上海弄堂菜肉餛飩 (電氣道)

营业中

休息中

在維園行下行下走到去天后，小巷間發現呢間上海菜，名字叫弄堂好特別。餐牌選擇都多，我地係醉雞同雲吞雞之間選擇了好久，最後決定食雲吞雞。雲吞雞幾大窩，有菜、雞和雲吞，全部都大大件，雞肉和雞皮都好滑，個湯好好飲，好香火腿味，好正宗。見一人餐幾抵，就叫左一個。前菜是小黃瓜，甜甜酸酸好開胃，主菜點了上海炒年糕，年糕雖然厚切但唔會糯，一口一塊好滿足，味道偏甜，好喜歡。再來四季豆一定要同飯一齊食，可以揀白飯或者菜飯，咸香味好出好送飯，食落唔覺油膩。

我和朋友都很喜歡上海菜，這間店選擇很多。砂窩雲吞雞好食，雞湯味道鮮甜，有火腿味，雞肉嫰滑，而且脂肪不多。雲吞是自家包的，涵料很多，又大隻，整窩是四人份量。四季豆炒得爽口，適合送飯食，可惜我們點太多，再吃飯就太飽了。小籠包是我們的最愛，湯汁很多，而且不油，大小剛好一口size。上海炒年糕實在驚喜，鑊氣夠，甜甜的好開胃。年糕炒得剛好，不會太軟，清爽不黏，容易咬開。配菜十足，很健康。飲品點了豆醬，夠滑又夠豆味。

依間餐廳應該唔算低檔,3人同行, 被安排坐四人枱, 女士們有手袋有雜物, 放喺空置嘅位置上，幾分鐘後有一位新食客, 餐館安排我哋坐埋同一張枱有啲錯愕始終唔係茶餐廳加上冇乜禮貌好似叫我地快手腳啲咁之後食嘢都冇乜感覺亦都唔會再去.被命令拎起手袋果下真係好突兀! 要食服務揀過第二間好過！

和朋友相約一起吃晚飯近日吃了不少油膩的食物加上朋友身體有點不適不宜吃刺激及辣的東西選擇去吃上海菜 也不失為一個好選擇讓大家也吃得清淡一些自製滷牛腱牛腱腍身 口感十足上海湯年糕年糕不黏不膩配上津白 肉絲及冬菇絲清淡可口小籠包皮薄 餡肉夠汁 輕輕沾上醋 味道更好砂鍋餛飩雞材料豐富 份量好足有金華火腿 小棠菜雞件肉質香嫩餛飩餡料新鮮 吸收了雞湯底的精華食物味道確不錯 也發現不少人來叫外賣店員們服務態度亦很好值得下次再來光顧

約咗朋友係天后打算食個late lunch聚下舊。想搵個餐廳靜靜地坐得舒服啲嘅，一唸就唸到離地鐵站幾分鐘嘅上海弄堂喇。一坐低即刻叫杯凍酸梅湯解渴，因為天氣真係好熱啊 😣 經理話係自家製㗎，飲落夠凍，而且唔會太甜！我朋友都忍唔住嗌一杯來飲 😛食物方面我哋揀咗兩個前菜，一個套餐。然後我朋友睇到menu有砂鍋蛋餃津白，一於嗌埋！燻魚 - 肉質結實唔會散開，咬落去飽滿多汁，夠入味！紅油抄手 - 我同朋友一致認為係我哋食過最好味嘅紅油抄手！首先個醬調教得好好，有小小麻辣。豆瓣醬嘅鹹味balance到個辣味。而啲雲吞應該係傾干水先放入醬度嘅，如果唔係唔會甘入味。雲吞皮夠薄，食到菜嘅甜味。一碟簡直係唔夠分呀！獅子頭配菜飯 - set lunch size 啱啱好，仲有跟豆漿添！但係因為我哋飲咗酸梅湯，就無要到豆漿喇。獅子頭鮮嫩多汁，個菜飯一啲都唔油膩，加少少湯落去好快就俾我哋兩個ko咗 砂鍋蛋餃津白 - 我第一次食呢道菜，有肉丸，雞蛋餃，津白同粉絲。比起奶油津白來得清爽，啲粉絲好爽口，夏天唔想食飯食呢個一流呀。我哋食下傾下坐咗個幾兩個鐘，仲見識到雲吞嘅製作過程添。整體來講坐得好舒服

