三田製麵所 (金朝陽中心二期 - Midtown)

营业中

休息中

尋日同朋友經過好多野食既登龍街 呢條街其實都有幾多間幾出名既拉麵/沾面 但最後決定左試下食新野 食三田尋日係平日既3 4點左右 店入面都唔少人我叫左個中份量既沾面 份量岩岩好夠一個正常食量既女仔食 面條軟硬正常 幾彈牙唔會lup痴痴 而食沾面我就一定會叫凍面 可以快快手大啖大啖食之餘過左冷河既面更有口感 隻溏心蛋都唔錯 唔會overcooked 幾甜 湯都夠濃 入面仲有幾塊細細地既豬肉 唯一係麵上面塊面唔夠我呢個食肉獸食加左芝士蝦球 講就講係芝士蝦球 但食唔到咩好芝士味或者係蝦球 炸得太老 唯一可以讚既係個沙拉醬係幾好食既仲有煎餃子 去食拉麵我一定會食埋餃子 因為餃子要煎得好真係唔易 對比起之前食過既其他餃子 我就覺得佢煎得唔夠脆啦 不過個皮夠薄就真既Overall黎講不過不失啦 不過性價比都高既！

晚上10:20落雨嘅情況下，行入舖頭等位。岩岩見到門口有張吉檯，裡面亦有張吉檯。裡面有位女職員大嗌出來：「未有位，出返門口等。」我們未有理會，佢走來再講多次叫我地行返去門外等。我話落緊雨喎，佢話：「我俾把遮你。」得！我地直接離開，去第二度食！我地企嘅位置完全無阻住其他人，我唔明點解一定要行出門外dup住雨等。佢野食唔差，但以日本餐廳來講，態度真係超差！影衰曬，唔好講成條街咁多類似嘅舖頭，真係無必要食到背脊骨落！

其實好少非平價（味x 拉麵果d)拉麵沾麵舖食嘢會收加一，俾左加一找埋d 散毫子😓不如你收實價算味道還ok, 但湯唔夠熱，如果可以將d 湯加熱會好少少。d staff 服務係唔錯嘅。

眾所周知，銅鑼灣登龍街出名多拉麵店，小妹都幾乎試均街內每一家拉麵店，偏偏未試過三田製麵所，今晚決定要來吃碗麵！三田的門面很日式，光是在門口看看，已經令人感受到他造麵的專業。比起拉麵，其實我更愛沾麵，見到三田有供應沾麵，二話不說選了濃厚豚骨魚介辛沾麵。豚骨魚介麵汁，不是每家鋪頭都造得好吃，原因是，很多師傅會平衡不到味道的比例。要做到豚魚兩種味各有爭鳴，可以說難度十足，三田的麵汁大致上做到比例均衡，兩味雙雙發揮，但略嫌濃度及熱度不足，整體亦算高水平。麵條方面okay ，做到標準的沾麵粗度，亦有沾麵應有的偏硬，爽口易掛汁。流心蛋、豚肉、荀乾也可以，是一般水平。沾麵來說，三田的出品雖然未叫一鳴驚人，但比起不少鋪頭總算不錯，經過的朋友不妨一試。

係朋友既介紹下 黎到呢間舖一嘗沾麵晚餐時間 都係要排隊的 但好似等左15分鐘左右就有得入去坐啦跟很多拉麵舖一樣 都係開放式廚房 製作過程一覽無遺呢間店可取之處係佢沾面既份量有分大，中，細，但價錢都係一樣！！每台都附有凍水一瓶 客人可以隨便喝麵質粗身，十分有彈性，掛湯能力十分之高個湯十分濃郁 好重魚介味 濃得黎又唔會好鹹 同碗麵非常之配搭叉燒就不過不失吧 溏心蛋也是不錯的跟在日本吃的味道也類似 十分推薦 還會在來吃的

