一起食堂 (域多利皇后街)

营业中

休息中

再次黎到位於舊中環街市附近的台式食店一起食堂，今次我地選擇左食原條蒲燒鰻魚飯、紅燒三寶牛肉麵、小食鹽酥雞、鹵牛展、蘆薈桂花雪梨茶、冷泡茉莉毛尖茶。原條蒲燒鰻魚飯一上枱你就已經感覺到果份誠意，成條鰻魚頭尾突哂出個碗外面，視覺效果已經好吸引。呢間店既鰻魚飯比起日式鰻魚飯唔同，飯入面多左隻半熟溏心蛋、醃菜等等，增添左一份台式感覺，而味道方面鰻魚厚度適中，口感一流，配合溏心蛋同醃菜，真係非常夾，好好食。紅燒三寶牛肉麵，係原有既台式牛肉麵再加上牛丸同牛展，令到成個麵更加豐富，特別要提既係果粒牛丸，純對唔係平時食開果種，咬落去係有啖啖肉汁，我覺得呢個令成個麵加分。鹽酥雞炸得好脆口，但係咬落唔會乾身，外脆而入面既雞肉係軟身而且多汁，加上炸皮薄身，做到每一口都啖啖肉既感覺。鹵牛展，味道一流，感覺到調味適中，唔會太淡或大鹹，加上食落有小小甜味，無論配飯同麵都好夾。最後既兩杯飲品，蘆薈桂花雪梨飲落有粒粒蘆薈同雪梨，加上清新既桂花完全做到解渴既作用，而茉莉毛尖茶就有消膩作用。今次食得好飽，期待下次再試埋個芋圓。

經朋友介紹之下來到了這一間台式食店，嘗試一下台式的風味，這食店離地鐵大約2分鐘十分方便.食店有各式各樣的便當牛肉麵小食及甜品等.提提大家食店的份量也十分之大.分量十足此外也充滿了台式的風味，加上自家製的醬料令台式的風味增加了不少.台式牛肉麵的牛肉十分之香滑，也選用比較名貴的部位因此性價比十分之高.這個雞肉飯充滿了雞油香味，水準之作.這個米卷也是即叫即炸的十分之香脆可口並沒有半點油膩.這個台式甜品也十分之有特色.

誤打誤撞入左依一間日台fusion小店，店既環境令人好有壓迫感，可能因為樓底比較矮，而牆身係淺藍色，掛左一啲台灣電影海報。我哋每人叫咗一個飯或者麵，再加左個花枝丸小食。牛呢個麵唔錯，麵好滑，蘿蔔都軟軟的，入晒味。豬軟骨飯，豬軟骨好軟身，都幾入味，唔鍾意蔥既記得走蔥！至於我呢就嗌咗香蔥雞絲撈麵，整體嘅味道係好淡，如果冇左香蔥同埋蒜頭，我諗成碗野其實冇味。不過呢雞肉份量都幾多，而且麵好滑。花枝丸，外面皮幾香，丸中間食到墨魚味，不過偏淡一點。

喺中環好難先搵到小店食午餐，喺中環街市對面嘅一起食堂，係難得嘅黃色小店，小店食台灣菜，誠意非常。佢有好多唔同午餐選擇，今日試咗牛肉烏冬，台式牛肉麵，配上煙銀嘅烏冬面，非常夾。牛肉有三大塊，非常入味亦好嫩，湯底亦非常入味。午餐仲包沙律，前菜同小泡芙，用料十足，一定要繼續狠狠地懲罰佢。

今晚同我朋友喺中環一齊收工就諗住去食台灣嘢， 行到去域多利皇后街頭有一間叫一起食堂嘅台灣嘢， menu幾多選擇同埋都幾多人食，所以我就同朋友都決定咗嚟呢度食飯。 主要有牛肉麵有便當有小食任君選擇。我就叫咗一份紅燒牛肉三寶麵湯底非常濃郁入味， 分量亦非常足料。 麵質都非常彈牙有掛湯嘅效果！ 有牛丸，牛筋，牛腩。成日叫咗一個三式海鮮茶漬飯裏面有三文魚子，廣島蠔，蟹肉。 茶漬飯都好入味鮮味亦都叫咗幾樣小食叫左台式香腸， 炸花之丸味道都好夠味道！唔會淡茂茂！亦都有一個asahi啤酒冇酒精嘅！ 冇酒精嘅啤酒感覺幾得意！最後仲食咗個芋圓仙草凍 芋圓 qq彈彈好啱我口味

今天食了紅燒牛肉麵，但湯底好似有點偏酸。牛肉還可以,面底有點像烏冬飲品方面,我就飲了雪梨茶，唔太甜味道剛剛好，但我同事就話飲品應該要夠凍冰冰的。另外，午餐份量十分滿意。

