東園金閣海鮮酒家 (已結業)

在金融海嘯陰影籠罩下，每家食肆都只好各出奇謀，務求找到生存空間。各式各樣的特價套餐便應運而生，頓變成食肆主力推銷之產品。當中不乏價廉物美，超值之選，但不幸地更多是將貨就價，企圖欺騙大眾，瞞天過海之作.......一個標榜 "用心製作" 之濃情宴菜單如下 :五福臨門拼盆 - 我經常說道，一家粵菜酒樓如最基本的燒味也弄不好的話，其他的菜色也甭講了。這話今天又再次被印證了！這店的燒味是差勁得不能再差勁，我下意識巳知道餘下的菜色絕對會是一場浩劫。錦繡蝦仁雪花蚌 - 用的是漂白過的中蝦.....香草蜂巢八寶盒 - 一團稀釋的芋泥內含少許胡蘿蔔，芹菜和像花生米般大小的碎元貝肉，外層蘸上麵包糠給 "千年油" 炸製而成的東西。花膠蟹肉大煲翅 - 只有魚肚及少許蟹肉及肉絲放在半鹹不淡的茨汁中的液體。濃汁鮑螺片扣鵝掌 - 幾片浸得差不多完全失去嚼勁的螺片......南乳吊燒雞 - 別開玩笑了，超級市場的雪藏雞也比這東西像樣!還有的是蘆山野菌炒東星斑球，金腿竹笙扒雙蔬 - 太恐怖了，不想再寫以免大家看罷後發惡夢.......價錢是海嘯價，768 元正。品質也是絕對浩劫級的製作。這家店子我只能說一句 : 祝它

今日LUNCH同事食得好唔高興，所以今晚再食過，食任食火鍋:散叫:1). 大魚頭窩 - 個魚頭好新鮮，如果唔切開更好2). 鴛鴦窩 - OK3). 桶蠔 - 好大隻4). 象拔蚌 - 幾爽任食: 都OK多嘢揀- 肥牛都幾肥我鍾意- 鲩魚腩, 鲩魚片，豬腰，豬潤，.....叫咗好多，水餃好味，大部份都唔錯，牛肉丸同 魚皮餃麻麻地，SO FAR 都算幾好，抵食，可試試！

今日同D屋企人去食中秋節飯，東園金閣都真係幾好生意，今晚我吔散叫無食套餐，因為姑丈話好想食海鮮，足足10個人叫咗5樣係海鮮，都好抵食!1). 避風塘大肉蟹 (好似 $1XX)，已經好大隻，叫咗2隻，1隻用花彫蛋白蒸，我非常鍾 意， 避風塘我就拍辣，姑姐話正囉!2). 沙巴賴尿蝦 ，個名好抵死，初初叫咗1隻試吓先，後尾食過都幾甜再叫多2隻清蒸，好 過食第1隻椒鹽，我好鬼死怕熱氣，味道都ok！嫲嫲都有食清蒸有鮮味。3). 蒜茸粉絲貴妃蚌好夾好大隻，非常鍾意，但每人得1隻太少，下次同D friends去食多 D，太吊引。4). 砵洒蠔，用個煲上，都幾香，但我唔食蠔。5). 清蒸杉斑，都幾大條，1斤多D倒啦！個manager話D肉滑，又係播。其他咪叫咗個例湯，上湯油麥菜同埋1隻雞，隻雞叫茶皇脆皮雞都好味同幾脆，so far D餸都好有水準，初初以咁多人D餸要等好耐，好彩都冇，D伙記咁忙都OK! 我平時都有去飲茶，近公司，D流沙包非常正，次次都要食2個，上次同6個同事去叫第6籠有18個，個waitress以為我寫錯haha......，其他點心都算唔錯唔太貴，值得

光顧晚飯，差不多九點到達，全店坐滿人，好似幾好生意，但九點就突然只剩幾客，原因不明。剛巧貴賓房有人大唱卡拉OK，水準就……房門成日閂唔實，又有人出出入入，聲音走晒出來，都幾擾人。食物OK，一桶雞是雞湯浸住雞塊，雞肉夠滑，鹹味適中，可以一吃。蒸魚條魚好大，肉嫩，蒸得唔老。菠蘿西芹炒鴕鳥肉一般，唔韌，但唔太美味。貴妃蚌新鮮，蒸得香甜可口。瑤柱白粥有大大條瑤柱絲，不過太稠。

