三餐冰室

营业中

休息中

呢個焗飯唔講得少，新鮮焗起上枱仲咋咋聲。蕃茄汁唔酸有新鮮蕃茄粒，不失蕃茄既味道。加咗芝士焗，有拉絲，味道更加香口。豬扒嫩滑有肉汁，煎過，好味道，已切開，份量足。炒飯底有豐富既蛋味。整體出色。

星期日剛好打完風，十一點約了朋友尖沙咀，時間未到食早餐，經過三餐冰室想一試，就一肚子氣😡入座幸好人不多座位舒適，看完餐牌想點餐就叫一位男侍應下單，個男仔行到黎已經好似不耐煩，想點個麵加香腸和蛋，對於一個侍應生來講是否很難理解🤔？我講了三次，個男侍應就黑曬口面好像聽不明我講，之後吾理我轉頭走左，我呆左，非常無奈，請問這間什麼餐廳？？？想點早餐，講三次你發脾氣轉頭走，你吾想幫我落單可以講一聲我可以吾食。最後穿黑色制服應該是經理男仔幫我點餐，還有這位經理在旁邊看到員工不禮貌對客人都不理！好過份！請問點個餐要看你員工不耐煩黑曬面，轉頭走去不理你，還會再次光顧嗎？食物質素普普通通不過不失，下次不會光顧，未食已經受氣。😡😡😡

今日一早諗住去三餐冰室食個早餐之前食過，都覺得佢哋嘅沙爹牛麵好值得推介。趁着假期，又好似好耐冇去過，就去食個早餐。嗌咗三份早餐，起碼食剩一半首先講講餐肉麵，由於本人比較喜歡吃比較林的麵侍應奉上的，是起碼有兩個麵份量的麵，但食落去就知賴嘢啦。餐肉完全冇煎過，仲要凍嘅。咁不如我自己返屋企食算啦。再講沙爹牛麵，真係未食過質感像擦膠的牛肉，沙嗲醬可以無味嘅。食物嘅味道再加上侍應嘅態度，真係只可以用消極同惡劣嚟形容。三個早餐盛惠$120。買單嘅時候原來發現附近嘅食客都剩低好多面同埋餐肉，其實係唔係就嚟唔做呢？

食物 - 味道不錯，可以經常食，多選擇，焗飯最有水準。服務 - 我經常去幫襯，其實堂食時發現食客唔做登記唔做安心出行直入，唔帶口罩又有，疫情都兩年，有啲公徳心，員工提你又話人地服務態度唔好，自動自覺啦香港人。另外食早餐觀察到大家叫餐係唔鐘意睇清楚人哋嘅配搭，亂叫一通，提醒你又開始西面，顧客永遠是對的呢句過時㗎喇，將心比己，唔好成日命令式叫餐，地位對等，自不然會減少爭拗。效率 - 效率同食物水準一樣，外賣最好電話叫定先，因為中午時段真係排到出門口。

來到尖沙咀趕住上堂，已經18:00左右都不抱有食下午茶既希望，係門口問下，果然沒有。問埋有冇單點腿蛋治，有既有單點，即刻坐低。阿姐都唔止重覆一次叫我點晚餐，有啲不耐煩。坐埋位有menu喎， 但冇寫單點蛋治。即刻舉手問，單點幾錢，阿哥仔話$30，包中芝士，我都聽到一舊雲，總之理解話包芝士。我咪講，menu 冇寫我唔明，我個下真係聽到一舊雲。總之點左個腿蛋治啦，menu 又冇，我點知原本個稱號係咩呢？其實個場呢， 一半場都唔夠既。我一食完九秒九收碟， 當你驚full啦，無所謂。但全程個氣氛都唔好既。我亦都不客氣，行去俾錢都木口木面。不過 蛋治係好食既，心境平靜既人，可以去品嘗食物啦。我離開時間應該是18:20左右，因我18:25已行到去斜路7仔。張開檯單，唔知點解17:50，應該個鐘慢左啦。我17:50仲搭緊車

