上海豆漿大王

营业中

休息中

食物素質都非常差!!!!!!個菜肉雲吞d~菜肉...超難食, 都唔明點解生意gum好, 可能係價錢平. 真係無下次!!!

我平日喜歡到豆漿大王買個酸辣雲吞外賣回家吃。比較過其他地方的酸辣雲吞，都是覺得這間最好食！材料足，道味好！不太酸，也不太辣！不過，奉勸大家千萬不要在接近閉門的時候去，因為不再煮，只會在現存的那煲酸辣湯加水，變得淡而無味。另外，店舖的環境略嫌擠迫，欠衛生，所以買外賣會比較好！p.s.最近加了價，每種食物若加$1

星期一,同男朋友仔去左屯門,原本諗住食意粉屋,但係都係試下新野,去左呢度食,我地仲諗住搭車,原來行都行到去!六點幾都已經好多人食,我地叫左獅子頭雲吞面同酸辣雲吞面,真係幾好食個酸辣湯好足料,d雲吞又大粒又好食!真係多謝男朋友仔帶我黎食~^^

豆漿湯丸只會在下午才有發售。冷熱適中,鹹甜得宜。每日供應的數量不多,想食就要快手喇!

上星期日，細妹同我講話屯門有間豆漿大王，裏面D野好好食，所以咪去試下囉......咦~好多人喎，好彩仲有位......我地點左粢飯、熱豆漿同埋酸辣雲吞。粢飯：好味，飯夠煙靱，料夠咸香，份量好足，正！酸辣雲吞：湯底係超足料既酸辣湯，好豐富，食法似碗仔翅；雲吞皮好滑，咬落好有質感；至於料方面，係一般既菜肉，整體而言，好味！熱豆漿：咸味甜味自己搞掂，唔似其他咁，一早調好味，唔係甜過頭就咸過隆，一係就冇離味道。我打算呢個星期再去幫襯，今次要試下清湯雲吞。

好正宗既上海野．．油豆腐粉絲真係好好味！！湯又冇乜味精～

我以前住豆漿大王上面,成日都落去食野.佢D豆漿真係好味,幾有豆味同埋可以自己加糖控制甜度,幾好餈飯都好,料足(而家好似冇咁多料)又飽肚不過D油炸鬼唔係太好,可能炸完放左好耐啦...

之前外賣過餈飯及熱豆漿,印象非常好.星期天與太太試了一下這裡的上海排骨麵以及餛飩麵.還叫了熱豆漿與油條.上海排骨麵以及餛飩麵就覺得一般,湯底還是清了D.熱豆漿非常有豆味,但是油條就似隔夜的那種.配起好味的熱豆漿就有點遺憾.也許這裡最好味的還是餈飯及熱豆漿吧.

一個$9既癡飯就帶比我成個滿足既下午,爽裡面係一d肉鬆同埋榨菜粒~正斗

本身是豆漿大王的常客,不過對上一次(幾個月之前)去過,見乜都加哂價,之後就冇再幫襯...直至今日食午餐,日日出街食食到都唔知食乜,見仲有錢錢,所以貴少少都去食返次~一個人唔使等位,入去即坐,睇下餐牌,咦?好似平左wor...睇真d其實唔係平左,只不過係多左d餐,即係有2餸麵呀,3餸麵呀,價錢都算合理返^^我今次食炸菜+雲吞豬扒米線(本來叫粉絲佢畀錯),加叫杯豆漿.味道都以往一樣,好食,如果佢d豬扒冇咁油我諗會好d,哈哈!!三十幾蚊都算ok啦,食得開心咪得囉@@

新壚最正之一。炸菜肉雲吞，獅子頭和炸雞。。好食。。

我本人係純正上海人.我最鍾意食甜餈飯及熱豆漿加油炸鬼. 我都愛排骨雪菜肉絲麵排骨好香好味餈飯唔好剪.因為食散咗可以用雙手壓一壓,間中聽食客講.他們在好遠來有沙田客西頁客,因為正宗上海麵,豆漿在上海豆漿大王品質最好. 紅磡店的老闆可以說一口流利上海話..好親切屯門店食物水準一樣很高.湯底雲吞好好味一定要飲豆漿.其他豆漿鋪或百X豆漿都冇咁好因為老闆要求嚴格.水準十年保持不變!

Tuen Mun 有兩間豆漿大王,但和朋友一致認為新墟的一間比較好味~餈飯好味,排骨麵也好好吃

叫左個雪菜肉絲粉絲,勁多雪菜,好惹味,同d粉絲好match,$16好大碗食到好飽。朋友叫左餈飯,size真係好大舊,但炸菜少左d,另外,咸豆漿唔係好掂,d油浮曬面,有d好似魚仔o既物體,而且愈飲愈杰,好奇怪的。overall,食物不錯,但lunch時間好多人架~~

豆漿大王's 秶飯都算係屯門第一(或者因為無對手掛, 不過真係幾好) 另外, 麵同小食都唔錯, 價錢中立($8 秶飯, 抵掛?) 食得你飽~