢間酒樓推車阿姐好好記性，我問佢有咩點心，佢真系好努力咁背嗮十三款點心出嚟，我無辦法唔比讚，試想象，你如果一日要推十幾轉，每轉都十幾款唔同配搭，你點記。阿姐中途仲要話唔好意思，多謝嗮之類，其實系我唔好意思就真，因為阿姐話想食咩同佢講就得，唔使問有咩係車度。時隔一星期，再次幫襯感覺都系咁好，食物質素中等，服務不錯，價錢貼地，有機會一定要再嚟。

今日睇完YouTube介紹，原本想去保安道街市食個街坊茶樓，點知上到去佢哋話休業到九月，無緣食到都無計。想起N年前去過既中央飯店，於是憑記憶加Google map去揾返嚟拜訪下。走咗差唔多一個鐘，當做運動，終於嚟到太子同深水埗之間既中央飯店。一個老舊既霓虹燈招牌已經好搶眼，入去見到每張枱都鋪咗棗紅色枱布，懷舊感又多一層。隨便坐低咗，檯布有啲污跡，可能無換到，我諗四十以上又去過舊式茶樓既人嚟講，應該唔會意外，雖然而家感覺有啲污糟，但呢種做法係以前嚟講好常見，通常都走幾轉人客先一半一半咁換。講咗咁多廢話，講下食物。老實講，食物質素中等。點咗蝦餃，皮有點厚同硬，蝦塞得滿滿的，但有種蘇打粉味。另外點咗鐵皮車煎蝦米腸。真系童年回憶返嗮嚟，停在你身邊煎，油煙連腸粉既焦香味陣陣飄來，香脆既腸粉連分開上既混醬，真系人間美食，雖然部分比姨姨煎燶咗少少，但味道風味仍然唔錯。最後講下碟令人驚喜既鮮蝦腸。之前蝦餃既問題似乎無係蝦腸上面重複，反而蝦腸既蝦肉爽滑彈牙，腸粉皮幼滑，簡直係90分以上之作。埋單88，好合理又貼地既價錢，比完錢收銀姐姐仲會講句多謝，而家就算大酒樓收你幾千都唔識得講既說話。食完之後覺得質素

📍中央飯店📍, 店名巳反映是一間有歷史嘅酒樓. 藏身於📍深水埗與太子📍交界, 食客大多是老街坊🧓🧑‍🦲, 本著嘗試懷舊菜式的心態, 先去試點心及午市碟頭飯. 🫖🪑🍭水晶蝦餃🍤餃身粉嫩晶瑩, 形態飽滿, 可惜摺口有點鬆散, 好彩蝦肉爽口, 好味道 👉👈🍭魚肚燒賣🥢燒賣外型跟乾蒸燒賣不同, 白色大大舊, 啖啖肉, 魚肚處理得而, 唔腥.✌️🍭滑牛肉腸🐂足料, 但腸皮比較厚💔🍭東江鹽焗雞飯 + 送例湯🐓🥣碟頭飯, 飯量足, 雞皮有光澤微黃, 雞肉嫩滑, 肥瘦均稱, 味道微咸但不是過咸, 質優, 例湯正常😊好食❤️❤️❤️❤️🖤抵食❤️❤️❤️❤️🖤

今日食lunch時間一個人嚟咗呢間深水埗老店仲有點心車推吓推吓真係令人興奮。叫咗四個點心，分別係金錢肚、魚肚燒賣、鵪鶉蛋燒賣同埋鳳爪。其實除咗鳳爪之外其餘三樣點心其他地方都買少見少好難有機會食得到，不過老老實實，係得個魚肚燒賣比較好食，其他嗰啲都只係一般。鵪鶉蛋燒賣有佢嘅形狀但係就冇乜味道。金錢肚還可以啦，始終都係啲童年回憶嘢。鳳爪就麻麻哋，食落去覺得有啲乾身。整體還可以啦，始終風味嘢買少見少。

吃了多年，小菜依然保持水準，八寶鴨、梅菜扣肉，小炒王最為出色，難怪在深水埗數十年屹立不倒。朋友約會，家中親友慶祝生辰，我們都會選擇在這裏餐聚，可說是平、靚、正最佳選擇。

中央飯店4月1號裝修完畢即刻去幫襯飲返個茶先，除咗張枱布靚咗之外又唔覺裝修咗d乜，anyway啲野食仲係好味先至係最緊要。蝦餃好味入面啲蝦新鮮彈牙，蝦餃皮都爽口唔會癡立立。山竹牛肉d牛肉真係有牛肉味唔係成舊粉咁樣。叉燒腸d叉燒瘦瘦地有咬口，腸粉皮唔削。雞札就中規中矩，入面嗰舊如果唔係火腿會開心D啦。西米布甸last一個比我殺埋，問個伙記會唔會再出佢就話唔出，賣晒就算，十二點半已經賣晒唔再出係乜嘢玩法。