上海榮華川菜館

营业中

休息中

男朋友幾次提及一家環境較狹小但食物出色的菜館，即使光顧了幾次仍好感度不減，今天終於可以一試了！小店自1975年立足此地，店內的裝潢默默無聲地告訴顧客，即使有較新的彩色食物照，一看這一個個個小木板、一幀一幀觀塘區舊照，就仿佛回到從前。這看似平凡的小店也有威水史，原來是米芝蓮推介食府！果然如人一樣不可以貌相。這一行只有我們二人，叫了一個二人餐再加小籠包，已包括了飯、麵、主菜、湯、甜品等，非常滿足。最先來的是砂鍋雲吞雞湯，雲吞包著鮮味的菜肉饀料，形狀非常飽滿，雞肉亦十分鮮美，雞湯不油膩，底下配上新鮮的天津白菜，是傳統的老味道，不是現成的湯可以媲美。分量可分成五碗左右，飯前飯後再來一碗，來個首尾呼應。然後是糖醋排骨。一些小店會把疑似生炒骨的味道當作凡是酸甜的就是糖醋味，其實不盡相同，真正的糖醋排骨帶甜味只是輔助，用以中和醋的酸味，且帶點鹹香，才是適合配飯配麵的好菜呢！排骨的骨並不多，反而肉較多，口感結實卻不黏牙，偶有幾件脆脆的軟骨，口感豐富。由於我太愛酸，加上吃了不同食店的擔擔麵後，發現每店的擔擔麵都有不同的味道，並非單單用「上海式」或「川式」就能概括，因此把套餐內其中一碗白飯升級成擔擔麵。鮮

bbf 知我愛吃上海菜, 這天一早約好, 浩浩蕩蕩到觀塘吃飯, 由於這間上海小店地置較遠, 由地鐵站步行也需要點時間, 來到餐廳已經汗流浹背  餐廳舖面非常舊式, 幸好冷氣還是足夠, 不然全餐飯都沒有心機 四人套餐最抵食, 有小點、湯、4款小菜，仲有白飯同八寶茶。 酸辣湯 - 辣度同酸度都唔算強, 不過, 飲落就有好重既辣椒醬味。花雕醉雞 - 雞塊比塊細件, 都算嫰滑, 花雕香味 咸肉津白 - 津白帶有濃濃既咸肉香, 用嚟送飯最啱  糖醋排骨 - 味道唔錯, 排骨唔肥膩, 酸酸甜甜, 幾落幾開胃 炒三鮮 - 味道係有d重, 但在場男士表示ok 。  豆沙窩餅 - 餅皮酥脆, 紅豆蓉香甜  八寶茶 - 八寶茶幾足料, 味道甜甜地, 幾潤口喉上海榮華川菜館 觀塘崇仁街15號地下  23410583

上網見到一間七十幾年歷史充滿懷舊氣息既老上海菜館吸引住，可能食得太多連鎖店僅存嘅老店一入鋪就覺得好有人情味😂叫左個二人set,講真今時今日200埋單真係好小有，同埋去到知道有得用網上外賣平台叫外賣🥡真心想下次叫外賣送入元朗，二人套餐揀咗兩個小菜，奶油津白同埋宮保雞丁宮保雞丁勁好食，辣味啱啱好雞又滑，用黎送飯真係一流奶油津白，可能其他人食唔慣但真係同上海一樣嫁！勁驚喜💕，津白鮮甜砂鍋雲吞雞加多$25 😍😍每次食上海菜必點，好好飲！煲到入晒味啲雞都仲係好滑嫁😍同埋菜肉雲吞好好食好足料最後有八寶茶作結尾好滿足連鎖餐廳新式餐廳，影相真係靚啲但充滿人情味嘅老店，真係買少見少，多多珍惜呀🥳

