三河屋 (已結業)

之前見到有好多好評, 今日咪專程去食個LUNCH囉, 12:30pm去到, 係門口望入去, 有D唔想入去, 但最後還是入咗去.點知未食野之前, 發生咗件小插曲.............一入到舖, 本想坐細枱, 係我坐落張椅果陣, 俾我發現有條小蟲係張椅度, 於是立即轉坐去第2度, 點知遭到個女店員不太禮貌的對待!!!! 之後我點咗我最想試的忌廉吉列豬扒飯, hk$58好似有d貴喎..........至於好唔好食, 先說豬扒﹐炸粉好鬆化﹐豬扒唔會太硬﹐不過太薄同份量太小。到個忌廉汁﹐有好濃的牛奶及忌廉味, 好滑, 好好味, 加埋小小栗米及勁淋的薯仔, 好正, 不過美中不足的是個飯煮得唔係咁好食.不過因為舖頭內比較熱, 加上d待應好似好趕客咁.........我12:30pm入去, 走果時還未到1300pm(因受不了待應D趕客態度) 我唸我都唔會再去食囉~

兩個人去左食晚飯,叫左牛肉烏冬,咖喱吉列豬扒飯~蟹籽沙律,餃子~~~~~日本人老闆好NICE~店員FILL水都好快~~蟹籽沙律幾好味,青瓜好Fresh,好多蟹籽~餃子就普通啦~個牛肉烏冬好好味~!!啖湯都好好飲~烏冬好Q~咖哩吉列豬扒飯,勁多咖哩,好日式,不過得2舊薯仔,少左D~豬扒炸得剛剛好,而且佢夠厚,所以炸完都唔會乾~!!食完佢會倒杯茶,幾好~

也是好一陣子之前去吃的了，二人吃了：1. 鰻魚飯- 鰻魚肥美，底下的白飯也沾了燒汁，很美味2. 滑蛋豬排飯- 滑蛋+醬油，很好拌飯- 不過兩個人要吃光這兩大碗飯真的有點難度3. 芥茉墨魚- 喜歡內裏那些一粒粒綠色的蔬菜(是芹菜或蔥之類嗎?)，為帶點嚼勁的墨魚粒以及少許黏性的醬汁帶來多一份的層次4. 蟹子沙律- 已預先拌好的一小碗蟹子沙律，蟹籽、蟹柳和青瓜絲的份量適中- 好像只是$10的價錢，抵食小店子的座位有點擠擁，不過以這個價錢+食物質素，也不會介意的 不過二人再來的話，只叫一碗飯就好了

見到好評如潮，以為有好野食放工同女朋友楂架車過海試下用openrice加gps搵左好耐，兜左好多冤枉路，終於搵到將架車拍低0係門口，入去開餐(其實入去之前見到間野已經覺得有0的賴野)食飯時間七八點，坐得一半，如果咁多好評，應該排隊先似樣丫點知入到去，一人比一杯紙杯裝住既綠茶。。。拉麵，都算正常啦，但唔係最好0羅，都係唔夠彈叉燒，個人依世最憎有彩光既叉燒(個面0的彩光立立令)，好明顯係放左好耐，又un又凍，但係個湯熱既個湯，開水咁既感覺我覺得只係一間做街方生意，唔知食乜好，落樓下食既一間普通麵店過百好評!？又係因為低食!？真係多謝晒~

紅磡真是一個美食集中營, 要把所有食肆也嘗一次, 所花的時間也不少啊!今次選擇三河屋, 是因為想食日本菜及得悉它在開飯喇!網頁得到一百四十分的高分我跟朋友叫了北海道牛乳薯餅飯, 咖喱吉烈豬扒飯, 及三文魚刺身. 三文魚: 68蚊, 太細片了! 北海道牛乳薯餅飯: 跟想像中的一樣, 好好味!! 好重奶味!咖喱吉烈豬扒飯: 個汁好味呀!! 另外, 真是要讚一讚服務員的細心, 他們會因應客人的需要而提供服務, 他們為我那個在發熱的朋友送上一杯冰水. 可能因為店舖佔地不大, 人手多, 一舉手就會有人來幫你.這一餐真的好飽呀!! 下次要試天婦羅先!!

