東京築地拉麵 (已結業)

Two of the staff (an overweight woman and a young man) were severely unresponsive to calls, and maintained lifeless face when taking orders. Not sure if sleepy head is a hiring requirement, their voice is so dull that a reasonable person would suspect they are on drugs. Foods are fine, but perhaps not as fine as the price suggests. I was a young man when I entered, got two grandsons by the time the foods arrived. You do the math.Overall, relatively pricey food, particular staff are essentially n

We ordered 2 bowls of ramen with fried chicken wings and cold vegetables. First of all, the menu option is quite limited. The chicken wings and ramen we ordered are extremely oily. It’s almost like you can drink a handful of teaspoons of oil right into your mouth. The price is not cheap either. Ramen costs like 60-90+ hkd but the taste is just so so. Again, the soup got nth special plus its super oily.The service is below standard. No thank you after payment and when we asked if there’s tea befo

因為去銀座睇戲，就在附近隨便吃點，就選中這間，安排我們在門口的位置坐下，我們點了一個拉麵，一個鰻魚飯，然後就進行了漫長的等待，很多外賣單，上菜後拉麵的味道一般，不過鰻魚飯仲係幾好食😋

見好耐冇食過日式沾麵，今日心血來潮黎到屋企附近近近地既東京築地拉麵試下，點知完全失望。中午時間黎唔係好多人，叫左個櫻花蝦沾麵，午市套餐配埋熱飲。湯面厚油，沾麵加左湯汁之後食落去十分之油膩，可能比較岩啲中意濃味既人啦。五花腩成舊都係肥肉咁濟，最後因為太膩都食唔哂。再加多個小食日式炸餃子，但所謂既炸餃子只係成排餃子個底有一層炸皮，同我心目中想食既炸餃子一啲都唔似。賣單計埋加一服務費都要 $ 121 , 服務亦唔係特別出色，的確令人失望

入到去即刻有位，我同我兩個朋友都叫左個日式滑蛋吉列豬排丼。我地1:50分叫，等到2:20分都味到。雖然我地自己都預佢炸野會耐少少，咁但係點炸都唔會超過半個鐘掛？咁我地就問staff：我地有三個飯味到wo。我地都好聲好氣咁問啦，但係佢直接轉頭走左wo。咁我地以為佢去左問，但去到2:30分，我地一個飯都味到。咁我地咪係咁催佢，不斷問個staff，次次都：問緊你睇緊。等左一陣，黎左一個飯，咁留左比我朋友食啦。問題係第二個飯，大佬，等左我40分鐘有多，你比隻唔熟既蛋我？我就叫佢換啦，換一換，又等多十幾分鐘，中途都有問佢係咪落漏我地單，但佢冇一次有正面回答我地問題。到我直接行出位，同佢講：個飯我唔要啦，你不如cancel我張單啦，佢又話我個飯整好，咁你整好唔比我放廚房比廚師食阿？問佢拎投訴紙又冇，完場仲要我地比服務費，講真個句，你到底服務左我d咩。分享呢段經歷比大家，希望大家三思到底要唔要到呢間野食野，我就唔會再去架啦。

點了牛肉和豚肉各一客，等了很久才預備好。火鍋料有不少，除了兩碟肉之外，還有魚旦、牛丸、豬皮、雞肉、豆腐、菜及生麵。湯頭也有不少材料，番茄加上鹹菜和肉，還有雞腳。番茄味雖不夠，但整鍋湯頗濃稠。牛肉看樣子已經知道不行，切得過薄之餘，肉質也韌而無味，在任何火鍋店也沒吃過如此劣質的牛肉。反而那豚肉（據稱是黑豚）有驚喜，肉嫩且鬆，灼久了也沒有變韌，想不到有如此高質的豚肉提供，也很難想像和那牛肉同價。！！！！