又係屋企附新搵食，係觀塘就唔食連鎖店啦，支持下街坊小店啦！今次黎到呢間上海野，門面好有懷舊氣息入面都非常懷舊，好有特色兩個人，叫個2人餐就岩岩好，同埋乜都包$183都抵食小菜叫左口水雞，同行朋友怕辣但都食到，佢唔會太酸，好溫和，調味岩岩好！重點係雞好大舊，又無骨，一口一舊，方便食用。推薦因為天氣好氣，好想食流質野，叫左粟米羹。一上台，哇左聲，因為真係好大碗，入面有超多粟米粒，有蛋花同埋有火腰粒粒，啖啖都好豐富，加上無乜味精，好有屋企既感覺。最後一人飲左三碗，超抵飲。包飯同埋有水。 仲有甜品，豆沙窩餅。係覺得最推薦既一味。外脆內軟，唔會油，而豆沙唔會太甜，一個人都食得晒六舊🤤最後，以為再無野食既時候，阿姐默默送上呢杯野原來係八寶茶，第一次飲，好多草本既料，甜甜地，好好味，為呢餐做一個唔錯既句號下次會同屋企人再黎！

這天正好工作的需要，到達了觀塘， 觀塘這個地靈人傑的地方，一般來說，我也可以前往工業大廈尋找美食，但這次我從雜誌中看到一家擁有多年歷史的上海老店。餐廳位於觀塘的舊區，距離地鐵站路程約十分鐘左右，地理上還算方便，餐廳裝橫方面，同樣地簡樸， 沒有多餘的背景音樂，但卻有一把動人的聲線，就是從收音機裏傳出來的。我點選的就是小籠包，小籠包最考功夫的手藝，每一個小籠包，也是有師父親手即製，味道方面，還不錯，內裏肉汁豐富，皮薄餡靚，帶出肉的鮮味。另外，還有一個是由店家獨家配製的茶，充滿飲用價值，帶有少許花香和甜味，也沒有搶猴的感覺

平時都好少來觀塘區 咁岩去工廠區買野就順便來呢度吃飯 路經見到呢間野都好懷舊就和朋友入去試因為2個女仔就叫叫左個2人套餐我地簡左 砂鍋雲吞雞 奶油津白 宮保雞丁第一個來係砂鍋雲吞雞可以見到個湯好清 冇咩油雞就不過不失 但個湯幾鮮甜 有d白菜 吸哂湯再吃 好正 同埋有上海雲吞 雲吞大隻又足料第二個係奶油津白同平時上海菜吃津白有少少唔同平時食上海菜奶油津白 會係奶白色既上湯呢度加津白會比較杰身 同埋比較重奶油味呢個都幾好吃最後一個係宮保雞丁咁多個最正 炒得夠獲氣 雞又嫩滑 同埋夠味 但有小小辣唔係太吃得辣既人要注意 送飯一流咁2人餐係會包2碗白飯和 一杯八寶茶呢杯八寶茶幾清香 同埋宮保雞丁都有d熱氣 岩岩拎來清熱再加上天氣咁熱 消暑一流同埋2人餐都係埋單300內 因為雲吞雞加左25蚊咁既價錢有2人餐真係幾抵吃 位置唔難搵 但就離地鐵遠少少同埋老店伙記脾氣始終冇咁好 各位懂的

作為一代觀塘人，對於上海榮華川菜館這老店絕對不會不認識的，難得另一半有興致想嚐老上海味道，當然第一時間就帶他到來。店内十分簡單也保留了觀塘變遷的圖片上海菜一定要食小籠包，呢度即叫即蒸，所以保證新鮮滾熱辣，大家入口小心d, 因為都有肉汁，所以會熱親口，皮一d都唔厚，每人食兩隻剛好。前菜鎮江肴肉鎮江醋更帶出肴肉的味道，軟硬口感更令味覺帶出層次來酸辣湯酸辣度剛合我口味，而且十分足料，一口接一口，很快已飲完時菜獅子頭獅子頭入口軟綿，配上娃娃菜，菜肉均勻，兩小口子不錯之選，且用汁來配飯也很一流很似單簡餸菜，但背後的心思卻不少，一些老店還是要多光顧，多多支持。

