三河屋 (已結業)

之前去過一次但係要等好耐位所以去左第二度食今次10點後先去等左一陣已經有位叫左7樣野食不過薯餅賣晒煎蛋又無賣可惜......咖哩飯唔錯蝦天婦羅都幾好刺身我淨係食左牡丹蝦重有個wasabi唔係開粉果隻

食完甜品工房行左陣就過來,見剛剛開門不久,入面已經坐左一半客人,我和男朋友坐在最旁邊的一張,一坐下就送上兩杯熱茶和餐牌,之前在OPENRICE做定功課,鰻魚飯是我首選,其次仲叫了蝦天婦羅,蟹子沙律,吉列咖哩豬扒飯,兩個人的份量都差不多了,其實還有其他想點來試試唯有先留待下次再來才試! 鰻魚飯: 這個是我最想食的.肥美多汁肉厚,最好是剛送上來熱熱的時候,很香很美味!吉列咖哩豬扒飯 : 炸得剛剛好,但不好辣的我,對於那個咖哩形容是微辣,不至於搶過了吉列豬的味道,而且份量真的好多很大碟,就算男生來說份量都很足夠了蝦天婦羅 : 熱烘烘的送上來,剛炸起很熱但是蝦肉很嫰,十分美味!蟹子沙律 : 其實那個是第一道就上菜的,很不錯,可惜份量偏小,那個價錢真的不能要求太多了!整個晚飯都很好,雖然地方細,坐得很迫,但是食物質素拉回不小分數,價錢適中,相信日後會多來這裡,難怪其門如市了

星期日下晝同男朋友屋企人飲完茶之後去拍拖夜晚去左三河屋度食我地兩個都太飽,所以行左陣先返去返到過去唔洗排隊我要左天婦羅飯($48)男朋友要左豉油拉面($30)之前覺得沙錐魚天婦羅麻麻地食左幾次又覺得ok wor南瓜好甜好味,茄子就普通,蝦有3隻d炸漿好薄而且淋上面ge醬汁甜甜地易入口男朋友話佢碗拉面幾好食入面有塊甜甜地ge日本叉燒不經不覺三河屋做左我地ge食堂la=]

尋日響紅磡打完波，老友提議去三河屋試下！去到時大約晚上六點九，門口已經有四五個人排緊隊，好彩等左大約二十分鐘左右就入得！地方細細的，食物種類都不算太多，有點家庭式經營的感覺！朋友話呢度出名拉麵，咁我地當然要試下啦，最後叫左以下幾樣：叉燒拉麵：我覺得OK啦，算係好食的，但唔覺得係好"特別"好味... 一般拉麵店如味千等都不會比佢差！咖哩飯：一般黎講日式咖哩飯都唔會辣的，仲有少少肉粒，但呢碟咖喱飯冇肉粒，辣，同埋只得小小的兩三舊薯仔，唔太好食！椰菜雞卷：一碗湯浸住五粒雞卷，椰菜包住雞粒，一吃無妨！三文魚刺身：不太新鮮，Wasabi開得太稀，完全冇味！豚肉麵鼓燒：應該係麵鼓燒豚肉，好好味！必食推介呀！Wasabi八爪魚：香香辣辣的幾開胃！不過稍稍大粒得滯，如果可以再切細粒D會更好！汁燒銀雪魚：好好味呀，甜甜的，熱辣辣，好味！！雜錦天婦羅：一般啦！可吃可不吃！整體黎講都算唔錯的，不過稍嫌佢地上菜太慢...

after our gourmet meal at si sun fast food, we proceeded to 2nd part of our valentine's excursion in hunghom. the 6 hour never-ending wait gave us sufficient time to pick out what we wanted to order before having a table. But we didn't mind.the menu was comprehensive for a quaint japanese restaurant at hung hom. selection ranges from seaweed salad, kimchee, sweet potato, cold tofu, to oden, a variety of udon, japanese curry, ramen and rice. there are a few choices for desserts and also sufficien

二月二日剛出席一名好同事的白事,心情自然低落,食點東西才回家,也知道這間有名氣的食店,更聽說鰻魚飯非常出名,自己也喜歡鰻魚,來到門前,也有人等候入座,只有一人當然容易入內.店內細小,坐位也沒有留下多的空間,而店內只有一條主要通道,但也狹窄,二話不說,來一碗鰻魚飯吧,索價四十八元不收服務費,的確便宜,會人搭檯,先來一杯茶,即用即棄的塑杯,令人有點摸不著頭,,一碗鰻魚飯也煮好了鰻魚的確份量真的多.肥厚的鰻魚真的令人吸引,咬了一口有硬,來貨質素雖然不會好,但勝在便宜,這個算合格了,送飯還可以.其實鰻魚和飯同等重要,飯也要軟身,汁也要包著飯,才可以食得美味,更能一粒也不剩.食到最後雖鰻魚清光但飯還留下不少.,食的時候人也太多,變得非常熱,外面還有更多人等候,食也不舒服和,坐耐也不好意思,急急埋單便離開.這裏真的便宜,但可以選擇,則不會選這裏

