三代目 (港運城)

营业中

休息中

工作關係無得去旅行唯有喺香港頂住癮先😅最近迷上日本菜，今次搵到一間喺港運城嘅三代目見佢樓底高 坐得舒服寬敞睇個menu樣樣都想食點算好😂咁先叫3款小食做前菜先啦自家製餃子-粒粒爆滿照燒魷魚筒-燒完再加燒汁香噴噴燒牛肉露筍-牛肉鮮嫩多汁加露筍減少油膩感見到鮮海膽一口壽司海膽超鮮甜 我本身最怕食到唔新鮮一口腥😍蒲燒鰻魚飯-呢個要讚下，饅魚超肥美，燒得香脆好味😝連啲飯都浸入饅魚香芝士牛肉飯-芝士控嘅你唔好放過細細碗，啱晒細食嘅你呀

<三代目> 📍鰂魚涌🔹薄切切叉燒夠膽死收一舊水🔹味千拉麵集團旗下鍋燒豚肩叉燒豬骨稻庭烏冬 ($108) — 鍋物有個爐興住望落有誠意，齋睇外表其實OK。湯頭飲落似味精豬骨湯，稻庭烏冬正常發揮，配料有竹筍、糖心蛋，而叉燒得一塊！！！一塊！！！仲要係薄切切，好似食左陣風落肚 🌬️ 唔怪得跟餐會送幾舊卷物，應該係驚啲客食唔飽可以包底。依稀記得2021年11月黎幫襯質素都幾好 🤔 唔明點解渣左咁多。午市做到揸流攤咁，咁冇誠意唔好做啦。2點食完晏4點又肚餓 😓 嬲嬲地睇下呢間野個Background，點知真係比我食得出係《味千集團》旗下。本身對過江龍有啲期望，而同集團我試過金色不如帰、牡蠣不如帰，都係失望而回 😔😔😔 最記得果件牡蠣一口飯，陣雪味時至今日都仲記得 🤢。

日式餐廳主打拉麵日式丼，午市套餐都係百零蚊一個，上次食過拉麵一般，今日試下丼飯，套餐包左一個飯，沙律，湯，蒸蛋再加一杯嘢飲。🍴吉列豚扒拼廣島蠔定食 $128 另收加一 (7.5/10)份量好足好豐富，吉列豬扒唔係一塊切開，係一舊舊，有四舊，廣島蠔有三隻。豬扒炸得香脆唔乾身，係日式炸法，炸粉偏厚身，肉質彈牙有油脂，食落唔油膩，幾唔錯。蠔炸粉幾厚，蠔肉比較細粒就但食落一啲唔腥，有蠔味。飯係珍珠米，煙韌有口感，唔會太濕，沙律正常用左袖子醋，湯有麵豉味，幾香唔鹹，有海帶同豆腐，蒸蛋有鰹魚湯嘅香，口感幾滑，可惜冇咩料，得舊細粉乾雞肉。冷泡焙茶正常幾香茶味嘅！推薦指數: 7/10丼飯好食過拉麵，128加一要成$141，比較偏貴，不過份量好足，勁飽肚，味道ok，間中可一試。

豚肉醬油魚介拌麵外賣落左12點取 我11:40去到 已經放左係門口 等極無人接待 摸落已經凍晒 註明走配料 一樣都做唔到 豚肉冇味又乾柴 筍同紫菜切得粗糙 口感又鞋又韌 醬汁少 只有魚粉死鹹的味道

