一鳴燒 (已結業)

終於又到星期五，同朋友收工之後想食好啲但又唔想咁迫人可以吹下水，於是朋友去咗銅鑼灣一間樓上既居酒屋，叫一鳴燒。入到去見到裝修都唔錯，暗暗地有日式居酒屋既味道，同埋坐得都幾舒服。我地點左呢度既招牌菜鰻魚石鍋飯，上菜果陣熱辣辣，大家望到都著哂火，即刻搶住食。味道上牛肉非常惹味，肉質軟腍多汁，食完下面仲有飯焦，好正。跟住就嗌左個西班牙火腿沙律，黎到個感覺就好似西餐咁, 一路吹水一路食感覺唔差仲有嗌左個芝士年糕，，食落芝士味好香濃，仲有得玩下拉芝，外皮亦都炸得香脆，入面肉質都滑，一流。呢間同朋友食飯吹水一流，下次再約一班人去。

今日同朋友係銅鑼灣食宵夜傾下計，揀左呢間食串燒嘅餐廳。10點去到估唔到都幾多人，我地2個人都安排4人枱比我地坐，所以都坐得幾舒適！唔係好肚餓，所以只係叫左啲小食同串燒。首先係汁煮鮑魚，有兩隻岩岩好一人一隻，鮑魚係凍嘅，煮得好淋，個汁甜甜地，好開胃！仲有中間醃製過嘅蘿蔔，味道都唔錯！串燒必點嘅燒牛舌，口感彈牙有咬口，但唔會好韌，好味！餃子雞翼唔好比張相呃左，佢只係將兩隻雞翼剪開擺碟，唔係有四隻啊！雞軟骨就無乜特別，不過送酒一流！芝士年糕完全滿足到我呢個煙韌控，芝士仲要流心，正！

剛和女友去完東京自由行+shopping +周圍搵野食，我們都忘不了串燒那濃濃的口感，今晚亞波收工又話要到銅鑼湾吃飯，同事和我說一鳴燒很有人氣，而且服務很好，我們六時半已早些去吃吧!位置很寬而且飲品很多，芒果椰果梳打又香又甜，真的有着濃濃的香芒味道!嘩！串燒的品種真的很多，眼花瞭亂，我們叫了最貴的芝士焗龍蝦尾，呀波說真的真材實料，龍蝦尾很大條，而且十分鮮味!（不過條尾燶左少少）其餘我們叫了一個盛合，入面有着廣島蠔，很大隻又新鮮，而帶子炸得金黃色，脆卜卜，大蝦和蝦球既鮮甜又美味!另外不得不提生燒牛舌芯，鹽燒原塊雞皮，汁燒白饍，蒜蓉燒扇貝。免冶雞肉棒也燒得很有水準，和東京的居酒屋不相伯仲!

去飲食平台見有折好吸引，原來openrice訂座都有7折。地方易搵，係sogo果度，部lift有d慢，去到門口無「一鳴燒」招牌，成個店內都沒有招牌，少少怪怪的。店員都幾好，問咩都有耐性答，總之全店7折。熒光魷魚一碟有9條，ok. 炸生蠔都算新鮮。泡菜鰻魚飯真係成條上，賣相幾趣緻，細細碗都幾好食。豬仔脾o少少硬，感覺似叉燒，ok嘅。景觀幾開揚。燈光裝橫好日本地度嘅感覺，都ok嘅，d唔算好嘈。麻辣牛舌原來唔係炸的，慎入。兩個人代食咗$354（折咗），ok la

弟弟今天落機，我知道他最喜歡居酒屋般的一鳴燒，這間銅鑼灣的串燒屋既方便，而且就位於崇光百貨的前面，也實在太容易找到了，我們兩姊弟訂了六時聚舊聊天!首先我們叫了兩杯茘枝椰果梳打真的很香而且很清新!茘枝蕃茄蟹肉沙律很特別，原來蟹肉沙律藏在冰凍蕃笳裹面，我們覺很既精緻而且切開後蟹肉很鮮味和蕃茄很夾，女孩子們會特別特別的喜歡!弟弟很餓他叫了一個黑松露野菌鵝肝石鍋飯，没想到鵝肝很香濃，而且入口即溶，而且和野菌的味道很配，加上黑松露很香，口感一絕!另外的鹽燒雞中翼和厚切五花腩很入味，今天我們發現一邊吃串燒，一邊聊天，心情果然特別好的!

