三河屋 (已結業)

特意跟男友走到紅碪，就是為了一試人氣高企的三河屋。店子的佈置有點像家居一樣，地方不大，但也不算太迫。7點就去到了，都要等一陣先有位。當然點左鰻魚飯啦 只係$48 好足料大大碗，女仔真係食唔哂。又叫左漢堡扒北海道忌廉飯$58，d汁真係好掂，同平時食開個d好唔同。而且d漢堡扒係自製的，都好好味，不過真係好大好大碟，食唔哂。海老天婦羅好抵食，$38有5隻架!!一d都有縮水，正!日式餃子就普通左d，有話特別好食，早知叫燒雞泡魚乾啦!!埋單$172，今餐真係食得好飽!!

今日大概20:00去到,門口得一對男女企係""門口右邊""睇緊個坐地大餐牌,唔知佢地係等緊定考慮是否要入去食,我企正係門口大概一分鐘,冇侍應有反應,見到個女侍應,我用中等偏大聲講唔該兩位,冇侍應回應,跟著我企係門口多兩分鐘,見到一位年長既女侍應,問佢是否要排隊還是羅飛,她面部表情令人覺得唔舒服地指著那對男女既方向說個邊排隊,但係當時已經有多三個人排隊,但係佢放左幾張櫈係""門口左邊"",而且係冇人坐.我發現有人既blog寫個d櫈係比人坐著等既.發現唔小人都對佢地侍應既行為覺得有問題!

三月十七日﹙火﹚說到吃有質素又較平民化的日本菜，這裏是一個好地方。一直看到這裏不少食家也推介鰻魚飯，看過樣子也不差。吃過這裏的燒魚﹑忌廉﹑咖喱飯等，質素也滿意，今次就決定要試鰻魚飯，看看是否名符其實美味。這晚放工來到，可能時間尚早，人煙甚稀少，隨便選了個座位坐下。點了鰻魚飯和蟹籽沙律。蟹籽沙律首先送到，十元的貨色，蟹籽也不少，味道尚可，算是不錯。一般的蟹籽沙律是在沙律面上直接加上蟹籽便成，但這裏的是把蟹籽也混在梳菜和沙律醬之中，幸好份量還多，也不難吃到一粒粒的蟹籽。雖然現在未到吃鰻魚的最美味季節，但看見眼前的鰻魚肥美肉厚，看似美味，十分對版。先夾一小件來試試，肥美肉嫩，蒲燒的時間控制得剛好，果然是名符其實的鰻魚飯。肥美的鰻魚，加上美味的蒲燒汁，簡直是絕配，飯也變得好味起來了。埋單才不過$60，已經很滿足，小店不設加一，更覺得抵吃。

睇到好多好評..專登試下..!!我點左最多好評既鏝魚飯同吉列咖哩豬扒飯..我好鐘意鏝魚飯..真係好肥美..咁耐以黎未食過咁好味。另外個吉列咖哩豬扒飯都唔錯..我好鐘意飯好多汁..2/3個碟都係汁..正!!環境麻麻..正如dee人所講..見到個舖面真係唔會諗住入去。服務態度麻麻..個阿姐好似好勞氣咁。=o=''

食完附近出名既漢堡包，見重有D想食野，便周圍行下，最後黎左食拉麵。叉燒拉麵 (豬骨湯底)：叉燒肉嫩鮮美；拉麵煮得剛好有咬口，但麵條本身既質素只係麻麻地；豬骨湯底也不夠香濃。煙鴨胸拉麵 (豬骨湯底)：煙鴨胸同係超市買既差唔多，而且薄片；煙鴨胸和湯底如上述既一樣。呢度既店子小小，裝潢簡單，但可選擇既菜色就種類多，不過我對佢既拉麵評價就一般般。

昨晚同2個朋友, 放工之後去了這間店食, 因為朋友介紹, 唔係都唔知這間細細的店, 在openrice係甘出名的。我們去到都差不多9點半, 但仲好多人, 我地都等位等左好耐。在等位時, 我們已經order左野啦:1. 甜番薯2. 汁煮茄子3. 燒銀雪魚4. 吉列薯餅忌廉飯5. 3文魚刺身6. 吉列黑豚:7. 雜錦天婦羅8. 番薯天婦羅1. 甜番薯..是我覺得全晚最好食的一個菜, 細細粒, 一口一粒, 又甜甜地, 幾開胃。2. 汁煮茄子..都ok好食...3. 燒銀雪魚...可能太油膩....所以我都係prefer鹽燒鯖魚多d.....4. 吉列薯餅忌廉飯..個飯是比較「溜」, 因為cream的關係吧....不過都好食...個吉列薯餅就好好食啦5. 3文魚好食, 不過個washabi就冇味啦6. 同一般的豬扒冇咩分別, 仲要好像一塊厚瘦肉, 覺得好貴啊...7.雜錦天婦羅 的 炸粉ok, 不過個蝦係冇味的。8. ok好食

