上車車仔麵 (已結業)

入夜去食 排隊排左大概一陣就入得，雖然同連鎖快餐一樣一張枱坐4-5人，但都唔覺迫，第一次食員工仲會主動推薦有咩好食，最後叫左 冬菇（超級入味好好食），新鮮鵝腸（好香好爽脆，油脂味唔流仲好香），豬腸好入味（淋身），羅白都好入味冇根好甜！雖然價錢比較起其他車仔麵較高10%，但食材新鮮同食物品質都值回票價！十分推薦！如果對腸類附屬的脂肪比較敏感既食客，建議可以自己整走，因為十分新鮮，所以好容易就整得走外圍脂肪：）

一日一黃店 今次講下係石門既車仔麵‼️內外都係靚靚文宣 （可睇圖）落地玻璃 基本上路過實睇到‼️而且門口有免費口罩派 防流感（但派哂）最低消費$30（餐牌睇圖）.食車仔麵 梗係咩汁都加d😂是日叫左⭐️花膠 豬皮 陳村粉 冬陰公湯先講湯底 本身係小小腩汁底再加冬陰公醬一匙 呢匙醬 夠香 入面多香茅粒（但如果可以比多匙 湯底會更濃）（如果有得買番屋企做懶人味精湯底 我真心會買）👍🏻陳村粉 口感唔錯 幾滑 係大塊版河粉👍🏻豬皮爽口 幾香沙嗲汁🤔花膠$13 🤔其實係魚肚 👍🏻都有3-4舊🤔唔入味 👎🏻有小小小沙 ‼️貴 唔建議叫.對唔住呀 呢排都係分享下日常生活我食過既黃店普通兩餸面好似好hea😂 習慣緊抗爭融入生活🙈想睇其他好好味 或特別既野食 可能要等等啦🤦🏻‍♀️.#上車車仔麵 (沙田)地均：沙田石門安群街3號京瑞廣場1期地下G06號舖.⭐️評分：味道：4/5環境：5/5 環境乾淨 文宣都靚服務：3/5 正常服務抵食：3.5/5 大概$35-$45一位.

意外發覺石門都幾多黃店💛依間一出閘就係既 上車車仔麵 勁霸氣，成間鋪掛滿大量反送中海報，小編當日對正岳義士個背影食麵!🍜油麵 x 腩汁 x 響鈴 腩肉 溏心蛋 原件花膠 $53🍜油麵 x 胡椒 x 蘿蔔 豬紅 雞翼尖 $38潛意識嗌曬啲黃gumgum既餸料，成碗麵黃到發光覺得識食車仔麵一定係嗌油麵，欣賞佢油麵夠爽彈。溏心蛋勁流心響鈴特登擺開防止浸淋，覺得好體貼😍原件花膠雖然貴啲，但唔係cheap貨黎，大件得黎充滿膠質又鮮嫩腩肉份量幾多，但如果肥啲嫩啲會好食啲，依舊脂肪位依落似燻蹄，偏爽身。最驚喜係朋友個胡椒湯底好特別😳辣辣地好暖胃，有啲似胡椒豬肚湯，仲正過我個腩汁底。蘿蔔都夠淋。雖然平日好少食車仔麵，不過覺得依間都唔錯😋其實聽人講佢啲雞飯都好好食，下次可以試埋。

/上車車仔麵🇭🇰/#sa石門篇 #sa午餐篇 #sa粉麵篇 #sa良心小店篇➖➖➖其實一直都覺得石門似另一個旺中/葵廣😈嗰邊真係有幾多野食 而且係良心小店除咗小食都有主食 今次就試左麵😋➖➖➖車仔麵 $43💛陳村粉 $12 呢個較特別 唔係每個地方都會有～而且我以前鍾意食😀有少少似河粉 會再寛啲！唔會過腍🙆🏻‍♀️💛胡椒湯底 (本身係腩汁但又想食辣野🤤)湯底都特別有胡椒、冬蔭功等等我揀左胡椒 個味都幾出😚其實應該係腩汁再加左胡椒💛響鈴 $8有兩條 浸腍左幾入味🙆🏻‍♀️💛溏心蛋 $10竟然有原隻～😚頗有蛋香 而且真係幾溏心喎雖然初頭睇覺得唔靚🤣💛牛面珠條 $13 長知識！ 原來係牛腩嘅意思😀唔會好老好韌～仲有少少筋位 煮得夠腍🙆🏻‍♀️➖➖➖分數: 7.8/10➖➖➖📍上車仔麵沙田石門安群街3號京瑞廣場1期地下G06號舖

