一遊

营业中

休息中

呢間餐廳啲刺身真心新鮮，每塊都滑溜冇筋，擺盤又靚。海膽夠新鮮可以同日本嗰啲相比，配吞拿魚啱啱好，完全冇腥味，份量又唔會吝嗇，誠意十足。串燒就燒得幾好，外面微焦，入面仲係嫩嘅，調味啱啱好，不過仲有其他款未試，我諗其他都唔會好差。蕃茄海鮮湯幾開胃，酸酸甜甜好醒神，重點係海鮮落得夠多，大蝦爽口，飲落唔會得個湯，真係有料！天婦羅外皮炸得夠酥脆，唔會油淋。滑蛋鰻魚丼飯超正，鰻魚入口即溶，飯粒仲吸晒鰻魚汁，拌埋滑蛋食一流，最正係飯底仲有啲焦香。銀鱈魚西京燒都係亮點，燒得啱啱好，外層微脆，魚肉嫩滑帶少少油香，鹹甜味調得好掂。紅酒燉牛肉香濃夠入味，肉質超腍，配埋溫泉蛋一齊食簡直絕配！最後試咗燒酒柿打，帶淡淡梅子味，甜甜哋又易入口，幾特別！

今晚嚟到灣仔合和中心呢間日式居酒屋，一入到去就覺得環境好熟悉，回想之下，原來幾年前已經嚟過，算係一次意外嘅重遇。 《壽司 & 刺身》點咗赤身、帆立貝、赤貝、赤蝦、拖羅、海膽再加當日新鮮魚生，款式夠齊全。壽司嘅魚生切得厚厚哋，款式齊全。拖羅油脂豐富，赤貝帶少少爽脆，海膽鮮甜冇腥味，食落幾平衡。《刺身》帆立貝、鰤魚、赤蝦、拖羅幾新鮮，帆立貝帶少少甜味，鰤魚油脂適中，整體幾唔錯。 《燒物 & 炸物》新鮮海老、海膽、沙錐魚仲有幾款蔬菜，炸漿薄薄哋，唔會過厚。炸蝦幾爽口，沙錐魚外脆內嫩，炸海膽算係少見，咬落仲有少少奶油感，幾特別。 串燒試咗 雞軟骨、雞翼、粟米、香菇、豆腐、雞肉蔥串，燒得剛好，雞翼皮脆肉嫩，雞軟骨焦香，粟米帶微甜，整體幾香口。鰻魚蛋飯用石鍋上枱，夠熱，鰻魚燒得幾香，蛋滑滑哋，最正係有飯焦，帶少少焦香味，食落口感豐富啲。海鮮番茄湯有番茄嘅微酸，飲落幾清爽，海鮮份量唔算少，整體幾開胃。 芝士玉子燒口感夠嫩，芝士味唔會太搶，帶少少鹹香，味道幾平衡。 叫咗齊威士忌、梅酒、梅子酸酒、柚子梳打，配串燒幾夾，餐廳環境帶少少日式居酒屋感覺，適合輕鬆聚餐，食完幾滿足。

灣仔合和中心的一遊居酒屋，平日夜晚嚟到都座無虛席，室內環境寬敞，以暖色系嘅木質裝修，呈現一種平和舒服的感覺。玉子燒以高湯調味，做出鬆軟柔嫩的多汁口感，口味上也能吃到濃厚的蛋香。刺身五種三文魚，帶子，牡丹蝦，吞拿魚赤身，油甘魚。賣相吸引，件件都厚切，新鮮味美。壽司十貫舍利大小酸度適中，有三文魚腩，吞拿魚赤身，赤貝，海膽，吞拿魚蓉等等。燒番薯幼滑既口感配上焦糖香甜味，蕃薯屬高纖食物，低熱量、低脂又飽肚！串燒雞翼，香蔥雞肉串，蕃茄牛肉串，燒雞皮等等，香口惹味，啱晒一大班人share！梳打飲品叫咗三款梳打水，包括原味乳酸，巨峰提子乳酸，同埋荔枝梳打，三款都好清新。

