上海榮華川菜館

营业中

休息中

今日誤打誤撞入咗呢間上海餐館。舊式玻璃門，木製餐牌、雲石牆磚令我相信店舖喺觀塘屬於老字號，係觀塘一直屹立不倒，實在難能可貴。餐廳有二人套餐，兩款小菜加湯只係$206，即管試下！上海榮華川菜館既獅子頭算係我食過最大粒。外形相當完整，唔會輕易散開。肥瘦比例剛剛好，入口即化，佐飯真係一流。奶油津白醬汁非常香濃，配上火腿碎更滋味，不過菜嘅份量略嫌太少。湯方面我哋叫咗雲吞雞（另加$25），份量真係十足，雲吞有四大粒，雞件有四五大件。湯吸收晒雞件嘅精華，所以香濃馥郁。我哋亦加左$15要一個擔擔麵。麵條帶點煙韌，味道酸酸辣辣，夠晒惹味。最後每人仲有杯八寶茶。八寶茶入面有菊花、杞子、紅棗等等。以上嘅食物比較濃味，飲完非常清甜嘅八寶茶後可以清一清喉嚨，同油膩講拜拜👋🏿。作為東九CBD2，觀塘近年越來越多活化或重建項目，本土小店承受高昂嘅租金，實在難以經營。市區重建係無可避免，但希望具香港本地特色嘅店舖可以一直延續下去，自己作為一個香港人唔想香港失去一間咁高質素嘅上海餐館，唯一可以做係多啲光顧榮華川菜館，一直榮華富貴下去。

媽咪話好想飲酸辣湯於是search下附近有咩正既上海菜，睇openrice見呢間上海川菜館好多好評就帶媽咪黎試下~6點幾黎到已經爆場咁滯，入到去第一感覺係好有舊式老店既味道~坐低睇下menu，二人餐有兩款，我地揀左兩個小菜加個湯，跟餐有飯仲有八寶茶送~酸辣湯媽咪專程為酸辣湯而來梗係要首先試試~酸辣湯用一大個湯碗裝住，份量好多，而且濃稠度較得岩岩好，唔會太稀唔會太杰，酸度比辣度強，我唔係咁食辣既都飲到~媽咪話呢度既酸辣湯都幾正宗，佢都好滿意咁話~宮保雞丁估唔到咁辣，辣到一路食一路標汗，嗜辣既朋友一定鍾意呢個~材料有雞丁有蝦有腰果，炒得幾夠鑊氣，撈飯食一流!椒盬肉排好香口既一味餸!好多炸蒜係面，食落脆卜卜!肉排冇乜骨啖啖肉，愈食愈想食，食到停唔到口，有少少辣椒係面但味道唔辣，醃料好香令肉排好夠味，正!店員見我地食到差唔多就送上八寶茶，從來未飲過呢款茶，原來甜甜地幾好味，好似食完飯有糖水飲咁!唔錯!

🔎觀塘崇仁街15號地下「老上海情懷」- 上海榮華川菜館中菜入面我最鍾意嘅就係上海菜，因為係屋企好難煮到呢種手工繁複嘅菜式。餐廳裝修保留老上海設計，店內嘅一碗一碟都反映出歷史。餐廳在1975年成立，其後更在2012年獲得米芝蓮指南優質食店推介，如果大家想重拾舊上海師傅嘅味道，絕對值得黎上海榮華川菜館感受一下！二人套餐 ($206)套餐入面包括湯一款及小菜兩款。有好幾款小菜有招牌嘅logo，大家不妨點嚟試吓。我點左兩份招牌菜：宮保雞丁同埋奶油津白，而湯品點左青菜豆腐湯。宮保雞丁好辣好辣，推薦比好鍾意食辣嘅朋友。雞肉好入味，而且好大塊又唔會有雞皮❣奶油津白係上海菜入面嘅經典菜式，一場黎到冇理由唔試。食落口就略嫌醬汁太厚，比較稠同漏。可能炒菜嗰啲款式會比較好。最後仲會上一個八寶茶俾大家，八寶茶用一個盅裝住，感覺好懷舊，飲落口小小甜，幫助消化，消除肥膩感覺，大家飲嘅時候記得用個杯蓋隔住啲茶渣，感受下以前年代嘅人點樣用茶盅飲茶🤪小籠包六隻 ($32)另外我哋仲加咗個上海菜必食嘅小籠包。小籠包上枱嘅時候好創新，因為薦底紙係一塊好厚嘅椰菜，小籠包嘅汁就算漏都只會比椰菜包住，唔會跌落枱面，未見過其他餐廳

