東園金閣海鮮酒家 (已結業)

2013年加入openrice，未試過寫食評，為左東園金閣今日要寫第一篇。初五開年飯，知道好多公司都會去飲茶，已經提早打去book。2018年2月7日打電話去book左4張12人枱，職員話ok比埋booking no. 我。因為今朝番工人數少左，只係坐到3張枱，廢事hold住人張枱9點幾已經打去想取消1張。負責同事未番叫我10點再打黎。 10點再打去講另一位同事話只係book左2張枱。我話係book左4張，依家要改到3張，差唔多40人點樣坐到2張。hold左陣又話ok，比到3張枱我。晏d有人打黎話只係比到2張16人枱我，我話點樣坐到成40人，個同事話冇啦，已經full哂啦，已經幫你加大左張枱。依家唔係我問題，係你地酒樓自己落錯booking，我要叫d同事唔好去因為冇位坐，最後31人去坐2張枱，坐埋圓櫈一個坐前d一個坐後d，食野又撞黎撞去。想開開心心食餐開年飯都唔得，已經提早左10幾日打去book位。旁邊有張枱得7個人就坐張大枱。同方姓經理反映，當聽唔到你講野，當你唱歌。講第一次當你聽唔到，再大聲d講都係唔應你。自己係咁放低d點心係枱面就走，冇回應該過客人既問題。係咪要發癲，要喊打喊殺先

自從去過土瓜灣壹點甜之后，好少食到d有水準嘅點心，好多酒樓變成大集團，點心好鬼差....今日一早落灣仔，鄰近有哩間東園酒樓，於是乎上去幫襯吓。一上到去，環境光猛乾淨，又唔洗等位，大樂！鮮蝦餃，燒賣，春卷，珍珠雞，雞札，叉燒腸，到齊開餐！叉燒腸係驚喜，好多酒樓都偷工減料，變成碎叉腸，哩碟叉燒腸份量足，讚！蝦餃已經食到唔要求有竹筍，東園嘅蝦餃味道同份量都合格，皮薄，唔太咸，唯一要彈嘅係有d蝦餃皮穿咗窿。珍珠雞係另一驚喜，好多珍珠雞汁過多，一劈劈，東園無哩個問題，汁唔多，而且珍珠雞入面有蛋黃，啱胃口。有d燒賣入面只係一舊舊豬肉，好鬼硬身，東園食上去口感似蝦膠，口感同味道似土瓜灣一點甜一樣，正！春卷外皮脆，食得出內面有芋頭，算係足料之作。依家d酒樓人手不足，加熱水叫極無人理，東園服務好好，主動囉個茶壺加熱水，讚！

我們一行10人到東園金閣，推薦小食，燒腩仔，素鵝，皮脆甘香。黃油蟹，香甜美味。食完冬瓜盅再打邊爐，黑毛猪，牛肉粒，牛肉，入口即溶。還有鷄煲也可一試。這餐真是太美味所以想推薦給大家分享。

平時真係好難可以輕輕鬆鬆食個lunch，今天休息同男朋友去完書展，行過灣仔去咗東園金閣海鮮酒家嘆下茶先，真的很久沒飲茶了，這間酒樓也很旺場，好彩等一會便有位，不用等太耐。出品方面，整體好滿更意，服務方面，基本上也不太差，下次會再來

今天中午在灣仔開會，高層同事再下一城贏了一仗，心情大好，於是主動要求我，請我陪他食午餐，由於大家都太餓，就在街口選了呢間中式酒樓，裝修屬於中上格調，以紫色為主色(今天正好我也穿紫色）剁椒蒸大魚頭，辣味夠重，所以食起來不腥，辣味下還能食出魚的鮮味，啖啖肉，老實講呢個價可以茶餐廳食一個午餐了，味道當然要有一定水準才行。鼓味陳村粉蒸排骨，陳村粉被鼓味包圍住，好入味，滑滑地，又煙韌，不過要熱食才好，凍了陳村粉變硬又不滑，會減分。2個人的菜單，普通食物，收費算貴。不計啤酒，每人也要＄135，我就覺得吾值了，不過，在灣仔這地方，也就必須要這個價了，好彩呢餐係高層同事請。其他食物水餃肉不夠鮮，對不住個(精)字。棉花雞一般酒樓水凖。蟹粉小龍包普通和一般菜心太熟，不過尚有菜味所以不在此大費周章了