已聽過這店的名字多次,這裡的評語看來也不差.但其實再吸引也好,本地的日式食肆是不會讓我專程去輪候幫襯的.我的想法是寧願省下這些錢去當地吃好過！晚上七時多和友人好看完骨科後往後街方向行,剛好見到這店而又不用等位便入來一試.入內坐下發現這裡的裝修可用殘破來形容,用的食具茶杯也是用完即棄,侍應的衣著更加...還是速吃為妙!凍荳腐----這個凍荳腐沒有蔥沒有薑蓉只得木魚碎及豉油,荳腐質感不滑,吃起來很有"街邊貨"味道.關東煮----只點了一隻雞蛋,因為總覺得吃關東煮如果見不到竹輪、大根、油揚荳腐在一格格的熱湯內載浮載沉,是不會引起食慾的!由其是不能手指指去揀更加無癮!說回此蛋是浸的時間不夠,不太入味.义燒拉麵----,除了义燒的表現比較好外,整碗拉麵也很有味X拉麵的感覺.北海道忌廉漢堡排飯----一客飯有兩片匙羹大小的漢堡排,應是自家制品,因吃起來的質感鬆散,而且味道有點怪!忌廉汁第一口吃下去是很濃滑,但多吃幾口便覺得很膩!愈吃愈像在吃一罐沒加水的忌廉湯.燒田樂茄子----麵豉醬調味出了問題,是甜味太重!甜的程度是吃後嘴裡像有焦糖的味道,茄子吸滿油加上調味甜到漏,吃了1/4已投降.去北海道的次

o係openice見到咁多人都讚,所以專程過去試下...夜晚7點半左右去到,o岩o岩有人走,所以可以即刻入座,入到去感覺環境比較屈質,亦無咩裝修,坐底叫左4樣野食:1)三文魚刺身 (切到細細片,唔夠鮮甜,一般貨色)2)瑩光生食魷魚仔 (叫前問過侍應阿姐知道味道偏鹹,黎到之後發現賣相欠佳,但味道尚可)3)煙鴨胸拉麵 (味道水準以下,不提也罷)4)吉列薯餅北海道忌廉飯 (叫果陣侍應阿姐提醒薯餅內有牛肉,夠細心...個汁同個薯餅都好食,應該招牌食品)

星期日想食好野~所以特意早D(6點3)去到﹐不用等位~~兩個人叫左﹕鰻魚飯﹕一上檯~有半條鰻魚~鰻魚汁配上飯，哇~~超好食啊﹗ 忌廉吉列豬扒飯﹕先說豬扒﹐炸粉好鬆化~火候亦剛剛好﹐豬扒唔會太硬。非常好吃!!! 到D汁﹐忌廉有勁香的牛奶味道~好濃 ~加埋D栗米﹐甜咸味適中~~真係好美味~~~~~~~~炸薯餅﹕薯餅是一個驚喜 ﹐好香好脆﹐入面有D肉碎﹐唔會只得薯蓉好寡~~味道均勻﹐唔會好寡~~又會自動加茶~service 唔錯~~~~吃完出門口﹐就即刻想入番去再食~~~下次一定再黎~~~~~

今天的午餐飯局除了有一貫"小友"的飯腳之外，還有"大朋友"鄧sir的助興參與，真是高興得不得了....既然人多而且勢眾，來到此等價亷物美的日式小店，叫它三五七碟東西來吃，實在不會太肉赤。你說怎能不高興呢 ? 這個下午，肚皮是一如所料的充實到極點了...未有吃過這裡不是經常吃到的瑩光魷魚仔，當然要介紹小友及大友們一起吃。這兒的淹漬得相當的夠味兒，鹹得來又帶鮮，魷魚肉本身亦不過韌 (最怕吃到那些韌如在吃擦膠的貨色了)。將之用來拌飯吃，可送三大碗；若是當成是伴酒小吃，則三大杯大啤就是真的走不了...同樣未多吃過此處之拉麵類的物體。要了碗最基本的义燒拉麵分甘同味，湯底是豬骨式的，色呈奶白，味尚甜；麵則卻嫌淥得太淰欠彈牙之感；义燒亦是硬實如石頭的，不吃也罷....咖喱烏冬也是這裡剛相識的新朋友。日式咖喱汁調得比平常吃到的盒裝貨濃稠，用來乾撈烏冬倒是不錯的建議；烏冬有少許咬頭，夠煙韌，也不俗...鰻魚飯是招牌貨色，怎能不叫 ? 鰻魚大件頭至走出碗外，色水很"靚仔"，皮燒得帶微脆，肉質也不見得太"霉"及太淰。蒲燒汁甜稠度剛好，滲入珍珠米內，吃得人靈魂出了竅....劍青小友對oden情有獨鐘，不叫一碗

