三食

营业中

休息中

朋友想喺中環試吓新嘢，結果揀咗呢間。已經預早咗大約12點到達，不過已經有人龍，結果大概等咗20分鐘先有位。佢每張枱都放咗一本好似韓國護照簿仔，原來係俾你寫評語嘅，都幾得意。綜合湯飯想試吓唔同配料，所以叫咗綜合湯飯，裏面有血腸同唔同部位嘅豬肉。佢用豬骨湯做湯底，味道都幾香，不過冇我想像中咁濃。血腸質感有啲似潤腸不過個皮就軟好多。其他豬肉同內臟都冇乜特別。韓牛肉餅餃子湯菜單話呢味係隱藏菜式，佢嘅湯頭冇綜合湯飯咁濃，餃子嘅餡冇乜味，韓牛肉餅都係普通。總體而言味道比想像中平凡，啲泡菜就幾好食。