相約朋友食晚飯，朋友住香港又想食上海菜，打開openrice search下，就揀選了天后既上海弄堂，店舖唔算大，雖然細細間但反而有種很家庭式很親切既感覺，侍應好nice介紹我們食物，可惜小妹喉嚨有點不適，不能吃辛辣食物，最後叫了個砂鍋餛飩雞，小籠包，上湯年糕，牛腱，雖然是小店，但感受到食物好用心去做~砂鍋餛飩雞，呢個鍋有菜肉餛飩，金華火腿，小唐菜，嫩雞，餛飩皮簿餡多，菜和肉都好均勻，雞件嫩滑，整個雞湯鮮甜味美牛腱可以點辣汁來吃，但原來不點任何醬料都好味，肉質夠腍，唔會韌，好快就食完，好想再encore 上湯年糕，煙煙韌韌，上湯好清甜，內裡還伴有肉絲，津白，又唔似得炒年糕咁肥膩，啱晒女士們小籠包，皮簿，濃濃既汁液混合著醋，一啖一口小籠包，回味無窮

嗰日放工諗住同同事食啲嘢先返去，諗住喺附近搵啲嘢食經過天后電氣道附近，見到一間食上海菜，望入去環境唔錯所以決定入去試下。餐廳環境唔算好大，環境舒適而且乾淨。有菜肉餛飩可以買返去自己煮。菜式精緻而且選擇相當之多。仲有一人套餐可以選擇，配白飯、菜飯或湯麵，加＄10轉擔擔麵，加＄5仲有豆漿添。涼拌小黃瓜，小黃瓜爽脆而且非常入味。酸辣湯材料十足，酸酸地辣辣地十分美味。無錫排骨，排骨煮得非常之林，醬汁嘅味道剛剛好，而且好入味。陳年花雕醉雞，花雕酒味香濃，而且雞肉嫩滑。上海菜必點嘅小籠包，小籠包皮薄餡靚，食落重非常多肉汁。最後加咗銀絲卷，金黃色嘅外皮非常香脆，外脆內軟，加上煉奶絕對錦上添花。餐廳食物味道一流，服務態度好，而且價錢超值。

吃上海菜, 就突然想起"上海灘＂這名曲來。 店名“弄堂” , 是指那條條一排排的里巷，聚沙也能成塔的感動, 來自於最為日常的情景, 多浪漫1點多午飯時間到達, 全店滿座, 只好先四圍行下, 然後再回去 抱着不吃上海菜非好漢的不敗之心, 呵呵呵 無錫排骨+菜肉飯 ~ 炆得很入味, 少少酸, 非常醒胃, 而且有我喜歡的軟骨位置, 超腍 , 但又有嚼頭, 啱哂我口味! 滷牛展擔擔麵 ~ 湯汁很有麻酱香, 面也很爽滑, 主角牛展也滷得鬏化入味, 無選錯呢菜肉餛飩 ~ 用時令小堂菜+豬肉混餚，高水準, 人手逐隻包, 皮薄餡靚； 店員說冬天會轉用當造的西洋菜， 味道會更濃和更甜，我到時要再來試試看呀！酸辣湯(小的) 湯底與出面喝的大有分別, 不是混和茨浆就算, 而是用鮮雞和肉餚製成的！香煎鮮肉餃 肉汁鎖在餃子裡, 加上外面脆脆餃皮, 可惜小胃已滿瀉, 否則必要再叫一客呢 '