上海榮華川菜館始創於1975年，係一間位於觀塘的特色上海菜館，主打多款色、香、味濃郁的京川滬風味菜式，店舖內的裝修樸實、簡約、懷舊。多年來曾榮獲多個獎項及推介，實力及品質有所保證我同朋友都對呢個價值$183的二人套餐好有興趣！可以從小點、湯羹及多款招牌小菜裏面仼選各一項菜肉雲吞合共有五大粒，每粒都好大隻！雲吞外皮厚薄適中，好滑溜，內裡包著濃郁滋味的菜肉餡，口感同味道都好豐富酸辣湯湯頭酸酸辣辣，酸辣度係正常人可以接受的程度。餡料非常豐富及充足，有雲耳、甘筍絲、豆腐、豬肉絲等等配料，口感爽脆，有益又健康宮保雞丁係餐廳的招牌菜之一，呢度嘅做法同平時既有d唔同，除左雞丁、辣椒同腰果，仲加入左火腿片同蝦仁。雞肉塊大小適中，炒得入味又香口，鹹香美味，帶有微量辣勁，送白飯食一流八寶茶有紅棗、杞子、蜜棗、菊花等等八種中式養生材料集結而成沖泡的茶。一打開蓋帶有陣陣菊花芳香，無添加糖的，甜味源自紅棗、蜜棗等等材料，入口好舒服，寧神舒肝，滋補氣血又養顏

好耐冇返嚟呢度，同媽咪遊歷以前經常行嘅地方，竟然發現以前食開嘅上海舖仲喺度～老店位置同裝修冇變，附近鋪頭都冇乜點變，舊式玩具舖依然喺附近。同媽咪兩個叫咗個二人餐，餸菜、湯類、小食、飯、連八寶茶都包埋。招牌時菜獅子頭 - 肉泥肥瘦適中，咬落去唔會滿口油膩，但又近乎入口即化。時菜浸左喺有肉汁嘅獻汁裏面，甜而不漏。酸辣湯 - 酸辣度同質感適中，用料豐富，每一啖都有湯料，大大碗可以分成四至五碗。菜肉雲吞 - 自家製嘅菜肉雲吞，菜肉嘅份量恰當好處，雲吞皮同餡料唔會互相搶咗對方嘅味道。湯底仲保持童年時食開嘅味道。二人餐確係抵，包埋兩碗白飯，兩盅八寶茶。八寶茶益氣補血，啱晒我同媽咪飲。湯料非常豐富，清甜消滯。阿姐係留意到我差不多食完先至奉上，呢種就係阿姐外冷內熱嘅細心～

入到小店已經睇得出歲月嘅味道，小店更曾榮獲米芝蓮推介優質食肆，所以當然要嚟一試。午市有二人套餐，叫咗有招牌菜推介嘅花雕醉雞及獅子頭；另外仲有酸辣湯，套餐仲包兩碗白飯及兩杯八寶茶。食物好快就上，花雕醉雞好有花雕味，而且雞肉都幾嫩滑，分量都唔少，幾香酒味。獅子頭一碟有兩大舊，肉質夠林，而且仲有少少菜，味道好有舊式嘅製作風味。酸辣湯好大鍋，兩個人飲到飽飽。入面有好多配料：酸酸地，辣度唔算好辣，容易入口。八寶茶好特別，飲落去有好多層嘅口感，入面有菊花、龍眼、蜜棗、紅棗、果皮、杞子等等，飲落清清甜甜！這家老店真帶有香港傳統風味。