海膽吞拿魚壽司這道精緻的壽司以新鮮的海膽和優質吞拿魚為主料，搭配醋飯，口感滑嫩，海味十足，每一口都能感受到鮮美。海鮮天婦羅盛合海鮮天婦羅盛合包含有：帶子、海膽、茄子、秋葵、南瓜、番薯、魷魚和魚，外層裹上薄脆的天婦羅麵衣，經過油炸後香脆可口，保留了食材的鮮甜，搭配特製醬汁，好吃到充滿驚喜。串燒推薦年糕燒（汁燒）年糕燒外酥內軟，搭配特製的醬汁，甜中帶咸，讓人愛不釋口，是串燒的絕佳選擇。香蔥免治雞油揚香氣四溢，雞肉多汁，搭配香蔥的清香，口感獨特，好吃。牛肉蘆筍串將嫩滑的牛肉與清脆的蘆筍完美配合，烤至金黃，肉質鮮嫩。道湖淺蜊（柚子風味）這款道湖淺蜊以柚子風味為亮點，清新的柚子香氣與鮮美的蜊仔相得益彰，口感清爽。牛肉石頭燒飯選用上等牛肉，搭配熱石燒製，令米飯的香氣與牛肉的鮮美充分融合，飯焦也很香口。柚子酒這款柚子酒口感清新，酸甜適中，容易入口，搭配各種美食的理想選擇。柚子梳打清爽的柚子梳打飲品，帶有微微的氣泡，吃完炸和燒的食物很解渴。神龍純米大吟釀以高品質的米為主要原料，經過精細的釀造工藝製作而成。酒體輕盈圓潤，順滑柔和，優雅而不雜，清新爽口的餘韻悠長，特別適合搭配海鮮和壽司。#一遊 #海膽吞拿

上星期同朋友去咗灣仔一間叫「一遊」嘅日式居酒屋，整體感覺真係幾正！一入去就好似時光倒流去咗江戶時代，佈置同氣氛都好有日本味。我哋開頭叫咗海膽吞拿魚壽司，真係好靚仔！最上面係超新鮮嘅海膽，鮮甜得嚟唔腥；中間係一片滑溜嘅吞拿魚，再加吞拿魚蓉，最後先係醋飯。每啖入口層次感好豐富，食得出用料好實在。之後試咗海鮮天婦羅盛合，入面有帶子、海膽、茄子、秋葵、南瓜、番薯、魷魚同埋魚，粉漿唔厚但超脆，種類多樣化，完全滿足晒海鮮控。串燒方面亦都冇失望，特別推介年糕燒，外脆內軟，仲有香蔥免治雞油揚，食落層次好豐富。牛肉串包住菇，牛肉鮮嫩，汁多味濃，每串都熱辣辣出場。主食試咗牛肉石頭燒飯，個底有脆卜卜嘅飯焦，超正！牛肉份量多，配埋泡菜一齊食，非常惹味，飯桶必點！飲品方面，柚子酒同柚子梳打都好清新，柚子酒帶淡淡果香，飲完真係唔夠喉。最後我哋仲試咗神龍純米大吟釀，清香易入口，完全係完美嘅結尾。

最近去咗合和中心“一遊”餐廳,採用日本木系風格，令人好似置身日本，感覺好Relax😁先來清酒“一心”來自日本奈良縣，味道香純，酒精濃度有15度.朋友叫咗“杏子鮮橙燒酌梳打”🍹果味濃郁清新可口，酒味唔會太濃.**壽司十貫** ($288) 🍣 時令每一貫都新鮮甜美香蔥吞拿魚腩、海膽、牡丹蝦、帶子、赤身、三文魚、油甘魚、池魚、赤貝....魚生超級鮮甜😋串燒雞中翼🐓入口最喜歡是單骨,燒到剛剛好👍牛肉靈芝菇🐂🍄牛肉嫩滑加上濃郁,爽口嫩滑菇,口感一流👍清酒煮蛤蜊石頭湯$120湯底清酒蛤蜊鮮甜，份量十足，真係一口接一口，根本停唔到😋

見每日都好多人排隊，今日訂咗枱去食lunch。6個人都叫左唔同嘅野食，有天婦羅，魚生配蠔，魚生配牛脷串燒，和牛飯，魚生配牛扒，特選魚生刺身。性價比最高的是魚生刺身，只售298可以食到海膽，三文魚吞拿魚等非常新鮮的魚生，而且每款有三件，份量都唔少，而且魚生質素非常新鮮。相比之下牛扒唔太得，上到黎全熟，完全咬唔到，簡直就對唔住個價錢，288同298我一定會揀298嘅魚生刺身，性價比高很多。其他幾款也是中規中矩，都食得過