今日去嘉湖食午餐，見佢外表企理唔使等位就諗住試下。可惜侍應們的服務認真麻麻，入座無招呼，放食物十分粗魯，同事碗拉麵差d跌出黎，未食完就催你問你食完未，餐飲無奶茶咖啡揀，飲管仲要係紙飲管(最憎)！食物份量十分小，呢個純情豬豚肉生薑燒定食(乜q野純情豬?)本身豚肉唔覺香口，所謂定食但所有配菜、面豉湯乜都無都一碗野，個碗上闊下窄，極盛既份量都係得咁既大小。同事碗拉麵又係極細碗，三舊肉白烚咁既樣，湯底都唔見得出色。食完先知係太興集團，不過真係以事論事，咁既食物質素咁既價錢同服務，入去出番黎真係喊三聲！

疫情又再一次爆發，依家眼見好多間食店都無乜人潮，行街既人亦都減少😷，大家對肺炎病毒🦠十分擔心，真係要減少出街🙏。不過小編都希望係疫情之下，都可以去到一兩間餐廳為大家介紹美食😷，希望大家可以係屋企睇到小編既介紹之餘，都為香港祈禱🙏🏻，疫情可以快啲減退👊。今日小編介紹既呢間餐廳係位置天水圍輕鐵銀座站，置富嘉湖兩期，叫做「東京築地拉麵」🍜。✦✦✦✦✦✦✦✦✦✦✦✦✦✦築地牛肉丼(大盛) $70 餐廳用左珍珠米，所以食落粒粒米好分明🍚，唔會痴埋一舊，飯既口感亦比較有彈性🤯。 牛肉不會太韌，份量亦好足🤗。洋蔥🧅好爽口，食落仲係好脆 ，而且辟左好多洋蔥刺味👃，十分飽肚。✦✦✦✦✦✦✦✦✦✦✦✦✦✦濃厚雞白湯拉麵 $85味道好濃，第一啖飲落去已經飲得出特濃雞湯，真係濃厚雞湯呀😳。湯麵入面除左有雞肉，仲有豚肉同半隻蛋🥚。小編食拉麵既時候啲湯係濃厚到掛麵🍜，所以食落有香濃既雞汁之餘，仲有豐富既拉麵口感👅。✦✦✦✦✦✦✦✦✦✦✦✦✦✦日式餃子🥟 $20日式餃子係小編喜愛之一，形狀適中🥟，啱啱好放入口。入面仲包住左好多豬肉汁💦，點完餃子汁再一咬入口，肉汁隨之流出🤤。✦✦✦✦✦✦✦✦✦✦✦✦✦✦味付螺肉 $1

叫左碗櫻花蝦沾麵，賣相還可以，但非常伏。1.湯底：一試個湯就知中伏，碗湯好臭臘鴨味咁，真係勁難食，嬲嬲地，倒好多七味粉落去都遮吾到陣味。2.叉燒：呢啲都吾係叉燒啦，成舊肥豬肉dum落去，味道過得去。個湯應該成碗麵精華所在，但佢搞到咁，用中式煮法做日本拉麵，老闆你臉不紅嗎？最後，我想講又吾係平，咁樣我去元朗食彩拉麵好過啦。

東京築地拉麵，已經開左好多間分店，但都未食過，所以今日就膽粗粗試下係咪真係咁好食Menu選擇都幾多，而家價錢合理，正常日本野食價。今日我就揀左雞白湯拉麵、滑蛋吉列豬扒飯、醬油手羽。濃厚雞白湯拉麵： 7/10一黎到既時間已經聞到好香既雞味，無誇張，睇黎真係落足料。食拉麵首先緊係試下個湯底先。聞落去就好香，但食落個湯又差少少，唔夠咸同埋唔夠杰身，似加左好多水，無乜「濃厚」既feel。不過真係一讚既係佢個雞，第一係煎過黎，唔係就咁放埋入個湯到滾熟，第二發現原來個香味係來自於呢個雞，真係勁香。個雞叫做可以補償下湯底既不足，整體黎講唔錯！日式滑蛋吉列豬扒飯：6/10份量唔少，滑蛋落得好足，同埋睇得出煮得岩岩好唔會太老，啲蛋汁落到啲飯到，睇落好好食。果然下面啲飯全部都被蛋汁包圍，食落唔會好dry，抵讚。不過不足就係蛋汁整到塊豬扒無咁脆，如果唔係就perfect池啦！醬油手羽： 9/10呢個雞翼真係唔話得。首先佢係斬開左做單骨雞翼，女仔食落都唔會失儀態；其次個醬油真係好入面，個醬係日本醬油，帶啲甜味，好出色！整體黎講唔錯！

