三德素食館 (僑冠大廈)

营业中

休息中

2003年，三德素食館在北角僑冠大廈一樓開業，而僑冠大廈至今亦有近五十年歷史，連同毗鄰的華豐國貨、商務印書局，遠些的新光戲院、新都城百貨，還有被時光遺忘得乾乾淨淨的北角邨、明園遊樂場等等⋯⋯它們都為北角街坊留下過幾多五光十色的夢幻泡影。而我，就念念不忘那條曾經滄海的名園西街。每次到三德，總會勾起一些伶人往事。嘩！講尼啲⋯⋯ 講番正經，當晚weekend八時多到達，立刻有位。因為超肚餓，叫了一碟酸齋，食咗先講。之後點了兩位套餐，包一羹兩菜送甜品。選了： 竹笙冬茸粟米羹、五柳仙班、麵醬什菜素魷絲。另加一碗白飯。先說單點的酸齋，份量足秤，入口彈牙，起初偏淡，但後來覺得酸味入口自然而溫和適中，是開胃之選。竹笙冬茸粟米羹，用料份量絕不吝嗇，勾芡稠度準確，惟一人只有一小碗，份量偏少。五柳仙班，是炸魚形芋泥。其中芋泥弄得幼滑軟綿而水份適中，佐以帶酸又帶甜的五柳醬汁，正。不過，可能在上桌前放久了，炸的外層已經不很脆了，也不夠熱。但亦不失為不錯的出品。麵醬什菜素魷絲，質和量並重，菜款平均，當日執碼功不可沒，這也是我常說的細節。素魷絲的主要成分相信是蒟蒻，也俗稱魔芋，有謂蒟蒻是胃腸的清道夫，大家不妨試試。

平淡是福! 星期日買份報紙飲茶去也~是呀! 吃素也有廣東飲茶。為免午市等位，不妨早一些去或先訂檯。蘿蔔糕、芋絲春卷是最大路的素食點心，金菇素肉腸粉和鮮竹素肉球則是仿葷點心，全部都好吃呢!這兒水滾茶靚，是不少持素者的飯堂，食物既美味，價錢也適中。以素菜館而言，這裡地方算蠻大的! 要請客擺酒也不成問題 ^_^    除了持素者常來，不少吃葷者也樂意來這兒。餐館餐牌中英對照，見不少在港印度或外藉朋友也常在這兒吃飯呢!希望大家多吃素，少些淚氣，共同為社會謀福祉才是正道!

又跟好朋友去北角上堂, 上星期經過說上堂前去試, 我早放工點所以就先去取位, 原本以為是普通吃齋的店, 原來是飲茶形式的, 很特別!!! 午市都很多人, 不過我兩個人就很易搵位, 桌的空間都不窄, 坐下便叫點心, 真的有種在普通茶樓飲茶的感覺!!!等了一會兒, 朋友來了食物也來了!! 一上來就是比我想像中大碟的例牌七色齋, 真的有很多顏色, 有傳統的酸齋, 甜齋, 辣齋, 咖喱味, 木耳, 豆腐, 叉燒等, 每樣都好好味, 除了最後者有少少硬, 但很不錯, 而且好像吃極也吃不完的感覺!!!然後來了腸粉, 又是很大碟!! (兩個人吃這麼多~~XD) 味道很不錯, 而且粉很滑!!! 很像真的兩款食物!!! 小龍包入面是很多的娃娃菜大白菜, 料很足好像要爆出來的, 皮也不厚!! 另一樣的用兩層料組成 (忘了名字>.<), 真的很像豬肚啊, 黑椒有點嗆喉, 味道一般!!最後來埋這個燒賣, 原來是糯米弄的!! 努力吃著, 其實味道不錯, 很煙癮及飽肚, 不過要慢慢咀嚼不要急 啊!!!雖然中途已很飽, 但經過努力後都能努力完成額, 真的又FULL又開心!!! 出街吃得太多餐, 吃一

買完排幾粒鐘既德成號蛋卷,一條友黎依度飲個茶,但原來開11點,我仲以為好似茶樓咁開好早晚市原來套餐都唔貴必食當然係蘿蔔絲酥餅,內裡既餡很香很濃,蘿蔔味強又爽口而且不過咸呢個餃就只屬一般,入面大部份食材都係比較硬身,所以整體味道不夠BALANCE豉油皇腸粉也是必食,豉油味很香,腸粉入味又乾身,腸粉有彈性!久不久食下素食都唔錯

同姐姐,爸爸和大伯的一餐,由於是爸爸負責叫,所以款式上叫了比較多雜食點心類生煎包味道略為味精了一點,但包煎得脆,加番分腸粉夠滑,菌類帶甜,加上甜豉油無得頂喔小籠包都有點湯汁,似模似樣!個皮都薄蝦餃當然是素蝦加上馬蒂之類做,合埋眼食都隱約FEEL到幾似真蝦味偶然食下素真係開心