今日難得放假，想同家人去觀塘行下街。一上網就見到有好多人介紹呢間上海菜館，就揀咗呢間食個靚午餐😛一入到去店員好有禮貌咁招呼我地，同介紹我地食個二人午餐。因為又有餸菜、白飯、八寶茶同甜品😍價錢都非常合理，又可以食到傳統上海菜，正！今次就揀咗兩款小菜，就係佢地嘅招牌小菜糖醋排骨同雲吞雞。糖醋排骨口感非常好，又夠多汁，好Juicy😆撈飯又得，總之就係好好味🥰 另外雲吞雞就真係估唔到會係原煲上，好有懷舊嘅感覺。入第一啖，就有好重嘅金華火腿味，而唔係味精嗰啲味，好好飲😋仲有半隻雞同幾粒菜肉雲吞都好好味‼️我地食完小菜之後，店員就好主動咁上甜品同八寶茶。平時喺出面食上海菜都好少飲過八寶茶，果然喺呢間傳統上海菜館就有得飲😚杯八寶茶好足料，好清新，真係好少見。因為我同家人都係好鍾意食紅豆，所以呢次就叫咗豆沙窩餅做飯後甜品。豆沙餡非常豐富，一咬入口就好滿足。仲有因爲佢係新鮮熱辣辣，好想再叫多碟。但係同家人食呢個套餐已經好飽，留返下次再食過！！

隨朋友來到觀塘小店開餐，這間餐廳位置有點微偏遠，坐地鐵會較近，若坐巴士的話，由觀塘市中心步行，約需15分鐘。甫入店內，發現是一間舊式餐廳，我是一個與時並進的人，喜愛新式的懷舊設計，但也非常支持舊式小店。點了四人套餐，價錢HK$422， 包括: 小點及湯各一款，再加四款小菜，另配白及八寶茶。酸辣湯與坊間吃到的不一樣，湯內加了紅蘿蔔絲，而且明顯得喝到辣椒醬的味道。咸肉津白 這款小菜的味道不錯，津白吸收了咸肉的味道，份外惹味。炒三鮮 這個小菜偏向重口味，男士會較適合，個人認為蝦仁挺彈牙，佐飯還是不錯的選擇。花雕醉雞 雞件帶有淡淡的花雕香味，但是非常「的色」，細細件，"不夠夾"。糖醋排骨 推介!味道調得剛好，酸甜適中，排骨嫩滑不肥。豆沙窩餅 窩餅外層香脆，內層紅頭蓉綿滑。八寶茶 飯後來杯八寶茶，感覺挺養生。總括而言，這裏的菜式碟頭實在太細，吃後不夠飽肚，還是提議店主慷慨點吧。

觀塘一向都多美食，除咗入工廈覓食外，其實地鋪都有唔少選擇。今日行入咗間開業多年既上海菜食店，呢間仲係2012年拎過米之連，認真巴閉。我嗌咗個套餐，可選兩款小菜、一個湯，配兩碗白飯及八寶菜。小菜既選擇都幾多下，食多幾次都唔會厭。我點咗奶油津白、蒜泥白肉。奶油津白，質地超級Creamy，個汁既味道調得好好，唔會死鹹，仲加咗火腿粒，加咗多咗層口感。食完個菜，個汁用嚟撈飯一流，可以食多碗飯！蒜泥白肉，個蒜泥簡直係成碟餸既靈魂，入口帶點微辣，相當開胃。而且蒜量十足，勁啱中意蒜味既我，呢個蒜泥仲勁下飯添！不過啲白肉就有少少失色，太薄無乜口感，且肉味唔出。湯方面，我揀咗青菜豆腐湯。以二人份量而言，的確係大份，夠三至四人飲。個湯料好夠，除咗有勁多切條硬豆腐外，當然少不了青菜，仲有磨菇添。味道簡單，好有住家飯感覺。食完飯後，店家送上八寶茶。八寶茶有多種材料係入面，當中以菊花味最為突出，而且店家仲加咗冰糖，所以好易入口，作為飯後飲料，健康又養生，的確唔錯。另外，呢到好似茶樓咁，送上餐具時，會比一碗水食客清洗餐具，確保衛生。不過小店空閒有限，適合兩至四人黎食，就唔係好啱一大班人黎聚會啦。

