上海豆漿大王

营业中

休息中

以前屋企住係附近,爸媽好喜歡帶我來食.我都喜歡食呢到的栥飯,就算人大了,我係外邊搵唔到比呢間好食的....呢日係凱都睇戲,我即刻忍唔住過對面呢到買個栥飯食下好好彩我去到唔多人,所以個呀姐肯即時整新鮮既栥飯比我,我覺得即整既好食好多栥飯入面有榨菜,肉鬆,油炸鬼,味道岩岩好唔會太鹹,同我細個食時完全一樣冇走樣到雖然比起以前佢貴左好多,但真係好味.

今晚我倆公婆陪百厭仔睇戲, 咁就早啲出新墟食埋晚餐先入場. 嚟咗戲院附近嘅呢間食店. 上海排骨麵(炸豬扒) $27.00--豬扒分開上避免浸林, 脆漿唔厚, 豬扒夠林又入味. 係隔油方面差少少, 入口頗油膩. 上海雲吞麵 $25.00--上海麵唔會過林, 雲吞餡料係白菜豬肉, 清清地味道唔錯. 鹹豆漿 $11.00--ok啦 即煎鍋貼 $14.00--入口熱辣辣, 味道唔差, 都係略嫌肥膩. 豆漿兩杯 $7.00一杯--唔太甜有豆味. 為防百厭仔倒瀉及方便他飲用, 職員細心地替他那杯加上蓋及飲管, 要比個讚呢! 埋單$91.00

屯門地區, 名店水準餐廳可以說是近乎無。剩下來就只有連鎖式的冰冷冷餐店, 或是一些街坊式食肆。然而在新墟地區, 這家豆漿大王可算有些歷史。相信也有不少在屯門長大的朋友多少也曾與它有過些歷史吧, 餐廳已排骨菜飯掛帥, 配有酸辣湯, 豆漿等多樣街坊式的小食。酸辣湯底粉, 湯底有點稠, 木耳淋軟而有點點爽, 豆腐條切幼, 提高口感。醋香還好, 不過辣味不足, 整體味道略淡, 作為湯底還好。湯粉用的是上海麵, 但煮得較淋, 拉起時易斷開, 質感差一點。配上的是一個上海排骨, 即係炸豬扒。炸漿不厚, 外層有吉列脆口, 香口而惹味, 試問哪有不喜歡?! 不過豬扒肉不厚, 咬下質感及口中覆蓋感不足, 而且口味較乾, 不過也算可以吧。

上海豆漿大王以前學生年代成日幫襯食栥飯....但出黎做野之後太多機會試不同餐廳, 已經好少幫襯,今晚冇煮飯, 同老公買左外賣番屋企食...可能行番屋企都要差唔多10分鍾, 入面D麵已經浸/焗到淋晒.....堂食會好D酸味比辣味多! 正成碗都係料, 雲吞大大粒, 好足料, 好飽個排骨其實即係薄既炸豬扒...好好味, 雖然係炸, 但一D都唔減, 冇乜味精粉....個麵又係衰在淋晒....我覺得佢豆漿大王係幾好味...但又未至於正到要推介比人..所以....我會比笑面與OK之間...咁....我都比個笑面佢啦, 始終都叫做價廉物美既...

平時看完戲都係吃米線，今次就轉轉口味，行去對面吃上海野，炸獅子球菜飯，獅子球應該番炸過，所以不太好味，幸好菜飯好味，酸辣湯菜肉餃米線，酸酸辣辣好好味，內裡仲有木耳絲，豆漿加雞蛋，都好耐無見過，整碗先…回味下…店內地方不大，但人來人往，豆腐花好早賣哂，唔通真係咁好味。