一直以來坐車經過，見到環境唔錯，都想試吓呢間過江龍，星期六晚到北角三代目開餐，約七點鐘到，兩個人食飯，唔駛排隊可直入，目測約坐七到八成，前後逗留約一個鐘，都keep住有人入嚟食，估計生意算OK，但又未至於好多人果種，唔會有壓迫感，算幾舒服。食物方面，點左海膽天婦羅，味增甲羅燒share，主食有紫蘇拉麵同三盛燒肉丼。海膽天婦羅算普通，可能海膽份量相對小，基本上食吾到鮮味，價錢吾貴不過有種吾上吾落感覺。味增甲羅燒味道出乎意料地好，蟹羔加上蟹肉，蛋混和，配紫菜同日本米，非常好食。紫蘇拉麵算OK，冇驚喜亦冇失望，麵上枱時溫度亦唔係好熱（可接受但冇果種出晒煙熱騰騰嘅feel，湯頭算好，不過未至於令你感覺到用十幾個鐘煲果種濃厚，味道亦較符合香港人口味，偏淡少少，麵亦冇乜特別，唯獨豚肉份量大但肥肉較多，扣小小分，整體可接受，價錢收98亦算可以。三盛燒肉丼好食嘅，但論賣相可以夠投訴料商品說明條例，相同現實落差唔細，不過味道可以，份量亦ok，老婆特別欣賞塊鷄肉，望上去吾起眼但味道好好。總體而言呢間餐廳係ok嘅，環境好，食物ok, 定位係casual 食餐便飯，價錢吾太貴，你吾會投訴不過又唔會特別深印象，

下午16:15 年三十。入去之前心情好。先講重點食物：叫了三種肉嘅蓋飯。D牛舌，唉，第一次係所謂日本料理（都預咗好－般）食到味道係茶餐廳牛肉嘅牛舌。亦係第一次食到無牛舌味嘅牛舌。D五花腩ok。飯太硬。服務：黑衫扎馬尾的下單態度似殺手。佢好似好大壓力。新年流流，佢做乜咁呢。環境：Ok，音樂太大聲。會唔會再嚟：不會了，怕咗個殺手同d牛舌。食完心情仲差咗。為乜呢。價錢：平時拉面館價錢。不貴。$108。再加－。

🍜可以说对日本拉面已经到了痴迷的境界了！📍位于北角海运城地下，下班顺路就过来尝试一下。🌟环境：大堂非常的宽敞，环境也挺优雅，主营拉面，兼顾居酒屋和日式烧鸟。🌶️点了一个招牌辛辣叉烧日式拉面，个人觉得还挺辣的，吃的大汗淋漓，三片叉烧的话可能有点肥腻，觉得有一点点不够新鲜。🍗还点了一份日式炸鸡，配的芥末蛋黄酱，现炸的炸鸡些许烫嘴，但入口后爆汁的感觉是非常幸福的！

2023年1月3日 (星期三) 7:00pm 16°C 店內環境以紅黑色調為主，入門即見大大店名旗幟，餐廳有吧台位、卡位提供，採用開放式廚房設計，客人可以看到即燒串燒過程。 餐廳主打拉麵，亦有拌麵、丼飯、炸物、燒物、一口壽司等美食提供。 環境光亮整潔，餐具乾淨。 人數：2人 HK$57X 不用等位 海之天婦羅 - 蝦、鯛魚、黑松露帶子、墨魚和紫蘇菜都炸得香脆，皮薄內鮮，完全保留食物原味道，毫無油膩之感，可惜份量太少了。 鰻魚雙霸 - 淺色的是野生鰻魚，深色的是人工繁殖鰻魚，前者味道偏淡多細骨，後者味濃啖啖肉，魚肉滑溜不腥臊。【推介之選】❤❤❤ 紫蘇燒豚梅肉拉麵 - 豚梅肉經過炙燒，重油香味，表面塗了紫蘇汁，帶來清新香氣，中和油膩感。豬骨湯底每日新鮮製造，熬製超過10小時，精華所在。【推介之選】❤❤❤ 芝士蛋糕 - 芝士味非常濃郁，質感厚實，甜而不膩。整體來說，質素亦屬高水準！【推介之選】❤❤❤ 抹茶蛋糕 - 日本抹茶味道濃厚《 環 境 》：《 餐 牌 》：

食開佢鰻魚飯外賣買過幾次都Ok! 可能依家生意不境！條鰻魚愈來愈細條，似俾乞e 食甘！真係唔好再幫襯！👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼好差!!!!!!!