基本上朋友仔都知我好中意食上海菜，所以今晚我個閨蜜就帶我去佢屋企附近食上海菜！佢話呢間上海菜係老字號，開左幾十年。。。行到去門口真係覺得好殘舊，仲要係街市最上面，吾太起眼既地方。入到去環境都有一種歲月痕跡，牆上癡左一啲舊相，舊香港舊觀塘。餐廳地方好細，只係得6張枱左右，亦只係應該得老闆娘一個人打理，見佢好忙。所以食好野都要等下咖🤣🤣雲吞雞：一鍋其實份量吾算特別好多，但一上枱果下好香，有一陣香味，入面有4粒雲吞同應該有半隻雞。雞肉煲到淋哂，但雞肉係好入味，吾係渣係好入味既雞肉味。個湯算清吾係油，好濃雞湯味。2個人份量算多，我地每人差不多飲左3碗，真係食雲吞雞都夠飽😆糖醋魚塊：呢個糖醋魚塊吾算好多魚，配菜有青椒同洋蔥，真係整得好好食！配菜爆得好香，個汁酸酸甜甜岩岩好，送飯一流。獅子頭:有2粒，個底係娃娃菜。朋友仔話得佢切開，當佢諗住好實好用力切既時候，點知輕輕力已經切到夠哂淋🤣個獅子頭好入味，個汁又吾咸，又淋又滑。有時食到既係好實，但呢度既真係好食！豆沙窩餅：入面好多豆沙餡，吾甜，豆沙餡係好濃味又滑，食入口熱辣辣吾會成口油。呢個甜品真係一流！食完野會有一杯八寶茶，坊間好少見。食完飯飲啖茶清

住觀塘既朋友介紹我食呢間上海菜館，餐廳都幾有時代感，估唔到佢既二人餐好抵食！$206包左兩款菜、湯、白飯(加$15可轉上海擔擔麵)、八寶茶酸辣湯唔好以為係例湯size，原來超大碗，我同朋友一人飲左3碗😂好足料而且酸味岩岩好！飲完開左個胃宮保雞丁呢款係佢地既招牌菜，點都要試試啦雞肉切到一片片，份量都幾多，配料仲有蝦仁、火腿、腰果等，鑊氣十足！唔錯九王膳糊(加$28)另一個招牌菜，又係份量十足！膳糊切條狀，唔會食到骨，個汁撈飯一流八寶茶店員見我地食完飯後就自動波送上八寶茶，抵讚八寶茶飲落有濃濃既菊花味，為呢餐飯畫上完美既句號

跟媽媽逛街吃飯，就選了家有名的得獎老字號食店，是有京川滬菜的上海小菜館。小店充滿懷舊風，剛進去時，店員都忙著準備大量網上訂單，可見它非常有名！我們點了個二人餐。有鍋湯、兩款小菜、飯和八寶茶。懂選擇的我當然是點了這裡著名的酸辣湯。有一大窩，每人都喝到兩碗。紅啡色的湯酸味十足很醒胃，不算太辣，又充滿配料，每口都有東西吃，十分足料！花雕醉雞是一款涼菜，雞件量不少，放上來就感受到香氣四溢的花雕酒味道。每件肉量足，肉質嫩滑又充滿酒的甘香，好正呢！我連花雕酒也用來混飯吃了。另一款主菜是時菜獅子頭，芡汁味道濃郁，冬菇炆得軟身又入味，底部的菜也入味清甜。重點兩大粒用豬肉末製成的獅子頭，帶一點點脂肪而已，肉質相當軟身，入口即溶，有鹹香的味道。撈汁撈湯後，整碗飯都吃完呢。這裡的二人餐的另一特別之處是，飯後會送上八寶茶，茶具有一番懷舊的感覺。加水後關蓋焗一會才喝就更好，菊花、紅棗、杞子、橙皮、茶葉等材料再加上小小冰糖粒，清香的味道帶微甜，感覺煥然一新。這樣吃都是二百元左右，抵食！我們離開時，店家仍接到好多外賣，真的很忙呢！

