三合鍋魁 (已結業)

呢間小店外型非常低調，淹沒於食肆海中一隅，但見到他們手寫的家鄉食品介紹字體挺秀麗，仲講解會是什麼風味同口感，好有誠意。我那時的確因應當時想吃脆脆口感，而買了蔥油餅，不過食了咁多年蔥油餅其實都咁上下，無咩特別期望。點知一咬落去，好脆! 而且好香!忍唔住嘩左聲出來，我真係第一次食到脆得來唔油的蔥油餅! 對重口味朋友黎講可能略為有點味淡，不過我喜歡佢味道夠樸實。呢份誠意蔥油餅只賣10蚊!值得一試!

完全係一間誠意小店！先食了豬肉燒餅，外面烤得很脆，肉不算太多，但有適量嘅麻辣味，剛剛好！我們再等了10分鐘，蔥油燒餅出爐了，蔥味很濃，略覺咸了少少，但整體是好味的小吃，很值得推介這四川小吃！

呢個鍋魁睇上去表皮係炸過，但係咬落去真係唔油，同埋好脆，好味。買左一個蔥花味既$10唔鹹想試試酸辣土豆盡然賣曬..下次要試翻咯..老闆很熱情有禮貌推介大家可以試試

見到facebook訪問店主，見到有蔥油餅，今日放工即刻去買黎食。去到已經有幾個人等緊，蔥油餅有做好的，買了一個，還暖的。至於牛肉，就要等大概10分鐘。先講外皮，真係唔會食到一口油，外脆而內就層層油酥，堅好食至於餡料，蔥油餅不夠多蔥，有點失望，如果多加點蔥，就滿分💯牛肉餅，餡料不算多，不過就吃到麻辣，不太辣，易接受的，不過都係果句，可以多少少餡會更滿足大致黎講，都係值得試，尤其依家天氣凍，吃一口熱辣辣的酥餅，感覺好幸福

在朋友早前分享的網頁看到鍋魁呢個名字咁特別嘅小食，便在周日下午看電影後專程去試。小店位置很偏，但由於雜誌嘅介紹，想食麻辣牛肉鍋魁全都沽清了，全店只有猪肉鍋魁，老闆強調了2 次要等10 幾分鐘，但仍無阻大家想試的熱情，10 幾個食客在寒風中等等等。由於是即叫即做，可以看到原來這個小食的製作步驟一點也不簡單，由揉麵團，再將麵團在檯上打打打，加上配料捲起，再壓平放在鐵鍋上慢火煎香，煎到金黃後竟然仲要放入下面嘅烤爐烤5 分鐘，老闆全程都會認真控制火候，相當用心。出爐收到熱辣辣嘅鍋魁時，一陣麻香味飄黎，咬落去口感同葱油餅有些相似，但因為係新鮮出爐，所以特別香脆，食到停唔到口，在凍冰冰嘅天氣食住真係好幸福。包裝紙上列明了多種食用方法，估唔到小小一塊鍋魁居然有咁多種食法. 可惜其他食物全部沽清，希望下次再黎可以試多幾款招牌小食啦

鋪頭細細，差d見唔到。見豬肉餅寫住小辣，牛肉餅寫住麻辣，原本都驚辣，一問之下，其實兩個都唔會相差好遠。最後揀左牛肉，的確又係唔辣天氣咁凍，我食個陣都暖既，牛肉唔多覺，但個餅係幾酥脆，同唔油膩，仲幾飽肚tim! 下次經過想試下甜既餅支持小店

上次經過太飽無食，今日特登返黎試下！叫左一個鍋一個凉粉，鍋魁料唔算好多不過勝在個餅好有脆口！至於涼粉就令到我眼前一亮，雖然個粉唔係好入味，不過個粉好特別，好似食緊啫喱咁！如果食得辣記得叫他加辣！ 下次我都會返黎返兜涼粉！