今日又是素食天,同他們到了三德飲茶UPLOAD點心紙比大家看強烈推介蘿蔔絲酥餅,內裡蘿蔔十分濃味,外面夠乾夠鬆化!比食雜既出品更佳其次係豉油皇腸粉醬油味十分香,腸粉夠滑!再者是艇仔粥,入面有素肉,金菇,素SQUID等等,既有口感,味道不單調!味道不錯,價錢合理,三德還是有質素

之前見到有人食素，諗番起自己都好耐冇食過~今日難得經過呢間<三德素食館>，一於買番盒齋尼食下!$30一盒有十款...包括素雞、素叉燒、素鴨、素豆腐、酸齋、咖哩齋。。。仲有D忘了 不過每款少少咁，盒野份量都唔少..都幾抵~一打開滿滿的，令人未食先開心!每款都各有不同，樣樣都好食!我最愛係素雞同咖哩齋...真係好好味 下次會再買尼食!

朋友說想聽一聽投資技巧,於是我就係三德素食館預備左一個2小時既課程比佢地,順手清一清腸胃都係O個句,出來食素,其實感覺同食肉一樣,睇我叫呢類野就知霸氣.所以我都建議大家食多點素叫左千島醬既骨,乾扁四季豆,星洲炒米,翅,併盤和類似冬蔭公的物體每一樣都十分有水準,其中千島醬骨特別好食,外脆內軟,醬汁酸甜惹味!同肉有7成似喔星洲炒米炒得香口入味,有蝦有肉,但唔夠辛辣!乾扁四季豆直頭無得頂啦,豆吸收了咸咸的假肉末味道,既有豆的甜中和,同出面酒樓的非常接近!真假難分翅就係南瓜翅,十分甘甜,以這個最唔似有肉.當除左素翅仲有竹笙增加口感以呢個質素,絕對比起食之前的功德林高.係環境唔夠人地靚.朋友們聽完我亂UP,希望有得著!食過咁多次都係三德好

今日唔想食肉, 決定食齋...樓下外賣店大排長龍買齋鹵味, 樓上6點左右已經有唔少食客, 諗一諗, 係喎, 今日係農曆十五...齋鹵味拼盤--甜酸齋不甜酸, 咖哩齋不咖哩, 其他都淡淡地...椰汁香芋南瓜煲--明明係椰汁底, 點解會冬菇味?!! 原來入面好多冬菇, 有點被騙的感覺... 芋頭不是太粉, 南瓜不是太甜... 整體還吃得下...太極鴛鴦炒飯--d飯應該冇炒過... 蕃茄汁還可以... 白汁就... 齋蝦外表都幾似, 食落竟然彈牙, 味道似獅子狗卷, 即係冇味...味道很清淡, 不過咁先似食齋, 好怕果d煮到同牛肉一樣味嘅齋牛...份量都好足, 食剩嘅飯同芋頭填滿咗一個飯盒~係北角區都冇咩選擇, 可能以後都會再o黎~

十 元 便 有 一 碟 齊 全 的 齋 滷 味 （ 外 賣 ） ， 包 括 有 酸 齋 、 咖 喱 齋 、 豉 油 齋 、 齋 鴨 腎 、 齋 叉 燒 、 素 鵝 等 。三 德 本 身 是 間 素 食 店 ， 附 設 的 外 賣 部 設 於 樓 下 的 樓 梯 底 間 ， 才 幾 十 呎 地 方 ， 卻 堆 滿 了 各 式 的 素 點 ： 齋 滷 味 、 豆 沙 卷 、 腐 皮 卷 、 牡 丹 酥 、 紅 包 、 芋 角 、 春 卷 、 擂 沙 湯 圓 … … 多 達 三 四 十 種 。最 受 歡 迎 的 是 齋 滷 味 ， 最 大 賣 點 是 新 鮮 。 坊 間 很 多 齋 點 都 是 交 貨 來 的 ， 三 德 的 卻 是 每 天 即 做 即 賣 。 齋 滷 味 還 是 分 早 午 晚 三 個 時 段 推 出 ， 免 得 擱 久 了 ， 齋 的 顏 色 和 味 道 都 有 變 。調 味 更 是 出 色 ， 酸 齋 酸 甜 適 中 令 人 開 胃 ； 咖 喱 齋 香 濃 帶 微 辣 ； 豉 油 齋 香 氣 十 足 。 不 是 師 傅 蒙 佛 恩 寵 天 生 有 巧 手 ， 而 是 因

去過北角呢間素茶樓飲下午茶無數次，但係呢次係第一次影相分享~杯鐵觀音有水準~我地叫左蘿蔔酥，天津狗不理，素蝦角，石榴餃(點心$13)，五豆粽($25)同粟米粥($9)。佢地d炒粉麵好抵好大碟($3X)，但係今次無要到~點心一貫的好食，但係稍為油左少少，最鍾意蘿蔔酥，隻綜都非常好，但係塊假肉有d多此一舉~不過真係貴左好多，以前食咁上下碟數嘅點心加碟炒粉麵都係一百蚊多d，而家唔叫炒野都要$11X~