觀塘返工，觀塘搵食好似已經係例牌，今次行遠少少，偏少少，又見到舊區當中有上海菜小店噃！點都要支持一下！呢間川菜館真係好有傳統香港味，回鍋肉、小龍包，感覺返晒嚟！想食嘅太多，胃又太細，唯有揀啲食啦...叫咗個平嘅2人餐，小菜、小食、湯各一，叫咗糖醋排骨、酸辣湯、豆沙窩餅！酸辣湯夠惹味，好足料，而且熱辣辣，咁先係中國菜嘛。辣度唔算好厲害，除非你係好唔食得辣啦，唔係都算幾易入口。至於糖醋排骨就係濃味之算，每粒都好入味！餸飯真係一流，而且個糖醋汁應該係自家秘製，既唔似坊間啲螢光汁咁假，不過都好杰身，係好味嘅！豆沙窩餅就水準之作啦！不過最特別都係個八寶茶，甜甜哋好易入口，通常因為落得料多，個茶好易凍，但呢杯就無呢個問題！如果你想回味一下舊香港嘅味道，真係要嚟食餐飯，好難可以搵到咁傳統嘅餐館架喇！

📍上海榮華川菜館 (觀塘).2012米之蓮推介，有30年歷史老上海菜館，叫咗二人餐小菜兩個+小食+飲品+湯，味道不錯。支持下小店，見佢地都好努力經營，但可惜觀塘重建，人流不多了。.✅時菜獅子球最中意，大粒得來d肉好焾，味味清而不膩，岩哂送飯🤤.✅奶油津白不錯，夠淋。.✅雲吞雞湯好足料，雲吞個味都幾特別，個雞可以再滑d，份量有成2-3碗，我呀婆都食哂！.好食指數：🥇🥇🥇🥇🥇🥇🥇7/10分地址: 觀塘崇仁街15號地下人均消費：$105

餐廳：上海榮華川菜館 (觀塘)地址：觀塘崇仁街15號地下以前中學放lunch成日都會去觀塘瑞和街街市同崇仁街果邊食飯，除咗價錢夠平民之外，呢一頭街坊食肆亦都充滿住唔多唔少嘅人情味。夜晚係瑞和街街市溫完書，就去左崇仁街嘅上海榮華川菜館食小菜晚飯二人套餐 $206二人套餐有兩個選擇，$183就有一餸一湯一小食同兩碗白飯兩盅八寶茶，$206就有兩餸一湯加兩碗白飯同兩盅八寶茶，除返開都只係$50-$60左右一個餸，相當實惠花雕醉雞經冷藏過嘅雞肉更能夠鎖緊花雕酒，每一啖都可以好好咁品嚐到花雕酒嘅香味，而且雞肉份量好多，唔會好多骨頭，岩哂鍾意啖啖肉嘅我時菜獅子頭以津白同冬菇配上芡汁，伴隨住獅子頭上碟，色澤吸引，獅子頭肉質鮮美，似係有少許鹹魚肉加左係入面，非常鹹香，加上軟腍嘅關係，絕對係男女老少皆宜嘅一個菜青菜豆腐湯豆腐切成細條狀，加上草菇同白菜仔簡單煮成一個湯款，雖然稍微鹹左少少，但都可以接受，平時少飲湯水都可以補返下食飯食到咁上下就上左兩盅八寶茶，清甜菊花味香，仲有蜜棗、杞子等材料，養生又健康，咁熱天時真係好需要滋潤嘅花茶，今晚一定好好訓

位於觀塘與牛頭角交界的上海榮華川菜館，懷舊而且地道，幾年前我已慕名而來過。砂煲雲吞雞有驚喜，雲吞外表平凡，但驚喜就在嘴裡。雲吞菜味突出，咬落後肉汁滲出，成為雲吞雞煲嘅主角。湯也不輸蝕，混合雞腿的精華和雲吞的肉汁，令人一喝再喝九王鱔糊醬汁濃郁，鱔肉爽口。九王沾上醬汁，為白飯帶上點綴。蒜泥白肉切得很薄，味道很足，如果份量多些便好。筆者最喜歡的是八寶茶，內有冰糖，紅棗，菊花，杞子，橙皮等。是要把一杯詩意喝進肚子裹。

今天與友人相約了在觀塘吃飯，走著走著就到了這家老字號的餐廳。看到這家店鋪的外觀都滿有上海餐廳的感覺，相信應該別有一番風味，就徐徐步進去。看見它有招牌菜,就叫了一碟花鵰醉雞。這碟雞都算合我的口味，雞肉嫰滑，點汁再吃也很有風味。湯羮就叫了這煲雲吞雞，雖然這份湯也很好味，但叫了兩份菜也有雞好像太多，我想下次可以叫兩份不同的菜。小點就叫了豆沙窩餅，吃完主菜算是甜品吧，作為甜品也算是不太膩，兩人吃完這份晚餐也算飽了，想不到這家老字號也別具風味

