上海小南國 (MegaBox) (已結業)

睇完imax batman，選了這裡六點幾o黎到，要我o地七點九交檯雖然今日唔知點解異常多人(可能因為batman)，但最後都無需要趕我o地走要了灌湯生煎包、例牌醉雞、上湯年糕、上海炒麵、燒賣(賣晒所以cancel)灌湯生煎包 - 包底皮嫌厚，肉少，湯ok o既醉雞 - 雞唔算肥，酒味唔係好苦，雞味少o的喇上湯年糕 - 好粉……炒麵 - 其實油身o的反而好，料亦都無乜如果係同一集團，尖沙咀o個間好o的但一定要讚o既係有個男侍應服務超好，又快手殷勤，頻頻換碗碟，所以填o左張意見表讚o下佢

試過銅鑼灣及尖沙咀小南國都好好食, 今次去左megabox呢間試。兩個人點左雲吞雞、小黃魚、小籠包、生煎包、醉雞。雲吞雞、小黃魚、醉雞都幾好。生煎包麻麻，小籠包就唔得。佢個小籠包仲衰過普通酒樓果d，皮厚肉少。我唸我唔會再幫襯，因為德福有好多上海菜好過佢。

同媽咪daddy三人行去megabox, 去到都2點9啦...見到個牌寫住3-6pm清潔時間, 心諗唔係呀!!冇得食? 接待姐姐亦話唔好意思, 不過聽到我地係專誠去, 佢好好人咁話可以俾我地入去, 不過就要3點埋單....吓??15分鐘點食呀?煮宦煮唔切啦!!! 原來佢唔係咁既意思, 係要3點找左數先姐....仲可以慢慢坐係入面食....入到去都仲有6,7枱, 我地一拎起menu, 侍應就好快問我地食咩...我唔係好鍾意咁lor, 人地都未睇清楚有d咩食, 成個人企係旁邊...想點ar!!!好在媽咪食過, 都叫知道有d咩出名d...唔知係咩送既前菜係荀, 有少少辣, 幾好味叫左5樣野...烤麩同百頁..(唔係好記得全名):唔使5分鐘就黎左, 烤麩唔錯, 幾入味, 都幾大碟...百頁就一般..冇咩味道...灌湯生煎包*****:推介入!!!!!好好食...趁熱食好正, 入面d肉汁好好味, 係有少少油lor....包底煎得很脆,不過我唔小心整穿左..漏左d汁出黎.. ><"蔥油拌麵:份內ok, 以為會好鹹, 因為d色好似豉油咁, 原來唔會lor....唔錯...煎小黃魚:一

主菜有外婆鹵肉--正中花腩肉,有茶樹菇相伴,太甜,肉質有咬口.夠入味皮蛋豆腐--好有豆味,但似百福豆花味.幾滑哎.伴少少醬油,岩岩好香煎小籠包--勁熱,包裏勁多熱湯,值得一讚川椒雞--香口,但多碎雞骨.排骨蒸糯米飯--有幾粒銀杏,幾得意,米油, 排骨乾乾的,毋乜味道.可能前幾道菜味道太濃,所以呢個對比下清淡少少有優惠買一送一,其中一個餸買一送一.甜品桂花榚--之前食得太飽,但好有上海風味的甜品桂花酒丸子--唔岩香港人口味,怪怪的新裝,平日少人(商場人流少),坐得耐,環境幾好,出菜奇快.店內SERVICE 幾好我地三位女子用,足夠有餘,趕客未有此情況,食物質素中上,賣相幾好,價錢還可接受VINCXXX, 雖然HARDSELL D套餐!但都比時間我地去考慮.當天因下雨天,友人太頭蝦唔記得攞傘,VINCXXX衝出黎,物歸原主.謝謝

i used my hangseng credit card discount , buy "one get one free", but the waiter kept asking me to order more and more, he didn't let me to just order this buy one get one free set. ok fine!!i order one more bun and 2 desserts.the service is fast though, maybe not that many people that night on wed. the food is quite so so , but good looking .

上星期六響megabox小南國搞個舊同學聚會晚飯, 諗住高高興興食餐飯, 點知換來一肚子悶氣! 事緣我地一行七人定了六點晚飯(訂位前已同意八點交檯), 我與同行同學準時到達, 之後坐低就當然係商量一下叫乜野食啦, 此時有一位個名牌寫住"Vincxxt"既待應就好殷勤咁走埋黎介紹佢地既母親節套餐, 基於我地覺得套餐無咩野岩食加上我地成班人無個係母親, 所以我地禮貌地婉拒左, 但係這位待應開始"硬銷"他們的套餐, 話個套餐好抵食, 又夠份量, 仲話有咩菜式唔岩食都可以改, 又話散叫一定唔夠套餐咁抵云云, 仲話套餐有一碗燕窩送添... 因為我地開始覺得佢既硬銷策略已經有d過火(語帶強迫性加上傲慢輕挑態度), 而且我地亦都唔會因為套餐平d而唔岩食都夾硬叫, 所以我地堅持要叫散餐, 而呢位待應最後好自討沒趣咁行開... 之後我地叫散餐, 點了醉雞, 海哲頭, 外婆肉, 小棠菜百頁, 大蝦粉絲煲, 黃金蝦仁, 小籠飽, 生煎飽, 唯一係海哲頭份量細左少少同黃金蝦仁咸左dd, 其餘食物都響水準以上, 尤其係外婆肉不肥不膩, 生煎飽外脆入面juicy, 值得一讚! 但係好戲黎啦, 大約七點廿五分左右佢

