上海榮華川菜館

营业中

休息中

平日絕少涉足觀塘區，有緣踏足，就當然要到這區的老店，一享其特色味道。裝修是典型的舊式格局，懷舊味濃，屬民間的文物館。牆上掛滿了餐牌，真的名乎其實的餐“牌”，既裝飾又實際。點了二人套餐，可選餸菜兩款，回鍋肉是大愛，當然中選吧！豬肉片沾滿了濃汁，惹味至極。韮王鱔糊，須另$28，同樣是重口味菜式。推開韮黃，內藏滿滿的黃鱔，跟吸滿了醬汁的韮黃一起食，伴飯佳品。套餐包括酸辣湯，除了酸辣味道外，還多出蛋黃味道，滿滿小店自家特色。八寶茶，最愛這個，不論賣相味道都十分出眾，此店的特有飲料，如份量多一點就更完美。價錢大眾化，味道尚可，有緣絕對可以再聚🤗🤗

#上海榮華川菜館榮獲米芝連既美譽食物質素真係非一般好味😋-擔擔麵既湯底有勁濃勁香既花生味湯底發到有一層泡沫係表面食落一D都唔油唔膩，有小小辣擔擔麵麵條好幼好彈牙😋-豆沙鍋餅即叫即炸外面果層炸得好脆，又夠薄夠煙韌入面紅豆蓉口感綿滑，而且味濃-八寶茶用左幾種材料浸甜甜地，有茶味又有菊花既香味忍唔住沖多幾轉🤭 而且清熱解暑吾錯喔小編最近比較熱氣宮保雞丁炒得夠鑊氣，辣辣地，好入味粟米湯都夠清甜評分： 8.5 / 10

聽朋友講觀塘有間係香港歷史悠久既上海小菜館，所以慕名而來。舖內有好多香港既舊相，menu上既電話號碼都仲係80年代既7位數字number好有歷史感!！其實佢係出名酸辣湯，但係因為怕佢會好辣，所以嗌咗粟米羹，超級大碗好多粟米，好足料，不過見酸辣湯咁出名，下次一定要試吓！回鍋肉有有啲辣不過好送飯，擔擔面個湯不得了，濃郁到漿住個口芽菜膳糊！男朋友一試難忘！d膳好彈牙，芽菜浸晒喺個醬汁當中，每一啖都好惹味，岩哂佢送啤酒🍻小籠包個皮偏厚，而且啲肉汁已經流晒出嚟，但肉味又係好濃，不過不失啦！百寶茶唔使講睇相都知道好足料，食咗成餐咁濃郁嘅餸菜飲番啖清香嘅熱茶好完美☺️

早排聽老豆講想食上海菜，又想搵下有冇間特色上海小店，咁啱係觀塘搵到一間老店，於是就帶埋全家過去試下。去到店仔細細，見佢擺有些舊香港特色手繪卡通畫，感覺幾好，起初見到佢食飯時間冇乜人，心諗一定係地點夠偏少人知，以為搵到間正野，點知少人食真係有原因 !我地叫左個四人餐，可以揀四碟上海菜，一個湯，仲有甜品。咁我地就點左我最喜愛的酸辣湯，奶油津白，回鍋肉，九王鱔糊，同甜酸骨。一開始上左個酸辣湯，個湯好鬼咸同酸，冇辣味，阿媽食左一半已經將佢果碗倒左俾老豆，老豆就話酸辣湯就係咁架麻，我自己就覺得師傅醋同生抽倒太多啦，唔收貨 … 跟住就上個奶油津白，嘩 ! 成碟嘔吐物咁，深啡色的一 pat 醬蓋住 D 菜。我試左之後，覺得佢完全就係出面金寶白湯買番來加熱完，攤到佢變色之後倒落去就了事。跟住就係甜酸骨同回鍋肉，我會覺得兩碟無論賣相同味道都好似同一碟餸咁，不過食落味道係有少少唔同，呢個都算，老豆一向都最鐘意回鍋肉，但呢碟佢竟然食左 1/3 碟就放低左，然後叫我地唔好食，我問佢咩事，佢話 D肉片酸縮左， ohh … 最後碟鱔糊上左啦，個汁我覺得可以接受，但係個鱔都係唔新鮮，食得出個材料已經切完放左好