而家冇得去日本，唯有係香港食下日本野解下鄉愁，頂下癮，於是就約friend諗住去食吓日本嘢，經開天水圍就揀咗呢間食晚餐。裝潢設計都幾有日本情懷餐牌選擇簡而精，有拉麵、飯、小食同特色飲品。調味料自助我叫左個濃厚雞白湯拉麵。一上餐已經聞到個湯好香，飲落超級濃郁又唔會油膩，每一啖都好精華！雞肉好嫩滑有咬口，拉麵硬度適中，吸曬啲湯嘅鮮味同精華。朋友叫左個日式滑蛋吉列豬扒丼﹐豬扒都幾厚身，係由福岡直送，即叫即炸，外面炸到金黃，肉質仲好juicy。啲飯係日本珍珠米。醬油手羽﹐外皮焗到香脆可口，但同時又保留到肉質嘅細嫩口感，再配上微甜嘅醬汁，好香口惹味。而且好貼心咁將雞翼開邊一分為二，放便進食！蘆薈提子梳打冰和歌山紀洲梅子梳打冰

呢個商場之前做裝修都好一段時間冇嚟 咁啱今日路經就試左呢間餐廳餐廳環境都算幾有氣氛 座位都舒服有卡位坐 叫左以下食物日式煎餃子味自慢叉燒拉麵爐端厚燒鰻魚丼和歌山梅子梳打冰蘆薈提子梳打冰日式煎餃子非常之好味 多汁外皮好薄 同喺日本食到嘅好相似轉頭叉燒拉麵送上 其實個味道唔係其他人講到咁 都幾好味 個面都有咬口唔會煮到林曬 湯底唔會太咸 又有糖心蛋紫菜筍同叉燒配埋 可能麵係唔夠多 但佢地個價錢亦都比其他餐廳平 建議可以提供加麵底選擇鰻魚丼都係水準之作 鰻魚份量唔細 上面醬汁非常好送飯 唔太咸 珍珠米濕度岩岩好 唔會太淋太乾 鰻魚啖啖肉 推介另外兩杯飲品都幾清新 又夠凍 我同朋友都揀梳打飲品 夠晒舒暢呢到食品比其他日本餐廳平 而且質素唔錯 仲要呢排做緊好多優惠 我覺得可以再試

今日下晝去咗銀座搵吓有乜好食，去到一樓東京築地見人少少就入咗去，由於太肚餓嘅關係，諗住點一碗快快唔使點煮就有得食嘅嘢，點返碗油沾麵就最好不過，大家食過日本油沾面麵嘅話都知道佢其實係一碗類似撈麵，淥熟啲面撈加啲材料落去啲汁到就得，點知要等成30分鐘.,追左四五次，店員都話就得就得，其實如果有乜問題，講聲我就可以轉其他食品，但係餐廳就採取拖字訣，建議大家如果嚟呢度用餐，要準備充足時間！既然你門面貼住咁多油沾麵既廣告，點解又要人等咁耐呢！真係諗唔到如果繁忙時段過嚟食要等幾耐！

突然想食拉麵，所以經過決定試下佢啦點咗兩碗拉麵，麵係好食嘅，都算彈牙，不過份量好細，女仔食都唔太夠飽，男仔食就更加係唔夠皮了湯底，兩碗都係好濃嘅湯，配料唔多，我覺得紫菜最好食

夜晚出完街返來諗唔到食乜所以去試下，叫左兩碗沾麵，已經等好耐，遲過我來個兩枱麵有野食，到左麵時見到碗野已經深知不妙，好難食又咸又成碗好似糊仔咁點食呀，唔會再有下次，呢間野完全唔識咩叫沾麵