三合鍋魁 (已結業)

上一次試左個豆沙餅一路都念念不忘，因為唔太甜，外層又脆又香！又唔會太濃！真係幾好食！加上又唔係到到有，不過可能係小弟見識小所以今次行過又試試佢先！因為本人好中意試小店。今次試左牛肉餅都係好好食。。又熱又脆！牛肉味濃得嚟又有d辣！應該係花椒，胡椒的辣！不過幾好食！不過想試的朋友要快手，因為我見到貼左紙話租約期滿。。。。去到個月月尾炸 。。。。

如晚上行經此店應該會走寶。這小店全不起眼舖頭細細，行過時要特別留神才可察覺。當見到時就要試吓喇。今晚買了一個葱油餅，剛好時間新鮮即製後即品嘗到。外脆內軟，不油膩，很香葱的味道帶有少少咸更能特顯其味道。眼見她先煎葱油餅再放入爐焗，這就能減少太多油。另買了一個牛肉餅，因不是即製有小許失望，外層較硬，牛肉涵料較少，但如喜歡食辣的朋友可一試，因它有四川辣的味道。另外也買了一個豆沙味道，外層也硬了，豆沙涵也很少，當也可值得一試的。

呢間不起眼既小店，行過真係好易遺忘佢。而且佢成日冇開門營業，想食都要睇彩數。終於今日比我撞到佢開門，而我又咁岩記得佢。當然即刻買黎試下。佢賣四川特式小食，主要係鍋魁和餅。中午12點多，話剛開門，只做了兩款鍋魁，牛肉和豬肉。蔥油餅和豆沙餅要下午兩點多才開始做。黑芝麻饀係牛肉，辣度比白芝麻饀既豬肉多啲。不過我覺得差不多。其實我最欣賞係佢過酥皮，很鬆脆，口感就像吃千層酥，外脆內軟。所以，當我要求店家切開一分為二時，他說不能，就是因為這原故，怕會散開，而且熱力也會流失，味道會減半，所以不建議切開吃。這個吃起來熱辣辣既特式鍋魁，純手工製。可以見到店家在整麵糰，還有大烤爐，全是心機手作。當然要買多幾個返去同人分享啦其實呢啲鍋魁，係以前打扙時軍中既乾糧。所以，買左咁多食唔晒唔緊要，可以放5至7日。食時叮，蒸，煎返熱佢就得啦。宅係屋企個幾日，呢啲鍋魁都可以做我家救急糧草啦

路經見到有四川特色小食鍋盔，買左個麻辣牛肉味，雖然唔係剛造好，但外層好酥脆😋有驚喜，內層麻辣牛肉不多但幾惹味，價錢$15，一般口味好似$10都有，作為餐前街頭小食不錯啦。

平日經過油麻地都沒留意這家小店，應該是附近太多光鮮的小食店，讓這小店被掩蓋了。我是在網上看到的，又沒吃過鍋魁，本人挺喜歡酥餅類的東西，見難得有由老闆是四川人開的四川小食店，就去嘗嘗。店面很窄，只足夠容納老闆和老闆娘二人，能看見老闆娘在煎餅。鍋魁口味不多，有牛肉、豬肉、蔥油和紅豆，還有抓餅、冰粉、酸辣土豆春卷等小吃。第一次嚐了一個蔥油鍋魁，拿上手是溫熱的，咬下去是酥脆的外皮，有點嚼勁的麵皮，非常喜歡它的口感，而且它的蔥油不是蓋的，充滿蔥香，即使沒有肉也一口接一口。吃著吃著紙上會有油，不過始終是酥餅類，是預計之內，好吃就行。第二次買了兩個，牛肉和豬肉，牛肉的鍋魁上會有芝麻作分辨。餅身的酥脆口感依舊一流，牛肉的口味稍重稍辣，愛辣的會沒甚麼感覺，很香口。餅內肉不多，都是些肉末，但因為調味足夠，完全不覺單調。說實話個人覺得牛肉和豬肉口味分別不大，都好吃。有機會肯定會吃一下紅豆鍋魁和手抓餅，在香港小食店林立，面對如此大的競爭，這種小店不多了，大家經過也支持一下吧，最近聽說老闆打算把店轉讓，希望我能趕上吃完所有口味。

