中國冰室 (已結業)

嚟到呢間"PTU 冰室"，想起任達華等人响閣樓嘆茶，型...典型老牌冰室。今次冇特登走上閣樓，响樓下雅座靜靜食個午餐...一心要食鴛鴦冰，所以放棄叫午餐。再另加一碟雞絲燴意粉....鴛鴦冰查實即係蓮子紅豆冰。size比廣成嘅來得小，紅豆亦冇廣成嘅咁大粒及起沙，稍遜；反而蓮子就夠大粒，味頗甜，相信佢哋可能事先用糖水浸過D蓮子，跟九龍城嘅合成做法如出一徹...茄汁雞絲燴意即叫即做，典型冰室風味。汁偏甜，跟何文田奇香偏酸嘅汁不盡相同。相比之下，呢度嘅味道更合小弟心意；意粉當然唔會有al dente嘅感覺，傳统冰室嘅做法始終跟西式嘅不同，無從比較優與劣...值得一試...

睇過雜誌o既介紹, 慕名而來!裝修果然好有60-70 年代風味紅豆冰: 入面有好多蓮子呀, 紅豆同花奶的proportion o岩o岩好, 真係真材實料!西多: 睇返食評先知咁多人都讚呢度o既西多!西多o既麵包似乎同一般茶餐廳o既唔同, 炸完係脆d 同挺身d, 一切落去唔會扁晒! 配合牛油+ 糖漿, 好食過一般茶餐廳貨式~雞脾: 一般質素

不知為什麼，到這裡的閣樓坐下，總覺融入杜琪峰的電影場景裡，只欠樂少Jimmy仔東莞仔師爺蘇飛機大頭…。下午過來，襯朋友仍在途中，先來一客下午茶，點了這裡出色的西多士及凍鴛鴦小甜。西多士仍是脆口香甜的，不太油膩亦是意料之外，配上這裡用的韓國產白雪糖漿，食味相當好；而這裡的鴛鴦仍是一貫老茶記的特點，香濃味夠，小甜後的獨有苦澀味足夠平衡西多士的甜蜜，相得益彰。幾把古老吊扇把涼風輕送，等到朋友過來後聊了不小閑計，又聊了不小這裡的電影舊事，仿佛看到杜琪峰怎樣在這裡取景Roll機！

週末放工前突然很想吃福麵但又不想走太遠,因為週五北上熱了一整天,回港後整個人肩膀重重的,這裡似乎是不錯的好地方,之後還可以順道進行買菜大行動,action!今次要試樓上雅座,月巴人爬樓梯上了二樓,環境的確好有蛇竇feel,跟樓下感覺很不一樣,本來打算坐欄杆邊的位置,想試試那種居高臨下的感覺,但這裡氣溫又較高,最後躲進較後方又更隱閉的卡位,自成一角的感覺更合自己要求!!趁著阿姐送餐與其他樓上客人,趕快向她叫個午餐!!還看不到幾頁書,我的福麵餐已送到了。先嘗一口凍奶茶,茶味不算很濃,感覺上熱奶茶好像比較香滑,不過還是可以的!不過店方應該要更換茶隔了,因為奶茶裡喝到茶葉碎,size還是不小的,最初喝到有異物時,自己心裡即時涼了半截,幸好發現只是茶葉碎,才沒有破壞進餐氣氛。福麵特有香氣超級吸引,麵身軟硬程度剛好,配上其調味湯包,很合格的福麵水準!不知道店方是否沒有將整包調味包放進湯裡,自己覺得味道好像有點淡,這是美中不足地方。加上半片洋火腿,這就是中學時期在學校小食部吃火腿麵的味道了。雞肉奄列的蛋皮軟軟薄薄,蛋味不算很濃,不過煎得不太油是其好處,去皮雞肉只有少少幾條,當點綴一下好了。吃麵至中途

