三河屋 (已結業)

平日二點去食,店內無乜客,叫了炸帶子拉麵.嚟到時漏左帶子,叫我等陣.拉麵超難食(茶餐廳做拉麵質素)炸帶子個心是冰凍的,然後換左义燒俾我,义燒深黑色的(唔敢食).結果差不多成碗俾番佢(當然有俾錢啦)

原本想去食生記膏蟹粥, 點知要等成30張枱, 惟有轉軚去其他地方食. 記得呢間有好多網友推介, 所以去試試. 7:15pm到, 等2枱15分鐘入得........叫左架哩吉列豬扒飯($48)同义燒拉麵($38). 豬扒飯個碟係好大, 飯既份量ok, 汁都ok多, 豬扒size中等但冇咩特別. 义燒拉麵唔太大碗, 豬骨湯都ok好味, 但d义燒太甜, 雖然係日本人開, 但我唔信係日本既風味囉..........總括來說 - 不外如是, 冇咩特別, 咁既價錢唔值囉.........大家唔好俾日本人掛帥而蒙蔽啦.........搭程車出去第二區可以有更好選擇

2個人食飯呀~~咖哩汁吉列豬扒飯......好多汁呀!!!!! OK!!! 好好味~~鰻魚飯......好肥美!!!!!!有GREEN TEA飲~~~~GD清清地!!!!

平時去三河屋一定會叫吉列豬咖哩飯...食左好多次..次次都好好味~!!!今次決定叫下其他唔同既野...!!!不過都係試D COMMON野,就係饅魚飯啦!!!好喜歡三河屋既風格..有少少隨意..唔會話用晒同一個款既碗...但係咁多個款又會MATCH 番日本THEME...個人好喜歡佢藍色既碗..!!等佢上個饅魚飯O個陣都有少少期待!!!lol三河屋真係冇令我失望!徐左照牌咖哩之外,饅魚飯都做得好好味(仲要佢幫我用藍色既碗裝呀!!!哈哈!!)兩條饅魚份量岩岩好d sauce比起一般係出面食既sauce少左一份刻意既味道食落去唔會覺得好咸反而覺得岩岩好!match落饅魚度,帶出左佢既鮮味!!!店員keep住refill茶..又笑笑口咁...成個感覺好好呢...但係都係o個句...如果間鋪頭大間d...坐又可以坐得舒服d,等又唔洗等咁耐!!!

前晚同女友買左飛睇周杰倫演唱會,於是就問一位住係紅磡區嘅同事有咩好食，佢就推介左呢間俾我喇，去到門口，女友問我係咪到左，因為佢話呢間野唔似食日本野，入到去，環境真係麻麻地，叫左個咖哩吉列豬扒飯同餃子拉麵，咖哩吉列豬扒飯黎到真係好誇張，啲汁多到瀉咁濟，豬扒鬆軟，還不錯，味道有啲似讀書時小食部啲吉列豬扒，咖哩偏甜，女友至愛，咁多汁每一啖飯都可以撈汁食，唔錯，餃子拉麵麵同個湯都ok,餃子就預左佢無乜特別，呢個質素對呢個價錢可以接受。

尋日要去紅磡做野, 之前就上網去做search有咩好食,搵到呢間餐廳,原來間舖好細間, 成個餐廳唔夠二百尺, 我一個肥仔就坐得比較辛苦,叫左個3樣野食吉列豬扒北海道忌廉飯 - 個碟好大,d飯好多,豬扒肉質普通, 炸得ok, 唔會過硬, 不過同丼吉果d就差好遠, 令外個汁甜甜地, 女仔應該好岩食, 如果網友有去過日本, 有飲過d忌廉栗米湯既過, 冇錯, 就係果種味!鰻魚飯 - 好大碗, 份量大, 有半條鰻魚, 鰻魚係普通貨式, 不過煮得幾淋幾入味, 個飯就冇夠汁劍魚腩刺身 - 算新鮮, 但係就冇咩魚味, 不過咁既價錢都唔要求得咁多

見openrice上咁多好評, 星期日就同屋企人去試下, 一行4人..叫左下面既野, 埋單二百幾蚊, 唔算好抵又唔係咁好食,環境仲扣晒分... 我地直頭連相都無影, 就咁扒完d飯就走, 因為環境好迫, 唔舒服, 令人唔想多逗留1) 北海道忌兼吉列豬扒飯: 汁好多, 多過d飯, 味道ok, 但最重要既豬扒唔得, 肉好實, 外面好干, 有雪味2) 鰻魚飯: 見人地話哩度係香港最好食既鰻魚飯, 食完只係覺得好口渴, 鰻魚係過得去, 無腥味, 但唔會係全香港最好....3)照燒雞扒飯: 普通野, 不過不失4) 帶子拉麵: 帶子有小許腥味5) 燒魚(唔記得係咩魚): 68蚊條魚,開左邊之後都係得我隻手掌咁大, 唔抵食, 加上比較咸