無啦啦兩口子黎左呢個場度行, 於是乎順勢喺度搵下野食啦, 由於師傅從來都喺呢度食過野, 所以左揀右揀, 揀左好耐最後都係決定黎呢間食店, 貪佢係集團經營!去到門口見冇咩人, 於是登記攞枱, 好好彩唔使等位可以直入! 一座低即刻睇下有咩好食先, 最後經過商量, 兩個人決定柯打招牌小籠包, 擔擔麵同埋外婆紅燒肉!最先到嘅係招牌小籠包, 一籠有五隻, 皮就厚左少少, 但內裡嘅湯就絕鮮甜, 而肉味又幾香, 都算幾好味; 擔擔麵嘅湯底就一般啦, 麻醬就幾香不過就一d都唔辣, 反而冇左擔擔麵嘅風味, 而麵質就唔算太硬, 但亦唔覺有咩特別, 普普通通咁啦; 外婆紅燒肉係因為個名咁特別, 所以師傅決定一試, 原來係d豬腩肉, 豬腩肉炆得好腍, 而且夠香又夠肥, 但就一d都唔膩, 送飯一流, 正呀!總括黎講食物質素算係中上, 但並非十分突出, 而價錢就幾貴, 唔算抵食, 不過環境都幾好, 而服務都幾殷勤; 師傅覺得如果以上幾道菜式係絕對有進步空間, 其他食物就不得而知, 但對師傅黎講呢個晚餐確實係有少少失望! 狀元樓就一d都唔覺似狀元咁厲害, 相信短期內都未必會再黎!

醉鷄 – 雖然冷盤很多選擇, 但個人喜好問題, 所以依然揀了醉鷄。醉鷄肉質不是很嫩滑, 而且不夠酒香, 很一般的貨色。咸肉蒸百頁 – 百頁是豆製品, 本是無味道的, 加上咸肉蒸, 很簡單的菜, 因為想清淡些, 不過這裡的咸肉太肥了。义子酥 – 有一堆肉碎及豆角碎, 自已將之加入佈滿芝麻的酥皮筒內, 吃起來幾得意, 味道也不太濃, 不過酥皮筒有點燶, 有點熱氣的感覺。擔擔麵 – 擔擔麵的湯太”杰”, 好像汁一樣, 味道偏淡, 少少辣, 也很一般而已。生煎包 –肉餡很少, 不過包底是煎得很脆, 一人要趁熱吃, 這個反而不錯。環境是佷不錯, 算靜也很好坐, 但食物質數一般而價格一點也不平宜, 不是一個好選擇, 應該沒有下次了。

本想去魯一居,但剛好經過又有位便黎試下. 比起TST店,這裡比較迫及嘈,坐也不太舒服,而且更坐近門口.薺菜百頁卷~賣相精緻,食落一般.生煎包~一碟五隻,一咬肉汁四濺,幾好味.芝麻大餅~個人至愛,很香很鬆,不過偏油了一點.小籠包~穩陣之作.石鍋麻婆豆腐飯~最難吃的一個,石鍋燒得太熱, 一來已焦了,是燶了. 趕忙滾動分食,吃下不是常吃的麻婆(不見有豆腐),是麻辣,很怪.八寶鴨~出色的一樣,鴨肉酥香,內裡的燸米與連子很淋. 全家福~賣相圖片好吸引,黎到都可以,味道健健康康,清淡,菜煲到太爛。唔記得咩野豬手~賣相同八寶鴨好似,都係深啡色一大舊肉. 不過呢個菜得個樣,無味,食落淡口到好似煲湯個d豬肉,個個食完都唔想再食. 差.肉末义子~一般,無咩野味,炒得唔香.鍋貼~皮厚肉少,不太得.以咁既價錢,質素唔太合比例,暫時都唔想再去住.不過,上菜既侍應,好好禮貌,次次上菜都好禮貌叫一聲,又快加水.