住喺第一城嘅都知道其實附近係冇乜車仔麵可以選擇所以特登行去石門試下石門真係開咗好多好多餐廳試咗呢間車仔麵店員全部都好友善下午4點都唔小人 睇嚟喺呢區都有返咁上下質素我嗌咗雞翼尖 豬腸 韮菜 米粉胡椒湯 加辣汁老公嗌咗腐皮 豬腸 生菜 公仔麵腩汁 加麻辣我食車仔麵係好鍾意落甜醬嘅 佢地居然有提供 好開心胡椒沙本身都夠味 唔錯辣汁好食 雞翼尖係我鍾意嘅味道 仲好入味係豬腸我唔鍾意太大舊 不過都接受到老公覺得唔夠辣 問佢地加辣汁原來佢地隻辣汁好似老公細個喺大學站附近食嘅其中一間嘅辣汁而我都覺得佢地辣汁幾好食鍾意食辣嘅可以嚟試下同埋佢一丁都只係加$2我覺得算抵環境都算幾好 一啲都唔迫份量嚟講 我係完全食唔哂 男人嘅話 我眼見通常都清到同埋我對面位太太係食陳村粉我覺得有啲似泰國嘅河粉 下次試下再報告

當還在舊家第一城的時候，因為吃膩了第一城的所有食肆，所以總會走遠些少，去石門尋找美食，原來石門亦好像比想像中不同了，大大小小的餐廳都有，人流亦旺盛多了，走著走著竟然找到了這間餐廳一開始吸引我的，是餐廳的名字——上車，這是每個香港人都想做到的事，亦都會害怕的事，一方面想買樓有著自己的空間，另一方面亦會害怕未來三十年會被供樓控制著自己餐廳的裝修其實很有特色，模仿了舊時的車仔麵店，充滿著懷舊的風情，但餐廳亦是十分整潔當然最吸引我的，還是老闆的良心，舖頭有著多副這幾個月以來香港所發生的痛心的事，簡單的插畫成為餐廳的點綴，十分欣賞老闆把這幾個月都歷史都畫了畫，畫風配合著餐廳的設計，天衣無縫餐廳的車仔麵亦有多款餸菜選擇，亦有一些不常看到的特色餸菜，如花膠、鵝腸、牛面珠條等，除了車仔麵外，亦有各款飯以及小食等，吸引我的亦有鹹菜豬雜，但今次只有一人來吃，所以只會叫一碗麵🥢通菜 牛筋 豬肚 筋汁 粗麵這碗麵的質素十分高整碗麵的湯底都有著濃烈的筋汁味道，全部餸菜都十分入味，牛筋亦煮得很好，軟硬度適中，不會淋得像一啫喱，亦不會硬得難以嘴嚼，豬肚亦不會太肥，十分好吃維他奶亦是十分懷舊的支裝維他奶，喝下去味道好

《上車》應該是每一個香港人的夢想，也是惡夢的開始。明既就一定明我講乜，唔明既，我就簡單解釋一下何謂《上車》。《上車》在香港人口中，即是成功付了樓宇按揭，首次置業"上車" 慢慢供樓，然而，一上這一部車，就是漫長的供樓年月，期間可以 "車" 換 "車"，繼而改善生活環境。但，一旦出現問題，供唔起，落車既痛苦更 hurt。不過，今次所說的文章並不是地產文，我要說的人人爭住《上車》，是一間位於石門，幾乎日日都排長龍的車仔麵店，店名就是《上車》。又是一間玩食字遊戲的小店，《上車》，取車仔麵的 "車" 字，"上" 來食 "車" 仔麵的意思。而且，中午的時間，往往要排大隊，等《上車》。我一個人來，當然不需要等太久，我一坐低就來一個四餸麵，配料是豬紅、粉腸、豬皮同韭菜，配以食車仔麵才會要的油麵，再加埋一個味道既濃又鮮的牛腩湯底。單是看湯底的色水，已經看得出這車仔麵並不是馬虎了事的出品。豬紅味道鮮甜，入口亦爽，粉腸煙韌，入口的確起粉同帶少少苦，豬皮又厚又爽口，惟獨是韭菜太過韌了，不過，韭菜的味道確是甜美非常。味道很好而且又令人感覺到是衛生的。怪不的，在石門工作及讀書的大家，人人都爭住《上車》。

剛巧在石門上堂，於是放飯時間便到附近上車仔麵進餐。餐廳擺設傳統，以木摺枱、木椅為主。在香港上車(即是指買樓)困難，自己未有能力上車，吃碗上車車仔麵過過口癮還可以。餐牌顯示車仔麵少兩餸起，而午市時段11:30-14:00，每位最低消費$30。而自己點了蘿蔔、豬皮、 粉腸配米線，車仔麵好快可以上枱。湯底算濃郁，粉腸沒有腥臭味，洗得算乾淨，自己喜歡粉腸口中不斷咀嚼口感，甚有咬口﹗豬皮，沒有毛，厚身入味﹗蘿蔔算入味，沒有渣，不錯。米線爽滑，索晒湯汁味道﹗吃完後感到滿足，有力量繼續上堂﹗

今日和同事去左試新野，餐廳在公司附近今次又外賣自取，為求試下上車車仔麵邊種配料好味，一於叫左個招牌八寶粗麵食。湯底好深色偏咸，招牌八寶配料包括魷魚、蘿蔔、豬大腸、魚蛋、豬皮、雞翼、牛腩、糖心蛋，仲有塊生菜。魷魚鬚好硬身仲要無咩味唔食好過食。蘿蔔淋身大大件但就唔入味。豬大腸煮得好軟身食落有點異味。三粒魚蛋普通貨色細細粒。三塊豬皮好軟身好吸湯味。雞翼味道還可以。牛腩好深色好淋肉味被湯底汁濃味掩蓋，糖心蛋蛋黃呈流質好入味，蛋是咁多配料中比較好味一款。