三五知己聚會本應是開心事，但在灣仔東園金閣食自助火鍋，就食到一肚氣。所謂近廚得食，但在這間食店，就變了近廚無得食。事原在11月23日晚上8時15分左右，我哋到達呢間所謂任食火鍋，先叫一個鴛鴦鍋及點咗一些火鍋食品，但過咗30分鐘後才來一個鴛鴦鍋，仲教我哋開關爐火，係有原因啲，因呢間火鍋食品是叫咩無咩(例如：叫雲吞就無雲吞、叫公仔面無公仔面、連糖水都無)，咁都無嘢食仲唔關爐就滾到漏，所教定我哋先。還有，服務態度都有問題，你叫部長去廚房追食物，只是應了你就算，噹無件事，起碼要叫三四個先有人幫我哋去廚房攞食物，係唔係火滾。忠告各位小心到呢間掛羊頭賣狗肉的食店，會食到一肚氣！！！！

11月23號晚約咗啲同事去打邊爐, 我哋真係唔好彩, 竟然揀咗間噤不知所謂, 食完都成肚氣嘅 “灣仔東園金閣海鮮酒家”……當晚我哋一行四人(三大一小)訂咗8:00食火鍋自助餐, 大約等咗15分鐘先安排到位俾我哋, 唔緊要! 我哋一坐低就即刻寫紙揀湯底及火鍋配料, 雖然一望之下選擇唔多(連生蠔都無!), 但因為我同事個小朋友已經好肚餓, 所以求其剔咗啲嘢頂住先, 但最慘係個邊爐煲竟然要等成半個鐘先到, 唔好提啲火鍋配料喇, 當然更加遲遲唔見影, 叫親啲伙記跟跟, 就個個應完唔見人, 敷衍了事。後來有個伙記見我哋噤耐都無嘢食, 就淨係過嚟教我哋點用個爐, 仲話不如熄咗個火先, 費事滾瀉。梗係啦, 成個鐘都未有嘢食, 人都“滾”啦! 未有得打邊爐, 噤宣傳海報上面話送每位一隻嘅 “檸香BB鴿”都應該俾嚟頂吓肚啦, 點知一句話送晒就算數, 明明張海報報都無話“送完即止”, 噤即係呃人啫~~後來我個同事發火喇, 先有個伙記攞幾碟丸、雜菌、菜之類嘅東西俾我哋食, 真係“唔嚟由自可, 一嚟把鬼火”, 食物選擇已經唔多, 仲要係叫咩無咩喎, 就連雲吞、魚皮餃，甚至乎最簡單嘅豆腐都話賣晒, 即食麵都要

今日同幾個friend去食任食火窩,呢間酒家都幾好生意，D人好多都食大閘蟹，睇個樣都幾平$48隻，都有成5兩一隻，所以我地都一人叫番隻食，唔錯播，D羔好香，我個friend仲話要食多隻，我緊係話唔好啦！因為仲要食任食火窩,食多隻咪唔著數，原來食任食火窩有BB鴿送，都燒得幾香。D火窩料最正嘅係肥牛肉，我地4個人叫咗成8碟，反哂本哈哈！水餃雲吞都爽口，大部份都算唔錯，算係咁啦！捻住下次同屋企人去食個大閘蟹餐，又有小籠包又有翅！好似好正咁！不過呢度最衰係部，好鬼慢！

由於去開打邊爐既德興要等好耐, 所以去左就近既東園金閣試下, 最大既得著就係呢世都唔會再幫襯坐低十分鐘都無人理, 十分鐘後有人理, 想要枝筆再等十分鍾, 坐定到邊爐湯低上台需時25分鐘用作屈錢既茶位:杯係爛既兼且仲有dd食送汁係贈品宣傳單上面贈送同特價既食品都無( O危人!! )配料入單到上台又要等大半世肥牛就取巧地分四至五級.任食的賣相似台布(清理過血跡既台布) 食落又似香口膠水餃同雲吞外觀基本上無異,亦同樣食到咀喵喵(超難食)侍應態度惡劣,視若不見想要點菜紙又要三摧四請先好艱辛咁比一張你,寫完放埋一二邊,你追單佢先入單, 菜單上的選擇又少又唔吸引所有特價及贈食都無晒既時候有個似乎高級dd既阿姐話:一陣送返糖水補返數, 殊不知埋單時毛都無送過半條, 果條蛋散阿叔侍應, 一講話叫佢比返dd特價或著數就話老細唔比,老頂唔肯,老母唔得咁,入到去就係佢地既天地,佢地既世界總之就有佢地講,人客就全數口入背脊骨落呢餐所金額$212,最陰功係比完仲慘過無食過最飽既就係果一肚氣, 奉勸大家千萬唔好幫襯祈望早日可以將呢種以取巧及劣品既飲食業經營者早日被淘汰

