三田製麵所 (K11購物藝術館)

营业中

休息中

其實三田製麵所係我嘅飯堂，間唔中諗唔到食乜就會去食佢。今次見佢出左新野係櫻花蝦沾麵所以一試，$98。黎到有好多粉紅色嘅櫻花蝦，然後食落個湯底！咦！個味同平時個湯底一樣嘅？？？原來只係多左d櫻花蝦係面，個湯底完全無蝦味，原來比多$10就係撒呢堆蝦米落去⋯⋯⋯多謝哂。麵質一如既往好粗好韌性，好好食。其實不嬲都覺得佢個湯底好味夠濃所以成日食，但今次個期間限定湯底好失望，咪又係同一個味黎！所以如果想食沾麵，叫返原味/辣咪算啦。

某天在尖沙咀附近下班後突然很想吃沾麵，便在神山麵館和三田製麵所之間作選擇，最後到了三田製麵所🤓 平常吃沾麵通常都很怕會太鹹，但三田製麵所的濃香豚骨魚介沾汁味道是剛剛好，有魚介的鮮味但又不會太油膩，亦會掛麵，味道濃郁。建議大家吃的時候可以加點配料，如溏心蛋或日式叉燒，因沾麵只是跟半隻蛋和一片叉燒，但拉麵的份量反而非常多，感覺好像太多Carbs，有點單調。如果要跟神山麵館比較，個人會比較喜歡神山，但三田製麵館的質素也很不錯🫶🏼

三田沾麵一向好食唔再講，今次明太子撈麵正到無倫😋😋每條麵條都包裹住咸香咸香嘅明太子，一口接住一口食唔停口😂😂鐘意明太子嘅人一定超級鐘意！麵條口感彈牙、粗身，份量足夠👍🏻👍🏻

好耐冇夜媽媽食拉麵喇，禁晚市就焗住6點前食，放寬一排終於喺晚市後段食感覺係唔同啲，但冇諗到，呢段時間都仲要排隊不過拉麵輪得好快啫，排一陣就到咁夜仲有人龍係有原因的，因為佢地啲麵真係好足味足料當中嘅魚介沾麵真係幾犀利，點一點湯，就已經好索味，魚香滿滿大胃最鍾意試期間限定，今次係海老湯不得了，好大碗，而且湯底超勁蝦香，每啖都係特濃，麵條都掛滿蝦湯汁。叉燒有三大塊，好腍好有油香呢間嘅炸雞攞過金賞㗎，其貌雖然不揚，但食落真係熱辣辣得嚟，好嫩好有肉汁胃民就好堅持叫泡菜，其實配沾麵都唔錯雖然任斟水，但跟餐都會送汽水不過大胃好想啤一啤，忍唔住嗌Sapporo，覺得佢好飲過Asahi

聽講呢間拉麵好出名，今日過嚟試吓，確實唔錯。預計沾麵，做得唔錯，但係唔算好出色，店員話可以揀凍或熱，我揀咗熱，不過其實一啲都唔熱，只係輕微暖，所以呢一點有啲扣分。湯底做得唔錯，唔會好油膩，不過好濃郁！拉麵都可以，不過冇乜香味，還可以！另外，拉麵冇得揀粗幼，總之沾麵就係固定配粗麵，湯拉麵就係固定幼麵，呢點我都覺得冇乜彈性，冇乜自由度鍾意食辣嘅朋友可以揀辛辣口味，不過如果加咗啦，湯底嘅香味就會減低，比較難食到湯底嘅香味，但係新香辣味比較出。如果可以唔食辣嘅朋友，我建議都唔好揀辣味，因為原味湯底比較香！小食方面，冇乜選擇，炸物做得唔錯，夠香脆，但炸豬扒個皮太厚

舊日在銅鑼灣常吃，時隔一年到尖沙咀店再吃，份量明顯縮小，叉燒只剩一片。但，作為靈魂的沾汁仍保持水準，麵質仍不錯，或會偶爾翻食魚介沾麵 (總分: 7.75/10) ⚪️沾汁(8/10)：相當濃郁的魚介豚骨沾汁🐓 叉燒(6.5/10): 略嫌乾瘦🍜 麵質(7.75/10):有彈性有嚼勁🥚 溏心蛋(7/10) ———————————————————————————⭕️ 總結：質素份量不如前，但沾汁仍保持水準，或會偶爾翻食💵Budget: $100 pp

性價比🎖：💰💰💰💰 (Max 5💰)回頭度🔎：💎💎💎 (Max 5 💎)✨高水準沾麵🍽濃厚豚骨魚介沾麵: HK $78依間餐廳係朋友介紹我黎食，佢冇介紹錯，真係幾好食👍🏻👍🏻🤩。佢啲沾麵係大中小同價，不過我食量比較細，所以叫左沾麵(小)，雖然話係小，但係份量其實都好夠一個女仔食🤣🤣。麵條軟硬度適中，口感彈牙，同埋沾麵湯底濃郁，又夠熱，啱哂冬天黎食🤤🤤。豚肉就唔會太肥，啱曬啲怕食肥豬肉嘅人😎。不過如果可以多一兩塊豚肉就好啦😛😛。

