中國冰室 (已結業)

下午繼續光臨舊茶室, 這間在舊區, 有二樓, 獨自一人也不敢勇衝上層, 還是乖乖的在樓下享用午餐吧!這裡比興記選擇多一點, 中午時分, 連早餐也可點選, 炒蛋 (煎蛋?) + 多士 + 叉燒湯意 + 奶茶, $22! 奶茶先上...這裡的奶及茶較融合, 口味很夾, 多士薄薄, 兩邊也烘得脆脆, 跟興記一樣, 炒蛋炒得很實, 但食得放心, 夾埋多士, 一流, 不過, 今天吃了三隻蛋...膽固醇超哂標! 叉燒湯意最後送到, 叉燒超薄, 意粉好腍, 先前的食物已吃得七八成飽, 極力想完成也失敗, 伙計關心的問....意粉沒有問題吧...? , 我回答說 : {太飽了, 吃不完!}, 其實.....今晚仍想試新茶室, 但老公.....??

一間時常出現係電影的懷舊冰室!有二層地方，食feel的緊係坐上層，基本上食物環境好一般，喜愛的只係果種古舊兒時的情懷...不竟老舖宜家愈來愈少!好玩好食的必試央多及外型古怪的紅豆冰!!價錢實惠，服務街彷格....不妨一試!

懷舊室內裝潢牆身瓦仔大量採用光身紙皮石加上天花吊風扇實木收銀櫃(前面再加兩條幼直身銀色金屬枝，竟有時代感)室內樓梯(未上過去)，不知是否樓上雅座食了一碟芙蓉蛋飯，很夠鑊氣$24抵，餐茶加$5老闆有笑容，也要讚

呢日又搵到間係位於旺角朗豪坊旁街市的一間隱世冰室.講真句, 我真係對於舊式真的情有獨鐘的. 喜歡它們的格局同埋"老氣"唔知點解好多舊式冰室都獨有呢種牛牛杯, 不錯不錯!奶茶黎講, 確實不差. 但係常餐始終都不及牛頭角下村興記, 荃灣嘉樂, 或者長沙灣的新華而什扒飯亦一段貨仔, 但同事就覺得汁同雞翼唔錯. 呢度只能夠話食環境多於食物

早在廿多年前已經開始幫襯這間冰室了,因為那時在附近工作的關係,但現在間唔中都會去,最鐘意食佢地啲意粉和通粉{其實"澳洲牛奶公司"仲好食,但每次都食得很急很辛苦!因有太多人等位的關係}如果唔鐘意意粉or通粉可以揀"福"字麵{不用加錢的}!今日叫了早餐/午餐有1:火腿湯意粉 2:煎腸仔蛋&多士{件多士是淋的} 3:凍奶茶埋單$23

同朋友係旺角睇戲,但因為有點餓,所以想食D野.但朋友說旺角既茶餐廳不值一提.特然想起有一間隱於旺市一角的電影實佈景可以一食.穿過一個繁華既市雜,朋友一見到招牌已說"什麼叫冰室呀?".綱友說認識這處是因為PTU,但其真正出名的是由"新不了情"開始,記得馮寶寶嗎?我在這褢食了很久,這是一所家族生意,有一半人都是兄弟姊妹.這裏最好食既,我覺得一定是吉豬,熱熱的又不太多油,二十多元食到八十多蚊既水準,都OK架.炒蛋加丁麵已足夠我飽.奶茶其實唔係強項,我就推介朋友飲冰0茶,通既茶色加上多片既0.

睇戲成日睇到好多戲喺到取景,今日終於有機會嚟試下佢咩料喇...同女友兩條友,叫咗個全日供應嘅早餐C,另外一份鮮牛治(烘底),再加個咖央多,個C餐有奄列有麵,正呀~~個鮮牛治&咖央多簡直係一絕~~呢度都有返咁上下歷史,有啲類似廟街美都咁,但我可以講,佢比起美都好&抵食千百倍,起碼佢唔係一間掠水嘅冰室先啦~~

朝早起身，週身無力，是時候食早餐了。旺角廣東道一間隱蔽，歷史長久的冰室。小弟喜愛早餐選擇正選飲茶，次選茶餐廳。對比起旺區快餐店及新式茶餐廳的壓迫感，這裡給人一種悠閒的感覺。而我特別喜愛上閣樓近樓梯欄杆的位置，在此鳥瞰的感覺超正！而樓底夠高加上冷氣配合得好，給人清爽感覺。早餐有火腿公仔麵，多士，雞絲奄列。火腿公仔麵係用福麵，另有一番風味。多士算幾好，雞絲奄列普通。奶茶有時價之弊，今次唔錯。雖然食物普普通通，但自由自在的感覺，可一邊食野一邊睇電視，而是日小弟聽住I-Pod配合Random模式，驚喜地播完英文金曲<Rhythm Of The Rain>之後兒歌<黃金戰士>之後Alan<不見不散>之後Bangles<Manic Monday>之後Bon Jovi <You Give Love a Bad Name>再之後…，中西合壁融合老冰室，生活就係咁簡單。點解唔聽現在香港歌手既歌？因我由2000年開始對香港樂壇非常失望。

幾年前的 PTU....令我對此店印象深刻.....係附近閒逛....有餓意....所以走黎....自己要左杯紅豆冰....餐蛋治.....無甚特別.....只係坐係樓上.....望住D紙皮石牆.....吊扇.....勁有 feel .....只此而已.....haha