又黎石門出沒，石門係興趣班集中地，每星期黎2次，好彩石門多食市，我地就甘入間車仔麵。好多時中午行過勁多人，所以黎試下，一行4大人，lee間鋪係用order紙落單的，圈哂所需要既食物，但竟然勁落錯單，錯溜百出，要叫左4轉先岩。第一次黎食所以叫多幾樣餸，叫左豬腩肉、豬紅、牛柏葉、蘿蔔腩汁金邊粉+熱奶茶。份量都幾多家。估唔到金邊粉實在太碎了。豬腩肉入味都夠淋，但好可惜每片都有條豬毛，煮之前冇拔出黎。蘿蔔好大舊入味牛柏葉份量都多

星期日要番教會，成日都經過呢間面店，決定去試下。個門面好懷舊，仲用緊筷子筒嫁~因為唔想諗太多，決定叫個招牌八寶，咁就唔洗煩咩都有，包括有雞翼，牛腩，魷魚，蘿白，魚蛋，豬皮同埋隻流心蛋。!識食一定要叫米粉吸曬湯既精華，原味濃湯加SPICY SAUCE 都無得輸。 其實食落一D都唔夠SPICY!重點係我加多HKD 10 要碟炸豬皮!估佢唔到咁好食，超脆口，一D都唔油，有時好怕好油膩!流心蛋真係好好味呀，好想再ENCORE一隻，睇圖都知好夠顏色同蛋味!

今晚男朋友又黎接我☺️啦 佢搵好間車仔麵帶我去食 叫「上車仔麵」～ 😯😂最型係個湯底有冬陰公味😂😂😂 望落稀稀地淺色💁‍♀️ 但食落又幾夠味道 估唔到幾好食喎！💁‍♀️💁‍♀️💁‍♀️餸就以豬紅豬腸出色啲💁‍♀️💁‍♀️ 豬腸好入味💁‍♂️ 亦都唔騷💁‍♂️💁‍♀️ 其他餸就正常啦 男朋友要咗個胡椒湯底😂 一開始冇乜味 中伏😂😂 食落慢慢開始有啲胡椒味 不過都係冬陰公好啲！💁‍♂️💁‍♀️

黎左石門幾次都想試下呢間車仔面，晚上八點半唔洗等位由於好肚餓加上咩都想試既關係，我叫左招牌八寶油麵底啲餸有蘿蔔、牛腩、魚蛋、魷魚、雞翼、豬皮、豬大腸，同埋糖心蛋！牛腩 （望落以為會硬到咬唔開，但食落好香同一啲都唔硬）糖心蛋 魷魚 （好硬，好似食緊魷魚乾咁）蘿蔔（唔入味既....應該話係無味既～～）其他食材就普普通通啦。不過值得一讚既係佢地有 大 支 樽 裝 可 樂！通常細支兩啖就飲完。餐廳裝修走懷舊風。整體來說，不過不失啦！

見食評好似不錯，於是搵日LUNCH同同事去試下我地都係外賣返公司食的但包外賣好像還需進修一下只是行到石門火車站個分湯的碗蓋就爛左冇左半碗湯我叫左5個餸唔知係咪冇咩湯嘅關係，感覺米粉咸左啲個糖心蛋唔錯嘅，但又係偏咸豬紅同豬腸都入味嘅但豬皮就差左少少，有幾塊都仲有毛牛面珠肉唔錯，夠冧夠入味我同事就呢左 花膠 豬腩肉 牛面珠肉 陳村粉可惜外賣回公司後 陳村粉變哂一餅野 唔好食花膠有點普通 冇咩味 好像有點伏🤦🏻‍♀️🤦🏻‍♀️🤦🏻‍♀️

石門發展迅速，一出港鐵站食店林立，由於趕時間而又要醫肚，車仔麵可以速戰速決已過飯市，唔算太多食客我選擇了一張能看到整間食店的位置坐下來點餐紙的招牌八寶推介只得圖片，沒有文字敘述，故此容易被食客忽略，我也是點完餐才看到右上角的推介，否則第一次到來我也必選招牌八寶。用筆圈了所需交給店員蘿蔔豬大腸牛筋米線$41 原味湯底，蘿蔔太淋身，用筷子夾都很容易爛，好似烚了幾日幾夜咁 牛筋和豬腸算入味，可惜米線又係煮得太淋，以$41 一碗咁嘅質地嘅車仔麵，真係一次便算無論點餐、問店員攞辣椒油都是一位貌似店長之人去處理，因為其他店員都是穿紅T 恤制服，而那店員不是，所以估計應是店長，可能是老闆但黑面之容和那沒有尾聲的聲調，作為一位光顧的食客來說，對於這間上車車仔麵，真是有上錯車的感覺