14/04晚上和幾位同事前往MEGA-BOX 的Caliornia Fitness 領取贈品和臨時會員証，事緣在10/04 當天接獲自稱Open-rice 的聯絡人指我已獲獎。去到後被該會員工狂Sale 入會煩到痺，事後往小南國晚飯。可能是星期一關係比較冷清，一行四人坐在窗邊的卡位環境相當不錯，只可惜女侍應黑口黑臉心情不太好，續有客人入座但都被安排坐在左右兩旁，原本好寬敞的地方卻變成擠迫戶，不明....不明。薺菜百頁卷很精緻獨欠少少麻油香味，皮蛋豆腐好出色....GOOD！冷盤都應該OK。肉末义子很好只是多了些粉絲，而义子較為皮薄所以易穿。糯米蒸排骨色、香、味都俱全，一定要試。上海湯年糕非常出色，年糕夠軟身同入味完全因為湯底極佳。

星期六下午，德福既食肆人頭湧湧，想搵個位食飯都好難。反觀新商場Mega Box，人煙稀少，鐘意食邊間就去邊間，大把位俾你揀。想食一餐正宗的上海菜，小南國是國內進軍香江，又聽聞所有店長都係上海人，段估出品都正宗卦？！三個人到來，因又會有下埸，所以不叫太多，糖醋排骨、川子雞、松子桂魚及生煎包幾味便夠了。糖醋排骨用兩片荷葉半包裹著，賣相得體，甜酸度適中，味道不會太搶，肉質亦幾淋，作為第一道菜，最好不過。醒胃既排骨過後，就是刺激的川子雞。這裡的川子雞不像正宗四川的辣子雞要在辣椒裡找雞粒，感觀上令香港人較易接受。同時，辣度也明顯作出調整，雞粒不過辣。雞肉方面，外皮脆卜卜，也不會炸得太乾，內頭的肉也充足豐富。呢味川子雞我一定要回頭吃。松子桂魚，賣相吸引，見到已經口水流。同樣是甜甜酸酸的一道菜，但今次既醋就略嫌放得太多，奪去了甜味和魚味，好在魚夠鬆化，整體感覺還是可以。最差係生煎包，完全不合格，仲係離晒譜個隻。幾個包黏著在一起，無法一個個夾開，原因是個包根本未弄熟。呢碟完全唔能夠入口，有衝動叫佢退回，但最終還是算了。包也弄不熟，呢個師傅真係要打屁股。雖然有一味菜值零分，其他的卻是不錯，加上賣相得宜，

2008年2月9日，小南國自從在銅鑼灣吃過中午點心後，沒有再試過小南國的小菜。今天友人生日宴，終於嘗了好幾個菜：醉雞：一向都不愛吃醉雞，可以說的是雞肉頗嫩，沒有我討厭的雞味。皮蛋豆腐：味道還好，豆腐份量太少，與皮蛋不是很balance。全家福：賣相吸引且整體味道不錯，湯可以淡D，蛋餃老了點，津菜太爛了。冬荀塔菜：不知道是我感冒作怪，初吃有點苦味，但多吃兩口又不覺得。塔菜爽口，荀味一般。水煮牛肉：賣相討好，牛肉不錯，不算辣，有水晶粉墊底，好入味，但可惜我感冒了，只能輕嘗。小籠包：皮的質感有D怪，味道OK。蔥油拌麵：來錯了一人份量，好彩醒目換回例牌。但一點驚喜都沒有，很沒有“蔥油”應該帶來的香。排骨蒸糯米飯：排骨較乾，糯米飯勁油，少吃。小黃魚2條：賣相金黃可愛，吃落又香又嫩，很討好。桂花拉糕：三個甜品最好的一個。拉糕煙煙韌韌又不甜。炸南瓜餅：都煙，不過就油了點，南瓜味不太特出。酒釀丸子：甜。酒香不足。

今日又同三個好友去megabox搵食,今次揀位於6樓的小南國因為以前係銅鑼灣果間食過幾次,印象幾好,於是今次都抱幾大期望不過一睇個menu,就涼半截,因為.....個價錢同我之前食果陣加唔少結果叫個4人套餐(E)冷盤有考夫,燻魚,糖醋排骨,前兩者都好好食,但排骨就比較硬湯要宋姐魚羹,唔錯主菜:忘記名稱的麵(好像是蔥油麵),很普通炸小黃魚:正!平時唔多食魚的我都食兩條麵筋煲:幾好食,個麵筋口感好正仲有一個又忘記名稱的菜,有紅燒肉同百葉,肉就麻麻地,不夠滑同彈牙,百葉就好食得多了甜品是酒釀丸子,略嫌多了點酒味雪梨水幾好飲服務幾好,湯同甜品會先分好再上,食得好方便4個人埋單$653如果價錢唔係這麼貴的話,會考慮來多幾次

１日11日,同老公撐枱腳,一早已經好想試,點了小籠飽,紅油抄手,雞煨麵,薺菜蝦仁豆腐煲,心太軟.全部都好好味,份量又足,但係點解紅油抄手有紅油但係唔辣嘅？服務招呼真係一流,一路出門口一路有侍應講多謝晒,再見,一定會再食。

jack 哥哥成日行得好快,衝來衝去! 加水亦都不需等太久. 有幹勁!環境不俗又舒服灌湯生煎包–沒有想象中多湯龍井炒蝦仁－蝦仁好細隻，茶味又唔濃上海粢飯糕.這個最唔好食整體上，招待和食物各方面均稱得上滿意!@@@@