三田製麵所 (K11購物藝術館)

营业中

休息中

微涼的晚上唔知食咩好經過三田見到有個期間限定既薑底雞肉沾麵(真名唔記得左)所以被佢黎個期間限定吸引左就入去試下星期四晚上7時人流不太多不過都九成滿座碗沾麵都要等左十分鐘後先上台先來試下個薑底沾麵汁淡淡既薑味慢慢湧出來之後再撈下個湯底有好多薑絲薑薄片佢唔會做到有薑既辣但會有個濃烈既薑既香味食到一半成個人都滾起來越食越起勁麵條 煙韌有咬勁雞球 係雞味濃郁,質地是軟軟的內面有肉汁及有勁多好幼既薑絲 這碗麵完全是喜歡薑既人既喜訊

今日大概6點時候經過k11，見到三田入面冇咩人，而且又bookmake左好耐想試下，見唔洗等又近近到就揀左佢今次係第一次食就叫左一個中既沾麵，男朋友就叫左個豚骨湯拉麵，另加塊叉燒，同叫左份吉列豬扒好快吉列豬扒就上左先，食落個吉列皮勁脆，但啲入面啲肉就鞋左啲，我麻麻，但男朋友中意食lol過左冇耐就上沾麵啦！男朋友唔中意食蛋所以有多半隻強食🥰 啲蛋個糖心做得好好 唔會流哂出黎都唔會完全係固體唔郁 同埋整得好入味 入味列有少少咸啲麵出奇地掛湯，可能我冇食沾麵既經驗啦，真係覺得好神奇😂另外沾麵上面啲筍勁好食！！好快就已經食哂啲筍lu個湯一開始唔慣，食落覺得咸左啲，但食耐左就冇呢種感覺啦列最尾食完麵就可以叫啲staff俾熱水你加落啲沾麵汁度整稀佢做湯我自己覺得幾好飲最後加埋一埋單230蚊

原本想一個人好好食個麵，結果被一位中年女服務員的黑面態度嚇怕，明明店內只有數位人客，好像好趕時間，叫極唔認，還黑起面，其實點解要咁對客人呢，麵再好吃也不會再去了！

星期六同女友去尖沙咀行街，揾完野食先去行，兩個人都想食拉麵，行過幾次三田，都見好多人排隊，可能2點幾過左食飯時間，見冇乜人排隊，就去試下女友叫左三田特製拉麵，我就叫左濃厚豚骨魚介沾麵，再加多個胡椒雞翼，麵既份量可以選擇大中細同，仲有特大，不過要加$10我要左大，女友要左中我個沾麵黎到，大既份量好多，女仔未必食得晒試下個麵先，好香既魚介味，粗麵身好掛湯，咸左少少，不過都好味，叉燒就普普通通，隻蛋就好有水準，糖心蛋黃加埋醬油好夾，好味差唔多食完個麵先到個雞翼，未放到入口，已經聞好香胡椒味，外皮脆，肉多汁，加埋皮上面既胡椒，正食完個麵，可以叫待應幫你加湯落個沾麵汁到飲埋佢，唔知係味食麵個時，已經冇左好多汁，定係待應加得太多湯，飲落好淡味，如果可以自己慢慢加，我諗會比較好啲

尋晚女朋友話想食沾麵我就即刻帶佢嚟呢間餐廳。夜晚八點唔使等位，即刻有位坐。餐廳光猛闊落，店員做野快手，有禮貌，會自動自覺加水。我哋叫咗兩碗普通濃香豚骨魚介沾麵($78)我要咗大份量(280g)，女朋友要咗中份量(210g)。麵條本身冇味道。叉燒薄而不肥，值得一讚係隻蛋。蛋黃有鹹香 。成碗麵最好食係隻蛋。湯底好濃，有好重魚介味。一定要盡快食 ，因為啲湯凍咗就會好腥。湯入面仲有一粒五花肉，不過不失。沾麵係偏重口味，我都係鍾意食拉麵嘅湯。如果要我好似之前咁排一個鐘先有得食我一定會呻笨。

