三田製麵所 (K11購物藝術館)

营业中

休息中

今次想食沾麵，就黎到三田～18:00見到唔洗等位三田有沾麵同拉麵揀，份量都有大、中、小，價錢一樣。如果擔心大既都唔夠，可以點特大，貴$10！仲可以以set去點餐，一碗麵+1款小食同飲品1️⃣豚骨魚介沾麵+炸雞- 湯好濃郁，但略為咸-沾麵可以選擇凍/暖，今次揀左凍，口感彈牙-炸雞好滑，仲係新鮮即炸，炸粉唔會太厚2️⃣三田特製拉麵-湯底同沾麵果碗一樣，只係冇咁傑身-拉麵都一樣彈牙餐牌仲有其他小食可以選擇，有興趣都可以叫黎試

本人都十分中意食沾麵！平時見星期六日呢家都要排隊～於是入去試吓～嗌左濃厚豚骨魚介沾麵（大：$84），再加多個自家製炸雞（$38）先講沾麵，麵可以揀凍或熱，我就揀左凍，因為將凍麵放落湯汁會好彈牙～於是試吓係咪真係如我所料首先，將麵條放落湯汁到，連埋個湯一齊食，係幾彈牙嘅～只不過由於個湯太熱，基本上將麵放落去，都分唔出係冷麵定熱麵🤣😂但食落去都算正正常常啦～因為佢都掛到啲湯汁～幾香魚介味嘅！而且仲有半隻溫泉蛋～亦都有少少流心嘅效果！至於個炸雞小食，一上枱非常熱！咬落去都好嫩滑！應該俾晒啲雞髀🍗肉我食！再吱啲檸檬🍋汁～食落肚好fresh好好味呀！So far, 間野不過不失啦～無話非常好食！亦無話好失望～

_____好味指數：🌟🌟🌟抵食指數：🤑🤑🤑話說第一次見到呢間餐廳喺銅鑼灣登龍街，嗰陣已經覺得好吸引，今次再次喺K11同佢相遇當然要去試吓啦✅濃香豚骨魚介沾麵首先覺得佢好貼心嘅地方係麵有三個份量揀，可以根據自己食量做選擇。而我自己鍾意食沾麵多過拉麵，一來自己鍾意食粗身啲嘅面，比較有咬口，二來可以自己選擇點幾多湯，有時食拉麵掛住傾偈食慢咗啲麵就會淋。而佢哋嘅湯底真係好濃，睇得出好用心去熬，不過自己就覺得魚介味太重同偏鹹

喺香港想食沾麵第一時間諗到三田製麵所 😍由銅鑼灣登龍街至尖沙咀K11店，一直都有幫襯～⚫ 濃香豚骨魚介沾麵 $84 ⚫麵嘅份量有小250g，中350g，大450g之分，可以根據自己食量做選擇，大、中、小同價，女仔要中或小都夠食！🤘🏻魚介嘅味道好濃，配料有1塊叉燒、半隻溏心蛋，份量適中啦，食完可以加湯，不過我覺得太咸，可以唔飲👯‍♀️🔵 鹽味鯛魚湯沾麵 $88 🔵呢款係夏日限定沾麵，同魚介沾麵嘅濃郁好大對比，飲落魚味夠鮮🐟，仲有大蔥、紫菜，好清甜，有驚喜！可以一試🙆🏻‍♀️

有日係尖沙咀行街，見到K11嘅三田有沾麵食，而且又無人排隊就入咗去～而且個沾麵睇圖好似唔錯就點咗。睇圖嘅後果就係⋯點知中咗伏！個湯係好濃但仲好咸！而且個湯又唔夠熱，暖暖地咁⋯搞到個麵都好難食😅個湯唔夠熱真係會好奇怪！之後都聽唔少食過嘅朋友都話佢地都係食到唔熱嘅沾麵！塊叉燒都係奇奇怪怪咁！個樣仲要好似未熟～而且個沾麵無得加清湯飲埋啲湯⋯都幾唔正宗！只係份量多好大碗，就無咩特別！唔明點解咁多人食仲可以開到咁多分店⋯