某同學豆漿大王promised我今天來吃豆漿大王早上做的中化題剛好說到一諾千金，哈哈，她說她一定不會食言！栥飯:是預先做定的，即叫即上。飯不會太少，中間的油炸鬼不是脆的，我prefer脆，不過同學則喜歡這兒不脆的version。榨菜適量，不會太鹹，加上少量肉鬆，很好吃。不過，我覺得稍稍有點淡味，雖然如此，我卻認為可以更加細味糯米的香味炸饅頭$6有三個好抵，可惜我當日沒有quota吃啦～環境光猛，如果大一點就好，因為好多人等位付錢時可以逐個買單，AA制方便到極～

2個妹妹返屋企都係食自己,咁就不如一齊食啦~老字號,由我小學呢間上海舖就係度之前都係叫小食多,今次就試下個菜飯啦d飯實在係太乾....同我平時係其他地方食既都唔同既...排骨其實係炸豬扒,唔太肥又唔油膩同事叫麵獅子球好好食,但點都會有d肥豬肉係入面唔會再係度叫菜飯,真係不ok!!

看完戲去吃豆漿大王叫左 ''痴''飯 , 炸饅頭 , 酸辣雲吞面 , 豆漿 , 炸排骨 ''痴飯'' 入面有 炸菜,油炸鬼,肉鬆 好食炸饅頭 加 煉奶 普普通通 因為淨炸真係無咩難道可言 好難會唔好食 酸辣雲吞真係正 酸辣湯足料 + 雲吞仲要係菜肉雲吞豆漿 退步左 無以前禁滑 + 甜左lol 炸排骨 以前好juicy 但依家分量細左仲炸到乾淨淨太肚餓掛住食無影相,下次補反 =]

呢度環境唔係特別好, 但突然想食上海food, 就入去啦!! 都好多款野食可以揀, 有飯又有麵今次我地叫咗一碗淨菜肉雲吞 ($21) 雲吞好好食, 用白菜整涵料份量剛好, 皮唔會太厚, 好香味道好濃. 同埋有得比你揀要炸菜or雪菜 排骨菜飯 ($23) 個菜飯都幾香口, 但排骨就太油膩, 同埋炸粉太厚, 唔係幾好味 另外叫多一碗酸辣麵 ($21) 但又唔夠酸又唔夠辣, 有待又改善 仲有, 呢間鋪願都幾污衊, 地下好油好"線"

星期一同朋友去了新墟睇戲,睇戲前約埋一齊食個晏先,我地不約而同咁諗起呢間麵舖,記得讀中學時不時都會來食晏的,不過好耐都冇嚟過啦,1點幾都好旺場呀,好彩都有位,我地都係叫左酸辣,我叫左酸辣雲吞麵,朋友叫左酸辣排骨麵,每人再叫一杯豆漿.好快就嚟啦,都幾大碗及酸辣個湯底好多料呀.好熟悉既味道,同以前一樣架,雪吞都有四料架,個湯唔算好酸及辣,但用料十足,好多竹苼,冬菇絲,笋絲,豆腐乾,木耳絲,蛋絲等等,好好味呀!雪吞都好大粒的,入面係菜肉,都好味喎.朋友的排骨都好正架,好香口及鬆化的,同埋都唔肥的呀!!都好好味!杯豆漿夠凍同埋唔算好甜.價錢都合理呀,6元一杯豆漿,27一碗酸辣雪吞麵,29一碗酸辣排骨麵.

今日同學話食豆漿大王～由於小息食得太多野，咁我只係叫左鍋貼$12蚊三隻，同一碗熱豆腐花$6～鍋貼都幾油，但都唔錯ge熱豆腐花好食，而且都比得好多！一個同學話呢度ge栥飯好好好好好好好好好好好好食食完話好想叫多個不過佢就話個豆漿幾失望因為expect呢度ge豆漿會好有豆味，但唔係，同埋都幾甜不過野食味道唔係特別突出都唔緊要因為d呀姐服務態度超好！！收碗時問我係咪唔要，我話係，之後佢收碗前同我講唔該！仲有其他小細節，都發覺到佢地好有禮貌下次再黎我會試下個栥飯係咪真係咁正反正都只係$12~好經濟