今晩和寶寶來到位於觀塘的上海老菜館 「上海榮華川菜館」。餐廳始於1975年，見證香港三十多年，實屬老字號，所以裝修上也見到許多舊香港的影子。餐廳更在2012年更獲得米芝蓮指南優質食店推介。我們點了二人套餐 ($206)，包括小菜二款、湯、白飯和八寶茶。不算便宜。酸辣湯先到，材料豐富，酸和辣也配合得恰到好處，平均每人分到兩碗。主菜點了招牌的宮保雞丁，與一般的宮保雞丁有别，這裡的還加上蝦和火腿，所以特别香。整體有鑊氣，辣得惹味。花雕醉雞也是招牌菜，花雕汁做得不錯，但可惜雞肉並不嫩滑。最後的八寶茶是精粹，有濃郁的菊花和紅棗味，滋潤解辣。餐廳是不收加一的。

同MY BOSS每食一餐都一定要影相為我地嘅回憶增加多啲印證😽今次就帶左佢去食懷舊上海菜黎到觀塘嘅上海榮華川菜館最出名就係回鍋肉 ($85)我中意佢嘅辣味到位🌶🌶豬腩肉又爽口 唔覺肥膩酸辣湯($72) 完全係我的菜豐富嘅材料配搭 加上那酸酸辣辣嘅口感總係令我欲罷不能😆至於口水雞 ($85) 口水醬汁又香又帶辣勁雞肉肉質嫩滑 豐富口味且有層次👍🏻最後豆沙鍋餅 ($40) 作結 很完美🥰_________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

#cassiegokt-最近平日夜晚要經常去觀塘排戲，所以我都介紹下依區有咩好食先。今次去左瑞和街街市附近一間老字號，專食上海菜🙆🏻‍♀️-晚飯時段，我同朋友叫左兩人套餐，有兩款小菜，揀左奶油津白同九王鱔糊。奶油津白係我食過最好食嫁，係重奶油味，正常個啲得少少忌廉汁Hea你。九王鱔糊都好好味，正宗上海味道，同埋好足料好多料。😍-湯方面我揀左粟米羮，唔會好水，好飲。食完之後，仲送上一杯養生百寶茶，一流。當晚見到有好多附近街坊去食！👍🏿-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️上海榮華川菜館 (觀塘)📍觀塘崇仁街15號地下-

觀塘區美食花多眼亂，今次揀左一間逾40年歷史嘅上海餐館試下。推開落地玻璃門，你會覺得好似時光倒流咁返左去以前嘅年代，牆上掛住寫上菜名嘅木牌，一磚一塊都有懷舊嘅感覺，幾特別我同朋友兩個人揀左一個二人套餐，套餐包左兩個小菜、一個湯羹、二碗白飯同二杯八寶茶。湯羹方面，我地揀左個清清地嘅粟米羹，一上個粟米羹，我同朋友都講左句：「好有家嘅感覺～」，因為個粟米羹好似係屋企煲個啲我好鍾意佢嘅粟米粒夠多，如果煲得「杰」啲就更加好。Menu上面寫有「招」字嘅菜式係佢地嘅招牌菜式，我地揀左其中兩個，回鍋肉同時菜獅子頭呢到嘅回鍋肉味道偏甜，一般出面食嘅都係偏咸，但又無諗過原來甜同辣配搭出黎嘅回鍋肉又幾好食出面食嘅回鍋肉多數得幾塊肉，但呢到菜同肉都好多，正價比高，十分推薦時菜獅子頭都值得推薦，首先，兩個獅子頭好鬆軟，我幾鍾意，因為唔似其他餐廳咁落好多生粉個種質感。另外，餐廳用左娃娃菜去代替常用嘅小棠菜，啲菜幾焾，食落仲好甜，我地最後清哂啲菜，有幾可我呢個食肉獸覺得啲菜仲吸引過啲肉每次食上海野，我都會叫小籠包，雖然個二人餐份量已經好多，但係今次都無例外，額外叫多左一客小籠包（六隻)。小籠包皮簿餡靚，隻隻都有肉汁