心血來潮突然之間好想食沾面就去咗呢一間三田大概7:30左右到，等候人數唔太多，等左10分鐘就有位沾麵三個份量小中大但係價錢一樣我同朋友分別就叫咗濃厚魚介豚骨系同埋辣濃厚魚介豚骨系同埋一碟胡椒雞翼胡椒雞翼外皮好脆係啱啱炸好嘅味道十分之特別係未試過嘅雞翼口味外面嘅胡椒粉同脆脆地嘅外皮好夾甜甜地脆脆地好滋味去到重點分沾麵就咁試麵條係有微微嘅麵香麵條話硬度適中有嚼口蛋比較失色因為有啲過熟側邊度見到係淡黃色過熟嘅顏色 蛋白尚算入味但係味道偏鹹筍冇渣但係味道淡而無味沾麵底水份都比較多 篩得唔夠食到最尾都冇黐埋一舊舊所以都可以接受去到個汁魚介味道啱啱好唔會太重但比較可惜嘅係汁唔夠熱只係溫暖令到冷沾麵落去食咗幾啖之後個汁嘅溫度送迅速下降汁都濃厚做到掛麵嘅效果叉燒分別有兩款一個係喺汁入邊嘅吸收左汁嘅味道 但係食到中間比較乾另外一款放喺面上嘅叉燒油脂不足但係咬唔到未稱得上為好好味嘅叉燒但係都OK啦

想去科學館行街所以就過黎位置方便既K11揾食之前對三田製面有唔錯既印象所以又黎食喇～今次叫個個係豚肉拉面日本拉面都係將成個碗面鋪得好靚個面鋪滿左好多蔥呀！感動！豚肉上面有少少辣醬唔算太辣隻蛋依然係好完美既糖心蛋 好正但今次個面就唔太岩我口味太幼同冇咁好味 唔肯定差左係邊但招牌既沾面係好味好多 粗身d同場加影芝士蝦丸一碟有5粒配埋一個他他醬(有少少青瓜個d)一咬開入面係滿滿既芝士呀！！！！個蝦丸係彈牙既芝士似係普通既mozzarella cheese定車打但夾埋一齊好香我個碟係新鮮炸出黎 一淡咬落去 d芝士係會爆出黎注意一人係至少要叫一款野有加一有bar枱同普通枱

尖沙咀一向美食處處，有時花多眼亂，有選擇困難。多得朋友決定左食拉麵，好快就決定食哩間。三田特製拉麵朋友點既拉麵，我試左啖湯，好濃郁好味。香辣肉碎撈麵撈麵附上清湯一碗，當覺得麵乾既時候，可以加上。當所有配料撈埋之後，蛋黃整爆之後，麵亦染上蛋黃漿同醬汁，顔色睇上去就好吸引。試一啖湯，比想像中要咸，於是落多左清湯去撈。辣肉碎都幾辣，而葱就幾生下幾爽口，咬落去有些少攻鼻，不過亦令麵口感豐富左。但其實食剩3分一既時候已經覺得“漏”，有d唔係好食得落😂蟹肉忌廉薯餅哩個好好食，一咬落去，d薯肉有混左忌廉係入面，一人食兩件都唔覺膩，推薦！整體都ok，乾淨企理又好坐，性價比係幾高既。如果醫下肚繼續行街，或者有其他活動，都適合坐低食個麵再出發哦～

我不嬲都好鍾意食拉麵，平時都係食開豚王，一直都想試呢間，趁今日有時間就黎試下，下午茶時間，無乜人，嗌左個辛辣三田特製拉麵，加隻半熟蛋同一份煎餃子，拉麵大概三至五分就到，個湯底好清，一啲都唔辣，半熟蛋正常，餃子不過不失，中份量既麵原來只係好細份，兩啖就食晒，女仔嗌大份量都食得晒就係因為太靜，所有員工都圍埋傾計，全程都聽住班員工傾計仲有一個女員工特別啲，全程企係度飲緊盒豆腐花總括，味道無特別，無服務可言，可以不試。

每次行過去K11,都見到有間麵店排哂長龍，岩岩開業果陣，夜晚就排哂長龍，每次見到都指望等下次機會再試啦。終於前排3點幾，尖沙咀附近做完野，周圍落大雨，咪搵下邊到食野囉,身為孤獨的美食家既我決定博一博運氣去觀摩觀摩下.....去到K11見下午茶時間，去到三田製麵所 門口~唔洗排隊wo,正呀~~入到去依間K11既三田製麵所，佢主打沾麵，但我決定都係食懶人方法有湯拉麵三田招牌特製拉麵~碗麵等左陣，就話咁快送到 非常有效率~賣相非常之唔錯，淨係個賣相都已經有30分正~立即飲啖湯底先，豚骨味唔算太濃，比想像中淡，岩哂唔鍾意濃味既朋友仔。但感覺湯底有少少加水翻煲既感覺~麵條選擇自己鍾意軟硬度，無要求既我選擇普通硬度。🤣肉質感屬半肥半瘦，唔算太熟，反而恰恰好。其主要用送黎時 有80%熟，到我享用到一段時間果陣，拉麵湯熱度令到塊肉岩岩到90%今次可能唔係太肚餓，沒試到個餃子，我見餃子幾吸引，應該吸錯，下次試沾麵果陣，可以試一下先總括今次: 拉麵唔算差，味道都可以同一蘭差不多水準，屬中級水平，豚肉味道令我比分數高左...下次會試一下沾麵，其價錢同性價比不值