隔左太耐都係唔寫唔得。上個月同屋企人本身諗住去軒尼斯道間東園飲茶, 結果滿座又多人等就轉去呢間舊d既東苑金閣試下, 點之大中伏!! 坐低劃座張點心紙, 點之已經同我地講幾樣都無, 連想補叫既都無, 話下午茶賣曬好正常… 咁我地都無心情再叫野食啦。等左好耐第一個黎既燒鴨瀨粉d 湯竟然係凍既!! 嚇到我都唔記得影相。我個碗呢舊鴨已經係最正常既, 其他都係骨……跟住又等左好耐先黎個流沙包, 食落去無流心, 好乾……等到我地都唔想食最後先黎既腐皮卷,燒賣同雞紮, 水準正常既。雖然我知道舊式茶樓唔會快手, 但呢間服務態度真係唔得, 明明其他檯遲過我地叫都上曬點心所以我地先好聲好氣問下有無漏單, 點之個侍應態度勁串, 完全俾說話個客聽。 呢間茶樓以後都唔會再去。

難得借了畢業袍，由於快到還袍期限，今天相約了一眾親友拍照，去之前先到灣仔的東園飲茶，吃飽才出發。一如以往，我們叫了很多點心，所以也不逐一寫了。大致上點心的質素都不錯，惟牛俐粒無人問津。大部分點心一般茶樓都有，較特別的有蒜香脆皮蝦餃。我還是第一次吃煎蝦餃，外皮很脆，裡面的蝦很足料，但我還是喜歡傳統的蒸蝦餃。還有encore的春風得意腸粉。起初還以為是炸兩，但原來是腸粉包著春卷，春卷的皮很脆，餡料很多，咬起來很實在，幾得意好味。另外有我喜歡的蛋撻仔。我自己很喜歡到餅店買蛋撻吃，酒樓的蛋撻仔當然如是，牛油皮脆，蛋塔滑溜，只欠少許溫度。我們還叫了一個特惠套餐，包括一個炒米和雞桶。炒米其實都很夠味，但偏油膩。其實到酒樓飲茶總是點那幾款點心，最重要熱鬧坐得舒服，雖然東園的味道沒有驚喜，但食物質素和環境都可以，跟親戚或者一大群人用餐時是不錯的選擇。

是日，老闆設宴食開年飯，原打算去鴻星，同事嫌食物選擇較少，故提議去久未幫襯的東園金閣，貪其好食又低食﹗誰知，又失望了﹗或許，現時食肆(尤其是酒檈)難請人，員工質素每況愈下，食物亦然﹗吃罷，小師弟問小妹對酒樓食物有何評價，小妹只說了十個字 - 今非昔比，不值一提是也﹗先來的是蠻的骰精緻的甜點，上枱前已預先剪開一半，方便我們分甘同味。然而，由於僧多粥少，小妹只吃了一少半的紅豆蓉煎堆仔$19.3。煎堆仔外皮炸得煙韌帶芝麻微香且不甚油膩，份量不多的紅豆蓉也夠軟腍香甜，是小妹全餐中最為欣賞及喜歡的食物。小妹邊吃邊拍照，一心兩用，故較搶手的珍珠鹹水角$13.8和韮黃雞絲春卷$19.3(還來不及拍照)很快就被同事搶晒，雖然還有迷你蛋撻仔$19.3，但因興趣不大故沒有吃。飲茶必吃的蝦餃和燒賣又豈能錯過呢？小妹眼明手快各搶了一粒，再施施然影相。東園蝦餃皇$30.3和蟹籽燒賣皇$27.3的水準一般，未見驚喜。比較下，蝦餃皮薄、餡料夠鮮爽，水準較質感札實的燒賣為佳。在嫩滑的腸粉內包著油炸鬼的一條春風得意腸$30.3 浪得虛名，把大家都惹火了﹗咬下，只嚐到硬梆梆且未能撕裂的炸春卷，真懷疑是隔夜的﹗原隻鮮蝦腸$