2個人去火鍋，等一個小時，連鍋都冇！叫侍應幫助跟一跟，叫了三個都愛理不理，直至發老爛就飛個經理來不停道歉，食品三分鐘就來，可惜我們已食慾全失，「埋單，我們不要了。食了2隻乳鴿(本來是送的！)，我連茶芥給你$100，餘下的當TIPS吧，或者用來TRAIN過所有STAFF啦。」只係識得對其他食大閘蟹的客好服務，又換碟又倒茶。我們都是客人，如果覺得做任食火鍋冇利潤，就不要做啦！食物好食係重要，但我未食都已經發爛啦！

星期五晚在東園金閣晚飯，慶祝父親節兼端午。餐牌上雖然都有選擇，但仍然點o左半圍酒席全包宴，叫價880。乳豬皮脆，同埋其它菜都夠熱，窩翅分到最少八碗，值回票價，唯獨個花膠生菜油o的，整體都算係咁。五個人，食到尾都仲可以將炒飯同糖水拎走，夠食有餘囉。

阿京親我食晏緊灣仔首選呢間，因為飲茶我係公務員有茶芥全免，好低而且D 點心都好多花款，款式比較多，花款有亦都幾新穎，味道普遍講都幾好。服務同環境都不俗，最緊要係有螢幕電視睇午間新聞，如果一樓無位可以再上三樓，通常都會有位，但當然訂就好D 啦。但尋晚去咗 食大閘蟹好多油，真係好平$38 炸，我同老婆每人吃兩隻，好正! 其他小菜都唔錯夠晒熱! 睇倒隔離大枱 D 菜都想食呀! $1488 成12 人!

其實之前都曾在東園金閣‘飲茶’試菜，覺得點心的味道幾ｏｋ，才決定和家人在這兒‘做節’食晚飯，哪知道原來水準可以相差那麼遠。我們預定了大概＄２７００一圍的酒席，居然十道菜，十道菜都可以極之難吃(>_<)，所有餸菜都是冷冰冰，溫吞吞的，好噁心；上菜的次序又亂七八糟，吃完乳豬和珊瑚蚌後，居然上的已是菜單最後的炸子雞（翅呢？龍蝦呢？條魚呢？）；而且每碟餸菜之間要等十分鐘以上，最久的要等三十分鐘，等到大家都在發呆，餓到發暈。我們嘗試向侍應反映，但他們竟可以扮作聽不見，毫不理會。至於味道方面，好可怕，實在不想再提；龍蝦焗在一堆芝士漿糊中；炸子雞有幾塊竟然是粉紅色全生的，又滲著血水；翅居然是辣的，超重胡椒粉味，連糖水‘楊枝金露’也淡如清水般，大家都食到面容扭曲。因為是次經歷實在太恐怖，我們一致決定不會再有下次。

校長親我食晏，灣仔必首選依間，因為貪我係公務員有九折（唔知點解佢要特別優待公僕，或者佢覺得我人多勢眾係主要客源卦）。點心方面佢款式比較多，花款有亦都幾新穎，味道普遍講都幾好。服務同環境都不俗，最緊要係有螢幕電視睇午間新聞，如果一樓無位可以再上三樓碰運氣，通常都會有位，但當然訂就包穩陣。缺點方面，由於依間酒樓要上樓，一般人都會坐升降機，但部機超慢，我通常都寧願行側邊後樓梯上。而正所謂一分錢一分貨，依度價錢亦比同區酒樓略貴。

近住地鐵站既茶樓無乜幾間，又要唔難搵既，我lum 都得呢一間。外公來港島東辦事，約我飲茶，我一定要黎，要找一間佢搵到既茶樓，唔容易在openrice 找左一輪，開埋個網上地圖，得呢間fit 我d requirements。食物唔錯，但真係好糟。好難傾計。d野食上得好快，味道一般。無乜特別另我有印象。　個一桶雞唔錯，係佢地做緊promotion 果個，可以一嘗。

因為相當奇特既目的而黎左呢度打邊爐結果任務竟然失敗左!!算啦好在尐野都算幾好食喎全香港既任食火鍋都話自己幾咁平食完出黎都係咁上下價錢架喇食得都唔會怨貴可能當晚(竟然)只係得我地一檯打邊爐所以出品都唔錯每次點完野食都係一個大大碟上晒好有氣勢但又好方便其中墨魚丸肥牛駝鳥肉同粟米都好唔錯其他材料都算新鮮大大份幾乎食唔晒但係同其他網友講既一樣就係好多野好早都賣晒不過服務唔錯囉我地一有任何想叫野食甚至調較爐火既動靜就即刻有姐姐極速走埋黎都算係咁喎