一直都好想去呢間，但一直都無行開今次一黎就試我最愛既䓤油餅！唔好以為咁酥化、香口既野會好油，一啲油既感覺都無仲要係好香䓤油味，咬落去好似食薯片咁，索索聲咖，真係好難得搵到啲咁有水準既街頭少食👍🏼麻辣牛肉都唔錯，但係得麻味，連牛肉味都唔太出，感覺似香料薄餅🤔下次可以試試其他口味

昨天試過令人喜出望外的酸辣土豆春卷後，今天吃完茶點經過也心思思想買個牛肉鍋魁嚐嚐最右邊的是麻辣鮮牛肉鍋魁 $15酥油餅皮依然異常鬆化，酥脆可口卻不油膩，可是咬了半個餅後仍不太見到有牛肉的蹤影也嚐不到有麻辣味道，口味偏淡，像個普通的酥餅令人失望，以後都是吃春卷好了。欣賞他們的食物包裝紙，清楚列明食用方法，一件小小的鍋魁竟有五種加熱方法，真不能小覷這特色小吃!

下雨天，身處油麻地想找東西吃，在簷下避雨之際瞥見一搶眼紅色招牌小食店，店名好生有趣: 三合鍋魁。賣的是四川家鄉小食，鍋魁是一種酥油餅，歷史悠久。原來想吃牛肉鍋魁，可惜店主說剛開店未準備好，唯有改吃現有的酸辣土豆春卷。鍋魁的餅皮是店主每天新鮮人手搓成的，從廚窗外可見店主落力地搓皮，每一口都是手製工藝的溫暖原本很擔心春卷會很油膩，怎料輕輕一咬，酸辣汁已流入嘴內，土豆切成幼絲，以辣椒和醋炒過再包餡，爽口得來條條分明，調味剛剛好春卷皮一點兒也不油膩，酥脆可口，包著微微酸辣的餡料，簡單卻滿足好味!真是意想不到我們很應該支持香港特色小店，特別是用心製造，小本經營的商戶P.S. 小店位於油麻地站A2出口翠華茶餐廳側對面，不難找到

數月前看見有文章推介這店，今日在附近就過來吃當午餐。店外有圖文並茂詳細介紹每款小吃（這樣子老闆既可以專心製作，客人又可以自己慢慢挑選，讚）每款都很吸引呢！雖然愛吃牛，但餐牌上的牛肉鍋魁很貼心地寫了麻——辣——二字，作為不能吃太辣的龜當然不敢挑戰四川的麻辣，所以選了少麻辣的豬肉鍋魁及手搓冰粉。（原本想點豆沙餅，但老闆說每日下午二時後才供應......淚奔~）正想下單時便看見店內師傳正用心地搓麵皮，開始期待這間手製四川小食。豬肉鍋魁一個挺大，原來想回家後才慢慢享用，但在等車期間那一陣陣鍋魁香味傳出來，我萬惡的小手終於忍不住取出鍋魁來吃！咬下去非常酥脆（人手製作真是與眾不同，超讚），很香芝麻味，然後感覺有點辣，但可接受的，辣味過後就感覺到麻，很想再吃多一口，不像某連鎖漢堡包快餐店的香脆雞翼般愈吃愈辣，吃完口會麻痺。每一口吃下會看見鍋魁內裡有很多層，豬內餡夾雜在每一層不同位置回家後也急不及待打開手搓冰粉。店外介紹冰粉是用植物果膠所做成，吃下有點像吃啫喱，本身是無味，但混合淡橙紅色微甜的紅糖水、脆口花生碎（打開冰粉時還以為不合味......掩臉逃去）、酸酸的山楂醬和甜甜的提子乾，感覺甜酸，很消暑

There is a small little shop in Yau Ma Tei (just a few blocks from Langham Place) that sells Chinese flakey pancakes with various stuffings.It's a very small shop. You'd probably miss it when you walk by. They make their pastries in the back.The pastries are displayed in their little display case. Menu is in Chinese only. But they have pork and beef stuffing.Boyfriend ordered this: a black pepper beef pastry ($15). It was pretty spicy from the black pepper. Pastry was flakey and crumbly but not