三食

营业中

休息中

#MC帶你去中環.最近中環新開咗一間韓國餐廳，除咗一般韓式料理，鍋飯、麵及小食，亦有提供香港罕見嘅韓國血腸湯飯，因此成日都大排長龍。➖✨ 三食 𝙎𝘼𝙈𝙎𝙄𝘾.餐廳主打韓式料理，亦暫時全港唯一主打韓國血腸湯飯；餐廳走現代簡約風格，以水泥牆配搭木系餐檯餐椅為主，環境舒適。➖🥢 韓式前菜｜🆓 ✨可以添加✨.三碟免費韓式拌菜，有泡菜、醃蘿蔔、辣生魷魚，大多都清爽開胃。➖🥢 辣炒小章魚窩飯｜$108（⭐推薦）.大大碗、熱辣辣嘅石頭鍋飯！飯面鋪滿章魚及海苔，搭配洋蔥絲、韓國芝麻葉及白芝麻，份量好足料；章魚口感好彈牙，微微辛辣感，但後勁凌厲，會愈食愈辣，好有層次，幾出色！➖🥢 奶油烤牛肉拉麵炒年糕｜$138.以忌廉拉麵炒年糕，搭配超濃郁忌廉醫汁，加上韓式烤牛肉及免治韓牛；忌廉湯底濃稠偏奶香，牛肉份量幾多，而年糕片煙韌軟糯，拉麵亦好掛汁，整體份量十足，但比較飽膩。➖🥢 豬頭肉片｜$78.去骨豬頭肉片賣相精緻！口感爽脆有彈性，搭配涼拌韭菜，作為下飯菜一流！➖➖➖➖➖➖➖➖➖➖➖➖➖➖

今日lunch time心血來潮，專登走去中環呢間近排人氣幾旺嘅「三食」試吓。12點半未夠，門口條隊已經打晒蛇餅，心諗：「有冇咁誇張啊？」不過既然一場嚟到，焗住等咗成廿分鐘先入到去。話明「三食」，似乎主打韓式fusion嘢，睇落幾啱我呢啲貪新鮮又大食嘅打工仔。叫咗兩樣嘢試水溫：韓牛烤肉餅餃子湯 個名幾吸引，上枱個樣都唔錯。個湯底係清湯路線，飲落幾清甜，冇味精感，係舒服嘅。重點嘅「韓牛烤肉餅」有兩大舊，咬落去幾鬆化，牛肉味算濃，唔會太乾或者太油，調味適中，配湯幾夾，係有質素嘅肉餅。至於「餃子」，係韓式粉絲餡，皮唔算薄但煙韌，浸喺湯裏面吸咗啲味，不過就未至於好驚艷，穩穩陣陣咁啦。成個set份量對女仔嚟講應該夠飽，男仔就可能要加飯。奶油烤牛肉拉麵炒年糕 呢個名真係夠晒長，睇落就知係大雜燴！一上枱，個樣好「IG-able」，炒年糕醬汁上面淋咗層奶油，仲鋪滿烤牛肉片。撈勻嚟食，第一啖係濃郁嘅味，跟住奶油嘅微甜同油香慢慢滲出嚟，幾有層次。烤牛肉片薄身，醃得入味，唔韌，算係咁。拉麵就係典型韓式即食麵質素，掛汁力強；年糕煙煙韌韌，係合格嘅。不過，個奶油同辣醬溝埋後，食到後尾會覺得有啲膩

平時行開行埋都見到要排長龍，懶得排隊既我一直未有機會嘗試，今日中午3:00經過發現唔洗排，即刻入入去試吓。Order 咗一個湯飯一個拉麵，湯飯味道都唔錯，唔係剩係得死咸嘅泡菜味，拉麵諗住會冇乜驚喜，點知湯底出奇地好飲，而且仲有大量豬腸。

中環呢間韓式湯飯店晚市長期排長龍！簡約韓風裝修，一坐低就送三款前菜（泡菜、醃蘿蔔、辣生魷魚），仲可以無限添食～中環區嚟講CP值爆燈！ 1️⃣ 辣炒小章魚鍋飯 ($108)🌶️ 甜辣醬勁惹味，小章魚多到瀉出嚟 🐙 章魚新鮮爽口彈牙，砂鍋keep住熱辣辣💥 食到底仲有飯焦，驚喜程度滿分 2️⃣ 招牌必試奶油三食湯飯 ($128)🥛 忌廉湯底濃到掛勺，奶香超重 🍜 幼麵吸盡湯汁，另外有香港少見的血腸 ，仲要一啲都唔腥🐖入面仲有大量肉片，啖啖滿足⚠️ 溫馨提示：兩個人share剛好，一個人食曬全碗食到尾會有少少膩🤏3️⃣ 泡菜蕎麥煎餅 ($78)‼️意外驚喜菜式🫓 尺寸超大！要出動鉸剪先食到 ✂️ 🍠 蕎麥餅皮煙韌似麻糬，口感超特別 🥢 餡料爆棚：豬肉+泡菜+粉絲完美組合，口感層次豐富💡 小貼士餐廳只限Walk-in冇得book位🏃🏻‍♂️建議晚市6:30pm前到，避開人潮 📌 總結： 人均$100-150，中環區來講算抵食！味道正宗過好多韓國街小店 ，想食正宗韓式湯飯又唔想飛韓國🇰🇷就一定要過嚟同一班friend share多款特色菜式!👭抵食指數：🌕🌕🌕🌗🌑好味指數：🌕🌕🌕🌕🌑#hongkong