今日做野經過中環，見到呢間日台式餐廳，門口望一望個餐牌，見價錢合理，叫咗一碗「海膽三色冷烏冬」，入邊有海膽、三文魚子、蟹肉，三樣味道好balance，烏冬煙銀，海膽新鮮，醬油味濃郁，$119呢個價錢絕對合理！另外，叫咗杯仙草豆漿，豆味濃，入邊仲有仙草，估唔到仙草配豆漿咁有好口感，豆漿甜度剛剛好，加上地理位置好方便，喺正中環街市隔離，有機會再黎。順帶一提，老闆娘好nice，仲請我食鹽酥雞，咁我順便講埋鹽酥雞，外脆內軟，值得一試

同朋友入了南丫島散心，果然可「暫且抛開煩腦事，細味島上悠閒天」。乘船到中環已六時多，當然要盡興一點，吃埋晚餐才歸家。最後大家就在「一起食堂」一起吃飯。裝潢簡約平實，掛上一個個藤製燈籠，有日台灣風。看看四處牆身，掛上一幅幅台劇海報，「那些年，我們一起追的女孩」，「海角七號」、「練習曲」等等，雖已不是盛行的台劇，但卻令人細味....一邊有幾張二至四人枱，另一邊是面牆的單人高枱，入一點就見到半開放式的廚房，地方不大，枱與枱空間不多，大家要坐得親密一點。每枱都插了餐單和點菜紙，清晰簡單。分別有麵、便當、小吃、甜品和飲品。***************************友人點了一客三色海鮮茶漬飯 Crab Oyster & Fish Seaweed Rice w/Soup ($109)，雖命名茶漬飯，但就唔係注入茶，就如英文翻譯一樣“w/Soup”，是似湯飯。飯面灑滿飯素，上枱時半浸着湯，旁邊伴着四隻廣島蠔、一些蟹肉和三文魚籽。友人話如果將晶瑩剔透的三文魚籽放在飯頂，相信賣相會更吸引。先嚐廣島蠔，體積中等，但肉厚肥美，肉質鮮嫩兼富蠔汁，不錯! 把飯素跟米飯拌勻，伴着湯和鹹鮮的三文魚籽同吃，

早幾日俾我在中環發現咗一間美味台式小店，兩個人晚上點了不少食物，狂歡大吃。未來已經看中必吃的有原條蒲燒鰻魚飯，見相知，真正一條過，條魚仲大個碗飯，最重要是醬汁都多，味道非常好，淨食送飯都好食，正呀！紅燒三寶牛肉麵材料好豐富呀，牛展肉、牛丸及牛腩，每樣有兩片，面質很滑，但又唔會太腍，有質素。以後是細細件的豬軟骨，這個黑糖豬軟骨有很多肉，抵食，只不過軟骨唔係咁多。鹽酥雞必吃，炸得不知幾酥脆，一口一件，停不了口。青菜不特別，只為配搭，飲品方面是自製，但已早早蓋蓋，衛生清潔，蘆薈桂花雪梨茶，清潤可口。雖然座位唔多，機乎滿座，但冇咗我們慢慢食慢慢傾，梳乎了一晚。

好多香港人同我一樣，好喜歡去台灣，因為貪佢有好味日本菜，同時又可以享受正宗台灣菜！我之前去中環見客已經見到呢間野，成日都排長龍，又多後生尼食，好想試，但一直都唔夠時間排咁耐隊！結果今日星期六尼到，終於有位坐！我同舊同事分別嗌左原條燒鰻魚飯、紅燒牛肉麵、關東煮、花枝丸。講講鰻魚飯先，鰻魚係爽脆，但個汁有少少咸，但都係高水準。而紅燒牛肉麵呢，d牛肉係幾滑，個湯最重要係無咩味精。關東煮同我係台北七仔食既味係一樣 haha，但最衰無得自己揀餸！！花枝丸係好味，幾彈！但得4粒，有d唔夠喉...野飲就叫左仙草冬瓜茶，無冰！！佢係一早溝定雪好比你飲！總體尼講個用餐體驗都唔錯，好鍾意係香港食野但會食得出旅行既味道！

今次同朋友嚟到呢間一起食堂，鋪頭仔坐得幾溫馨。呢度嘅裝修簡單得嚟有種好舒服嘅感覺， 木材嘅色調好有台灣味道。張菜單同台灣嘅特色小店一樣都係咁樣樣tick，一眼睇曬可以食啲乜嘢嘢，非常之方便，唔使好似人哋啲菜單咁揭到頭暈都未揭完。第一道菜係關東煮，有好多各式各樣嘅魚糕，個湯底都幾好味，好似喺台灣食咁。另外仲叫咗豬軟骨同埋肉燥青菜，唔知啲豬係咪台灣嚟嘅呢 另外台灣菜最出名嘅當然唔少得佢啲炸物啦!我哋叫咗鹽酥雞同埋地瓜條，完全係新鮮炸好，熱辣辣脆卜卜，啲粉仲好薄添。主角終於嚟啦，係原條蒲燒鰻魚飯，隻蛋嘅生熟程度啱啱好，仲有好多飯素喺面頭，口感非常之特別，一試難忘呀！另外叫咗兩款台灣特色茶飲，兩杯都唔會好甜 唔怕食到變肥仔！兩個人埋單都只係食咗407蚊咋，喺中環呢個地頭食到咁豐富嘅晚餐真係好難得