星期六(26/5)下午茶時間, 同陳先生拎住本"茶餐廳"書仔, 睇睇睇, 最後choose左呢間黎試下2個人叫左:1) 茶餐- 包括牛油多士,火腿奄列,火腿湯麵+熱好立克($2x) --- 牛油多士凍左,火腿奄列好好味,應該用至少兩隻蛋煎,有蛋香,湯麵應該係福字牌,我最愛,好立克亦好足料,唔會好似出面咁,得o的水2) 牛肉汁($9 - 好似係) --- 陳先生飲既, 我試左一口, 都ok, 唔"so"既, 但我都係唔慣囉3) 公司奄列($1x) --- 陳先生食既, 超大囉, 內有青豆, 火腿, 腸仔, 叉燒... 4) 豬扒薯條($20) --- 嘩, 塊豬扒超脆,但唔係乾爭爭架,有肉汁架, o的薯條係舊式個o的, 粗既, 有條條紋既, 仲有幾塊蝦片送埋tim, 好好味呀. 呢度真係好有風味, 好舊式, 其實仲有好多野想試, 但真係食唔落啦. 下次要試下o的紅豆冰.

誤以為駌鴦冰係紅豆加蓮子,原來係紅豆加波羅,問你怕未.無加花奶,好似加左D罐頭波羅果D糖水,麻麻地,而且柸面上好多冰,好阻(見圖),要食晒D冰先可以開始食紅豆、波羅,唔掂.閣樓就真係經典喇,行上去果陣,我覺得好似方中信係旺角黑夜中搵林雪講數咁,好有張力架...襯市建局未拆野,快D去食一食個feel啦.

食完腸粉口乾乾,本打算去廖同合飲杯豆漿,行過中國冰室見到無乜人,擇日不如撞日,整杯奶茶都係一樣啦。如果唔係拎到一揪二lung,一定走上樓上雅座見識一下,今次坐住樓下先;環境就係細時返學前由媽媽帶去食早餐既冰室,超有想當年感覺。在飽飽地之下,叫左個比較少有既咖央西多士配熱奶茶,熱奶茶雖然杰得可以掛杯邊,但茶味唔算太濃,而且稍為多奶,飲起黎較立口。咖央西多炸得金黃,望落幾靚仔;兩片麵包中間有一層好薄咖央,由於份量唔多所以食唔到味道,反而食到面層雞蛋味道。師傅炸功幾好,麵包香脆之餘唔會索滿油,幾好功夫。食物方面唔算太好,都係如其他食家所講食feel較多,另外幾位阿姐服務唔錯,行過都可以一試。

又一間近乎淹沒在俗世洪流之舊式冰室,隱身在街市多年的"中國冰室",如非區內街坊,很難會摸到上門.同天后電氣道祥興個格幾似,樓底特高兼有閣樓雅座,當然此間冰室,並沒有牛展三文治的招牌貨,同時亦沒有生銹的古董收銀機.有的,是麵包,多士,炒飯麵,連羊腩煲都有,當然,亦有早午餐一樣的套餐.庵列煎得幾乾,火腿意粉間間差不多,奶茶就真係技遜一籌.很淡,茶味不夠,而且不夠滑,仲標榜自己用絲襪拉出來?飲極也飲不出絲襪拉出來的玄機.來到,真係純悴懷舊一番,拿住本小說,用耳筒塞住對耳,任由iPOD random play.坐在吊扇之下,享受這個時日無多的下午.其實在廣東道尾段,亦有好幾間舊式冰室,這些下回再分解.