🍜鹽鹽限定拉麵🍜推介指數 ❤️❤️❤️❣️🤍最近同屋企人、朋友、甚至同事之間嘅話題都離唔開奧運。互相分享追看日程，大家都好支持香港運動員，而且今年個個狀態甚佳，有牌無牌都值得撐❣️興此同時，大家掛念日本嘅指數爆錶未？外國奧運記者不斷分享便利店美食，飯團、炸雞、水果三文治、雪糕等，完美地俘虜哂佢哋個胃啦😂為咗止癮就去食碗沾麵，見到「限定」2個字嘅魔力影響好大，選擇困難症無半秒都無出現過😌🐟鹽味鯛魚湯沾麵HKD88✨湯底以鯛魚製作睇落清澈，飲落魚味濃郁鮮美。沾麵可以選擇細中大份量，中有350g即正常size。軟硬度適中，每次沾上大蔥、紫菜都有唔同味道。配料有1塊叉燒、半隻溏心蛋～多1塊叉燒就更好啦😃總結：-食物 ❤️❤️❤️🤍🤍環境 ❤️❤️❤️❤️🤍服務 ❤️❤️❤️❤️🤍.··🏠 三田製麵所 (尖沙咀)📍尖沙咀河內道18號K11購物藝術館地下G21-G22號舖

尖沙咀好多食肆，想食乜就食乜。突然想食拉麵，附近就有一間。✨三田製麵所✨主打魚介沾麵咁就一定要點啦！🌈濃香豚骨魚介沾麵沾麵係湯同麵分開上。有一大塊叉燒同糖心蛋叉燒就唔太掂，有點鞋，而蛋就過熟。麵條粗身，掛湯就岩哂，質感岩我口味，好煙韌，不過，魚介味道稍為鹹左少少。🌈三田豚骨拉麵普普通通，未有驚喜。如果可以多一片叉燒就好了。🌈自家製炸雞炸雞唔算好厚脆漿，炸雞有嫩好JUICY。🌈吉列炸蠔外脆內軟，炸蠔算肥美。

每次經過都好多人等位咁，今日即興決定試下，難得唔使等位。.「濃香豚骨魚介沾麵」大 $78🍽：師奶心態諗住大中小價錢都一樣，所以就決定叫大嘅，點知啲麵真係好多，多到食唔晒。😅我鍾意食沾麵，麵有口感，湯比較係重口味啲，同埋好快就凍咗，變咗無咁好食。另外，叫咗個小食章魚燒，無咩特別。

每次一諗唔到食咩，都會諗起「三田製麵所」，由銅鑼灣登龍街幫襯到開埋尖沙咀分店，堂食到外賣都幫襯過，仍然保持水準🌟特別係呢兩年冇得去日本，想食下日本嘢，懷緬一下去日本旅行嘅時光，食沾麵、拉麵就最岩三田製麵所主打魚介沾麵，定期亦會推出一啲期間限定沾麵😋 呢度嘅沾麵大、中、小同價，女仔可點中/小，男仔就可以食大，再大食啲可以貴少少食特大，唔怕會唔夠飽🤣➰優惠套餐➰🌶辛辣濃香豚骨魚介沾麵 $88 （大、中、小同價）鍾意食辣嘅朋友，可以叫「辛辣濃香豚骨魚介沾麵」，加左辣油嘅沾麵香，而且唔會超辣，亦麵唔會蓋過本身魚介嘅味道😋 之前出過一個期間限定嘅花椒沾麵，個個比起呢個更加好食，同更加香，如果佢出返，大家一定要試試😎食完沾麵，記得叫店員加湯，飲埋佢碗魚介湯～🐖吉列豬扒 +$36🥤七喜

我去咁多次日本都未食過沾麵 ， 疫情那麼久都沒有出外旅行， 心思思想食日本拉麵。剛好朋友約我食午飯， 他想食拉麵， 我便提議去三田製麵所試試餐廳坐椅坐得舒服， 而食物方面我叫了 沾麵(大)熱麵 $84沾麵的湯底有濃濃的魚介醬油味道， 是我喜歡的味道。但是稍為鹹了一點！ 麵質不錯， 有一大塊叉燒和糖心蛋。跟套餐我另外叫了炸雞三件 $26和烏龍茶 $5炸雞不錯， 加埋檸檬汁很開胃啊！烏龍茶是杯裝的，但加了冰較為淡口朋友叫了豚骨湯拉麵 $84朋友話唔好食！另外叫了黑胡椒炸雞翼 $38/ 四件好味道！雞翼面頭灑滿黑胡椒碎， 好香口！又不會太辣。章魚丸子/五粒 $40味道 ok， 但章魚切得較為細粒， 好似食唔到章魚咁！ 如果章魚切大粒啲，有口感會更好。我覺得不是我想像中的那麼好食， 以後我想食沾麫，我應該會去其他餐廳試試