黎哩度食飯幾年, 但有一陣子冇黎, 今次第一寫食評.哩度水準有返甘上下, 所以唔知去邊度食 dinner 就自然會黎.今次由我屋企人叫送, 我就去左對面停車場泊車 (酒樓冇免費泊車架 )上酒樓部 lift 超慢, 去到門口成班 auntie 阻住晒有位又唔入真係... -_- 我身手敏捷, 作為香港人梗係有位就攝, 我見 auntie 唔入我就攝埋入去啦入到去部 lift 又唔知點解唔郁.. 餓原來有個 auntie 嚮出面禁掣.. 部 lift 未開就唔好手多啦.. 餓餓好啦, 又刪門.. 但棟門好似刪唔埋, 個知客用力合埋棟門.. 要手動刪門?... 餓餓餓好啦棟門好似刪左之際.. 棟門又彈返開.. 一開門班 auntie 又笑笑口你指我我指你話邊個 auntie 又嚮度禁 lift.. 餓餓餓餓真係 hi auntie 大老得果一部 lift 你甘快禁掣部 lift 又唔會行快左.. 餓餓餓餓餓就係甘, lift 門再刪, Super woman 又 手動刪門, 上到一樓, 大鑊.. 門開唔倒.. 餓餓餓餓餓餓今次連 Super woman 都冇乎, 好在 Hulk 突然

好想食大閘蟹呀~ 所以朋友推介去呢間試一試我哋一行4人, 每人叫咗個"三角戀三蟹傾情餐"前菜都幾特別(唔係花生,喬頭)好好味, 我哋要求加多碟蒸蟹嘅時候先上併盤海蜤好彈牙, 海螺片就過"淋", 冇乜咬感大閘蟹上場(有兩皇一后)啲蟹唔係太大隻但係超多膏, 有隻重漏油添呀, 超超超正~食完蟹之後, 啲熱食慢慢上枱首先上湯入面有好足料, 好鮮甜, 重有好多切得好幼細嘅薑粒好清甜, 啲菜超大棵入面都幾多湯汁, 不過個摺口太厚啲薑茶好正, 夠薑味又唔係太甜, 不過啲湯丸就太"淋"雖然環境嘈咗少少(酒樓係咁架喇), 不過啲侍應服務好好,食物都唔錯, 可以再去

今日午餐，Pooh約左個好耐無見既朋友，朋友負責訂位，重第一時間去攞位。茶：水仙。蒜香脆皮蝦餃：煎的外皮脆的，有蒜香味，ｄ蝦夠大夠彈牙，起碼有3隻蝦。燒賣：一隻蝦在頂，餡肉不肥膩。义燒餐包：可能因為凍左先食，所以就覺得麻麻地，熱食會更好。春風得意腸粉：腸粉包住春卷，春卷餡係羅漢齋，好多菇菇，清清地好好味。

突然想吃點心喝喝茶，就到灣仔的茶樓眾看看。本來想試李公館的，但因已經在東園金閣拿了位置就作罷；沒關係，下次再試！這裡裝修後都未來過，今次就來吃吃，一試其水準。只要了大路的點心：燒腩仔: 雖然賣相平平,但味道卻不錯,腩仔肥瘦相間,味道不會太咸,皮也是脆脆的'芝麻皮',點著砂糖和芥末吃,幾惹味的,一啖一小塊的很快就可以將整碟清掉.牛肉腸: 腸粉皮薄,也有米香,但是牛肉餡不靚,味道好像被沖淡了,所以沒有太多肉味,只有芫茜味,不行,吃這個不如吃叫齌腸. 叉燒飽: 一籠三個叉燒飽,比平常見到的好像白一點;拿起來飽身鬆軟,有點像蛋糕的質感;叉燒餡味道ok,但略嫌醬太多叉燒肉太少,有點過濕.但整體是可以的.牛肉球 普通,沒在腦海留下多少印象,是因為自己不是對牛肉球有特別興趣吧.雞扎: 兩隻大大隻的充滿了整個蒸籠, 欣賞它的腐皮,真的很薄,也有豆味而非一般的得個炸字;裡面有肥美的魚肚,冬菇,火腿和雞肉,全都鮮味可口,這個足料又味美,值得一吃! 蝦餃: 皮薄微甜也不黏口,蝦肉餡ok鮮味,不錯不錯. 皮蛋芫茜魚片湯: 從來都不是自己喜歡飲的湯水,記得小時候一聞到這個味道就會嘔,被逼飲時就硬著頭皮夾住鼻子地