喺開飯網 訂位 有七折 見到正平都多 就兩個走去試一試 竟然見到【清酒、啤酒放題$198】; 就問可唔可以試一試清酒先？答案是; 望了一秒後說可以，試飲嘅清酒分量都不算少喎，呵呵 😚 跟住決定兩個都放題清酒啦 🤗同一位招呼嘅 陳生走埋嚟問啱唔啱飲呀？我只可以答價錢吖！😚當晚星期二客人唔算多 我們慢慢食 都叫咗 好多樣燒物 我可以話 某部分食物 係真係燒得唔錯; 鯖魚、魚乾、茄子、小紫番薯，等等 整體上 招呼係加分嘅 應該都會再嚟

同咗個朋友去左一鳴燒，依度出名食串燒，同埋都算有名氣既日式料理餐廳，所以朋友好有興趣。必食之選當然係玉子燒啦，製作比較耐，同花時間，所以諗住食嘅朋友，記得要早D落單先。玉子燒味道美味，而且裏面仲包有豐富餡料，面頭仲會有餐廳名添！香芋炸丸子，係呢間餐廳嘅甜品，入口爽脆，𥚃面有綿綿細軟嘅香芋。迷你和風牛肉飯，採用左曰本珍珠米，再配上新鮮牛肉，非常美味呀！最後一款，係日式炒雜菜，包羅萬有嫁，味道同賣相都十分吸引！

总体来说很咸。不是地道的日式，感觉参杂了港式韩式。粟米浸着酱油，超咸。鳗鱼泡菜感觉不是很新鲜。烤串average水平，无功无过。不知为何评论总体还挺好的，慎入。

今次用呢個app見到有6折優惠， 試一試，食完後，應該唔會再來。環境：呢間餐廳好特別， 明明擁有無敵落地玻璃窗景，可惜整片窗都間左卡位盡遮全景，可惜，但座位算舒適。服務：有個店員唔係好熟整個餐牌，好多次都要再問其他同事再回應，而佢亦多次插咀，打斷我同朋友交談，做事太不合時。食物：1. 磯煮鮑魚這個好食，蘿蔔非常入味，最令我回味。2.鰻魚玉子燒非常難食，鰻魚極腥，而且原價要$88, omg! 3.帶子， 大蝦原價每樣單件都差不多$80,但不新鮮，雪藏肉質，連快餐店都好食過佢。其他食物都算正常，放題質素，沒有驚喜。價錢：6折後都要$800幾，性價比低。香港飲食業難做，居酒屋競爭大，這間餐廳的價錢貴過日式放題，但質素完全趕不上，要再想想突破，如何留住所有食客。

一鳴燒一直相當有質素,不過openrice上訂位優惠還是比較大的，店裡環境挺好，裝修比較用心，燈光也讓人比較有食慾。三個人入座後位置還算寬敞，點了沙拉，石鍋飯，烏冬面，煙肉荔枝，生蠔卷，玉子燒等，上菜的速度，頻率都把握的挺好的，口味也不錯,特別是炸物和玉子燒,炸得很香,玉子燒也很有芝士味。煙肉荔枝卷也是很好吃，印像不錯。由於是串燒,每個菜的分量比較小，人少的話也可以點很多種類。服務態度也挺好，最后買單的時候打了65折，總體而言性價比非常好的一家店。

今晚同老公諗住搵間日本野試下，見openrice book 檯有7折優惠。就試下啦上到去環境都ok, 坐得舒服，唔算好多人我地第一次食叫左唔係好多野，等我逐一講下1) 明太子玉子燒 (無明太子味，無蛋味，煮得太實）2)黑松露炒烏冬 (只得甜豉油味）3)金菇牛肉卷 （都幾好味，份量都大，抵食）4) 燒牛舌芯 (有少少鹽，不過燒得啱啱好）5） 甲羅燒 (成晚覺得最好既一道菜，雖然白飯都係差d,不過蟹味精都夠味）如果唔係有7折，應該唔會去～又唔係好難食不過又唔係好食，真係麻麻地