自某年去大阪旅行，無意間撞入三田店，就此一食難忘。今日香港到來，等了良久，終於再次見到你。*沾麵一定要快食，否則麵變硬咗丶汁又「𠍇」咗，不過咁，依然好味，其汁之魚味特濃，濃而不咸，跟有咬口麵條孖住入口，真係食完一啖而一淡。個人唔太好竹筍，但佢啲竹筍一啲都唔臭，隻半溏心蛋帶有少少咸味，好味*炸蟹餅唔係差不過冇蟹味，簡單地話佢係日式忌廉炸餅會好啲，但實話撇開個蟹字，係咁錯嘅*雞翼驚喜！下次會再叫，講完。炸餅同雞翼有椰菜絲相伴，喜歡食炸🐷扒嘅椰菜都會鍾意，唔喜歡嘅⋯⋯食菜有益呀！曾經貪新鮮試其實標其名為沽麵嘅舖，一試之後後悔到呢⋯⋯對自己好啲，食就食貨，一試便知龍與鳳！

個人一向鍾愛沾麵，要我揀全港好食既，我會揀元朗既彩同埋銅鑼灣既三田製麵所🤗 尖沙咀呢間三田之前食過覺得質素比不上銅鑼灣店，但今日喺附近搵野食就決定俾多次機會佢🙊人龍比銅鑼灣少很多，唔駛等太耐就有位置👍🏿濃厚豚骨魚介沾麵 麵可以揀要幾多gram, 仲要一樣價錢，可以就返胃口睇下想食幾多，減緊肥咪食少啲😛沾麵湯底一向偏咸，但咸得黎會有豬骨味，唔係得個咸字，仲有魚介粉為個湯生色不少❤三田流手羽先 胡椒風味超惹味，胡椒味好香，雞翼亦好大隻👍🏿

Lunch出去食，又諗唔到食乜好，行到三田製麵所見到4位唔洗等位衝左入去。睇完menu，選擇不算多，最後決定食沾麵。麵底有4個size，細中大一律$78, 特大加$10 (另加一服務費)。我揀左大，另有同事揀左特大。先睇大小。。有兩塊叉燒同半隻溏心蛋，兩個size的餸份量一樣。拉麵份量十足，實實在在的填滿個碗，而且口感很不錯。叉燒味道不錯。沾麵汁好濃但過咸，食兩啖已經要飲水。如果係食量一般的女生，建議叫中size就ok,如果當日比較肚餓，叫大size都夠。因為同事話食完特大size飽到8點。。。如果有下次，會試其他湯麵唔會揀沾麵，因為真係好咸。

今天和朋友行尖沙咀，去到K11食拉麵。第一次到三田製麵所，門口看到有黑豆麥茶提供給客人飲用，我就飲了一杯，個味道好熟悉，因為記得有一次在日本浸溫泉，溫泉館門口都有這種黑豆麥茶用來歡迎客人，我覺得好有在日本的感覺。飲完一杯，侍應就帶我們進去坐，看一看菜單，我和朋友都想吃半熟蛋拉麵，所以點了一個大碗$100 和一個細碗$90拉麵幾分鐘好快就上枱，先試一啖湯，好濃郁好香，湯底偏咸。麵條較硬身，好有咬口。日本叉燒不油膩，咬落去有點韌，味道主要來自湯底，豬肉本身就無咩肉味。半熟蛋做得幾好，蛋煮得剛剛好不會過份熟，蛋黃味好香。拉麵偏咸，但入到店內就沒有供應黑豆麥茶，有供應檸檬水。大碗半熟蛋拉麵$100細碗半熟蛋拉麵$90湯小左，麵少左，餸份量一樣

自己真係幾鐘意食拉麵每次起日本街頭隨意入一間拉麵店既拉麵都係超有驚喜而起香港我愛三田 三田真係比到起日本食好正宗拉麵既感覺我一碗好食既拉麵 湯底 麵質 流心蛋既配合係我最看重既今次一試 首先飲第一啖湯 係好香濃既豬骨湯底 唔會太咸真係岩岩好 麵質幼身幾彈牙 本身以為會好細碗 其實係岩岩好流心蛋既流心效果做到好好 好吸引價錢又合理 性價比極高起香港可以食到一碗禁有水準既拉麵超幸福之後一定會再試其他