三分俗氣 (已結業)

垃圾之極，求其一間上海舖都好食過佢，仲要服務態度極差，所有嘢食最少等半個鐘頭以上仲要漏單 如果嫌自己呢排開心得滯想嬲下請即刻去！ 今晚同朋友去食漆，食得一半，而且味道也不好差評，服務態度又差，叫拿個碗，叫幾次，D人得閒企係度都睇唔到你yup手。簡直是貼錢買難受 ，另一問題是服務，小弟自問要求不高，亦會以同級餐廳作準則，但服務水準仍然低於應有水準。

之前睇雜誌介紹呢間上海店, 咁啱行附近商場, 就去試一試. 一入去覺得衛生真係麻麻哋, 近門囗有個透明廚房, 見住個師傅喺度整麵. 嗰個位行過滿地都係菜同飯. 山長水遠去到, 點都要試吓. 叫咗大排菜飯, 雞煨麵, 同生煎包. 侍應好怪, 落咗2樣單就急著走開, 行去同佢講返佢仲好似覺得煩. 生煎包一上枱, 熱熱辣辣好香, 要好小心咬落去, 超多汁, 個底脆, 皮薄餡多, 味道超正. 雞煨麵份量十足, $40 抵食. 大排就入面是粉嫩色的，鬆得太勁，味道ok, 口感一般. Overall 係抵食嘅. 希望環境同服務有改善. 乾淨D人客都感覺好D.

難得黎到新蒲崗搵食，揀選左三分俗氣，個名好特別嘅上海菜館。行完山又熱又攰，好好坐下，叫返兩杯凍飲先。茅根竹庶水夠清甜，竹庶味幾出。咸檸七好重手，咸度高。好驚訝生煎包火速送到，擺明一早整好晒咁話，包皮軟熟得黎微脆，口感唔錯，小心裡面會爆汁，一如所料，湯汁唔熱，肉香鮮味，幾好食。其他餐廳奶油津白嘅奶油都唔會太勁，只係意思意思，呢度腳濃稠，奶油味好出，同時又令人擔心好肥，有啲唔想食太多，奶油可以減少啲，令津白天然甜味返黎。大排粗炒，呢個真係唔錯，第一用左唔少菜炒，加分，排骨好鬆軟，麵條唔油膩，食到底唔會見到一浸油，難得。牛肉餅包皮軟熟，牛肉餡似牛肉球，有少少肉汁，但因為個形扁扁，裝唔到太多餡，未夠驚艷。椰茸煎芋餅呢個甜品好特別，我地之前無食過，一定要叫！外皮薄脆，裡面有香軟既芋蓉豆沙蓉，雙重滋味，正過豆沙窩餅！埋單仲要無加一，幾實惠！呢餐兩個人食唔晒，份量夠拎走食多一餐，所以幾抵！

很晚放工的一個晚上，離開公司時已九時許近十時，懶走得遠，唯有到附近的主打上海菜「三分俗氣」，試試他們的上海菜。他們門面不算太光鮮企理，店內亦不算做得太整潔，箱箱盒盒碗碗碟碟，擺放得四處也是。據說「三分俗氣」大廚曾主理「王家沙」，他們選跟台灣有名的菜館同名，「三分俗氣」隱含的是「七分雅緻貴氣」？還是賣的是七分知味？店內深沉灰色的牆身加上樓底低，一坐下便有點點侷促壓迫的感覺，不過食評都是清一色都說他們的東西好吃，且看看如何...招牌生煎包 ($36/4) ，底皮酥脆、湯汁濃厚好味而且多，包亦煎得不算油腻，招牌即是招牌！綠楊素菜包 ($20/2)，素菜包是我吃上海菜時的至愛。味道雖不及翡T拉麵小籠包，但是熱騰騰且鬆軟，很難不好吃吧！必食紅燒乳鴿 ($48)，紅燒乳鴿皮脆肉嫩，醃得不會過咸，味道恰到好處。以$48 的價錢，真是必食之選！三鮮湯年糕 ($58)，湯年糕是我吃上海菜時的另一最愛，三鮮則是火腿、蝦仁、鮮蔬(津白和菇)，湯頭濃郁，味道還可，但已算是最失色的一味！整體來說，以他們所收的價錢，去秤去評食物質素，算是很很不錯了！

服務質素就差啦！女侍應就吾錯，男侍應就黑曬口面，尤其對外賣送貨員（ubxxE)態度好差，人地好心叫佢包好D食物，怕倒㵼D伙記話冇問題（語帶惡劣）。環境闊落，坐得C服。

今晚一班人在新蒲崗上完堂，發現附近有間上海舖，食評很高分，於是入去一試，果然沒令我們失望，每道食物都很有水準。我們點了小籠包，很多湯汁很鮮味。接住來個生煎包，煎得金黃，一口咬落去…不得了，很多肉汁，比小籠包更美味，外脆，內多汁，幸好我們是先吃小籠包，否則小籠包就很失色了。酸辣湯材料很足，很酸也夠辣，如果你喜歡酸的是不錯。醉雞和雞絲粉皮也很有水準。葱油餅跟平時食的不一樣，這裡是油酥皮卷著煎，所以食時很酥，很香，不錯。還有糖心燻蛋，煙燻味很香，很喜歡這個糖心蛋黃，軟軟，好香。今晚大家食得很開心，已經約好下次再來，還有很多想食的東西。