大人行街行得興致勃勃,走了旺角+花墟也說不太倦,那就帶她來這間PTU冰室吃個下午茶。時間不早,樓上雅座也不開放了,今次只好坐在樓下好了。二話不說先向笑容滿面的阿姐來兩個凍檸樂!! 管它氣管炎咳得要命,在那一刻腦海中只有一杯冰冰凍可樂!! 拿著傳統支裝可樂再加入有六片鮮檸檬的冰冰中,那一刻的舒暢實在爽快無比!!!!!! 大人放肆的點了果醬西多士,炸得金黃的麵包油香四溢地上桌,硬硬的牛油很快就跟麵包溶為一體,那香氣更加提升了!!中間帶酸的黃梅果醬令西多士變得沒那麼膩口,只是自己不太喜歡吃果醬,所以我會投花生醬的西多士一票! 這裡用的支裝糖漿衛生較好,起碼樽口不會黏黏的,只是糖漿味道偏淡,其他茶餐廳用的金黃糖漿味道較濃,似乎跟西多士的味道較配合一點, 下次應改用練奶一試。自己的炒蛋多士真的超讚!!! 那陣雞蛋香真的很久沒遇上了!!有著蛋香的炒蛋很嫩滑,雖沒有蛋汁出現,但真的好吃!!多士烘得香脆,抹上牛油後更添香氣,要是麵包可用上厚一點版本更妙,現在吃來有點兒單薄哩 同場見到食客的碟頭飯份量相當壯觀,那涼瓜牛腩飯的味道從鄰桌飄來,我也想去分一杯羹呢! 下次要試試會意粉。

看PTU, 令我想到要尋找這間古老冰室, 在這間古老冰室, 亦令我想起黃卓玲殺上來, 林雪跑去後門逃走既劇情. 亦因為這部電影, 令我專情到廣東道街市, 感受一下不屬於我的年代.因有外面街市的鐵皮森林, 雖近在咫尺, 但要找這店, 真的要花點心思往兩旁行人路找. 一入去, 當然直指上層雅坐. 我坐在一個可以直望樓下既卡位, 面對拍戲用個張長檯. 亦留意地版用既紙皮石, 是當年(80年代初)最流行的裝修風格. (小時住既唐樓也是用同款紙皮石). 那時太小了, 這裡的格局, 明顯比我更為年長.雖然已過兩點, 但未食晏, 叫一個飯來吃吧. 那天在得如食了個窩蛋牛飯, 今日在另一家老店, 再來一客. 阿姐"咯咯"聲, 從木樓梯, 端著我叫既飯行上來. 真難得茶餐廳整份菜多的飯, 窩蛋正在肉片與白菜中間. 把蛋混好後, 變成滑蛋牛肉白菜. 只談這飯, 真的表現不俗, 比起一般茶餐廳更加用心去做.奶茶, 傳統的Black & White Tea. 雖不及中環某大排檔的香濃, 但這兒的奶茶, 可以說是香滑.地方真的非常7、80年代, 如用彩色拍下, 實在有失那個感覺. 像"史提芬史匹堡"拍"舒特拉的

(20/7/08)睇左雜誌,才知有間咁有feel的冰室,連店員都一副遊閒狀態。叫左部份介紹的東西,紅豆蓮子鴛鴦冰$16,那冰柱好似好高,其實杯鴛鴦冰本身頗甜,一邊食野,冰一邊溶,甜度o岩o岩好,蓮子夠腍,我平時唔食蓮子,都覺得好。咖央多士+奶茶$18,無乜驚喜,因為唔係厚多士,而奶茶,老公說都ok既,有茶香,而我覺得唔夠熱。鳳凰奶糊$20,原本以為好似燉蛋咁, (ref by雜誌,此是六十年代舊式甜品,用蛋黃粉煮成糊狀,最後打隻生雞蛋),所以其實無乜味,食無味既糊,好唔想吃下去。炸豬排一塊$7,好香脆!正!

上星期六，過o左食飯時間，諗起呢度未o黎過，所以就o黎試下。同太太倆個人叫o左碟乾牛河，奶油西多士，凍、熱奶茶各一。本來諗住食埋雞脾薯條，可惜冇雞脾，掃興！一邊睇金牌運動員表演，一邊等……乾牛河味道OK但唔夠乾爽，濕立立o甘。扣分！奶油西多士同普通西多士好唔同，用煉奶味道原來差好遠。薄得o黎仲炸唔透，選擇錯誤！奶茶算係最似樣，凍熱都好飲。笑笑口同喊喊口都俾唔落，OK啦！

知道呢度有間陳年冰室, 趁今日行到身水身汗0黎坐0下. 無胃口, 簡單叫個熱奶茶, 加個油多 (total $16) 就算.坐0係樓上, 望落樓下, 立即諗起細個時成日去的九龍城福佬村道「洞天冰室」, 真係好懷念. 熱奶茶係「掛杯」的, 飲落奶多過茶好多, 麻麻; 油多太少牛油, 亦烘0左等於無烘咁款, 乾爭爭的幾難吃0下.對食物0既印象係麻麻, 不過 $16 買個童年回憶, 都抵的.

駌鴦冰<---有冰柱, 吉下吉下d冰, 几過癮ge~ 蓮字同紅豆不太甜, ok~公司治 <--- 都几多料~ 但唔夠家樓下熟食中心好味同多料 ;)西多士<--- 冇乜大驚喜~~地下都ok多垃圾同煙頭ga..真係几懷舊ge~~hee~