呢間賣四川街頭小食既小店 裡面有唔同口味既鍋魁同埋四川甜品賣 全部都係手造架其實鍋魁係四川街頭常見既街頭小食係一個圓碌碌既千層酥餅 內面夾住啲餡 做法係會將鍋魁煎一煎 再將煎過既餅拎去烤爐邊烘 烘出黎既鍋魁就會好香脆鍋魁唔算好熱 但食落口感依然好酥脆 真係好似千層酥咁有一層層好鐘意個種香脆既口感可能係烘過既關係 食落去一啲都唔油膩 內層既酥皮又好鬆酥 佢既豬肉餡夾雜住係一層層既酥皮之間 食落去有小小麻辣既感覺 真心正 另一個甜品就係冰粉 佢係由植物果子膠製成透明既類似果凍既野 冰粉面頭會加入提子乾 花生碎粒 山楂餅碎 再淋上紅糖水冰粉食落軟滑 又唔會好甜 面頭既配料增加左冰粉既口感 夏天咁熱 消暑一流呀！！

好一段時間前有雜誌報導過呢間小店，老闆以賣自己家鄉小食為生，仲係一手一腳自己整，唔係喺家鄉入貨返hk賣。一直都幾有興趣試，除左係因為我鍾意食麻(多過辣)，二嚟呢d唔係垂手週街有，加上小食份量唔多，就算伏左都唔會太浪費。我一直以為佢喺佐敦佳佳附近，但有晚油麻地dinner等枱時閒逛，原來係喺村爺爺對面！距離信和不遠處！橫掂餓餓地dinner又未有枱，𡁻返個鍋魁先。有豬、牛、葱油、紅豆，天氣熱辣辣本來想叫份叫涼粉嘅甜品，不過店面貼大字話冇，冇計。全外賣，冇人喺門口，不過舖入面老闆+老闆娘都整緊鍋魁。雖然老闆娘係由食物櫃中夾鍋魁，不過一樣夠熱口感冇走樣。包裝紙袋幾得意，講明夏天可放5日，冬天7日，買完唔食住返屋企可以煎、蒸、熬...有趣又有心思。紙袋雖然可以索油，但完全冇發揮到呢個功能，因為鍋魁係煎完再烘返d油出嚟，到我食完個紙袋都係冇油！鍋魁面頭有密麻麻嘅芝麻，好香。餅身咬落酥，鬆化，乾身，似食壓扁左但唔油又好酥嘅牛角包！餡料有麻香，小小辣，香口。調味啱啱好，因為香，反而唔洗太咸。正到暈！三兩下手勢都啪哂，如果唔係之後仲要dinner實買幾個返去。好食，又平，仲要特色小食hk地真係唔容易揾

早排見到好多人介紹呢間位於油麻地嘅三合鍋魁，得知佢地好似話搵人頂手鋪位中，襯住今日去附近上堂，就一於當小食醫醫肚。香港租貴，去到見到都有少少詫異，鋪面唔大，如今打工唔易，做老闆亦都唔易。有人報導下都係好事嘅，起碼帶動下人潮光顧。主打傳統四川小食，除左鍋魁，仲有豆沙餅、豆漿、冰粉等，價錢唔貴。鍋魁有幾款口味，鮮豬肉、鮮牛肉、蔥油餅，於店內即時製作，鮮牛未有供應，但剛新鮮出爐嘅有豬肉鍋魁同蔥油餅。點左一份豬肉鍋魁試試，接過手上都仲係熱；如果唔係即時食，紙袋仔後面印有加熱方法，幾貼心。鍋魁薄薄一個圓形，食落熱辣酥脆，油膩感不重，而且加有芝麻，確實係幾香口。豬肉呢款係有少少辣味，所以可見鍋魁中隱約有辣椒片出沒，但容易入口，一般人都可接受。豬肉味唔夠明顯之餘，唔知道係咪混在粉糰中製作，食哂全個後，肉眼都見唔到豬肉嘅存在。

話說早排開始睇一個韓國旅遊飲食節目，第一集就講成都，見到主持人介紹街邊小吃’軍屯鍋𣁽’，睇到就諗: 香港係美食之都，會唔會都食到呢款四川小食呢？唔搵由自可，一搵真係有🤣本住心動不如馬上行動嘅宗旨，我即刻就出咗去搵食喇哈哈哈店鋪地點方便，一出地鐵站就係！我買咗一件葱油一件麻辣豬肉⬆️葱油👍🏻 ($10)很香葱味，香脆得黎不會太硬⬆️麻辣豬肉👍🏻($15)超級香！！少少麻，豬肉好惹味~因為我係外賣返屋企食嘅，擺入微波爐叮完之後香到唔舒服嘅媽媽都忍唔住咬左2啖😌* 我無按包裝袋建議嘅加熱方法查啲油喺面再叮，就咁叮都已經好好食😬