今次同朋友嚟到呢間餐廳，環境好有去到日本餐廳嘅感覺，坐座特別佈置過又坐得好舒服🥳♡海膽吞拿魚壽司♡海膽同吞拿魚都好新鮮又好鮮甜，唔會食到腥味，份量都好足夠😋♡刺身盛盒五點 ♡刺身每樣都好滑嫩，盛盒的擺盤都好精美，新鮮度同品質都好高，非常值得一試👍🏻👍🏻♡串燒♡串燒有唔同肉類同蔬菜，烤制的火候剛剛好外焦內嫩，仲見到餐牌有其他唔同選擇，下次要再試試其他🤗♡蕃茄海鮮石頭湯♡湯底用左新鮮蕃茄為主，酸甜適中非常開胃，另外見到用左好多海鮮燉煮，好鮮甜，除左湯水仲見到大蝦淡淡肉，非常有料👍🏻👍🏻♡海鮮天婦羅盛盒♡天婦羅外皮炸得好酥脆，食落蝦、魚同貝類則都好鮮嫩，天婦羅搭配醬油會更夾💖♡滑蛋鰻魚石頭飯♡鰻魚肉質好鮮嫩，米飯配埋鰻魚和滑蛋令整個口感不同，加上仲有飯焦食要再加分😘♡銀鱈魚西京燒♡呢樣係我食過最好食嘅魚料理，魚肉真係好滑，外面燒得好脆好香，就算再加埋醬汁都唔會太咸剛剛好，魚肉有少少油脂，口感超滑順，好味😋😋👍🏻♡紅酒牛肉伴溫泉蛋玉子♡用紅酒燉煮牛肉特別香口，肉質好嫩再配埋溫泉蛋非常絕配👍🏻♡燒酒梳打♡叫左橙汁同梅子口味燒酒梳打，好香果香味易入口，唔會話太藥水味，下次都可以再試試其他酒類🍻🍻

朋友外地返香港度假，想食居酒屋之前在尖沙咀食過“一遊”既然在灣仔再訪“一遊”餐廳木系裝潢,環境舒適座位寬敞朋友想飲清酒職員推介“一心”來自日本奈良，味道清甜易入口，柚子梳打 $42冰凍果味濃郁，清新可口八爪魚沙律$98火箭菜/蔥粒/菊花/蘿蔔蓉裝飾，混合醬汁酸酸甜甜好開胃芝士厚玉子 $75厚厚濃郁雞蛋香味，芝士融化入口即化，上湯揚豆腐 $46豆腐外脆內嫩滑，加入日本醬汁，味道清淡卻充滿層次感，串燒牛肉靈芝菇 $38/串牛肉嫩滑，靈芝菇鮮味忍唔住想叫多串，串燒雞中翼 $32/串燒得剛剛好，外脆雞肉嫩滑，牛肉石頭燒飯$98洋蔥炒香咗入口更甜，牛肉嫩滑加入小小泡菜，層次更高飯後非常滿足，

日式料理豐富之派對，素吃選擇滿滿，果茶或是酒精飲品，也有很多的選擇。店員熱情，滿滿日本的熱情令人快樂串燒完美串燒，盡顯師傅功架。串燒汁多，外皮香脆日。經典串燒，佐酒小吃，夾！素菜香菇烏冬烏冬彈牙，非常驚喜。素吃天婦羅蔬菜類別多，有南瓜，蕃薯，茄子、秋葵，外層酥脆，鮮嫩多汁，天婦羅茄子，味道濃郁，非常有驚喜，而且款式多燒翠玉瓜香濃表面，又不燶，高技巧，加上木魚配搭不錯蕃茄豆腐湯鮮味海鮮，味道濃郁，海鮮有大蝦，魷魚和青口，鮮味滿滿，嫩滑之豆腐，口感很棒，是日韓風味店子內到外也充滿日式風情，主打串燒，壽司和刺身，環境舒適