今天好想食酸辣湯，由於食開果間換左廚師，D食物質數一次比一次差，我已經比左三次機會它，但去吾返以前既水平，甘我地唯有轉移陣地行遠少少，來里間食為避免同其他人爭位，通常我都比較遲lunch,現在已經過晒繁忙時間，但一入門口就聽到好嘈吵既聲音，如果係客人聲，可以接受，當係氣氛lo,但並不是客人多(得一位已經食得七七八八既客人)，而是D員工 高談闊論聲🙄，其實我淨係想靜靜地食餐飯,我吾想你地家事或是非好彩它D出品係ok既獅子頭，肉質嫩滑，但我吾like,我咬落去好似有好多肥膏甘烤夫好得意既名凍食，口感好得意，好似凍食既面根，夏天最岩食，開胃無錫小骨👏👏好好味，酸酸地，D肉炆得好淋，配飯一流菜飯都好食，多菜可能我飽，我覺得一般佢哋除左傾計，仲有一位好勤力既員工，不停甘幫我地收拾台面既碗亞，碟亞，係不停甘係我地里台 chi卓 咁轉,煩屎到我們食完，馬上收筷子，好可惜他一路收，一路跌筷子，筷子石都係甘，我估他係緊張，越緊張越出事段估他吾係想趕我走亞，得我地一台

放工經過開天后,見有咁多好野食,但好耐無食過上海野了,行過小巷見到有間上海餐廳,店子小小,但大部份的上海經典菜式都有供應,顧客又多,應該唔錯。見到啱啱有兩個位,即刻衝入去攞位。我地叫左 1)小籠包 2) 炸銀絲卷 3) 酸辣湯 4)無錫骨 5)干扁四季豆無錫骨好快到左! 酸酸甜甜好開胃,而且骨同肉比例啱啱好,份量多,以小食黎講其實好飽肚!跟住其他食物都好快到埋!! 四季豆好香口,干扁得好好唔油膩,惹味又唔重口味,用黎配飯一流!跟住到小籠包熱辣辣上場了, 皮夠晒薄,夾起唔會穿,裏面充滿了熱辣辣的湯汁, 一咬爆晒出黎先夠過癮! 估唔到小小上海店都有番咁上下水準!因為菜式份量算大份,所以我地嗌多個炸銀絲卷 同 酸辣湯就夠了! 炸銀絲卷夠鬆脆,唔會好似出面D餐廳一次過炸好晒,上碟時已經硬到好似石頭咁因為我唔食辣,所以酸辣湯一碗同朋友分享,我畢左細半碗,飲落酸味突出過辣味,湯料夠晒多又夠大碗,會越飲越開胃,我怕辣,所以細半碗啱啱好，唔會辣到標眼水~呢間餐廳性價比高~! 好少有平民價錢的上海食店,有多款上海菜式包括獅子頭啦, 回鍋肉,紅燒肉百頁結,烤麩等等,搞到我心思思想再去食多次!

原來上次來這間總店已經是八年前考緊AL Pure maths嗰日，好感慨歲月如梭啊！最印象深刻係呢條街叫琉璃街，「世間罕物不堅牢，彩雲易散琉璃脆」。不過對上海弄堂仍然記憶猶新，過了多年環境和格局都沒有大轉變，溫暖橙黃色燈光，傳統正方木椅，真係情懷未變！一人套餐小食是招牌的菜肉雲吞4粒，果然味道很好，雲吞饀肉味和菜味都很出，而且雲吞皮厚度剛好，不過湯就偏咸了。主菜選了無錫排骨菜飯，鎮江醋調味十足，酸甜入味，雖說是排骨，但都不少肉吃，而且肉質非常腍軟，好好吃！既然來到上海餐館，就點了小籠湯包，一出籠熱辣辣，我不喜歡沾醋，想嚐到最鮮美的豬肉。這個湯汁不少，可以吃掉四隻！蔥油拌麵的乾爆蔥絲條非常香口，另外醬油都十分惹味。蔥油要一上菜就撈麵，我撈得不夠勻，就有的麵條結成一塊硬了。炸銀絲卷中間真是一層層的，口感十足，炸過的脆皮很香口，配上甜奶更加滋味。陳年花雕醉雞（涼菜）是很重很重酒味，雞肉冰凍結實，很入味，絕對令人回頭！雖然偶然會到其他分店，但不知怎的總是覺得天后的總店最正宗、最有情調。