今日同朋友去銅鑼灣行行下街想食少少嘢 就上黎一鳴燒一鳴燒係專門食串燒 日式料理岩哂啲胃口唔大 想食輕食嘅朋友當然都有主食 飯同麵比大家選擇店鋪面積唔算好大大約有十張四人枱 吧枱有四至五個位,個環境都幾靚我地今次揀咗幾款小食同一個主食燒牛舌名不虛傳 真係好厚身除咗食到炭燒嘅味道之外 仲有少少黑椒調味味道岩岩好 唔會太鹹燒帶子咬落去啖啖肉 真係好邪惡！入口超級淋身 好好味不過會有少少鹹 配埋佢啲配菜食就啱啱好招牌玉子燒呢個超級豐富,食完真係會飽送飯一流如果嫌佢太飽嘅話,留返最後先食會比較好可以另外配飯/其他雜菜一齊食一威到已經閒到陣玉子蛋香味入面好多蟹籽同芝士 超正！燒得好香口依度係同朋友傾下計飲下嘢嘅好地方！

今日同朋友去銅鑼灣行完街，去左依間一鳴燒食野朋友們覺得餐廳點菜嘅方式好特別，唔係同侍應講，佢哋會比一本簿客人自己剔。呢個方法仲好環保添，佢地話值得一讚喎！另外她們幾個細心留意餐廳的裝潢好有家的感覺，牆上面有好多畫。燈光比較暗，幾有情調，最啱同三五知己一齊傾吓計！我叫左牛舌串燒,牛舌一D都唔腥,仲好好味,每人一串,作為前菜感覺唔錯扇貝質感嫩滑,幾夠味,爆得好香。上面蒜蓉加埋佢哋嘅秘製醬汁，簡直係絕配，超級正！玉子燒擺設最特別，入面有豐富芝士，味道甘香，蛋既份量好多,一個人食真係會好飽,同串燒搭配最好食。如果去一鳴燒，唔食玉子燒簡直係浪費！超級超級大碟，下次去開銅鑼灣，可以再番去一鳴燒，真的食過返尋味！服務態度有禮，值得一讚！每樣串燒都食過返尋味,下次會試下其他食物

星期五同朋友聚會黎左哩度。座位ok, 不會同隔離檯太近哩度D侍應好有禮貌～價格有DD高但最重要係食物質素。燒青魚。正常，冇乜特別炸物。粉不會太厚，ok 燒豬肶正！好香而肉不會乾及硬涼菜。普通。另外點了個餃子雞翼冇拍照。好好味！不過，鹹左一點。但值得一試

係泳池玩左一日水，山長水遠出銅鑼灣既一鳴燒食好西慰勞番倦極既胃！去到已經過左9點俾門口既畫吸引，好有日本風格，餐牌既設計亦有花心思，每一頁都有唔同既圖案。雖然肚餓，但咁夜又唔係好想食飯，一於狂叫小食塞飽自己！串燒方面，最好食既係帶子，開頭掙扎左好耐雞軟骨到底要帶子好，炸又怕熱氣，好在燒帶子既都冇令人失望，好有宵夜車仔檔既風味，正！帶子味道亦剛剛好，佢本身有好多汁，唔會太乾身🏻特別推介就係一品料理中既鰻魚炒飯，同埋厚切五花腩一聽就知係招牌菜！雖然我成日都覺得出街食飯好蠢，但包你有驚喜！首先，入面既飯好有飯味，仲有鰻魚幾新鮮，而且份量一d都唔吝嗇，成個配搭好夾，口感好豐富但又唔會互相搶味，值得一試。跟住就去到今晚唯一會飽既主食：厚切五花腩！腩肉燒得好香濃，亦帶有油香唔會太乾身，正！入面脆脆口感亦好特別，岩哂鍾意食壽司又鍾意食香口野既我😝。野飲方面飲清酒會有驚喜d好似食左唔係好多野咁，但，又飽嫁喎，應該真係老了，細食左好多🙄但無論大食（可以食飯）定細食（食小食+卷物），呢到都係一個唔錯既選擇。