三食價錢: $108/ $118好味程度: 4.3/5服務🍴: 3.7/5環境🗾: 3.7/5性價比🥢: 4/5回頭率😚: 4/5-✅✅砂鍋奶油韓式牛肉。奶油湯唔算好膩，反而多左一個creamy的口感😳鹹香奶香夾雜，加大量偏瘦的牛五花，唔係好肥，但有啲鞋！最好食係d韓國粉絲/冬菇/洋蔥，吸曬湯🤗 如果可以加拉麵就好了，match飯就唔係太夾。不過當日lunch只有配飯🫣-✅辣炒小章魚窩飯。超乎預計的辣🥵不過辣得好爽！係韓國歌個隻甜辣甜辣，甜中帶辣的後勁！但成個係好好送飯，因為有大量紫菜麻油😂章魚又爽口唔韌。加埋洋蔥🧅去炒，甜味翻倍。章魚好多，窩飯保持溫度，食到最尾都好熱，冬天食開心d！-2個都幾好食，又啱2個女仔去食都唔會好難叫。有d菜式要晚市先有，所以一定會再去😋

週末喺中環行街，偶然發現呢間新開嘅韓國餐廳～店內裝潢走簡約韓系風格，整體感覺舒服放鬆，無壓力坐足成個下午🪑🌿一坐低就有三款韓式前菜送上：泡菜、醃蘿蔔、辣生魷魚🔥。每款都做得好有誠意，辣生魷魚微辣鮮香，食完忍唔住再encore！主角係豬頭肉湯飯，湯底用豬骨慢熬，飲落香濃又唔會太鹹❤️。豬頭肉好煙韌，有少少膠質感，入口完全唔膩。朋友嗌咗綜合湯飯，一次過試到竝川血腸、豬內臟、肉片、豬頭肉，配料超足料！血腸冇腥味，煙煙韌韌幾特別，成碗飯超有飽足感💯整體味道地道，擺盤乾淨企理，價錢合理，中環區嚟講CP值高，湯飯控絕對要bookmark📌！#中環韓國菜 #豬頭肉湯飯 #血腸好好味 #韓式湯控必試 #hkfoodie

中環新開嘅韓式餐廳，走簡約舒適風，裝修簡潔又有氣氛，坐得舒服好放鬆🌿✨餐前會送上三款韓式前菜：泡菜、醃蘿蔔、辣生魷魚，全部都開胃惹味～ 特別係辣生魷魚，微辣帶甜，口感彈牙，食完想再食！🍲我試咗豬頭肉湯飯，湯底用豬骨熬成，白白濃濃，味道香滑又暖胃。豬頭肉滷得入味，口感煙韌唔油膩，食落好滿足～🥘朋友叫咗綜合湯飯，超澎湃！有血腸、內臟、豬肉片、豬頭肉，一碗食到幾種口感，血腸煙韌唔腥，韓式風味十足🇰🇷！食物真材實料，味道地道，價錢合理，係中環想歎湯飯嘅新選擇，推薦～💯📍三食 SAMSIC中環蘇豪些利街2號LL Tower地舖

食完之後心心念念嘅奶油湯飯前菜仲係3款 最鐘意就係魷魚奶油三食湯飯 $128奶油湯飯again淡淡嘅奶油香 就咁飲都好好飲飲落去暖粒粒撈埋少少前菜嘅辣魷魚 辣辣哋又惹味 味道就更加有層次湯飯嘅配料都好豐盛 有好多唔同嘅肉肉唔知今次點解好多葱 揀得好辛苦🫠但都無阻我吃光光無論係就咁飲定係撈飯 都真係一流豬頭肉片 $78$78有一大碟 都幾抵食仲配咗幾款醬料 味道還可以啦肉片動L動L 好似啫喱咁 但就….無乜肉味 not my thing 🤫

超級好食的韓國人氣湯飯 ! 開幕初期已經有人推薦我去食，我都好想去，但係長期都多人好難平日返工時間去排隊同約人食飯。今日去完大館見冇乜人排咗大概20分鐘就有位都唔算等太耐同埋上菜都快。食咗砂鍋奶油韓式牛肉，入面啲牛肉 juicy 粉絲索曬啲湯味又唔漏，好好味! 有機會要再去! 餃子牛骨湯都好味! 唔怪之佢長期咁多人啦。 限時70分鐘有足夠時間食飯嘅。 佢嗰啲配菜都幾好有生魷魚😋p.s. 返到屋企真係好口渴睇嚟佢都落咗唔少味精😅