上次吃了個鰻魚飯，所以今次去試一下它的咖喱漢堡扒飯他的咖喱不是我們常吃的印度咖喱，而是日本咖喱。日本咖喱沒印尼的那麽辣，但它那股香味卻一點不遜色給印尼的。而且配合上很有飯香的珍珠米，實在是絕配。他的漢堡扒也很好味，很有肉味，淋上咖喱汁，分外香口。

三河屋曾幾何時係我成日去的食店，完全因為迷上了它的北海道忌廉飯三款配菜我都試過了(無錯，係配菜，因為我眼中的主菜係用來撈飯個忌廉汁)，其中薯餅我認為係最好味的，熱辣辣，燙口的，就算放耐左都依然香脆～～相比起來，吉列豬扒就較為遜色了，雖然豬扒帶點肥，肉質頗軟，但往往只有頭幾啖好味，放耐D個炸皮就變得軟腍腍了。至於漢堡扒呢，雖則係整得唔幾錯，之但係得兩粒就唔係好夠攝牙罅喎....咖哩飯我都試過，但係一次就夠了，我呢D唔食得辣的人俾佢辣到我係咁流鼻水囉....P.S. 以前可以要求佢汁另上gar......不過而家佢都唔理我lu.......

今晚同黃兔又再搵野食,突然想起好耐未食過這間日式餐廳,而且我地九點後才去,應該不用等位吧,於是碰碰運氣,它的舖面細細,但已坐滿人,我地被安排坐另外一間細舖,所有擺設都係簡陋的!!!!而且每檯都貼近,坐得不太舒服我地叫了:咖哩薯餅飯 - 咖哩味好香,但有少許辣,薯餅炸得香脆,內有肉碎,餡料豐富,不會只得炸粉忌廉北海道吉列豬扒飯 - 忌廉有香濃牛奶味,配以香甜的栗米,好美味吉列豬扒炸得份外香脆但飯煮得太"林"

＜甜蕃薯仔＞細細粒，一口食晒～真係好甜！＜三文魚刺身＞普通三文魚，冇特別．．．＜饅魚飯＞饅魚都ｏｋ，但冇乜特別＜忌廉烏冬＞忌廉好豐富好濃味～ｇｏｏｄ！＜南瓜天婦羅＞剛炸好，脆卜卜，又不太油～做得幾好！＜芥末墨魚＞推介美食！！！有ｗａｓａｂｉ味，再加墨魚既鮮英，完美呀！！！！！＜炸蝦天婦羅＞呢個比較之下就遜色左ｄ，多油，同埋鮮唔新鮮。＜牛肉薯餅＞咸牛肉餡料令個薯餅好濃味～唔錯！

同事未去吃過, 就同佢0黎試試. 好好彩, 唔駛等位. 平時行成日見到好多人0係度排隊.因為上0黎睇到話鰻魚飯好正, 所以同事叫0左個鰻魚飯試0下. 跟個麵豉湯. 麵豉湯好夠味, 唔似外面0的日本食肆連銷店咁求其. 鰻魚飯到, 勁大塊!!! 勁厚呀! 我都偷0左舊0黎吃, 真係好鬼死肥美!!! 好耐冇吃過咁足料咁大件0既鰻魚!!! 碗飯都好大碗, 但飯就多水0左少少... 我就叫0左個北海道忌廉薯餅飯. 只係一個飯, 無0野跟. 一0黎到, 又係大大碟! 0的忌廉汁真係好濃, 好似濃粟米湯咁!! 勁正!! 薯餅原來有牛肉做餡0架!!! 好鬼飽肚! 雖然係貴0左0的, 但真係好有日本風味!! 唔錯!!

我久仰三河屋的大名，所以前天趁有時間就去嘗嘗。我叫了一個鰻魚飯。一上來，就香氣逼人。一看鰻魚的大小，就簡直大得驚人。我先吃一口鰻魚，非常入味，又夠淋。之後，我吃了一口飯。飯配合了鰻魚汁，好好食啊！！！飯很香，mix 埋d鰻魚汁,令飯變得淋淋地，又夠味，超正！！！不過，唯一有異議的是，價錢比較貴。48蚊一碗飯，就比較貴了一點。不過無論如何，它仍是我心中最佳餐廳十五強之一!!!!!