尖沙咀厚福街附近好多野食 但係嗰日行過去搵唔到想食嘅 就求其去到K11嘅三田製麵所試下佢嘅出色拉麵！聽講鬼金棒拉麵都好唔錯 不過呢間應該係唔同style的 成日以為呢間係食烏冬的 但係原來係拉麵！🍜濃厚豚骨魚介沾麵(中)💰84拉麵份量好多 可以揀凍或者熱嘅 我就試左凍嘅 比較有咬口！拉麵上面配菜有半隻溏心蛋 一塊大叉燒同埋幾塊笋沾麵湯好濃厚 入面有一塊海苔同埋一舊肥豬肉我嘅食法就係挑一條擺入湯入面 然後就可以掛到好濃厚嘅湯汁！湯濃厚得來又唔會太鹹 但係麵份量太多所以食唔曬 而且感覺上比較齋🍜濃厚豚骨魚介辛沾麵(中)💰84呢個同招牌沾麵嘅分別就係多左D辣油🤣整體來講呢間日本拉麵舖都唔錯 麵煮得好有韌勁而且湯汁夠濃 但係個人比較鍾意味重嘅 所以沾麵就未必啱我口味啦😛同埋店員要求我地坐高凳 但係我地諗住冇人就問佢可唔可以坐正常台 反而被店員以陣間會多人嘅理由拒絕🥲📌 三田製麵所 (尖沙咀)尖沙咀河內道18號K11購物藝術館地下G21-G22號舖

Typical in many eateries these days, young serving staff spend most time playing w their phones. Worst case is they don’t even look straight at us when we were placing food orders; very disrespectful. The fairly short; chubby lady w a black cap in particular slammed the menu onto the wooden chair after we placed an order. Really feel sorry for the next generation if these are the work attitude / ethics for those especially don’t get a proper education to begin their lives with ..

就係喺尖沙咀睇燈飾睇完諗吓食乜嘢行吓行吓就見到呢間好多人喺度排隊應該都無衰啦晚上7:30一排就排咗45分鐘非常後悔又大風又凍45分鐘之後可以入座見到環境好似唔錯食物都係幾款揀我哋都係揀咗拉麵同埋沾麵套餐有飲品同小食真係唔食也罷不似預期明不付實嘥氣湯底平平無奇⋯總之就冇特別啦食拉麵最緊要係個湯底麵嘅份量有得俾你揀大中小麵就比較硬😅我哋都係揀咗中小食普通過普通都係冇乜特別汽水都有幾隻俾你揀下嘅總之大致上都係唔值得咁樣排隊⋯冇計啦喺尖沙咀就係食裝修食舖租🤪

濃厚豚骨魚介沾麵 $94豚骨魚介湯🍲味道濃郁🤤口感醇厚食到最後會有少少鹹🤏唔算好油🍾掛滿麵條食都唔會有膩既感覺👏🏻可能外賣既關係湯底唔夠熱♨️如果再熱啲會更好🤔沾麵🍜烹調時間耐左麵質唔算好煙韌🙊小麥🌾味道亦唔突出份量大方 女仔食完會好飽肚🤰🏻沾麵既掛湯力夠強👌🏻湯汁可以依附係麵條上 唔會沾完都仲係淡茂茂🤣溏心蛋🥚有半顆蛋黃呈金黃色😻十分流心口感綿密😋蛋白軟淋而不失彈性👍🏻味道調得好鹹香得黎又唔會over叉燒呈片狀頗大片😇肥瘦夾雜瘦多肥少但肉質偏乾🙊唔夠入味😿豬肉粒🐷味道較叉燒片濃郁唔會太乾👌🏻筍片軟淋不失爽口處理得幾好無難接受既青味🤗整體來講，不過不失唔難食，但亦唔係最正既沾麵🫕🍜

尖沙咀 日式特製拉麵🍜用料豐富 味道一流🤪尖東D2出口，步行約2分鐘1. 背脂大蒜面$94- 大大碗嘅拉麵🍜加上糖心蛋，仲有唔同嘅筍⚠️用咗上乘嘅豬肉，非常濃郁嘅湯🌎配搭一流😭分量十足✅食過返尋味。2. 鹽味鯛魚沾麵$88 - 呢一碗麵相對比較濃郁嘅魚香味，非常鮮甜，經過好長時間嘅熬製，非常獨特。🎯側邊亦都加上一啲嘅雜菜，非常配合。3. 炸雞三件+$26 - 呢一件嘅炸雞🍗，經過油炸，炸到金黃色，非常好食😋地點：尖沙咀河內道18號K11購物藝術館地下G21-22號舖名稱 ： 三田製面所@mitaseimenjo_hk 好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻

掛住日本食佢頂住先😂叫左唔辣既魚介豚骨沾麵湯底夠濃郁 係拉麵可以再彈牙啲🙈如果豚肉可以再多一兩塊，因為每碗面得1塊😂拉麵份量無論揀大中小都係同一個價錢，可以因着自己個胃口去揀份量 唔使浪費食物整體分數：7.34

當日在K11 Artmall 上堂，於是就在商場內搵一間食肆吃lunch我同朋友點了鯛魚湯沾麵，一個凍麵一個熱麵，再跟餐加了炸雞！鯛魚湯味道有柚子香亦唔太咸，但湯表面浮起一層油而且唔算好熱；凍麵熱麵食落差唔多，我同朋友都覺真係分唔到🙄，麵質一般，配料一片义燒又冇咩味😓 至於炸雞，上枱熱辣辣，但完全唔脆，雞肉亦冇咩味兩碗麵加一份跟餐炸雞（3小舊）埋單連加一$222.2

🌞天氣熱，食咩好呢？沾麵都係一個好選擇！又唔會食到身水身汗💦🥢鹽味鯛魚湯沾麵：哩個湯幾好，清清地唔會咸，又唔會食到飲好多水。沾麵既麵質俾拉麵粗少少，所以成碗野都好夠飽，同有得揀大、中、小份量，完全照顧到男女老少既需要。叉燒半肥瘦，唔鞋口。溏心蛋係食日式麵比要既配菜，哩到既蛋不過不失，無大驚喜。🥢柚子風味炸雞：第一啖食就已經食到柚子味，脆卜卜，邪惡得黎，又會食多幾啖。🥤橙汁：只係普通既粒粒橙汁無特別。