住屯門o既,都好少冇黎豆漿大王食過啦...特別係附近o既學生,簡直係飯堂啦....我食過都無數次....有時都外賣返屋企食,今次心血來潮...一條友又想黎食下啦...環境呢就唔係特別好架喇,好多人都係一條友食,食飽咪走囉...坐都唔係好舒服架喇,但都係食飽就閃,冇所謂啦..好舊式o既上海麵舖咁...都好多款野食揀,我就最鍾意食佢o既菜肉雲吞,佢用白菜整o既,涵料份量好,唔會太多肉好漏咁...有時都會買d生雲吞返屋企打邊爐,好味~ 如果係鍋貼呢...就係用韮菜涵,皮就厚d啦,但都好食o既...以前如果兩個人黎食會叫一碗麵加個餈飯share,餈飯都係即叫即包咁制,因為佢都好快賣完一個又一個,d亞姐好快手就會包好比我地,有時會食下菜飯,但我覺得菜飯就麻麻地啦...仲有好多野食揀...有獅子頭呀...有排骨呀..燻魚呀咁...酸辣湯又係好味...仲有油豆腐粉絲呀,通通都可以係度食到...話明豆漿大王,杯豆漿都唔會差得去邊啦,如果叫熱o既,佢比你自己加糖,o岩晒唔鍾意食得太甜o既人...仲有咸豆漿呀,豆漿湯丸咁...今次我食左個雲吞排骨麵...佢有得比你揀要炸菜or雪菜,我就揀炸菜啦...其實我

今日屋企冇人,行完街之後自己去買外賣想食上海麵同酸辣湯,所以去左呢間買個 酸辣上海排骨麵 (外賣) $29店內地方不大,我費事阻住人做野,所以企左係門口等.阿姐交比我個陣話係酸辣上海排骨麵,而且包好晒.所以我都冇check.搭車返到屋企,滿心歡喜打開,點知比錯我囉!只係上海排骨麵!!買個陣得我一個叫外賣,我唔明點解咁都可以錯!錢又識收貴我,比野又比個平既我?!d 排骨雖然有切,但都係一串既,咁切黎做咩?

加班到九點, 拖住疲憊的身軀同痛爆的頭, 返到屯門諗住食少少嘢回家沖涼瞓覺。之前都嚟過, 冇乜驚喜, 諗住求其啦!兩個人點咗栥飯、凍熱豆漿、菜肉雲吞。栥飯好硬, 飯太多餡太少, 冇味, 食完會胃痛-->難食。凍豆漿好甜, 糖尿病患者唔好飲, 冇豆味, 勉強飲晒-->難飲。熱豆漿都係冇豆味, 仲有腥味添, 飲咗兩啖就放棄了-->超難飲。雲吞好似用水浸住咁, 有嚟文味-->都難食。唔好叫豆漿大王啦! 唔該!唔會再嚟!

從中學lunch間中都會黎食之外...好多時都食唔哂...因為真係好大碗....而家畢左業....間中出開屯門又黎食下~仲帶埋媽媽黎試下~~~因為媽媽唔鍾意有蝦的雲吞,自從帶佢黎食完之後....媽媽會自己黎~~哈哈~~我同媽媽黎的時候一定會叫排骨雲吞麵雙併,再加炸饅頭,兩個人食~~~D姐姐好識做...自己拎定多隻碗同筷子比我地~真係估唔到~~呵呵~~~好正!!!!D排骨好香好脆~~I Like it~~D雲吞都幾多餡~~味道好濃~~D麵條好入味~~湯又唔太濃~~所以配搭上黎都好適中!!!我以前好細個阿媽成日整炸饅頭...而家大左已經好耐冇食~~~響呢度食番覺得好好味~~而且佢D饅頭皮好脆....入面好軟綿綿嫁~~最後仲買左一打生雲吞番屋企~~因為唔係成日出屯門~~~