二訪呢間北角日式拉麵居酒屋，味道夠正宗，佢哋嘅湯底需熬製超過10小時而成，果然係東京殿堂級拉麵，點可以錯過😎 環境比一般拉麵店更闊落，沙發卡位更設有落地玻璃，把酒談心最適合不過，佢哋嘅清酒無限時放題都好吸引，人均$188就可以無限暢飲9款清酒，配搭店鋪特有菜式，真心推介🫶🏻🌟紫蘇燒豚梅肉拉麵$98飲頭啖湯先，好濃郁香口係日本嘅味道😍 大大件豚梅肉，肥瘦相間，口感冧滑，份量十足，溏心蛋流心質感好特別，麵質夠彈牙，完美配搭👍 🌟炙牛拉麵$92炙燒過嘅牛肉好惹味，仲有黑椒係上面，味道好夾，牛肉質地軟冧冇筋，口感一流👍🌟牛之拼盤$108頭先嘅牛肉太好味唔夠喉，再叫多個牛肉小食拼盤，有燒牛舌，一口牛，牛肉蘆筍卷，滿足曬牛魔王，牛肉味濃，串燒食落juicy,滿口油香😍🌟海之天婦羅（蝦，鯛魚，黑松露帶子，墨魚，紫蘇葉）$118用料上乘新鮮，食完留下深刻印象，又有encore嘅理由😎 黑松露帶子好大粒鮮甜香口，墨魚白雪雪厚身彈牙扎實，蝦同鯛魚都大大件好滿足😍🌟白桃梳打$38梳打夾雜白桃香氣，感覺清爽解膩又唔甜👍🌟日本清森蘋果汁$32（大）清新獨特嘅日本蘋果香味，唔會死甜🫶🏻

𓌉◯𓇋 三代目 (港運城) 𓌉◯𓇋𖤣𖤥 北角英皇道500號港運城地下11-13號舖 𖤣𖤥✧｡北角東瀛風和式居酒屋🏮環境舒服嘢食比預期好味｡✧喺0+3之後好多人都飛到日本.ᐟ.ᐟ⭐︎但係喺香港依然有不少匠心獨具嘅店舖等待發掘～今次經過海運城見到呢間紅黑氣派門面，標榜佢嘅自家拉麵豬骨湯底熬製超過10小時⸜(ˊᵕˋ)⸝睇下佢嘅味道會幾滿足到我挑剔既舌頭～！內裡頗有居酒屋感，而且設有開放式廚房方便大家觀察製作過程～店內面積頗大，位置極具空間感，都坐得非常舒服୧大家放工想輕鬆一下飲清酒，更可以點清酒放題，任飲到醉♡ 　(\   (\ („• ֊ •„)　ꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀ.• ♥️ 炙牛拉麵 $92 奶白的湯底看起來已經十分香濃誘人～用黑椒醃製的牛肉非常入味！在濃郁的湯底下更顯牛味～而且口感更加唔會韌，麵條都彈牙爽口，不過牛肉少薄～✧*｡ 辛燒豚梅肉拉麵 $98 最近喜歡挑戰不同的辣味哈哈雖然表面赤紅如火，但係味道沒有我想像中的辣～不過豬梅肉肥瘦比例剛好，邪惡但不會有油膩的感覺ꔛ୧ ׅ𖥔 ۫  海膽天婦羅 $88海膽份量不算很多，但勝在味道不錯₍ᐢ⸝⸝› ̫ ‹⸝⸝ᐢ₎而且用紫蘇葉包

北角海運城呢間三代目鬧市中嘅日式居酒屋🇯🇵🏮前菜叫咗個松露紋甲墨魚💲6️⃣8️⃣酸酸甜甜好開胃！鮮·海膽一口壽司就不過不失💲6️⃣8️⃣白鱔串💲6️⃣8️⃣有啲失望🥲同日本食嘅始終爭咁啲魚味燒牛舌💲4️⃣8️⃣ 雞胸軟骨💲3️⃣8️⃣牛舌好有嚼口幾好雞胸軟骨脆卜卜好好食😋少少鹽調味已經好足夠最後叫咗個宮崎辛稻庭💲9️⃣2️⃣呢個有啲驚喜！係未試過嘅口感🤣杰撻撻有啲似酸辣湯嘅質感🍲但鹹鹹地少少辣咁食落又幾好味😋有肉🐷有蛋🍳有菜🥬有烏冬又試咗樣從來未食過嘅嘢喇😆

