影片
以上资料只供参考，请与餐厅确认详情
#MC带你去中环.最近中环新开咗一间韩国餐厅，除咗一般韩式料理，锅饭、面及小食，亦有提供香港罕见嘅韩国血肠汤饭，因此成日都大排长龙。➖✨ 三食 𝙎𝘼𝙈𝙎𝙄𝘾.餐厅主打韩式料理，亦暂时全港唯一主打韩国血肠汤饭；餐厅走现代简约风格，以水泥墙配搭木系餐台餐椅为主，环境舒适。➖🥢 韩式前菜｜🆓 ✨可以添加✨.三碟免费韩式拌菜，有泡菜、腌萝卜、辣生鱿鱼，大多都清爽开胃。➖🥢 辣炒小章鱼窝饭｜$108（⭐推荐）.大大碗、热辣辣嘅石头锅饭！饭面铺满章鱼及海苔，搭配洋葱丝、韩国芝麻叶及白芝麻，份量好足料；章鱼口感好弹牙，微微辛辣感，但后劲凌厉，会愈食愈辣，好有层次，几出色！➖🥢 奶油烤牛肉拉面炒年糕｜$138.以忌廉拉面炒年糕，搭配超浓郁忌廉医汁，加上韩式烤牛肉及免治韩牛；忌廉汤底浓稠偏奶香，牛肉份量几多，而年糕片烟韧软糯，拉面亦好挂汁，整体份量十足，但比较饱腻。➖🥢 猪头肉片｜$78.去骨猪头肉片卖相精致！口感爽脆有弹性，搭配凉拌韭菜，作为下饭菜一流！➖➖➖➖➖➖➖➖➖➖➖➖➖➖
继续阅读
食完之后心心念念嘅奶油汤饭前菜仲系3款 最钟意就系鱿鱼奶油三食汤饭 $128奶油汤饭again淡淡嘅奶油香 就咁饮都好好饮饮落去暖粒粒捞埋少少前菜嘅辣鱿鱼 辣辣哋又惹味 味道就更加有层次汤饭嘅配料都好丰盛 有好多唔同嘅肉肉唔知今次点解好多葱 拣得好辛苦🫠但都无阻我吃光光无论系就咁饮定系捞饭 都真系一流猪头肉片 $78$78有一大碟 都几抵食仲配咗几款酱料 味道还可以啦肉片动L动L 好似啫喱咁 但就….无乜肉味 not my thing 🤫
继续阅读
超级好食的韩国人气汤饭 ! 开幕初期已经有人推荐我去食，我都好想去，但系长期都多人好难平日返工时间去排队同约人食饭。今日去完大馆见冇乜人排咗大概20分钟就有位都唔算等太耐同埋上菜都快。食咗砂锅奶油韩式牛肉，入面啲牛肉 juicy 粉丝索晒啲汤味又唔漏，好好味! 有机会要再去! 饺子牛骨汤都好味! 唔怪之佢长期咁多人啦。 限时70分钟有足够时间食饭嘅。 佢𠮶啲配菜都几好有生鱿鱼😋p.s. 返到屋企真系好口渴睇嚟佢都落咗唔少味精😅
继续阅读
招牌 辣综合汤饭 얼큰순대국밥浓郁猪骨汤底，配料豪华到咩程度？血肠软糯冇腥味🩸，猪颈肉爽脆带炭香🐷，仲有处理得超干净嘅猪内脏，捞埋热辣辣白饭食到鼻尖冒汗💦～ 觉得唔够辣嘅话仲可以额外加辣酱！隐藏菜单 奶油汤饭 크림순대국밥 先系惊喜位🧈！以为会腻？错！奶油汤底竟然清爽带微咸，完全估唔到夹埋血肠喺咁登对，邪恶度爆灯💡😍😍～ 辣炒小章鱼🐙쭈꾸미 볶음爽弹到牙齿都有回弹感，韩式辣酱炒到焦香，送烧酒嘅话一流🍶！ 虽然今日闲日都排咗半个钟⏳，但由韩国地道嘅做法，以及真系好食嘅血肠汤饭，绝对值回等待时间～
继续阅读
朋友想喺中环试吓新嘢，结果拣咗呢间。已经预早咗大约12点到达，不过已经有人龙，结果大概等咗20分钟先有位。佢每张枱都放咗一本好似韩国护照簿仔，原来系俾你写评语嘅，都几得意。综合汤饭想试吓唔同配料，所以叫咗综合汤饭，里面有血肠同唔同部位嘅猪肉。佢用猪骨汤做汤底，味道都几香，不过冇我想像中咁浓。血肠质感有啲似润肠不过个皮就软好多。其他猪肉同内脏都冇乜特别。韩牛肉饼饺子汤菜单话呢味系隐藏菜式，佢嘅汤头冇综合汤饭咁浓，饺子嘅馅冇乜味，韩牛肉饼都系普通。总体而言味道比想像中平凡，啲泡菜就几好食。
继续阅读