如果在觀塘想搵一間經濟實惠的上海小菜館榮華川菜館係一個不錯的選擇 不過地點有啲遠位於觀塘市政大廈附近 主要做街坊生意.二人餐👫揀左湯一款 x 小菜兩款呢個選擇由於第一次黎食 所以叫招牌菜 安全啲🔹回鍋肉採用腩仔片 薄切 所以唔覺肥膩網上仲話呢碟菜曾參加過食神爭霸戰用平民價就食到top10菜式真係好抵 值得一試.🔹花雕醉雞雖然同店內照片有少少出入(唔係用黃油雞)但酒味超級濃 以紹酒浸過夜 夠哂醉食落肉質嫩滑 份量都幾多 仲去了骨.🔹酸辣湯又係好大一碗 每人足足飲左三 四碗材料有肉絲 木耳絲 紅蘿蔔絲等等 好足料辣度迎合香港人口味 個人覺得酸辣比例剛好.🔹八寶茶&白飯 x2首次係大陸以外嘅餐廳飲到八寶茶不過呢度特別啲 店員會係廚房沖泡等客人食到八成左右 先會拎出黎飲小心燙口 飲落好清甜 一解油膩感和辣味.題外話 可能係小店嘅關係 座位不多本身訂位8點 早到15分鐘都冇用 要到815才入座要體諒一下 (p.s 夏天店外比較熱 人流有點雜)不過店員好有禮貌❤️成日講唔該 加返分

今晚同朋友出開觀塘行街，途经依間叫上海榮華川菜館，感覺十分懷舊，而且我也非常喜歡食上海川菜。於是入內進食。店內冷氣也充足，坐位也坐得舒服。店員也很有禮貌和友善。看完餐牌，食物款式也有很多選擇。最後叫咗奶油津白，賣相也很好，好滑，好入味道，而且份量也十足，又叫咗個回鍋肉，好香，味道好濃，醬配白飯，特別醒胃。個人認為是必食的食物。另加酥炸雲吞，有5隻，即炸出來，好新鲜，而且脆脆地，口感非常好。朋友叫咗酸辣湯，酸酸辣辣，味道好濃，好特別的味道。好有水準。另叫咗擔擔麵，大大碗，十分滿足，麵質好滑，而且湯底好濃，好好食。做得好出色。朋友也叫咗百寶茶，茶味好濃，有很多配料。紅棗味好出。個人特別喜歡，味道好深刻。綜合各方面，個人會再光顧的。

<好味上海老店>👍🏻呢間喺70 年代開既上海鋪 細細間 裝修係好舊式類似茶記既陳設 卡位細枱， 啱少人食 食物係傳統上海菜 煮左甘多年當然味道係高質👍🏻🍴時菜獅子頭 85 蚊🐷獅子球 有兩大粒 整得出面有 d煙靭 入面好軟淋 豬肉整得好碎🐷好入味 茨汁整得濃度適中 浸住既津白好吸汁 口感爽口 冬菇都好有口感夠香甜 juicy好食🍄🍴宮保雞丁🐤 🌶85 蚊同平時食既宮保雞丁有 d唔同 雞肉切得扁身 應該係雞柳位 蝦肉細粒但彈牙 火腿 腰果 青椒都煎得好香 估唔到佢辣度有番甘上下 十分惹味🌶🍴酸辣湯🌶好傳統既酸辣湯 通常佢幫你落埋酸辣調味 所以唔會俾醋同胡椒粉俾你 入面既豬肉 蘿蔔絲 麵根 木耳 菇絲 都落足料 好有口感 好味👍🏻😍🍴八寶茶 25 蚊☕蓮子 柑橘 紀子 龍眼 菊米整成既飯後茶 茶味香甜度適中 好味😀#上海菜 #宮保雞丁 #八寶茶 #酸辣湯 #獅子頭 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍

小店,不但有著一種情懷,也是一種好食又有保證的味道,才能對得住老字號的招牌。偶爾我也會發掘不同的小店,偏好京川滬風味菜式的我,留意到這間上海榮華川菜館。當然號召朋友,一齊去試試這間歷史悠史的京川滬菜館。離地鐵店其實都不算遠,太約8分鐘路程,去到遠處已經看到它的招牌。幸好早去,所以人流並不算太多。而店內的裝修,也有著一番的風味。也有很多雜誌介紹這間小店,相信一定有保證。今次就點了二人套餐。二個小菜+一個湯+二個白飯先來了一個宮保雞丁.即叫即炒,辣味十足,香辣鮮嫩的雞肉,配上香口的腰果,再加上鮮甜的蝦仁.一邊食的時候雖然覺得很辣,但惹口的味道,反而帶出京川的特色。時菜獅子頭這可說上海菜的代表作之一,香口鬆軟.配上幾粒彈牙鮮冬菇.,軟淋的娃娃菜.而獅子頭鬆軟入味,食下去令我有所驚喜,難怪是招牌菜式。酸辣湯名副其實酸酸辣辣,熱乎乎,超好飲!!小辣而開胃.而且湯內裡也很足料,連我平時不愛食酸辣湯.也飲過不停!最後有每人一杯八寶茶.很有古式的味道的杯子,打開蓋子.有杞子,菊花,紅棗等多款材料,飲下微甜.容易入口.溫熱而解渴.也能解到辣味,同時也有提神的功效.整體覺得好食,能夠真正食到京川滬的風味,