母親大人和師奶們飲下午茶，順道打包幾款素點心回家。已吃過東西的我只試了其中兩款：香茜素蝦蒸粉果、千絲蘿蔔酥。前者的外皮不算薄，但口感煙韌。餡料份量頗多，香茜和蝦味均不夠突出，水準平平。千絲蘿蔔酥均屬重量版，外層酥皮很厚，吃落很香口。內裏的蘿蔔絲十分澎湃，清甜沒有苦澀味。百物騰貴，母親大人投訴這店的價錢越來越貴，相信要過一排才會幫襯了。

罪過罪過,本來上星期5 農曆十五,媽媽定時齋期,孝順既我當然去陪媽媽食齋,但不孝既我竟然今日先記起寫食評.....實在罪過~~!6:45同媽媽係店外會合,上到去已經好多人,但又未至於爆滿. 我們被安排了後面的位置 近佛像. 店內裝修算是得體. 佛教氣息很重. 但呢d都係其次, 主要目的來係食素 當然要睇下好唔好食.2人叫了齋鹵味 (甜酸齋不夠,但幾好食 但齋鴨腎好辣), 羅漢齋炒麵 (麵邊+底脆身好好味,但媽媽唔太鍾意脆身-.-"), 還有XO醬炒蘿蔔糕 (超惹味,邊身帶點脆口..但好辣....) . 最後就是鰻魚卷(不太清楚起名原因,但感覺不到與鰻魚帶點什麼關係,口感也是帶點怪)其實以個人光顧過的齋鋪來講,食物比上不足,但比下有餘, 但有點唏噓的是,齋鋪為了增加吸引力,經常性將齋菜名改為葷菜名.. 其實食齋就食齋,食齋就是冇肉...何必要自欺欺人呢!!~~

最近經常想吃素菜, 搜尋一下, 決定到北角三德試下. 由於午餐時間已過, 用餐時已經是下午茶時間.用餐環境比我想像的好, 乾淨.由於好肚餓, 加上送的鹵水花生味道不錯^^ 所以很多點心都有興趣嘗試, 點左好多野...首先叫左個豉油皇炒麵, 都不錯, 起碼不會很多油仲有煎蘿蔔糕...呢個我就不是太滿意, 因為好油....而且是冷的...有紅蘿蔔絲, 同埋冬菇絲...應該是羅漢齋腸粉. 薄薄的粉皮包住高麗菜絲, 冬菇絲同埋紅蘿蔔絲.幾好吃, 清清地. 其實還叫了好幾樣, 但是都掛住食, 忘記拍照了....例如: 三鮮素餃-----普通, 都系類似紅蘿蔔絲, 高麗菜絲...蝦餃-----不錯....有蘆筍在裡面, 清清地鮮竹卷----ok, 但好油...齋牛肉丸(忘記名字了...)----吃下去似真的牛肉丸, 但係應該落左好多味精....如果想要清清腸胃, 不想要做食肉獸, 在附近的話, 是可以一試, 但我就不會在試了. 老實講, 其實味道總體黎講普通啦, 而且服務態度都不是太好, 可能是做街坊生意比較多.下午茶時間人不多, 都是一些老人家. 見到好幾檯都叫幾份下午茶特價炒粉麵飯外賣, 下午

今天朋友突然想吃素菜，不想去金膳，又剛好白鳳丸吃完，得去華豐購買，就不如來三德試試。裝修不錯，器具都不會破破爛爛的，冷氣溫度不會太冷太熱。一坐下來就點了一個齋滷味，份量不算多，吃起來很乾口，像是不知掛了多久似的。再來是粟米粥，混有些許黑木耳，為綿糯的白粥帶來一絲爽脆，不過吃起來的感覺是，看起來是粟米粥，為什麼充看起來，那是因為我吃不到粟米的甜。接著來的是西芹百合猴頭菇，此道菜必推，那猴頭菇吃起來很香，香得竟像吃肉，雖明知菇拉過油那很胖，還是忍不住一口接一口，百合不會過老，吃到那份甜美，西芹也不會有根，吃完碟底也不會很油，整碟都是水準之作。因為陳意齋的扎蹄，所以一直有興趣試試別的，此店也有，樓下外賣價$8/條，樓上堂食價$43！份量約2條左右。吃了一塊之後是......完全後悔！很乾，乾到我要跟店員要一碗鴨腎汁伴吃，吃起來不覺豆香，除了乾，還是乾！乾到我懷疑那扎蹄是3年前的！幾經辛苦，朋友清掉大半碟，埋單$231，茶錢$12，酸菜$6，除了那猴頭菇，沒有東西可以吸引我再來。吃素，我還是覺得東方小祗園最好。