今日經過合和中心見到呢間環境唔錯的日本餐廳，二話不說就入去坐低🪑串燒：叫左牛舌同免治雞肉串，牛舌燒得唔錯👍🏼雞肉串都唔錯，但係我個人鐘意配搭生雞蛋🥚壽司：油金魚，蟹籽壽司最後，點左個熱辣辣的生姜豚肉石鍋飯😋天氣咁凍食完即刻暖笠笠

朋友的生日派對，帶她到人氣日本料理居酒屋，食物豐富，新鮮日式，有精緻擺盤，令人快樂！原味乳酸梳打酸酸甜甜的口感，乳酸味濃郁柚子酒入口是清新，滿滿香氣，不會過甜，如柚子有清香微苦同行的一位朋友是素吃者，店子也非常用心的介紹素吃料理。素壽司拼盤新鮮之感，甜酸綜合的恰到好處。蕃茄會吞拿魚，牛油果壽司和牛蒡壽司咀嚼之中，清新香氣溢滿了口腔，組成的素吃拼盤，奏響美食協奏曲。東洋卷東洋卷是滿滿特色，創新做法，用奶旦香的皮包著鮮香配料，牛油果，鰻魚喔。天婦羅盛炸得脆脆，驚喜滿滿串燒串燒驚喜！特別欣賞雞肉串燒，嫩滑啖啖肉！翠肉瓜香口燒香之後，爽脆。蕃茄豆腐石頭湯海鮮湯味道鮮甜，份量很多，豆腐嫩滑！感覺很棒，溫暖的小結美味的味蕾體驗，聚會和宴請，是不錯之選。選擇也豐富，素吃也能在這店找到選擇

去過幾次尖沙咀一遊，一向都幾喜歡這店。今次朋友提議去灣仔一遊，整體感覺繼續良好。食物方面，海膽吞拿魚壽司新鮮有質素。八爪魚沙律配以柚子汁，煙靭美味。串燒亦出色，特別喜愛燒雞翼。雞唐揚是另一推介菜式，炸雞新鮮熱辣。最近天氣比較凍，叫咗石頭牛肉燒飯，熱熱的，正！我同朋友本已叫咗兩杯梳打飲品，但見到不少隔籬枱都有點Sake, 所以亦都加咗一支。點咗餐廳介紹嘅善之水，唔錯。餐廳服務亦好，多次主動幫我們更換碟子。海膽吞拿魚壽司八爪魚沙律上湯揚豆腐串燒- 雞翼，牛肉靈芝菇牛肉石頭燒飯炸蟹肉忌廉球雞唐楊荔枝梳打，巨峰燒酒梳打善之水Sake

環境舒適闊落，幾有懷舊日本感覺。海膽吞拿魚壽司海膽美味、吞拿魚也鮮味，大滿足。八爪魚沙律八爪魚爽口唔韌，配埋啲柚子汁，酸酸甜甜幾開胃。上湯揚豆腐滑滑地，湯底鮮美，很開胃。再嚟就係串燒，雞翼外脆內嫩，牛肉靈芝菇味道濃郁，搭配得幾好。牛肉石頭燒飯熱熱地上，牛肉香噴噴，配上飯好有滋味。炸蟹肉忌廉球外脆內軟，蟹肉味道唔錯，雞唐揚炸得金黃，咬落去好Juicy，好味道。飲品方面，我試咗荔枝梳打同巨峰燒酒梳打，清新又唔膩。最後，善之水Sake都幾順口。整體來講，餐廳嘅食物都幾合我胃口環境也舒適，值得一試！

好耐沒有到灣仔食午餐！同樣都好耐沒有到一遊食嘢啦！今日難得到此，就算要排隊都突然間想食哩！今日點了我最喜歡的壽司定食，有不同款式的壽司，再配一配蕎麥麵（其實可以選擇烏冬，不過今日想食蕎麥麵）。再加一杯凍檸水。我想講，一遊的壽司都好好食😋！剛好今次坐bar 台。因此更加可以近距離接觸壽司師傅！這裡的魚都好甜美！午餐的卷物都好味呀！我自己最喜歡是他的酸薑！好好👍🏻食呀！半餐的小吃，今天是南瓜，不會好甜或好鹹。味道適中。如果之後有機會經開灣仔的話，都可以再嚟支持一下。😗