懷舊的上海店俾人印象係好食啲，今次就試下呢間！叫左個二人餐：1主菜+1小食+湯宮保雞丁 好多雞件同火腿片，仲有爽既蝦仁同脆腰果，辣辣地好香又好餸飯！食到停唔到！加左$25轉左湯要雲吞雞好抵丫！大大煲有四隻足料菜肉雲吞，仲有雞腿肉，娃娃菜，好似多左一款湯加餸咁！我最期待就係食豆沙窩餅我覺得整得好食間鋪先似正宗上海野，黎到熱呼呼，脆皮加上唔太甜嘅紅豆蓉好正丫仲食咗小籠包雖然賣相唔係話超靚，皮亦都唔係超薄，但係睇吓裡面係好多好多汁㗎！皮係正常唔係厚硬，肉都唔係肥豬肉食到飽哂飲埋杯八寶茶，好香的菊花香味，飲完覺得清哂唔肥膩，仲可以添水飲多幾杯㗎！

由於爺爺超鍾意食小籠包，喺香港又冇乜特別好食嘅小籠包，今次搵嚟搵去搵咗觀塘區呢一間老字號。又有小菜食又有小籠包食啱晒我哋。餐廳一邊有唔少卡位裝修好有舊式嘅味道，香港老味道。由於中午時分所以我哋直接揀咗一人套餐。我就揀咗溜肥腸，肥腸炒得好有鑊氣，唔會有臭味，亦都辣辣地非常之開胃配飯一流。無得彈 一人套餐亦都包左一碗白飯同埋一碗八寶茶。呢碗八寶茶非常之推介，平時返大陸去食酸菜魚都經常飲八寶茶，呢一間嘅八寶茶比較重菊花嘅香味同埋入邊亦都有陳皮飲到最尾都飲到陳皮嘅香氣。食完飯飲一杯非常舒服。黎到今日嘅重頭戲小籠包，呢個小籠包我哋期待左好耐，不得不讚嘅係佢哋嘅湯汁真係非常之好，係好鮮甜嘅，入邊嘅肉都調味調得啱啱好好，可惜嘅係佢哋嘅皮相對上比較厚，不過以入邊嘅湯汁來講呢個小籠包我都會再食多一次，皮厚少少都接受到嘅。

一向都喜歡食上海菜，呢日捐窿捐罅嚟到位於觀塘嘅上海榮華川菜館。小店唔係好近地鐵站，藏身喺老區嘅街市附近，所以唔係街坊可能唔會識，我都係特登搵先嚟到。舊式嘅裝修，散發傳統懷舊嘅氣氛，令人不禁回味老香港。嗌咗個一人餐，包一個餸+一碗飯+八寶茶。時菜獅子頭叫咗招牌嘅時菜獅子頭。食過+試過整獅子頭嘅人一定會知道獅子頭真係一樣好難整得好食嘅菜式，但呢度嘅整得十分出色。以豬肉末整成嘅兩大粒獅子頭肉質好淋好鬆軟，入口即溶。配上津白，撈上醬汁相當入味👍本身覺得碗飯好大碗，撈下撈下竟然就食晒🤣八寶茶第一次試八寶茶，出奇地好味。八寶茶由枸杞、紅棗、桔皮、胖大海、圓肉、龍井、菊花、蓮子芯配制而成，睇落都有益呀！味道清香，帶點微甜，仲幾消滯添。小籠包（六隻）另外仲試咗佢嘅小籠包。皮較厚，湯汁好多，但肉餡比汁還要多！不妨試下，支持下老小店～

這裡已是區內幾十年的老店子, 是日想找個地方簡簡單單的吃點東西，一人到來，在店子坐下來, 餐牌就不用看，因為這裡最傳統的幾味就最出色。 先來的就是小籠包, 這裡的小籠包是即叫即蒸的，所以也要等一段時間才有得吃, 皮厚但不韌，餡是鬆軟也滿有肉汁的。晚飯時段有多款一人套餐供應, 包括有小菜、白飯和八寶茶，我就點了花雕醉雞, 這裡用上的是冰鮮雞，雞肉浸得很軟滑，肉質鮮嫩入味，口感就像吃浸過酒及放涼了的雞肉，是值得一試的。最後拿來一杯八寶茶，是用上不同的材料去泡出來的, 用滾水焗一會，聞起來清香而喝入口甘甜，感覺是怡人的, 給客人作清熱潤喉之用。舊式上海食館已消失得七七八八, 好彩還有這裡。