今日約左媽媽Lunch，平時都係飲茶多，所以今日我同媽媽去食呢間上海榮華川菜館，因為有茶飲😂😂一入到呢間餐廳，已經有店員安排坐底。我感受到好舊式既裝修，有著傳統既氣氛，但夾雜住現代化既推廣，舊式既裝修令人非常回味老香港。原來呢間餐廳已經有40年歷史，而家由創辦人的兒子接手，用新派手法去經歷舊式餐廳，希望活化舊香港的老鋪，令呢間上海榮華川菜館更多人認識同光顧，我都覺得要支持下呢👍🏻😍吾講咁多，講返同媽媽食左既野先。我地叫左個二人餐，有兩個川菜，一個湯同兩個八寶茶。我地選左招牌川菜 紅燒獅子球同埋回鍋肉，而湯我地就選左酸辣湯。呢個酸辦湯好好味，非常足料，而家酸度同辣度都控制得好好，我平時吾食辣都覺得好好味，飲吾停口媽媽都大讚。回鍋肉都有啲辣，但絕對係可以接受既辣度，用黎送飯一流。啲肉同菜都沾滿辣汁，入晒味，肉同菜都無煮到過火，無得頂出面食獅子頭就食得多，咁好食既都係第一次。個獅子球入面的肉出奇地鬆軟，而且食吾到有生粉果啲未道。出面果啲通常入面啲肉好硬，又或者好多生粉或麵粉味（我都吾知咩粉黎），但呢個獅子頭真係要去食多次，太好味。最後個八寶茶我同媽媽都覺得好飲，用左吾同既藥材泡個茶，目測有杞

好耐冇食過正宗上海菜的餐廳，今天咁岩友人在觀塘放工，所以便帶我來到這間上海菜館試試。餐廳不算很大，座位亦不算很多，主要卡位為主。餐廳牆上掛有菜式的牌子，也有舊觀塘的畫作，很傳統的感覺呢!我們點了二人餐，有湯、有小菜、有飯、有八寶茶，還加點了甜品。雲吞雞，加了$25點了雲吞雞，都幾大煲，煲內有大概6-8粒雲吞，雲吞餡料都幾多！雞既份量都幾多，大概有5-6件雞，雞肉都算嫩滑！湯很清甜，內裡還有娃娃菜，是一個很鮮甜的湯品！回鍋肉，這裡的回鍋肉都炒得很惹味，椰菜和肉片的份量適中，有少許辣，用黎送飯最好不過！時菜獅子頭，獅子頭絕對是上海菜的經典，這裡的獅子頭共有2大粒，味道剛剛好，配上娃娃菜令整個菜式更清新！豆沙鍋餅，這裡的豆沙鍋餅餅底唔厚，有少少脆口，紅豆餡岩岩好，唔會太少，而且餡料唔會好甜！八寶茶，八寶茶用上中式的茶杯，好舊式的感覺！八寶茶內有菊花、柑桔、紅棗、杞子等，飲落甜甜地，帶有少少柑桔既味道，非常潤喉！而且飲完店員還會幫忙再加水！舊式上海菜館要多點光顧，唔係好快又被大集團取代！