呢日同朋友黎到天后搵食，行左幾條街，餐廳多到你食一個月都食唔哂。XD 最後黎到呢間上海菜館見到有擔擔麵就決定食呢間！雖然只係夜晚6：30，但餐廳已經有好幾枱客。一坐底侍應就俾左兩杯熱茶。我地叫左兩個麵加個菜balance下，仲有杯豆漿。豆漿唔太甜，岩岩好。醉雞一上枱勁香酒味，雞都幾滑，味道剛好。擔擔麵叫左中辣，但朋友話可以再辣d。XD 份量都幾大份，有肉碎鋪面，仲有啖啖花生香味。排骨麵都係一樣咁大份，排骨炸至香脆，食落口唔太油。唔好俾張相扼左，佢好多肉碎係d四季豆下面，咸咸地送飯一流。侍應中途不斷加水，要一讚呢度ge服務，仲要冇加一！

原來「弄堂」係指上海小巷的意思。弄堂裏擺放多張與上海有關的相,我未曾去過上海,但可幻想上海那種古色古香的味道。杯上印有雞公圖案,是60,70年代基層家庭開飯必備之選。傳來濃濃頭抽味,年糕煙韌有咬口,配料如菜和冬菇吸收了頭抽的味道,味道剛好,不會過鹹。原來上海人會以高湯煮小棠菜及百頁以增加其香味,外面上海鋪多數用薄身的百頁，但煮後較易散，但這裏卻用厚身百頁，因為厚身關係，處理需時才可變得不易散,兩者都掛了高湯,入口時吃到高湯和其他材料融為一體。春卷裏的餡料有菜、冬菇、肉絲。特別之處是冬菇不是切粒/絲而是切片,要處理切片的冬菇並不容易,如果冬菇處理得不好,會令其春卷留下一種''up''味。另外,菜會在煮食過程中出現大量水,但廚師仍可避開材料的壞處,控制得宜,令我吃後感覺菜和冬菇很入味,而春卷炸得香脆而不油膩。略嫌皮不夠軟滑,但味道還是不錯。豆漿味道香濃,有濃烈豆味。酸梅湯就不太夠味了!

天后放工 約了家人食好東西。長輩喜歡食中式,所以就去呢間”上海弄堂菜肉餛飩” 又係食街 又近地鐵 餐廳位置 旺中帶靜 店內的檯不多,但”麻雀雖小,五臟俱全”。職員經常幫食客添茶(茶錢每位3蚊, )有選擇困難症的我,可以好快揀到食咩- “餛飩.”就實走唔甩了,我們本想點”西洋菜餛飩”的,但店員好老實地話比我們知,今日的西洋菜唔多靚,所以唔建議我們點來食（以食客角度出發的店員,驚喜!!)我們最後點了”素菜餛飩”, “菜肉餛飩”,”紅油抄手”, 餛飩好大粒,料很多,皮又薄,咬一啖,好多汁,似足媽媽包的餛飩-真材實料我們3個加了2個套餐, “陳年花雕醉雞”配擔擔麵 及”醬燒茄子”配菜飯“陳年花雕醉雞”, 酒味濃郁,雞沒有雪藏味,很好食…. 擔擔麵的麵質彈牙,少少辣,唔會食幾啖就覺得好油膩”醬燒茄子”, 茄子一點也不淋,醬汁好野味,加埋豆豆,好有口感,配飯一流酸辣湯-有好多料,味道OK 黃金排骨菜飯 – 好大份,好抵食,炸得好酥脆炸銀絲卷 – 即炸,上時熱辣辣,出煙的,香脆可口,一點也不油膩長輩很滿意呢餐,大家都食到飽飽的,話下次要再來食過….

朋友生日話要食中餐, 行到天后諗唔到食咩之制, 又入左去上海弄堂今次突然留意到有套餐一人餐好似幾抵食咁, 咁我地就嗌左兩個一人餐, 再散嗌D 小食咁首先黎個酸辣湯, 朋友喜歡飲嗌左個素菜雲吞D 皮幾煙韌, 入面D 素菜同雲吞幾夾紅油抄手少少辣, 幾香口一人餐O既四粒菜肉雲吞, D皮一樣咁煙韌我自己就嗌左醉雞擔擔麵醉雞夠入味, 味道幾特別掂掂麵又夠哂彈牙, 不過朋友乙唔多食得辣, 下次可能要嗌極小辣比佢燒茄士同黃金排骨都係配菜飯, 朋友嗌的賣相都唔差, 試左舊炸排, 幾香口茄士送飯都OK, 夠入味最後唔知點解嗌多個炸銀絲卷, 食到勁飽!