去觀塘探朋友，多得他帶路來這家懷舊餐廳食上海菜，讓我感受到懷舊餐廳的人情味兼美味。見到大大的紅底金漆招牌，真係好有懷舊氣息。朱紅瓷磚外牆和裏面的白色小磁磚地， 就像時光倒流一般，想起小時候父母帶我去 的茶餐廳。餐廳職員說話中氣十足，但別誤會，他們不是沒禮貌，而是十分好招呼，送上碗筷、倒上熱茶、抹枱，樣樣都比現時其他餐廳做得更好，而且都穿著白色制服，跟客人寒喧，真的很有懷舊老店感覺。點了二人套餐$206,可選兩餸一湯，兩碗白飯和兩杯八寶茶。我們點的都是招牌菜，先來花雕醉雞，分量也不少啊。醉雞一上桌已經聞到好香花雕酒味， 食落更加不得了，花雕酒非常入味，雞肉新鮮嫩滑，沒有血水，熟度剛好。吃著淡淡酒香 和嫩滑的雞肉，朋友大讚是這裏最出色的菜式。回鍋肉，喜歡有青紅椒 一起炒，令回鍋肉香味更濃。椰菜爽口鮮甜，有菜又有肉，也不用再點蔬菜了。不說賣相，就說味道，醬汁香濃有鑊氣，就是稍嫌不夠乾身，不過微微辣味和鹹香的醬汁，送飯一流！酸辣湯，喜歡他真材實料，濃濃的一大碗湯，二人分著吃，每人也分到三碗。材料有爽口的木耳絲、蘿蔔絲、筍絲， 又有滑滑的豆腐，煙韌的豬肉絲， 口感豐富，是我喜歡上海酸辣湯的原因。

歴史悠久既小店確實剩返唔多，通常佢地都係自家經營，充滿人情味，嚮觀塘街市附近就有一間食上海菜既餐廳“上海榮華川菜館”，店舖經營多年，好幾年前曾經食過，上星期行經附近就再入內品嘗回味一返。當日我地點左一個二人套餐，包括兩餸一湯同埋每人一碗八寶茶。雖然餸菜選擇唔算好多，但每樣都係經典上海菜，首先點一個時菜獅子頭，兩大粿肉丸感覺好鬆軟，唔會太實，肉質新鮮，而配合娃娃菜及冬姑，味道唔錯。另外點左另一經典上海小菜回鍋肉，回鍋肉帶點微辣，跟椰菜、青椒、辣椒一起炒，配白飯食一流，而且豬肉肥瘦適中有咬口，果然係招牌菜式。而湯類我地加$25選擇雲吞雞，用砂鍋令雲吞雞保持熱度，有四大隻菜肉雲吞，再加埋鮮雞，絕對推介，兩個人食相當滿足。最後每人一碗八寶茶，清熱消滯， 八寶茶甜甜地， 再加埋菊花同紅棗味道，非常好。

以前去觀塘嘅次數真係少之又少，不過開始籌辦婚禮後，我哋兩個就多咗去觀塘，因為好多攝影師同化妝師都喺觀塘工業大廈設公司呢！呢晚約咗攝影師見面，見面前先醫肚。去咗呢間上海榮華川菜館晚餐，餐廳始於1975年，係一間頗有歷史嘅上海菜館，入面裝潢懷舊，不過地方乾淨企理，都坐得舒適！點咗一個二人餐，湯一款配小菜兩款連白飯($206)。小菜點咗蒜泥白肉，不愧係招牌，特別係蒜泥，蒜香十足，入口微辣，調得好惹味同開胃！白玉則略嫌薄咗少少同埋比較肥，如果瘦肉比例多少少，肉味會更加突出。另一個小菜揀咗糖醋魚，魚塊份量唔算多，不過勝在每件魚塊都好飽滿實在，而且醬汁調得恰到好處，送飯一流。配菜仲有大量青椒同洋蔥，好有鑊氣！雲吞雞都好大煲，入面有4粒雲吞同半隻雞，每人約分到3碗。雞湯好鮮甜，真材實料，連雞肉都好淋好入味。雖然餐廳員工嘅服務都比較老派，但勝在食物真係有質素，而且食到咁飽人均都係百幾。都會有下次！