如題，食咁耐野真係第一次門都未開要排隊等佢開門。店子很細，裝修一般偏向殘破，重滴水ＴＩＭ。。沒錯。。當日壞冷氣，滴埋水都爆場。。咁Ｄ野食點先？關東煮做得很地道，不是很濃味那種，沙魚蛋很滑，像用豆腐做的魚蛋。魷魚由生慢慢燒至收汁，原全食番食物本身味道，那入面的榚很惹味，但勁ＨＥＡＶＹ到「黐」喉，別一次食太多，最好ＳＨＡＲＥ，慢慢嘆。。仲有一ＰＡＴ野好似叫淮山定山芋，我唔識食，無咩味的，要加豉油混合食。。整體特式是日本人主理的地道，服務除了一個阿嬸態度差趕客之外，其他都有禮。。邊個咁倒米，去過你實知。。

放工特登出去試下呢間日本野去到唔駛等,因為都差唔多十一點了不過仍然多人,地方細,人多,坐下動作大少少就會撞到人可能肥仔就會辛苦啲,叫鰻魚飯,鰻魚唔算太大塊,汁夠吉列豬扒咖哩飯好明顯就係出面咖哩磚開出黎,炸蝦一般一分錢一分貨,都物有所值,但應該唔會再黎,因為環境都是一個問題

睇食評知道這名店老遠去試試如果唔係介紹過,睇門面我唔會幫襯好細間又好不起眼好了先來饅魚飯$48雖然不是上等貨吃起來不差,肉厚而且不醒味道也不錯可惜有些骨,吃得不夠暢快天婦羅炸蝦$38好好味又鬆又脆蟹子沙律好正$10值得推介

屈指一算，已是第五次來光顧了。本來不打算重臨，但是夜太座點名要來 (因她只來過一趟)，那就恭敬不如從命了....已預算要排一下才能進去，故先派太太作先頭部隊，自己先走到旁邊大沽街買件平靚正的pancake作小吃。邊吃邊等，時間也像過得快一點從名不見經傳到現在成為人氣小店，小弟總算是其中一個見證者。的的確確，以這樣的價錢能吃到不俗水準的日式家庭料理，實是難得....十分喜愛這裏自家製的漢堡扒，那豐盈多汁而帶實淨的口感，到現在也仍回味不已。想不到這夜被太座節足先登，搶了一步先叫了。小弟唯有order這裏的另一名物 --- 鰻魚飯，再加兩個小吃，便是很豐盛的一頓飯了鰻魚飯轉眼間便端來。看那油潤光澤的表層，應是對版了吧。吃一口，發覺魚皮不及從前的帶焦脆有點失望，不過肉仍厚身，而且蒲燒汁調得不過份地甜，用來伴飯吃絕對是天作之合。可能自己是有些要求高la，總覺味道比從前遜色....看見太座的漢堡扒，就更覺從前的比現在優勝了。入口毫不juicy，而且件頭細了很多，肉質更不及從前般的有彈性，真的是大失過望。可幸那個所謂的北海道忌亷汁弄得甜度剛好而且極香極creamy，才挽回不少分數....Oden是這

見到連續幾次都係OR大熱, 又近反學,落左堂就如d同學黎食dinner.一行9人, 嬸嬸就話坐唔到甘多人要分開坐.我地就話o個張長枱得呀~ (正常6人枱),嬸嬸就開心甘話:"你話得就得啦~ 係驚你地迫炸~"內裡裝修的確有如茶餐廳,日本野黎講, 平時行過都一定唔會入o個隻.睇完menu, 覺得樣樣都好貴, 但見大家都俾甘高分, 就試下啦!【鰻魚飯】 x 4我o個碗係 尾部,自從 "恐雀石綠" 之後我都冇食過原條鰻魚.食落肉質真係好好, 完全唔似超市o個d 扁tat tat.個汁都唔錯.但係尾o個個啄啄位就超多骨, 食唔到.所以覺得 唔係尾部既 鰻魚會底食好多.不過呢d野靠彩數, 冇計啦~【吉列豬扒咖哩飯】 x 2好驚訝的份量!同價錢成正比!! (好難得架依家...)豬扒夠吉列!如果幾個人去食, 鰻魚飯之外, 呢個都食得過.【日式漢堡扒飯】 x 14塊扒! 同學叫, 我冇試.佢話個汁就酸酸地甘, 幾好.【冷豆腐】 x 2個人覺得甘既價錢唔底食,一般貨色, 淡, 又冇豆味.一碟一舊介開4份, 一人一啖冇左.【三文魚刺身】 x 1呢個真係....未解好涷!! 只有10%魚味, 肉少脂肪多, 又