今次試下中環既台灣菜，地點非常近我office，亦都近其他消遣地方，食完去玩冇得輸。台灣菜一路俾人既感覺係款式變化唔太多，老闆出奇地推介海膽三色蟹肉冷烏龍麵。呢個組合我以為淨係日本餐廳先食到，但原來台灣餐廳整一樣咁出色，適合海鮮控。朋友試左同樣係老闆推介既海膽紅燒三寶牛肉麵，牛展爽，牛丸彈，牛腩嫩，湯頭夠濃。食完面就試下食台灣菜必食即鹽酥雞，完全係新鮮炸起，入口會噴白煙嗰種，用嚟送冬瓜茶好夾。最後唔好以為睇落細細碗，食一碗面加一份小食，連我平時夠曬大胃口都覺得飽。

其實都真係幾鍾意食台灣野，去開中環，真係不妨來呢一間台灣餐廳試下，價錢係呢一區來講，絕對一定非常可以接受，所以亦都係令我選擇佢嘅原因之一呢間鋪唔大間，門面望落好似似日本餐廳多啲添呢度食物嘅選擇，呢一張紙就已經睇晒，就只係得呢一頁，雖然選擇唔多，但係就夠精而簡，一定揀到你會想食嘅嘢，望吓價錢，你會覺得有驚喜今晚我同朋友分別叫咗，冷泡茉前毛尖茶 及 仙草冬瓜茶，我嘅毛尖茶都幾好飲，因為係無糖嘅，帶有少少甘味，都唔錯，而朋友就覺得佢個冬瓜茶就比較甜，可能鍾意飲甜野嘅朋友會比較適合佢係用手搖外賣杯裝住架，所以就算飲唔晒，都可以拎走，繼續飲先介紹下小食，今晚嘅兩款小食分別有前面嘅 鹽酥雞及後面嘅 炸花枝丸，鹽酥雞嘅份量OK，重點係食落去外脆內軟，入面仍然鮮嫩，有大量肉汁，呢下真係好嘢花枝丸就好有咬口，出面加咗啲椒鹽落去，味道好香口今晚我同朋友都分別叫咗兩個麵，先介紹呢一個麵，佢係 蔥油雞肉乾拌麵，旁邊嘅湯，係用嚟適量地加入個麵度，因為可能有啲朋友覺得乾麵本身太乾，可以加啲湯水，就適合啲上面嘅配料完全遮住曬個麵，所以未睇到個麵嘅時候，就以為只係得上面嘅配料，上面分別有溫泉蛋，雞肉，菜，及大量蔥花進

喺中環行開想食芋圓，搵到呢間甜品得芋圓仙草凍，同埋芋圓燒仙草嘅舖。各自叫咗野飲，唔肯定大小嘅情況下叫咗兩款各一。黎到好大碗，超多芋圓好過份，味道算明顯食到係咩味，尤其芋頭圓有粒粒芋頭，仙草凍滑嘟嘟，奶唔會好凍，啱曬我呢啲養生嘅輕熟女。燒仙草就無影到，都係一碗無底深潭嘅黑色水，入面同樣有好多芋圓，冷熱食都好正！嘢飲唔特別，薑蜜係即沖，茶係茶包，盛惠每杯18大元。成間舖都貼漏咗台灣電影嘅海報 同埋有台日式正餐選擇 下次黎食埋正餐先！

星期六返半日工 係中環揾食 朋友介紹呢間台灣野食物品種唔算多 但各種都感到廚師用心去做我哋點咗台灣最出名的牛肉麵 餐廳推介紅燒三寶(有牛肋肉，牛腱同牛丸)牛肋肉同牛腱煮得啱啱好 有牛味又有口感牛丸爽口彈牙 加埋炆到好入味的白/紅蘿蔔真係冇得輸 朋友食原條鰻魚飯 超大條鰻魚配埋溫泉蛋 鰻魚加埋醬汁好好味咬落有口感唔會太淋 配飯簡直無得輸另外加左碟鹽酥雞 香脆惹味 簡直食唔停口餐廳自家制多款特色飲品我地揀左蘆薈桂花雪梨茶 清甜潤喉仙草冬瓜茶 清涼可口 這種秋涼天氣最啱飲最後緊係食女仕最愛的甜品 台灣出名的芋圓仙草芋圓彈牙得來有口感 甜道又適中 加埋少少淡奶真係好好味