大熱天時夏天去請三思!!!真係熱到食唔到!!!呢間餐廳冷氣好熱好唔夠呀，可以食到出晒汗，最慘我不能飲凍野，仲要叫咗杯熱，飲都飲唔到。。。。講真我都幫襯過幾次，好心同你哋反應餐廳冷氣真係唔夠同好熱，杯熱飲想轉外賣杯，阿姐員工話咁轉外賣杯要多收你一蚊，我明白同客人講收錢係你老闆要求我亦都無所謂(只係一蚊姐) 但係唔係可以聽下客人反應同意見而唔係只着重收個一蚊…食物方面以茶餐廳來講是還可以的，但女員工態度同環境體驗來講還有待改善

港式冰室開到成行成市，愈開愈多分店質素就每況越下幸好三餐冰室黎親每次都keep到水準！精選晚餐會定時轉換。經典系列都有好多野想食，可惜眼闊肚窄！鐵板餐揀左忌廉湯，勁多蘑菇。唔會好稀或唔夠味，便得唔錯！牛油多士夠厚，外脆內軟。鐵板雜扒餐$118有豬扒、雞扒、火腿、腸仔、煙肉及太陽蛋 岩晒食肉獸 嘅我3種醬汁：黑椒汁、燒汁、蒜蓉汁薯條經蒜蓉汁吸汁超正！甜酸咕嚕肉飯 $56 老公至愛，三餐嘅咕嚕肉尋日都係第一次食！調味唔算酸，炸皮夠薄、食落啖啖肉～熱香滑奶茶~跟餐免費奶茶用黑白淡奶去沖調，飲落特別順滑。茶底亦香濃。芝士焗肉醬意粉 $68今次嘅肉醬比之前明顯大粒左，整體口感唔會油淋淋！熱檸檬可樂煲薑 跟餐+$8正價$25 每杯獨立煲，足料夠味，驅風必備～

一班人開開心心食個早餐，員工命令式咁樣叫我哋分開兩張枱坐，全店只有三成客人但諗一諗揀一揀邊一張枱都唔得，之後全店兩個員工全程黑面…食物質素一般,尖沙咀太多其他選擇,以後一定唔會再幫襯…..

I’ve been to here a few times before.The staff was very friendly and accommodating.This time is different...not friendly and accommodating...The staff put on money on tray when I checkout...so dirty...tray...because,the tray carring food and drinks...wet...(To pay back)I was dissapointed it...

尖東這附近餐廳不多，想隨便吃點東西，經過這間就進來吃個下午茶。叫了一個三餐炒飯（餐肉粒、蝦仁、菜粒）$48，一個煎雞扒煎蛋麵 $40。炒飯賣相不錯，下午茶份量適中，都炒得幾乾身幾香。煎雞扒煎蛋麵就是正常啦，沒甚麼特別。以下午茶來說價位也不低，未必會特意來吃。不過聞到隔離枱吃鐵板餐的香氣，也幾吸引的，可能會來試一試。

身為常餐之鬼終於要出第❶個常餐POST啦！唔知有冇朋友同我一樣次次去茶記最想食嘅都會係常餐A，唔要通粉只要米粉，炒蛋，檸茶走甜，缺一不可。咁啱經過位於尖沙咀嘅＼三餐冰室／就去試下佢。炒蛋多士🍳可以揀雙蛋/腿蛋/腸蛋，今次我揀咗炒雙蛋。炒蛋食落似冇加cream/奶，好純粹嘅蛋味，感覺健康啲。多士係兩塊厚身多士嚟，幾有誠意，略嫌唔夠脆仲可接受～火腿米粉🍜望落好似淡矛矛冇味但食落個湯底都ok，比較清，唔會食完好口渴。沙嗲牛麵🍜男朋友食嘅沙嗲牛麵牛肉頗多，沙嗲醬食到有花生粒粒，唔錯。常餐$48凍飲加$3。價錢可算接受。