話說自從我喺日本東京食過沾麵之後，就一直好想喺香港搵返東京沾麵嘅味道，好可惜一路未試過喺香港食到令我好驚喜嘅味道。近年好多日本麵店喺香港開分店，好可惜個味道始終帶唔到黎香港，直到我去左三田製麵所。本身我對佢期望唔太高，但見到成日都唔長龍，有一晚9點見到唔駛排隊，就去試下到底有咩咁勁。果然受歡迎係有原因，佢個沾麵無論係麵質，肉同湯，都做得好好，好夾，個湯夠味得黎唔會話太咸（如果覺得咸可以問店員攞清湯溝返淡）。

好耐都無食過沾面，呢到趁LUNCH TIME同FD子食，呢間嘅表覝算係中規中矩，有一個好處係佢面嘅份量大、中、小都係同樣價錢，面質算硬，但我朋友就話有D鹹。塊叉燒都OK嘅，咬落幾鬆軟，雞蛋就係我最鐘愛嘅溏心蛋，個醬汁都食到有魚味，但個人都係鐘意食拉面多D。

去食那天為weekday, 又在lunch hour 前, 因此不用等便能入去, 挺好。見openrice整體評價都不錯, 所以沒有吃過沾麵的我對這間餐廳有很大的期望。遺憾的是餐牌選擇並不多, 有點難選擇合心意的。服務態度差, 改變了主意, 店員原本說已落單, 後來又說可以改, 但面露不耐煩之情, 讓我和朋友未吃已對對該店有不良好的印象。最後叫了餃子、炸雞和沾麵, 餃子炸雞味道一般, 沾麵讓我大失所望。湯太濃, 沒有甚麼配菜, 吃得好辛苦, 食到口都乾埋。可能沾麵並不配合我吧, 又或者這間餐廳的食物不好吃。總之我是不會再去的了。

登龍街又稱「拉麵街」。短短一條街已經有幾間知名嘅拉麵店林立，有米之蓮級的，又有本地拉麵始祖等。用餐時分總大排長龍的三田製麵所，今日10點幾見冇咩人排隊於是試吓。餐廳雖然有‘吉’位，但都盡量將兩位客人搭枱，預留四人坐。每人最低消費一碗拉麵或者兩份小食。我同男友就叫咗一碗特大沾麵，同三份小食share。一碗特大沾麵280g，相等於兩碗中沾麵(140g)，價錢只係相差＄10，所以特大share抵好多！又可以試多幾款小食。我哋揀咗凍麵，麵過左冷水更煙韌彈牙。沾麵汁濃厚好掛麵，但略嫌湯底太多魚粉，有點過鹹，欠缺豚骨味，食到有點膩。不過流心蛋效果做得幾好，唔係凝固咗既啫喱，但係如果蛋白再入味啲就好了！叉燒肥瘦適中，但有點乾。黑胡椒炸雞翼調味落得重手左（見到圖中就知）醬汁太甜，欠缺黑胡椒嘅香味，而且醬汁太多，令到炸雞翼外皮淋晒，冇咗食炸雞翼脆咯咯嘅口感今餐為味蕾帶上豐富嘅衝擊（重口味），建議餐廳可以稍稍調淡味道，畢竟香港人都不是太重口味

今日嚟到銅鑼灣食Lunch 去到既時候已經兩點鐘一入即刻叫個原味沾麵 有凍麵同熱麵可選店員解釋凍既會彈牙 而熱麵就淋啲二話不說即刻揀左凍麵 有大中細三個Size 一樣價錢的 我揀左中Size 而朋友就成日黎呢到食沾麵所以叫左拉麵#1 濃厚豚骨魚介沾麵($78)個湯我係好中意 好濃好重魚介味 上黎既時候都夠熱 但其實好快就凍所以建議大家一上黎就即刻食店員仲好細心 主動問我洗唔洗加熱既清湯唔洗自己問 湯入面都有幾舊肉 好淋好好食豚肉叉燒又大塊 都係好索汁 又唔會un 麵質都彈牙 但叫中Size我都覺得有啲飽平時最中意食溏心蛋 呢隻蛋都好好味整體成個沾麵都好滿意#2 三田特製拉麵($88)今次中同大價錢就有分別 爭$10朋友覺得大既size反而都係啱啱好我試左一啖湯 覺得感覺有啲似平時自己煮即食拉麵個種湯底 朋友覺得不過不失食得多沾麵轉下口味一試無妨落完order先發覺原來有新既山椒沾麵下次一定要試一下！