很久沒有吃鰻魚飯，對上一次吃應該是在大阪「道頓堀」附近的「江戸焼うなぎ 菱富」，不知不覺已經是兩年多前的事。今天來到紅磡其中一間超人氣日式料理「三河屋」，目的是為了一嚐久違了的日式鰻魚飯，期望眼睛與味覺可以同時再到日本旅遊一次。晚上六時來到，但店子仍在準備中，門外已有一對青年情侶在等候，我從玻璃大門望向店內的掛鐘，發現時間跟自己手錶的一樣，已是六時十分。等待的人開始多起來，終於在六時十五分開始營業。客人魚貫進入店內，面積不大的店子馬上坐滿了一半，不一會已經開始要在門外排隊等候。我們二人點了「汁煮燒日本茄子(冷食)」($38.00)、「鰻魚飯」($48.00)及「日式咖哩烏冬」($38.00)。先來的是「汁煮燒日本茄子(冷食)」，本來對此食物有點期望，看看「汁煮」的味道是怎樣。怎知味道淡淡的，要形容的話，可以說是比蒸餾水好一些。日本茄子的味道不見特出，但軟硬度剛剛好，可惜未能與味道相互配合，有點失望。再來的是目標「鰻魚飯」，果然與傳說中的一樣「醬汁多、魚肉厚」，米粒圓圓大大，是疑似日本米還是真正日本米，這一點沒法認證。當與醬汁配合起來放入口中，確實有大和風味之感。鰻魚肉厚夠嫩，中間沒有魚

今日到友好家中作客拜年, 順道四人行到三河屋飲飲食食食.今次同上次一樣, 都係有四個疑似日本人的顧客, 坐在近casher 的位置.難道, 這間的食物真的跟日本食物很接近?來到這間日本料理, 真的不多人吃刺身, 反而 其他的食物才是主菜.吉列豬扒忌廉飯 && 北海道忌廉飯 ~ 照樣, 忌廉飯的配搭, 都幾一絕.雞扒烏冬 ~ 未婚妻說雞扒好有燒過的味道, 另外1, 友人說烏冬口感不錯.鰻魚飯 ~ 絕呀, 好好味呀.... d 鰻魚真係好肥美呀, 日本真珠飯都好好咬感雜錦天婦羅 及 蝦天婦羅 ~ 仍然有上一次的水準, yummy.吃罷, 飽飽, 難怪這裡那麼多人排隊吧.

甫進店子，已經看到有一枱日本人、一位外籍人士，心想: 嘩! 這小店能吸引到來自五湖四海的食客，食物的水準應該很不錯!店子狹小，裝潢也比較舊，卻很有家庭式的感覺，親切非常。我和友人點了人氣鰻魚飯連面豉湯，面豉湯咸味剛剛好，湯味也很鮮甜，別的食店很多都太咸。唯一要挑剔的是材料不夠，竟然沒有豆腐粒! 一碗沒有豆腐的面豉湯就像一碟沒有葱花的蒸魚，未夠十全十美。鰻魚飯絕對值得一試，燒鰻魚甘香肥厚，有入口即溶的感覺，份量也算多，醬汁濃郁鮮甜，佐飯一流。飯粒口感軟綿，差不多粒粒皆有醬汁伴之，齋吃也不覺味道寡。看到不少食客都點了海老天婦羅，我們也點了。脆漿很薄很脆，不太油膩。蝦很爽，惟味道較淡。小店食物水準非常不錯，價錢相宜，不收加一。我終於明白，這裏為何會常常出現長長的人龍，和有來自不同國籍的食客了。備註: 晚市六時開始，半小時後已開始輪位了。要一嚐滋味的日式料理最好不要太遲來。

補完課我提議黎呢度食野因為我想試佢既饅魚飯好耐啦由於時間尚早 所以唔多人等位叫左一客鰻魚飯 一個海老天婦羅share個鰻魚飯姍姍來遲 不過無令人失望塊鰻魚cover左三分之二個碗面個汁既味道岩岩好 鰻魚肉厚 味香 一條幼骨都食唔到呀我個飯我就覺得淋左少少 可能比汁浸淋左不過都係唔錯 起碼無死實實海老天婦羅 食第一件 好味 炸粉唔厚不過之後食可能凍左 淋哂 所以下次都係一黎就食哂佢先 xp唔算太油