三河屋的大名我已經聽過很多次的了….但一直未去試…聯記川王後…有其中一部份的食友到了大光燈食雲吞…之前我已經吃過了…所以就和幾個不想吃雲吞的食友來到三河屋…幸好當時人不多…不用等位…雖然有四個人…但有一位食友怕肥…所以決定不吃…三個人就點了招牌的燒鰻魚飯…燒廣島蠔和螢光魷魚…螢光魷魚…我第一次吃的時候還以為是螢光的顏色呢…原來是在水裡才會發光的…這款螢光魷魚其實是經過醃制的刺身來呢…肥美滑溜而且味道鮮美….鹹鹹的…不過有人可能會覺得太鹹…這個確實比我第一次吃的鹹少點…不過可以接受呢~燒廣島蠔…我和開心的食友都很吃喜歡吃蠔的…我無論生食或是煮食都一樣喜歡…所以看到餐牌有燒廣島蠔…當然忍不住要叫一客呢…這個的燒蠔是連殼燒的…甚具風味…單看賣相雖然是中型…但總算肥美…只是當我咬下第一口的時候…我就覺得不對勁了…蠔燒得很乾…乾得令味道有點像蠔豉…裡面的蠔汁好像都幾乎被蒸發掉…有一些就留在蠔殼裡面…坦白講我是有點失望的了…因為最好吃的燒蠔就是熟之中會帶點濕潤的…幸好同檯食友的蠔好像比較好一點…沒那麼熟…最後的主角是招牌的燒鰻魚飯…三河屋的燒鰻魚飯實在太出名了…既然來到當然沒有不吃的道理…三個人分

7點開始排隊排到7點9先有得入去嗌左吉列豬扒咖哩飯d咖哩太辣喇都唔似日本咖哩既豬扒都係不過不失天婦羅烏冬烏冬真係幾有水準天婦羅可以話係出色timd蝦外脆內嫩真係好好食八爪魚刺身不過就覺得唔係太新鮮者食物水準真係幾好但要排成9個字先食到我又覺得唔係太值得

正月初一‧陰天 在飲食雜誌連環催谷下，不知何時開始，這裡變了長龍店。對排隊全沒興趣，所以少說也有年多未來過了。大年初一的下午，食店沒有幾間開門，路經此地，卻見這裡是照常營業。但可能沒有什麼人大件初一會吃日式食物的，這裡是門可羅雀，大喜，來吃碗拉麵如何？就要了醬油湯底的叉燒拉麵。 拉麵的湯底夠熱，喝一口，也濃郁鮮味，隱約喝得到蔬菜的味道，當然味精會有一點，但以醬油湯底來說，是及格的；這裡的叉燒做得美味，是脢頭肉的部位，咬起來非常之軟熟，醃得也很入味。一碗四件，吃得盡興的；麵稍稔身，也結得一團，不夠鬆散，始終不是專做拉麵的地方，又或者淥麵是由小師傅去做，這些細微位是難兼顧了。總體來說，這碗醬油叉燒拉麵，以本地來說，是水準以上的。 電視播著例牌的新春賀年節目，都算幾有氣氛的，除了店子比較冷清之外，因為吃到離去，也只得我一位客人。 埋單38蚊，不用等位的話，也不失為吃便宜日式料理的好地方。

上個星期六，特登同男朋友去到人氣小店三河屋食LUNCH，要排隊等食，好彩都唔係等好耐就有位。睇咗陣餐牌，決定叫人氣鰻魚飯&天婦羅飯︰味噌湯 - 未試過飲有芽菜0既味噌湯，唔多夠味，麻麻鰻魚飯 - 好大條鰻魚，而且好肥美好好味，加埋個鰻魚汁，正~天婦羅飯 - 有蝦、唔知咩魚、茄子&蕃薯，唔油膩，好味，本來仲驚個飯冇汁唔知點食，原來都有D甜豉油，甜甜地送晒成碗飯D食物咁得，唔怪得係哩個唔起眼0既地方+唔起眼0既門面，都可以變成人氣小店啦，好想再食鰻魚飯呀

第一次來，發現這兒簡陋得有點不像日本餐廳，又要排隊於街上，加上店員黑口黑臉並無禮貌，第一印象不佳。座位很逼，所以打算快快食完就算了。怎知道原來會有驚喜。鰻魚飯的性價比來說三河屋的比大戶屋的更好，鰻魚厚肥得來粘粘的，竟然粘得分割起來也很困難，可想而知有多肥美。不過若燒得焦脆一點口感會更好。飯香軟潤，多一點汁就好了。朱骨湯拉面，比較普通的拉面，湯不夠濃味，配料也比不上拉面專門店。芥辣墨魚是女友喜歡的一味，墨魚既大又爽，再辣一點會更對口味。廣島燒餅，上來時熱騰騰的，餅帶脆，裡面的沙律醬剛好，還可以。后來也覺得服務也算有求必應，只是態度不太日式，但也沒有想像中差。這裡是抵食的，尤其是鰻魚飯，我這個鰻魚飯痴，應該會再來的。