招牌 辣綜合湯飯 얼큰순대국밥濃郁豬骨湯底，配料豪華到咩程度？血腸軟糯冇腥味🩸，豬頸肉爽脆帶炭香🐷，仲有處理得超乾淨嘅豬內臟，撈埋熱辣辣白飯食到鼻尖冒汗💦～ 覺得唔夠辣嘅話仲可以額外加辣醬！隱藏菜單 奶油湯飯 크림순대국밥 先係驚喜位🧈！以為會膩？錯！奶油湯底竟然清爽帶微鹹，完全估唔到夾埋血腸喺咁登對，邪惡度爆燈💡😍😍～ 辣炒小章魚🐙쭈꾸미 볶음爽彈到牙齒都有回彈感，韓式辣醬炒到焦香，送燒酒嘅話一流🍶！ 雖然今日閑日都排咗半個鐘⏳，但由韓國地道嘅做法，以及真係好食嘅血腸湯飯，絕對值回等待時間～

朋友想喺中環試吓新嘢，結果揀咗呢間。已經預早咗大約12點到達，不過已經有人龍，結果大概等咗20分鐘先有位。佢每張枱都放咗一本好似韓國護照簿仔，原來係俾你寫評語嘅，都幾得意。綜合湯飯想試吓唔同配料，所以叫咗綜合湯飯，裏面有血腸同唔同部位嘅豬肉。佢用豬骨湯做湯底，味道都幾香，不過冇我想像中咁濃。血腸質感有啲似潤腸不過個皮就軟好多。其他豬肉同內臟都冇乜特別。韓牛肉餅餃子湯菜單話呢味係隱藏菜式，佢嘅湯頭冇綜合湯飯咁濃，餃子嘅餡冇乜味，韓牛肉餅都係普通。總體而言味道比想像中平凡，啲泡菜就幾好食。

📍 三食 (中環)中環蘇豪些利街2號LL Tower地舖圖1: 豬頭肉片呢個有啲似中式淆肉 不過薄身version🤣 單食會有啲淡 建議連埋蝦醬一齊食圖2:內臟湯飯內臟比想像中多 不過湯頭略嫌淡 可以加少少鹽🤣 仲會跟一碗白飯圖3:韓牛烤肉餅 呢個推薦！！肉餅帶少少甜 幾好食圖4:辣炒小章魚🐙呢個少少辣 小章魚唔算話好多 不過食得出幾新鮮 彈牙🤪總結:雖然好多人排隊 不過其實人流都算快 同埋食物好正宗🥰🫶🏻可以一試！

1220左右嚟到 排咗20分鐘就有位餐廳位置唔太多 但大家都有效率而落單5分鐘之後就有嘢食 都算幾快手侍應係韓國人為主 落單就用QR code都幾方便奶油三食湯飯 $128奶白色嘅湯唔算好重奶味 係淡淡嘅奶油香配料好豐盛 有豬肉、血腸、牛腸 etc 仲有好多粉絲配個湯底好好食雖然係奶油 但一啲都唔會膩 飲到最後都唔會漏好好飲 吃光光小菜除咗泡菜同蘿蔔之外 竟然有埋生醃魷魚好惹味 又有咬口my fav~~ 撈埋落啲湯到 少少辣 味道更加有層次

濃郁嘅奶油香氣「撲」到成個鼻竇都係🧈～未食已經流晒口水！奶油掛住羹身綿綿滑滑，落口先覺得甜中帶少少鹹香調和，唔會膩喉～裡面嘅粉絲浸到軟韌韌🍜，一嗦就入喉，吸滿曬奶油精華，正！重點推介呢個奶油底🥄～牛肉片落鑊炒到剛剛好熟，外層微微焦香，咬落肉汁爆開🐮！記得要趁熱食，奶油凝住前將所有材料撈勻，每啖都夾雜住粉絲同牛肉，口感層次超豐富～至於跟餐小菜🥗… 就真係「例牌」級數啦，冇咩記憶點。建議專心食主菜就好，小菜當係過場角色算數～

放工時間嚟到最近中環大熱嘅韓式湯飯店三食，唸住排長龍冇得食？唔想排嘅細細聲話比你聽：可以去轉happy hour之後，8點幾9點再嚟，係！唔！洗！排！入正題，我哋嗌左：辣綜合湯飯 $108鍾意內臟/血腸嘅必點，我哋最鍾意呢個！（加上好似真係解到酒咁～）😍韓牛烤肉餅餃子湯 $118呢個係就正正常常，不過冇expect到個肉餅入面有加洋蔥🧅…食落有d太甜…我自己就mmd。同埋個清湯有d似病人餐xd 砂鍋奶油韓式牛肉 $118有奶油加持嘅湯底都幾creamy，但就偏油(邪惡野食😈），但我覺得撈飯食又幾入味worrr雖然我哋係嗌d一人份share，但份量wise都唔覺好大滿足（可能因為大食🫣）。不過飲完酒嚟食呢個好舒服好正！我鍾意佢哋夠熱辣辣，揀辣嘅或者清湯都得～（仲要佢哋開到2am，之後係老蘭劈酒都唔怕下場冇嘢填肚啦！）