昨晚係旺角搵地方食晚飯, 真係冇乜心水, 忽然諗起三河屋, 成日話想試都冇機會去, 就去啦~落住雨趕上架小巴進發. 去到既時候見唔到長既人龍, 可能落雨既關係啦~等左幾分鐘就入座. 因為趕睇戲, 只點了比較簡單的菜色試試.先黎左個面豉湯, 色澤偏白, 飲落好香既昆布味~~味道唔會話太鹹, 同我平時飲到既有唔同既地方係佢地加左D 芽菜入去, 清甜左, 感覺好家常~~~哈~好, 今餐有個好開始~~跟住試左個凡立貝刺身, 賣相斬都幾震撼, 一份 4 片, 每一片都成卷膠紙咁闊大. 凡立貝既鮮味係跟隨咀嚼既時間慢慢滲透出黎, 除左點豉油, 伴以附送既海帶一拼食都不錯~~但略嫌刺身暖了少訐.再黎食左個漢堡扒咖哩飯及鰻魚飯.漢堡扒咖哩飯, 沒有不同的辣度選擇, 只有一種. 好喜愛食咖哩飯的白飯被舖得平平的, 食得很方便. 開頭食覺得漢堡扒既份量比較少, 但食落又OK, 因為食得太多漢堡扒會冇胃口去食個咖哩~個漢堡扒屬於鬆化軟身, 有足夠既肉香. 咖哩係比較辛口一點, 但可以接受, D咖哩唔洗慳住食, 份量足夠每一口飯都填滿咖哩. 真係好~各自各精彩~鰻魚飯, 賣相簡簡單單的. 味道有小小失望. 首

今晚本來打算去花澗試下既，但係來來回回兜左幾個圈都搵唔到間野，又落住雨老婆塊臉越黎越黑，於是為有是但搵個地方食算啦，行行下就行左黎，咁岩又有位，於是就黎試下。其實三河屋聽過好耐，知道應該唔錯，不過唔鐘意太細坐得唔舒服所以一路都無黎。兩個人坐係角落，叫左豬骨湯烏冬、餃子拉麵、雜錦天婦羅、蟹子沙律同燒多春魚。豬骨烏冬我叫既，湯奶白色，一睇對路，飲啖好有豬骨甜味，唔錯，烏冬好有彈性。我食左啖，老婆看烏冬好彈牙就成碗搶左。監粗推左磅拉麵比我，話D麵比較霖唔鐘意。其實個麵都唔差，不過D餃子煎完就放左落湯，浸霖左無咁好食。蟹子沙律細細碟，但都幾好味。雜錦天婦羅唔算好脆，不過味道OK。燒多春魚唔錯，不過老婆話燶D仲好。環境係比較窄，但服務唔錯，侍應都好有禮貌，價錢唔使兩舊零，可以接受。

蟹籽沙律 : 10 蚊係咁上下啦 吉列豬扒北海道忌廉飯 : 個樣好似幾好, 不過豬扒完全唔合格, 吉列仲一陣益味 炸帶子拉麵 : 一般嘅拉麵, 炸帶子完全係一團粉 $106 食啲咁嘅嘢完全不知所謂 冷氣又唔夠食到我成身汗 早知去附近食鹵水鵝好過佢多多聲啦