新蒲崗這個舊式工業區，原來都有不少為人注意的食店，只差有沒有食店入選食店選舉，或者有沒有食店被米芝蓮看中。就算食店沒有被米芝蓮看中，如果食店名稱跟外國某著名食店「撞名」，一樣可以吸引到食客注意，成為坊間話題食店。就好像新蒲崗工廠區內，有間與台灣某間著名餐廳同名的上海菜館，名稱叫做「三分俗氣」。或許它的名氣沒「樂X皇朝」般響亮，但是論名氣，「三分俗氣」在新蒲崗亦能成為熱門食店。在接近下午茶的時間來到「三分俗氣」，「三分俗氣」仍有不少食客正在食飯，我亦馬上不輸蝕地找位置坐低。勢估不到「三分俗氣」有點名氣，但內裡的燈光，氣氛都頗為幽靜，內裡氣氛沒有想像中那麼嘈吵，甚至氣氛亦不太緊張，就算用膳也不見得會有很多人監視你。第一次光顧「三分俗氣」吃上海菜，當然首選上海菜著名菜式，擔擔麵和小籠包。所以我最初在店外看餐牌，要在「午市套餐」裡面的「A」跟「B」另選其一時，其實我心裡早已打定主意，非吃擔擔麵和小籠包不可。唯一問題只是，我現在要追加「酸辣湯」或「粟米魚肚羹」，每款追加十元。兩者在味道上都很吸引，可惜我之前已經點了「擔擔麵」和「小籠包」，再追加食物的話，這餐飯價錢肯定非同小可。我惟有先點「擔擔麵

新蒲崗的一家街坊餐廳，晚上7pm入去沒什麼人，吃到中間時突然滿座！ 睇下點解咁厲害啦餐單選擇很多，樣樣都想食呢～經過一番爭扎，終於下單了糖心燻蛋 - 吃到明顯的煙燻味，見到糖心蛋黃很想要吧～ 濃濃的蛋黃配滑滑的蛋白，回味！四喜烤麩 - 在南小館吃過這一碟，覺得好吃所以在這裡試試，這一碟味道一般，當做餐前小吃就還好另外點了小籠包 - 肉汁鮮美，皮比較厚担担麵 - 微辣，湯汁濃度適中，忍不住一口湯一口麵，麵身普通，都算彈牙熱豆漿 - 偏淡，無乜豆味又無乜甜味清真牛肉餅 - 好久沒吃了！ 上菜時覺得好細個，同生煎包size差不多，有小小失望賣咁貴。但一咬下去，不得了！肉汁爆出來，牛肉精華及油分全部吃到 大推！！ 有驚喜最後來一份甜品 - 豆沙窩餅皮脆夠熱，紅豆蓉比較沙，夾起時有些紅豆蓉掉回碟子，個人偏好硬身的看到隔離枱一大班人分享這個套餐，好像很不錯，要預先訂位下次想試其他食物，還會回來的

招牌小籠包 size 岩岩好，熱辣辣新鮮出爐，湯汁鮮甜，但折縫位d皮略嫌太厚闊佬炒飯，白飯粒粒分明，幾香口，不過多油得濟俗氣雞煨麵，麵質煙韌有咬口，但湯底麻麻地 好多菜粒，雞肉粒都尚算嫩滑

朋友想吃上海菜， 正好試試三分俗氣。 餐廳內環境簡潔乾淨， 卡位闊落， 坐得很舒適。 正值下午時間， 老闆說點午餐餐牌有八折， 算起來每人只需約$35 便可， 十分化算。 生煎包先到， 包子很大， 每個都脹卜卜的很飽滿， 包底煎成金黃色， 令人食指大動。忍不住咬下去， 哇， 肉汁多且鮮， 包子皮簿鬆軟， 包底香脆不硬，實屬佳作。提醒大家小心燙嘴， 湯汁真的非常熱啊！ 上海粗炒卻很一般， 炒得太濕沒鑊氣。素春卷新鮮炸好出來， 裡面的菜煮得軟嫩， 外皮尚算酥脆， 可惜有一點點黏牙， 整體還算不錯。大排炸醬麵賣相不錯， 炸得金黃的豬扒份量不少， 肉質頗彈牙， 肥瘦適中， 也炸得香脆不油膩， 個人覺得有少許偏咸。擔擔麵看起來相當吸引， 湯底相當濃稠， 加上大量肉碎及花生碎， 可惜酸菜味略重，花生香味不足， 如可適量加入花生醬做湯底會更好。 麵質彈牙不會過軟， 沒有鹼水味， 整個麵是合格有餘。 跟餐還配了杯熱豆漿， 如能選無糖的話會更好。下午茶價錢給午餐的份量，吃罷相當滿足呢！ 還有很多小吃想試， 會再光顧的！