我真係好想講你有時去旅行，見到介紹乜乜乜，影到好靚，見到好想食，好L想飛去食，去到食，又唔係嗰回事。呢個身處香港就有得食，價錢合理, 油麻地A1出口轉個靚彎就到。我覺得好好好好味，外脆內軟。我試咗牛。少少辣，好令人回味。一啲都唔覺得油，好過食”靚”心嗰D乜乜酥，個袋一定好油。食嗰陣啲碎會周圍飛。哈哈。聽聞店主係四川人，我未去過四川，有機會真想去一去。香港人有得食四川小食好難得。本想買埋豬肉鍋魁食，但賣曬了。。

呢間位於油麻地內街的小店，特登到此尋味，今次買左個豬肉鍋𣁽同葱油餅，分開各自等左5分鐘同10分鐘，都係即整即煎即烤即食，所以拎上手食落熱辣辣的。豬肉鍋𣁽，有少少脆口，有點麻辣味，豬肉味不太岀，overall都唔錯。必食葱油餅，葱香味突出，少少酥脆，非常可口。四川冰粉，除左配料（好似係提子乾、花生粒、山楂）有少少甜味，冰粉係無咩味的，有點似蒟蒻，食完辣味豬肉鍋𣁽再食係冰粉係幾爽。整體來講食物有特色既，而且價格合理，味道都唔錯！

油麻地人氣小食店，主打四川小食鍋魁。店子超細，小小的空間就靠兩位員工密密做，一鍋十幾件，賣完要等十幾分鐘先有下一鍋。效率低，但保證件件新鮮出爐👍🏼味道有甜有咸，但輪到我們已剩牛豬口味，各點一款，入口酥脆，略帶麻辣味，幾特別，但稍為油膩，食一件就夠皮🤭見到店主放盤轉手，咁細間鋪月租已要幾萬元，飲食小店真係難做到一個點🤦🏽‍♂️

係對面餐排長龍等位，等到肚餓，見對面有間三合鍋魁，個名咁得意，過去睇下咩黎先。原來係四川正宗手工製作小食，買黎試下先。門口見好多款野，牛，豬鍋魁，紅豆餅，蔥油餅。想知鍋魁係咩黎，試呢個。原來類似印度薄餅，見個人搓粉，先兩邊煎香，再黐係焗爐度焗左幾分鐘。由於塊鍋魁係即整既關係，成件超熱，一令起超辣手，餅面好脆，食落有陣四川麻辣味，好香辣。佢用黑白芝麻黎分別牛肉餡定豬肉餡，牛同豬都係肉碎黎，唔係好重肉味。俾$15塊黎試下手造特色小食，絕對值啦。

鍋魁是四川人喜愛的一款油酥餅，配上豆漿就是四川人經典早餐之一。酥脆的外皮，內有肉餡的包括麻香的豬肉、香辣的牛肉或素食的香烤蔥油餅。油麻地三合鍋魁老闆是四川人，四川家裡也是鍋魁店子，從小學習製作過程，老闆將鍋魁帶來香港，每天親手搓出麵糰，放入餡料，做出圓圓的鍋魁，先煎後烤，控制火侯耍家，每個鍋魁也脆身、內裡層層鬆軟。在等待鍋魁時，先來嚐兩件煎春卷，韭菜蛋香甜，酸辣土豆絲麻香四溢。看見鍋魁出爐真的有點興奮，貪心的要兩件，香蔥鍋魁淡淡蔥香，豐富的口感實在討好。而豬肉內餡辣勁不及酸辣土豆絲，但充滿麻香，吃不停口。

中午時段, 本來想買牛肉餅, 點知1點鐘咁怏賣晒, 我買咗蔥油餅$10, 豬肉餅$15, 兩個餅各自用呢個懷舊袋裝住, 一個人KO 晒兩個, 兩隻餅都好相似,  有一層一層, 皮餅唔油, 唔係台灣食到個啲蔥油餅, 呢隻好似傳統中式餅款, 豬肉餅有少少辣, 對我黎講剛剛好-少少辣,但係食落口唔覺見到有肉.....係太碎還是都被壓平了嗎??有機會會再試其他美食.