今晚黎到紅磡看電影，唔知食咩好但有唔想又係食D普通野，就行下紅磡D街坊鋪頭。知道三河屋都幾出名下，就係趕時間之際就入左去食。因為趕時間，諗都唔諗就叫忌廉飯，因為個個都讚好! 同行的朋友就有鰻魚飯同炸帶子拉麵。野食上菜都快手，而且服務都唔錯；雖然店子奇奇怪怪的 (因為有好多雜物)，但坐得很舒服。食野LU~ 吉列薯餅忌廉飯 WOO~真係夠晒份量!! 估唔到日本菜都可以咁大碟!! 但係呢個份量係你食得晒架!! 因為真係好好味!! 忌廉汁好creamy，好香牛油香，但唔係油立立既味道。有栗米、紅蘿蔔、薯仔做配菜，配菜都好味! 栗米仲好甜! 薯餅唔多菜但好多薯! 炸得香口但唔油，好脆! 但係飯就係隔夜飯，飯粒硬左D。夠多汁，啖啖都咁好味!! 我一定會encore! 炸帶子拉麵 拉麵都OK，但炸帶子就好唔得啦 帶子係冇味道既，好明顯係冷藏帶子；細細粒得果三小粒，真係唔抵! 但炸物既味道很不錯。 鰻魚飯 有一大條肥美既鰻魚呀 飯仲沾有鰻魚汁，但份量唔會好多，所以唔會變成汁撈飯!碗飯真係夠晒大碗，一個極度肚餓既大男人都食得飽呀!食物既質素真係好好，雖然唔係平，但夠大有好味，怪不得咁多好評。未食過都要試

星期日過開來黃埔, 見佢個咖哩飯, 忌廉飯好似幾吸引, 專程來三河屋試試來到小店已是二時, 呢到係午市收二時半, 但阿姐態度都唔錯望望menu, 原來仲有個日式飯, 最後我同老公要咗日式漢堡扒飯, 咖哩吉列豬扒飯, 大阪燒餅, 八爪魚丸本人鍾意食日式漢堡扒飯, 個燒汁酸酸甜甜,漢堡扒好味, 份量夠吉列豬扒雖然細, 但味道幾好, 唔油膩, 咖哩汁其實不太辛口, 但越吃越熱大阪燒餅和八爪魚丸一樣, 味好, 但用料不夠, 吃下似陣風可以encore, 試下其他小食同忌廉飯

已有一段時間沒去三河屋了, 因多次路經都見到多人在門外等候,每看見人龍就已把我的食慾擊退了 今天 4 人路經, 見她另一邊鋪有位就鑽進去開餐, 點了乂燒拉麵, 吉列豬扒咖喱飯, 吉列豬扒忌簾飯等等, 老實說真的退步了......以往好吃的吉列豬扒變得又乾又硬, 再沒往日淋滑得來又帶點肉汁的感覺, 最離譜是米飯, 應是下水過多去煲, 變得又淋又爛, 一pat pat, 全沒珍珠米 feel. 幸好咖喱汁和忌簾汁還保持到, 拉麵還和往昔差不多, 看到日藉老闆不停在 2 鋪來回巡視和處理收銀工作, 我才驚覺老闆已退出廚房, 食物不再出自老闆之手, 怪不得退哂步啦 ! 但這也可說是大部份出了名的食店的悲哀, 生意好就自然會擴充又要多招聘人手, 人多了客多了就要放心機在管理這方面, 出品反而淪為次要.... 唉

男友對日本人日常的家庭料理,頗為好奇,特別請店主預備了一餐家常飯給我們.好好味.三個餸有湯.有肉.有魚.有菜,有飯.飽飽 全程 $160有找 , 抵

香港雖然多日式餐廳，但好多都大同小異。除非係較高級或特別的，街邊或屋村式日本菜的餐牌環境裝修味道，連侍應唔咸唔淡的日文招呼方式都係差不多。大部份地方味道不會太差，但係好突出的其實不多。今天終於有機會到出晒名的三河屋食飯，希望食到比平時不同的日本菜。環境比相像中的逼，但幾有日本家庭的感覺。因為知道會好大份，三個人叫了兩個飯，然後幾個小食。跟鰻魚飯的麵豉湯，不會好似一般貨色咁過淡，還可以。跟住來的係煙鴨胸，口感太林，有煙的味道，但冇咩肉味，很一般。第二個小食係大阪燒餅，細細個但面頭鋪滿了木魚絲。燒餅已切開幾舊，一夾起已知不妥，因為係可以成舊夾起唔散的。硬綁綁像pizza的燒餅還是第一次食，而且入面料不多，又太多木魚絲，可以話係差。最後的小食天婦羅都係差。入面的材料沒有問題，問題出於脆漿炸出來很實，比很多屋村餐廳還要差。主菜就反而挽回不少分數，而咖哩吉列豬扒飯的豬扒尤其出色。炸得香脆，但卻一點都唔油。小弟甚至覺得比吉列專門店的還要脆，但輸蝕在肉質，肥肉較少那幾件會有點韌。但始終只係五十大元的飯，已經收晒貨。至於咖哩，味道OK，又杰又多。味道其實同超市買的包裝咖哩差不多，但勝在份量不吝嗇又冇溝