中國冰室 (已結業)

手機突然壞左,辛苦影番尼D食o野相冇晒,嗚嗚嗚......四圍搵唔同野食,尼到先發覺喱間冰室原來拍過戲,即刻入去.佢係一間懷舊冰室,綠白色地磚仔,極舊椅,大號碼月歷,老食客......食個早餐,有火腿通粉,牛油多士,腸仔蛋.味道冇咩特別,但牛油多士D牛油真係好多,多到o係條邊爆晒出尼,唔係求其查小小咁.火腿通粉D湯唔係一般味精湯底,好難形容,熱華田落唔夠奶為唯一缺點.位置極隱閉,就算專登尼搵都有D困難.

老實講, 我純粹因為PTU 套戲, 決心要找到這間冰室.不過我都好有誠意, 由尖沙咀一路行落去, 諗住廣東道一千號多D, 最多行到佐敦, 結果大件事, 行過晒朗豪坊, 在要放棄之際, 給我在街巿一處極不起眼的地方找到.去到冰室是下午三時多, 所以決定去食下午茶餐.冰室已有相當歷史, 樓底相當高, 有閣樓, 女友與我爭論美都也有閣樓, 我告訴她那是二樓, 不是閣樓.咁辛苦去到, 當然要坐樓上. 由木樓梯拾級而上, 上層客人並不多, 後半已熄燈, 因為我想坐下任達華個位, 所以阿嬸幫我開返燈同開風扇.餐牌的食品項目不少, 有下午茶供應, 另外特式的有蝴蝶酥供應, 這種活在兒時記憶的食物, 相信已不容易找到.本來想叫奶茶加旦撻, 但阿嬸話無, 覺得很可惜, 所以兩個人分別叫了兩份西多士加奶茶.裝糖器皿是個大膠樽, 很特別. 阿嬸端來兩杯熱奶荼, 沒有什麼特別驚喜之處, 但也不錯, 女友的反射神經就說沒有西灣安記那麼香.跟住來了兩客西多士, 女友要的是花生醬, 我要的是奶油. 味道不俗. 但我的那份明顯有些少檸檬味, 像是夾心餅那種, 不過沒有人可以給我求證.我回望後面有道小門, PTU 的肥

聽人話呢間店既蛋撻同紅豆冰好正好正,趁放假專程黎試,結果竟然係話蛋撻賣晒(真係咁好賣?)!至於紅豆冰,個人覺得麻麻地而已!係d人過份吹噓?或者水準下降?定係我唔好彩?有無人試過?