香港嘅日本拉麵真係越黎越多選擇，越黎越出色😳 最近就食咗一間日本過江龍❣️三代目𝗦𝗮𝗻𝗱𝗮𝗶𝗺𝗲❣️ 主打拉麵同各種居酒屋料理，包括串燒、天婦羅、一口壽司等。餐廳更設有清酒放題，同朋友嘆住清酒，一路食居酒屋式食物，絕對係一個完美嘅晚上❤️𝗕𝘂𝗯𝘂推介🔥👍 紫蘇燒豚梅肉拉麵 𝙋𝙡𝙪𝙢 𝙖𝙣𝙙 𝙋𝙤𝙧𝙠 𝘽𝙚𝙡𝙡𝙮 𝙍𝙖𝙢𝙚𝙣餐廳主打拉麵，出品當然唔會令人失望😍 拉麵上枱已經聞到好香，係由豬骨湯底同埋燒豚梅肉散發出黎嘅肉香。拉麵彈牙又掛湯，而燒豚梅肉肥瘦勻稱，層次分明，帶淡淡紫蘇香，令成個拉麵香味同味道都昇華。👍 燒喜之次 𝙂𝙧𝙞𝙡𝙡𝙚𝙙 𝙆𝙞𝙣𝙠𝙞 𝙁𝙞𝙨𝙝罕有名貴之作💓 喜之次係日本三大名魚之一，有海中紅寶石之稱。師傅燒得好有技巧，魚身受熱均勻，燒完之後外皮酥脆，肉質依然嫩滑，又厚又多汁。👍 鰻魚雙霸 𝙂𝙧𝙞𝙡𝙡𝙚𝙙 𝙀𝙚𝙡睇個名都知有霸氣💥 其實係兩款唔同煮法嘅鰻魚，分別係白燒同蒲燒。蒲燒係平時我地食鰻魚飯嘅鰻魚汁調味，而白燒主要以鹽調味，相對比較淡，但就更加可以食到鰻魚鮮味。鰻魚肉質爽口彈牙，完全唔會膩。📍三代目北角英皇道500號港運城地下11-13號舖

*此餐廳收取加一服務費。鰻魚雙霸（單點$128），白燒鰻魚肉質嫩滑，食落鮮味十足，蒲燒鰻魚肉質肥美，食落充滿膠質，味道正宗。海之天婦羅（單點$118），鮮蝦天婦羅肉質彈牙；鯛魚天婦羅，味道鮮甜；黑松露帶子天婦羅黑松露味道濃厚；墨魚天婦羅肉質爽彈；紫蘇葉天婦羅食落好香口。辛燒豚肉拉麵（單點$98），豚梅肉肉質肥瘦相間，食落油脂味濃，配料有溏心蛋、香蔥、筍乾， 湯底辣度3分。炙牛拉麵（單點$92），牛肉肉質軟腍，牛味厚重，帶有黑胡椒味道，配料有溏心蛋、香蔥、京蔥，拉麵口感細滑，容易掛湯。白桃梳打（單點$38），味道清甜，飲落好清爽。荔枝焙茶（單點$38），味道酸甜，茶味濃香。

今日收工約咗朋友食飯，佢住喺北角就話近近地去佢樓下食炙牛拉麵🍜 $92炙燒牛食落特別香，用黑椒再調味帶出淡淡牛肉香味，麵質有咬口湯底唔會太鹹但略為太油汁燒五花豚丼 $95五花豚肥瘦均勻，份量幾足料，不過燒汁太多要撈飯食先得大蜆味增煮 $78蜆肉大大粒，火爐一直熱住熱辣辣甘食冇腥味又冇沙，味增湯底我都忍唔住飲多幾口鰻魚雙霸 $128雙色既鰻魚平時好少見到，個人都係鍾意食蒲燒多啲，鰻魚冇骨白桃梳打 $38用咗日本嘅白桃梳打，食完野飲好fresh黑糖鮮薑 $36女人緊係要飲熱野，黑糖鮮薑暖暖胃，杯內有薑片