中午在times square附近搵野食見三田等候的人不多，就決定一試可選沾麵或拉麵沾麵可選麵大，中，小，不另加價麵可選冷熱，選了冷麵，好有咬口沾麵汁香濃，可惜比較快凍另外試左獨家風味，山椒沾麵真心辣，香，仲有少少麻如果鍾意食麻辣既朋友可以試最後仲可以加湯👍🏼滿足

一条街上大部分都是日本拉面店，这家的特色是蘸面。面条分量可选小，中，大和特大，前三种价格一样，特大的需要加10块钱。面条是粗面，不是传统的圆形，是四方形。应该是煮熟之后用凉水过了，所以面条是凉的，并且很有咬劲。蘸酱猜测是芝麻酱打底，然后加了其他调料，分辣和不辣两种。面条的吃法也有好几种，可以把面条蘸了酱吃，可以把蘸酱倒进面碗里拌着吃，也可以把蘸酱冲成面汤DIY成汤面。工作日的午餐时段人不多也不用排队，晚上可能就要排队了。

Its a very notorious noodle restaurant in japan. However it is not and will not be the case in HK. Their famous dish, the tsukemen aka dip noodle is salty to an unbearable extent that you would not want to have a second. The dip tastes honestly familiar to the fish can food that you buy from the mart, the sardine kind to be exact. Don’t get trapped by the restaurant’s decoration, coz their food is the opposite. GLHF

日本超人氣沾麵連鎖店「三田製麵所」, 由2015年進軍香港銅鑼灣。門外等待的食客源源不絕, 非常哄動。主菜選揀不多, 主要分為拉麵、沾麵兩種。店舖選址銅鑼灣登龍街, 門面裝修擺設非常當眼。開放式廚房, 菜式制作過程一覽無遺。燒餃子 $38表皮偏薄, 單邊煎至金黃香脆。餡料主要包括豚肉、蔬菜等等。口感新鮮、肉汁鮮嫩。配上專用餃子醬汁, 味道酸酸甜甜, 非常醒胃。濃厚豚骨魚介辛味沾麵 $90沾麵麵條較粗。配搭特濃沾麵汁及魚粉。麵質口感較軟且順滑, 沾上特制醬汁一同入口, 口感十分濃厚, 但感覺帶點油膩。沾麵汁溫度改變太快, 而且不設加熱服務, 實屬一大缺點。

是日收工同舊同學食飯呢位友人D有個要求，就係唔好食太貴我就提議不如試下呢間沾麵啱筆直之餘又好似好出名好好食咁去到果然係排長龍排咗大約半個鐘就終於有位啦吞拿魚沙律嚟到覺得驚訝咁大份都只係廿幾蚊，好抵!而且啲蔬菜都好新鮮配埋日式芝麻醬都好難會唔好食淨係價錢都冇得輸啦濃厚豚骨魚介沾麵話明係沾麵，個湯底一般都會比拉麵濃郁因為係比你夾啲麵落去掛啲湯嚟食而所謂既「魚介」，日文解海產動物，其實即係海鮮飲少少個湯，海鮮味好突出好香雖然湯味道係濃郁但唔會好油就咁睇都可以見到湯上面唔會有層厚厚既油食完唔會覺得好膩，係有驚喜既湯底本人曾經係東京食過間啲人大推既「無敵家」恕本人真係唔識欣賞佢碗麵上面層油食完個咀油到反晒光，簡直係不安返到嚟就曾經一度好抗拒食拉麵同沾麵，係真係會有陰影的講返碗麵，揀咗小份，食完沙律之後份量係剛剛好麵係有彈性同韌度，唔錯但建議一上枱就快啲食，如果唔係麵就會痴埋一舊半熟玉子就不用多言，好正溫清酒暖清酒酒味揮發得七七八八飲落去就係得酒既甘甜味而且飲完個身會變暖，價錢先$40一啲都唔貴係本人既至愛食完就會明白點解成日都咁多人排隊味道同價錢真係冇得輸雖然服務態度真係麻麻地但以價錢同質素嚟講