朝早要去旺角買野想起有人話呢度好有懷舊feel自己又未試過就黎一趟叫左早餐c阿姐個樣雖然好似好串好惡咁但其實好nice個餐選左雞絲奄列,牛油多士,叉燒湯意(本來係火腿,但阿姐好好人俾我改無加錢)同熱好立克雞絲奄列唔油但蛋皮較薄牛油多士夠脆,牛油亦塗滿兩面,但就凍左要扣分叉燒湯意既意粉唔太淋,湯底係味精湯,叉燒一般茶餐廳貨色熱好立克足料夠味呢度分上下層下層主要熟客坐較嘈上層o岩晒鍾意靜靜地享受既我

我既蛇竇來~ 個環境實在太正太relax了~紅荳冰太正了炒粉麵好足料~炸豬扒薯條好大份我仲有熟客先有得飲既神秘飲品xD不過我覺得幾貴架.. ^^

早前經過這裡，辣椒女曾聽朋友說，這裡的奶茶幾好飲，我們便決定來一試；看到門面這樣懷舊，就像回到六十年代的時光，認真神奇。入內看到還有樓上座位，當然要立刻上去一試。因之前剛食完午飯，我們只叫了奶油西多士和兩杯奶茶。奶油西多士- 外表炸得金黃色，外脆內鬆軟，最好是沒有花生醬餡(最唔喜歡)，加上鮮牛油和奶醬，唔會太甜又好味，原本已好飽，但也忍不住口食多幾舊。奶茶- 茶味雖然唔算好濃，但比起很多茶餐廳已算好飲，奶味如可以再減少一點，就便加好了。最窩心是，侍應唔小心弄濕了奶茶的底碟，竟然會立刻幫我們換過一隻新碟；實在令我們很意外，值得一讚。

雖然我不是像KC 兄所說為PTU 而來，但我卻是為了新不了情的馮寶寶及劉青雲而來，每次我都要坐上層馮寶寶及劉青雲對話的卡座，探頭向下望十分有電影和懷舊Feel。食物方面不用多說，不會好食到那裡，冰室的環境和懷舊感覺才是進門最強烈的因素。

近日有心想搵呢間舊式冰室，於是走入旺角o既廣東道。原來佢隱藏係一街市內，果然夠舊呀！難得重有閣樓，於是坐上去叫了客茶餐。嘩唉餐包或多士任擇唔加錢，重有係奄列可食雞絲o添(全部廿蚊有找)！首先講講周圍環境先，唔算多人阿姐o地都間中走上o黎睇場，呢度亦見有后生一族。餐到味道普通，多士同奄列唔及澳洲牛奶，唯一個麵幾似以前去離島船叫o既阿福伊麵底！其間有班人走上o黎閣樓，唔知攪乜…原來係電影公司o既人o黎睇景度位(聽佢o地講又係PTU)。望落樓下見有蛋撻但凍，於是問問阿姐幾時出爐，點知佢答唔再出囉喎！o下就快三點三，竟然無料出爐唔係呀冰室喎！？

因為PTU，我估都會有人會專誠來飲杯咖啡的。去旺角街市買海鮮去朋友處煮幾味，不去廖同合食豆腐花，去這裡飲杯咖啡食件加吔多都可以。坦白講，這裡的咖啡，淡了一點，加吔又不算特別，來的原因，也只因為這個舊式茶記的格局。爛船總有三斤釘，這裡也有兩大優點的。一是麵包是自家焗製的，遇著新鮮出爐實在不容錯過，可惜今天來遲了，當然沒有吃；二是雖然這裡舊舊的，但冷氣是相當的強勁，在炎炎夏日，躲進來飲杯凍奶茶，都唔好話唔正。幾位阿姐，服務幾好。埋單15蚊，行過的可以試下。

今日蕩o左入旺角街市對面既廣東道，入o左巷仔裏面既一間冰室。o係個唔知自己想食乜既早上，叫o左最standard 既食物：菠蘿包微暖，個皮好黃、好「合桃酥」，亦都鍾意佢個皮同個包都唔甜；可惜，「衰收尾」...包皮解體||| 奶茶呢，入口覺得水，但其實幾「漿」（留到一圈圈茶漬）。順帶一提，其實呢間冰室唔野少：好多港產片都o係度借過鏡。