今晚收到要OT嘅消息，咁樣當然要先食飽再做啦，一想就係平時食早餐嘅三餐冰室，平時都係主要食早餐，快靚正！今晚本想食個鐵板，見到都好大份，但怕太飽，同埋又見到餐牌內嘅中式客飯都好吸引，有我最愛嘅粟米魚柳，就係咁選了！個餐本身就已經配有紫菜湯同白飯，而份量絕對足夠！上枱粟米魚柳、湯、飯一齊來，大大碟嘅粟米魚柳，在香脆嘅魚柳上淋滿了粟米汁，一啖煙韌彈牙嘅白飯加一啖栗米魚柳，堅正！而個紫菜湯亦十分足料，湯內啖啖都有紫菜之餘還有煲湯瘦肉，一樣好味！最後加埋杯凍檸蜜，冰凍涼快爽！食飽就回公司繼續！

平時行開附近想便宜啲食過飯我都會來這裡，正如餐廳名字一樣，一日三餐都有唔同嘅配搭！今次就係食晚餐，餐廳真係有好多選擇，中式套餐，炒小菜或西式，同鐵板都一應俱全！喜歡食肉，這個鐵板招牌牛柳餐，已包餐湯跟牛油多士同餐飲，現在推介緊啤酒，跟餐加多$28，就可以點，當然食鐵板就跟埋啦！餐湯是是日餐湯忌廉湯，夠晒濃郁，配埋塊香脆牛油多士，真係一個唔錯嘅前菜！主角就係個鐵板招牌牛柳，上枱時先一併跟上了自己選擇燒汁，即場淋上去嘅感覺先至似食鐵板嘅感覺！"炸""炸"聲嘅感覺特別有Feel!，而個招牌牛柳有兩大件在鐵板上，感覺超值夠晒分量！而切開內軟仍然充滿肉汁，再在鐵板上煎一下，入口軟熟嫩滑之餘，牛味還夠晒濃郁，還有大大條薯菜跟上，配埋燒汁入口亦十分好味道！今晚胃口好，追加一份法蘭西多士，最緊要係醬多，呢個製作需時，即炸上面有塊牛油，在剛炸好多醬嘅西多上溶化嘅感覺真係夠晒吸引！厚身多士加埋多醬嘅口味真係令人滿足！三餐都可以在這裡解決!😁

放工已經好肚餓，決定去公司對面食咗晚餐先再搭火車，三餐冰室可以話係我平日返工嘅飯堂，質素唔差價錢又抵，時不時仲有新菜式。鐵板雜扒餐 $118一入門口就聞到香噴噴，決定食鐵板扒餐，雜扒夠晒豐富，可以一次過滿足晒唔同嘅願望。豬扒、雞扒、火腿、腸仔、煙肉及太陽蛋，食肉獸勁開心，扒類肉質鮮嫩，味道濃郁，配搭黑椒汁夠晒惹味。薯菜有我最鍾意食嘅粗薯條，再飲埋個忌廉湯，口感 creamy, perfect 池。熱檸水，去油解油膩。

平時行街之餘都會周圍去食嘢，今晚都唔例外去咗漆咸道南呢間三餐冰室開餐餐牌除了多款美食推介外，都有D另類美食提供，先點了蔥油撈麵嘅其中一款煎蛋豬扒蔥油撈麵，加$12可配羅宋湯或是日餐湯及牛油多士，當然要點埋佢啦而且係咁熱天氣一定要飲杯嘢，家陣都有啤酒供應跟餐俾多$28就有得飲Asahi一枝凍冰冰飲落透心涼，之後有厚切香脆嘅牛油多士，再飲啖濃郁又足料嘅羅宋湯等多一陣煎蛋豬扒葱油撈麵終於有得食賣相十足，先食啖撈麵入口蔥油香味又撲鼻夠晒滋味煎豬扒香脆可口沾滿香葱蒜片，肉質嫩滑滿口油香，仲有咁多塊豬排超抵食，再品嚐埋另一款係招牌菜之一鐵板雜扒餐有豬扒、雞扒、火腿、腸仔、煙肉及太陽蛋，連餐湯同飲料，鐵板餐配汁點黑椒汁咁食先惹味食落啖啖肉汁夠晒滿足，一邊繼續品嚐餘下冰室美食。