疫情之下，友人訪日無望，為幫友人解嚵，結伴到尖咀一嚐日本麵。日本沾麵特色是湯和麵分開上菜，愛吃辣的我們選擇了辛辣濃湯豚骨魚介沾麵，顧名思義，濃湯真是濃湯，入口湯溫暖口，麵帶柔韌，我覺得拉麵可以更爽口或有韌性。用麵沾著湯吃，味道是濃郁，喜歡味濃的朋友應該喜歡，反而加湯後(日本稱作湯割)，味道又過份清淡了，人真是難以滿足啊！雖然友人說日本沾麵比這間的麵好吃，但我也覺得可以為那團想去日本的火降溫。

沾麵愛好者如我最怕食到未滴乾水的拉麵係會糊係會笠係會住個口唉～呢度水準一時時不論熱凍都係7/10,10次7次係好的返工係附近，都幾常食的湯好濃厚，魚介香麵係好咬口，彈牙肉就一般般

收工突然心血來潮 同朋友黎左公司附近既有名拉麵店-三田製麵所。 之前係銅鑼灣都見到間但太多人冇試 。今日有幸黎到冇人排隊 就簡左佢 。 位置好明顯 就係正河內道K11入口。聽聞依間既沾麵比拉麵更有名，不過我都係比較想食拉麵 就簡左三田豚骨拉麵（$78） 見到沾麵份量分左大、中、細，價錢都一樣。 係加大先要加錢，坦白講晚餐黎講都幾抵。 女仔就食細或者中都夠飽。 而我點晚三田豚骨拉麵就得一個size，但份量都夠一個女仔食有餘。另外加配左個薯條with明太子沙律醬。（$35）不過留意番，如果想叫優惠menu, 加大概$30-50左右可以加配小食，另外加$5-10就可以加配飲品， 留意番 依個飲品優惠價係一定要加配小食先有架落左單冇耐 我碗麵就到左 勁快。 味道方面，不得不說 個湯係勁好飲好重既魚湯味，麵質就略生 似有小小趕咁煮起 ，煮耐小小會更加好。 豚肉味道不錯 都幾厚，但係略硬。 薯條都好快上枱， 份量比預期中大份同都新鮮， 另外明太子沙律醬其實就係一兜野入野 支左一pat係沙律醬，一pat係沙律醬上面放左啲明太子落去，味道上都唔錯既，不過好快就點哂得番啲沙律醬😅 。朋友叫左沾麵， 埋單

今日去了K11 三田製麵所食嘢，叫了一個 濃厚豚骨魚介沾麵 (大size) $78 元，我朋友叫了一個特大size $88元，再加$26 元有 炸雞，有個肥仔侍應生，問我們要麵，是要凍或熱，他完全沒有解釋，完全無服務，凍麵和熱麵有什麼分別，因為我第一次食，完全唔知點分？所以我們叫了熱麵。好快麵和炸雞都到了，吃了麵，覺得那些沾麵的湯好咸，而且麵都唔好食，完全唔掂， 糖心蛋係凍嘅，而且無蛋味， 配菜都係凍的 ， 而那件叉燒十分鞋，又無味好難食，完全唔掂。炸雞又話係得 獎作品，但都係唔好食，又唔 脆，可以唔叫。原本想將 食唔曬的炸雞帶走， 想問店員攞一個紙袋， 只見店員走嚟走去，當見唔到我哋，完全冇睬我哋。等咗好耐，终於問個亞姐取了個袋， 她比了一個手抽嘅大膠袋我哋，我只想將幾件食唔完的炸雞帶走，但個膠袋太大，我們只好再坐一陣，盡量將餘下的炸雞食完。這間沾麵完全唔掂，唔好食，都唔會再 幫襯。

三田製麵所我想食好耐 la，今日終於去食左！完全冇令我失望，佢宜家絕對係我心目中頭幾名既沾麵店。  1⃣️濃香豚骨魚介沾麵（$78） 沾麵既湯汁幾濃稠，之後撈埋啲魚介粉落個湯汁到，成個味道濃更加香。  麵方面，小中大既麵都係同一個價格，我見果日有啲肚餓，就揀左個大既size，足足有280克，食完曬之後超級飽。有得揀熱麵或者冷面，我就揀冷面既，食落會煙韌啲。  另外佢既麵質地好正，粗度啱啱好夠曬煙韌、有輕輕既麥香，而且超級掛汁，每一啖都完係比湯汁覆蓋住😍糖心蛋都好好味。不過叉燒有少少太乾，有啲鞋。但係個麵同埋個雜沾麵汁都好正！  2⃣️辛辣濃香豚骨魚介沾麵（$80） 基本上呢款既汁同濃香豚骨魚介沾麵好似差唔多，不過就多左啲辣油係入面。覺得濃香豚骨魚介沾麵既鮮味會香啲重啲，而呢款辛辣濃香豚骨魚介沾麵既湯汁口味就感覺rich啲。