我之前去中環見客已經見到呢間野，成日都排長龍，又多後生尼食，好想試，但一直都唔夠時間排咁耐隊！結果今日星期六尼到，終於有位坐！我同舊同事分別嗌左原條燒鰻魚飯、紅燒牛肉麵、關東煮、花枝丸。
講講鰻魚飯先，鰻魚係爽脆，但個汁有少少咸，但都係高水準。而紅燒牛肉麵呢，d牛肉係幾滑，個湯最重要係無咩味精。關東煮同我係台北七仔食既味係一樣 haha，但最衰無得自己揀餸！！花枝丸係好味，幾彈！但得4粒，有d唔夠喉...
野飲就叫左仙草冬瓜茶
，無冰！！佢係一早溝定雪好比你飲！總體尼講個用餐體驗都唔錯，好鍾意係香港食野但會食得出旅行既味道！