從來很少踏足新蒲崗一帶，每次來都是為了經濟又好吃的「三分俗氣」。它由前「王家沙」廚師主理，今次再來就重溫了美味爆汁生煎包。先來個冷盤「溏心燻蛋」$22，上面灑上了一些鹽吊味做到溏心效果，淡淡煙燻味，清爽的開始。湯品今天點了「砂鍋雲呑雞」$78，半隻雞原隻上，裏面有大量紹菜、金華火腿、數粒上海菜肉雲吞，相當足料，湯熬得甚鮮，而且一點也不油膩。點心一向是上海菜的重點，「小揚生煎」$44 / 八隻 依舊一咬爆汁，似上海老店「舒蔡記」出品的中型版，脆底，爆汁，加些醋，好吃，保持水準！一定要快手吃掉，涼掉了味道會不一樣。多摺痕且做得細緻的「灌湯小籠包」$50 / 八隻，湯汁豐盛，皮也不厚。「上海韭菜餅」$24 / 四隻，煎得非常香脆，韭菜及蛋的份量也下得很足。我的朋友心還了一份外賣拿回家吃！「蟹粉蛋白陽春麵」，蟹粉鮮味不俗，配一些醋，口感豐腴，蟹粉也下得很足。能夠用如此性價比高的價錢吃出色的上海菜，絕對令我愛上這地方。

今天路過新蒲崗，見到間店名叫三分俗氣，幾有趣，不妨試試啦！叫咗一個A＋B套餐，A主打係麵食，B主打係飽點小食類！今次叫咗個担担刀削麵，平時係上海麵底，這間店配刀削麵，幾特別，可選辣或不辣，但其實辣只有一點點，如果無辣不歡的話，可能未必満足到你啦！湯底亦有肉碎拌炸菜粒！刀削麵不會過淋，有彈性！B餐叫咗梅菜碎肉包，可能係即叫即蒸，上枱係熱滕滕，要稍涼才可入口，包內都好足料，啖啖梅菜香味，而且不是一個，是有兩個，這個配搭，還有一杯熱飲，都只不過＄42，算好抵啦！

今日一人九人晚飯，點咗小籠包、蒜泥白肉、煙薰溏心蛋、片皮鴨、蔥爆羊肉、鹵蛋紅燒肉、奶油津白、酸辣湯、松子桂魚、羊肉熗湯麵、蟹粉賽旁蟹伊麵、高力豆沙！小籠包皮簿多汁，片皮鴨皮脆肉嫩，松子桂魚賣相靚酸甜味適中！整體味道都唔錯！但係啲侍應好有問題，個蟹粉賽旁蟹伊麵係無蟹粉，我負責點菜所以同行嘅都唔知我點嘅係有蟹粉，當時食咗3份1到我指住碟伊麵問店員依個係咩？佢答我係普通賽旁蟹伊麵無蟹粉！我就同佢講我要嘅係蟹粉喎！佢話咁你叫蟹粉依個就係蟹粉，佢就話入㕑房問吓！轉頭有個男侍應走埋嚟講咗句「食哂先走嚟問」即刻令人著火，最後有個男人出嚟話佢地嘅蟹粉就係咁嘅！其實佢有無蟹粉自己心知肚明，你話係我都無嘢好講，不過啲服務態度真係好差，一定唔會再幫襯！

從小到大也很喜歡吃上海菜適合一家大小老幼佳宜😃這兒的上海菜性價比高冇華麗的裝修而價錢平民食物質素好值得一試。👍🏼個人推介粟米羹、滷肉、水餃和豆沙鍋餅⋯😋😋純粹個人喜愛吃😝😝

星期日同家人想食上海嘢，結果去好評多的這間三分俗氣，點知。。。食完又覺得openrice食家們欺騙我。。午餐叫左兩個A+B餐，主菜加小食，送飲品，再另外加兩個小食。1. 擔擔刀削麵 ($32) + 小龍包(3隻 -$20)擔擔麵夠多花生醬，味道夠濃，略嫌咸；麵質喜歡有質感咬口的麵。小龍包好多汁，肉質正常👌🏻2. 雞扒菜飯($33) + 小龍包(3隻$20) 雞扒 油 ；菜飯 油係咪上海嘢係甘。 。 無理由會甘的3. 涼拌雞絲粉皮($48)夠多麻醬😂粉皮都好食的👌🏻但離個菜式應該唔會差得去邊?除非有人同我講 粉皮係佢地自己整，甘我就對離間嘢改觀。否則絕不推薦😂之後到一碟 上台後想反枱的菜式4. 韭菜餅 ($30)點解 點解可以同我想像中差甘多。係咪有味餸係韭菜炒蛋，為響應環保，所以用離味餸整個餅，混水摸魚？意想不到再用春卷皮包住離味餸。 。 。 油到呢，又無韭菜味，離譜的係蛋味都無負分的韭菜餅。定又係我唔識嘢？點解可以甘多好評。總括離講真係below average