鰻魚飯名不虛傳，半條肥美的鰻魚，加上恰到好處的燒汁，加上軟硬適中的米粒，在寒冷的初春晚上別有一番風味。眼見眾食客檯上也有一碟海老天婦羅，也不禁點了這道菜，可惜海老毫無鮮味，即使是即叫即做，也不能使海老死而復生。幸好鹽燒鯖魚有應有的水準，肥美而香滑，淋上一點點的檸檬汁，把鮮味吊出來。濃郁的魚香加上鼓油在口裡盪來盪去，久久不能忘記那種來自大海的感動。再叫一客豬扒拉麵，水準之低，實在難以對舌頭交待。豬扒炸得美觀，豬肉亦見濕潤，可惜太多油，亦不香。縱使招牌是三河屋拉麵，但是麵身太軟，湯底不濃亦不聞其豬骨香，實在一大敗筆。待應態度亦有問題，在此不在詳談。

身為街坊既我，以前真係唔會揀入去食，門面殘舊，又無乜人......不過 open rice 上見到佢忽然冒起，結果，今日就同友人姑且等佢條龍去一試既。好明顯後面個幾位都係 open rice 行家....一坐底就想叫番 open rice 上見過好味的，想試下係咪真係咁好味。先黎三文魚剌身 $68，有大概 8 塊半到，佢切得都算差唔多 size，除左一兩舊之外。有海帶墊底，我覺得唔錯呢。好新鮮，好肥美，雖然價錢都唔係平，但係咁既貨色就真係出面好難見到。友人就話唔知上面 d 啡啡地色既係留係個度做乜，但無影響到個味道既。再黎海老天婦羅 (檯檯都會見到人叫的)，一共5隻，係就係新鮮做，即叫即做，個炸漿係好香好脆，但就完全蓋過左個蝦味，食唔到任何彈牙或蝦味，有 d 可惜囉。跟住分別同友人要左漢堡扒北海道忌廉飯同埋咖哩漢堡扒飯，上碟個 portion 都係會留意到係汁同飯就好多，但係個扒就有 d 細，都算幾爽既個扒，所以都算。不過推介的漢堡扒北海道忌廉飯我就覺得麻麻地。好 lau ，有 d 似一 d 罐頭湯加左重忌廉，入面仲有塊疑似係cheese 既野。好重奶味，我都唔係咁受到。咖哩漢堡扒飯個

一心想去食饅魚飯去到之後見到隔離檯個西裝友食咖哩吉列豬扒飯食到lam lam利於是就改變決定改食呢個喇友人左咖哩漢堡扒飯咖哩吉列豬扒飯 $48為左d咖哩汁唔好令到d豬扒淋哂我叫佢豬扒另上,不過個姐姐就話不如咖哩汁另上啦碟飯黎到,咖哩汁搵左另一個大碗裝住多到成碗湯咁,其實一定會食唔哂首先講講個咖哩,幾香,唔辣,幾足料,有好幾舊薯仔個飯係日本珍珠米,煮得唔淋唔硬剛剛好豬扒我叫左比多碟沙律醬,一流!豬扒剛炸起,脆卜卜 , 炸粉唔厚,豬扒唔un友人果碟個漢堡扒就細塊左少少喇下次我要食鰻魚飯!

今次係第一次光顧此店, 到步後看見店舖面, 已有一種不詳預感, 裝修及燈光也很殘舊, 直覺話俾我知, 食物水準應該......有保留, 但見咁多好食評, 點都要試一次。7點多去到此店, 原來真係同食評講既一樣, 己經要排隊等位。是此點了大獲好評既鰻魚飯、蝦天婦羅及餃子拉麵。鰻魚飯：朋友食完後覺得飯質一般, 唔似日本米, 鰻魚太肥, 醬汁味道可以蝦天婦羅：即叫即炸, 夠脆夠熱, good餃子拉麵：這是唯一一個bad comment, 因為餃子同拉麵放埋同一碗,我諗我唔駛多講, 大家都知後果會係點樣......就係本應脆既餃子唔脆口囉, 麵質就.....第一口還以為係傳統日式拉麵, 但食到咁上下發現麵條開始發脹變淋, 好明顯唔係正宗既拉麵啦, 而且芽菜又冇煮過, 成個煮拉面方法都唔正宗, 一句講晒, 唔好食但以呢個價錢俾d咁樣貨色你品嚐, 都差唔多了, 不能要求太多。 總括而然, 夠經濟但水準一般。