經多位朋友極力推介，幾經比較，終於選擇了東園金閣作為小兒昨日滿月酒場地。從開始訂房到寫菜單，一路比我感覺好貼身，好耐冇試過咁樣感覺。紅雞蛋：部份上檯時已爆殼。乳豬：全家人都好開心，因不像外面的只有肥肉，只是這樣已大受歡迎。珍寶大蝦：大到一啖食唔晒，好新鮮好彈牙。帶子球：雖然賣相唔靚（有圓有扁，型狀不一），但味道幾好。瑤柱甫：估唔到唔用節瓜用白蘿蔔另一番風味。花膠蟹肉翅：好好味。鮑片鵝掌：鮑片正常大細，但鵝掌出奇好食。蒸海斑：唔似冰鮮貨，好有魚味。炸子雞：好香口，賣相一流，所以個個話飽都食剩雞頭。雲腿海鮮炒飯：上檯時白雪雪一碟，感覺怪怪，但食落…飯炒得乾身，蛋白連少少汁勁好味。蝦子伊面：鑊氣夠，不過鹹左少少。甜品：好味，正！由於大家反應好正面，跟手訂埋團年飯，希望大忙日子都係呢個水準就好喇… 食完再話比大家知。

同舊同事一起食午餐，東園金閣係幾抵食，點心水準都更好,不過這次的流沙包,十分失準,食了一口,包內的流沙全都是一pat pat 的, 不流沙的流沙包, 不夠熱。 石頭窩伊麵就ok, 熱辣辣,野味, $68,不太貴,試試都ok.

不是此店的最後一天，是我在灣仔上班的最後一天，這是farewell 的一餐。我想多寫幾十篇較早前的食評，我就會無灣仔午餐的貨了。午餐時間，飲茶的人真不少，要book 位才可以輕鬆入座。今次的點心也有水準，所以也吃得愉快。脆皮馬蹄糕 – 精緻的糕點，糕點上下也有一層充滿蛋香的脆皮，中間的馬蹄糕不太甜，如果多點馬蹄，多一點爽口的口感可能更好，這新鮮的嘗試，不錯。蝦餃 – 蝦餃皮富彈性，內裡的蝦夠大夠彈，就會好吃。蒜香脆皮蝦餃 – 年輕人總會多嘗試，這個皮煙韌一點，也有蒜香味。中間的蝦餃的蝦也是夠大夠彈，這個給我的感覺較突顯中間的蝦的彈性。如果你要我在兩款蝦餃選其一，我會選傳統的，因為皮與餡比較夾。燒賣 – 也有一隻蝦在頂，整粒也好吃。荷葉飯 - 這兒很多人點，所以也試一試。汁很濃不過多了點，沒有荷葉香味，飯做得腍身，飯黏在一起所以不太討好。飯很多不過一般，反而雞和冬菇也是入味好吃。叉燒腸 – 特別留意了這個碟，只有少量豉油滲入腸粉上，所以各人可以因應自己需要點上適量的豉油。腸粉不特別滑溜，但其實也不錯了。鳳爪和金錢肚– 夠肥美夠完整，也夠入味叉燒包，蘿蔔糕等等均沒特別，就不說了。打這篇的時