更多
2022-06-20
4665 浏览
就系老板一句8个人可以预订炖汤就促成了是晚饭局，预订了金银菜炖猪肺汤、八宝鸭及大西米布甸，另外仲叫咗了腰肝卷、炸大肠、香酥荔蓉鸭、大良炒鲜奶、煎炆豆腐、梅菜扣肉、榄角蒸鱼云、海鲜杂菜煲同蚬肉蒸肉饼。金银菜炖猪肺汤只看汤渣就知道非常足料，8人每人饮到3至4碗(酒楼汤碗)，消甜好味，猪肺的数量亦算多，猪肺、鸡脚及瘦肉吸晒菜干的香味，推介。八宝鸭嘅鸭偏瘦，肉质亦较结实，酿喺鸭壳入面嘅食材唔会煮得太淋，酱汁味道适中，不会太咸。腰肝卷味道很好，猪腰猪润碎作馅料与卷皮很夹，虽是油炸食品却又不太油腻。梅菜扣肉d梅菜够香，d扣肉肥瘦适中，我钟意佢唔会太大碟，始终呢啲罪恶嘢每人食少少就心满意足。炸大肠炸得够干身，又系细细碟，非常好，年纪大真系quota有限，呢啲嘢就算好食都系浅尝好d。榄角蒸鱼云最正系d榄角，唔咸，好食，不过鱼云就普通，唔够肥美。煎炆豆腐比想像中好食，d豆腐都算香豆味，汁又唔会太多。海鲜杂菜煲又系好好食，可能本身对佢完全冇期望，d菜好新鲜同埋个汤都好味。蚬肉蒸肉饼就系肉饼有d潮式蚬仔嘅味，平时土鱿蒸肉饼食得多，今次试吓蚬肉味嘅肉饼。香酥荔蓉鸭好彩叫咗，因为真系好正。因为本身已经有八宝鸭，
就系老板一句8个人可以预订炖汤就促成了是晚饭局，预订了金银菜炖猪肺汤、八宝鸭及大西米布甸，另外仲叫咗了腰肝卷、炸大肠、香酥荔蓉鸭、大良炒鲜奶、煎炆豆腐、梅菜扣肉、榄角蒸鱼云、海鲜杂菜煲同蚬肉蒸肉饼。
金银菜炖猪肺汤只看汤渣就知道非常足料，8人每人饮到3至4碗(酒楼汤碗)，消甜好味，猪肺的数量亦算多，猪肺、鸡脚及瘦肉吸晒菜干的香味，推介。
八宝鸭嘅鸭偏瘦，肉质亦较结实，酿喺鸭壳入面嘅食材唔会煮得太淋，酱汁味道适中，不会太咸。
腰肝卷味道很好，猪腰猪润碎作馅料与卷皮很夹，虽是油炸食品却又不太油腻。
梅菜扣肉d梅菜够香，d扣肉肥瘦适中，我钟意佢唔会太大碟，始终呢啲罪恶嘢每人食少少就心满意足。
炸大肠炸得够干身，又系细细碟，非常好，年纪大真系quota有限，呢啲嘢就算好食都系浅尝好d。
榄角蒸鱼云最正系d榄角，唔咸，好食，不过鱼云就普通，唔够肥美。
煎炆豆腐比想像中好食，d豆腐都算香豆味，汁又唔会太多。海鲜杂菜煲又系好好食，可能本身对佢完全冇期望，d菜好新鲜同埋个汤都好味。
蚬肉蒸肉饼就系肉饼有d潮式蚬仔嘅味，平时土鱿蒸肉饼食得多，今次试吓蚬肉味嘅肉饼。
香酥荔蓉鸭好彩叫咗，因为真系好正。因为本身已经有八宝鸭，所以费事重复又叫鸭，不过有几个朋友都话想食于是就叫啦，呢个香酥荔蓉鸭嘅皮真系炸到有层次嘅起酥，芋蓉好够香。
大良炒鲜奶味道只系一般，无乜鲜奶嘅味道。
佢个焗西米布甸真系好值得预订，因为好好食，虽然我哋食到好饱，但系都将个西米布甸清晒，佢系传统中式𠮶只焗西米布甸，虽然滞d，不过有时食嘢就系钟意追求呢种好rich好full嘅感觉。
张贴
