一起食堂 (域多利皇后街)

营业中

休息中

同男朋友係附近食完晚飯行去搭車之際途經見到店門口掛住大大幅碗仙草芋圓ge 就吸引左一直都鐘意食仙草芋圓ge我入去😂而呢間ge 仙草芋圓凍每一粒都充滿住芋頭同蕃薯味口感煙煙un un 十分Q彈唔會好似其他店舖咁外面軟,中間硬繃繃仙草好大塊好香好滑配埋糖水加上花奶既配搭對於唔鐘意食太甜ge我 呢個甜度剛剛好以中環呢個地段黎講碗仙草芋圓凍價錢真係算非常非常非常親民如果下次黎開中環一定會再試埋其他主食同埋呢碗仙草芋圓😛

個日要去中環整野，整完就去搵野食XD呢間之前係經過過，但未去食，終於去食到啦！正常台灣野，係中環黎講，呢個價好抵食! 而且都好好食，只係我已經好少係中上環出現，不過有機會會再返去食既~嘻嘻～綜合關東煮台灣刀削麵 $59魯肉乾拌麵 $39魯蛋 $8迷你魯肉飯 $12

通常都會係台式食店食到嘅魯肉飯，係一起食堂就有新嘅嘗試，蔥油土雞肉飯😗聽落個名同魯肉飯好唔同，但便當黎到面前，我就覺得係「雞肉版」魯肉飯，食落感覺幾新鮮🤣便當有三款小食，仲有個湯，另外加左杯冬瓜茶同一碟小食炸花枝丸😙花枝丸丸上枱個陣熱辣辣，唔好成粒放入口，小心啲，但又唔好放到涷左先食，有啲微溫個陣就最滋味😆

在中環的日子久了, 午飯的選擇發覺實在不多, 今天剛好想吃頓稍為好一點的午飯, 選了這家台式料理. 始終是中環區, 價格的起跳點是$69, 不少的部份是租金. 點了最便宜的魯肉飯, 配上蘆薈桂花雪梨茶. 跟餐由沙律到甜品都有, 配上湯, 沙律菜, 木耳, 泡芺.魯肉的肉味香濃, 配上的榨菜亦脆身好吃, 滷水蛋味道不錯. 加上飲品的價格是$81, 味道不錯, 以午餐而言價格有少許略貴, 只能偶然過來. 

在家的妹說平時都是她買外賣回來給我吃，所以難得這天我出門就輪到我去買囉！還指定了這間店！就因為之前她有吃過這間的鹽酥雞覺得不錯，便想吃吃其他。選了一款便當，外賣自取減$10~大約等3分鐘就可以拿！超快！黑糖豬軟骨飯 ($69) - 外賣盒不是平時看到透明或白色那種盒，這樣的外觀很不錯，跟鐵路上的台、日式便當有像到？打開盒子看到是分成了四格，前菜和主食是分開來的。豬軟骨很軟稔且入味，喜歡它的調味剛剛好～不會很鹹那樣子！不過吃不出什麼是黑糖 (巴) 還有那個薑頗辣的 ...另外亦有附一個湯，好像是清清的蘿蔔湯來。看點單紙，小吃類都頗吸引！有機會想試試在這店堂食。

閒日放假搵中環打工仔食lunch，午餐時間勁多人，幫佢排隊攞定位，都排咗兩三個字，熱翻了。見openrice咁多笑哈哈，樣樣都想試喎。想食海鮮漬飯，可惜無海鮮了。點了個牛肉麵、和式牛肉烏冬、雞飯、鹽酥雞、冬瓜茶、仙草豆漿。紅燒牛肉麵好似都係烏冬黎，但係好食嘅麵質。每個午餐配有沙律、漬物、小泡芙。鹽酥雞夠熱夠香口。冬瓜茶好甜太甜，反而仙草豆漿唔太甜，幾好飲。

琴日係IG見到有frd食呢間已經好掛住呢間野。今日本身home office都忍唔住彈左出中環食🤣，又係蟹肉茶漬飯，真係有蟹肉，唔係得幾條蟹肉絲😍，又唔會好鹹，感覺幾健康hahaaaaaa😂個餐包埋既木耳同泡芙都好好味😋。之前黎過幾次已經覺得呢間野質素相當高（起碼對得住個價錢！）之前食過烏龍面（唔個係咪姐係烏冬🤣）都好好味，係彈牙既！佢個海鮮related items都好多人叫，偷睇人地食果啲，發現都個廣島蠔都真係幾肥美，唔係圖片只供參考果啲😂除左較日式既茶漬飯同烏龍面，仲有啲台式野，例如牛肉面/鹽酥雞咁，不過我唔食牛，就冇叫過。希望下次黎，可以忍得住唔叫我最愛既蟹肉茶漬飯，有機會試下其他😛（p.s.平時細食既我，竟然好味到唔小心食晒成個飯，男朋友表示好驚訝😦）

因為之前經過都排晒隊，今次特登早啲6點就黎食。我地點左鰻魚飯，牛肉烏龍麵同鹽酥雞仲有杯菊花黑枸杞菜。講真呢個價錢，個鰻魚飯真係超水準，2大塊，燒到好香，好滑，唔會腥再加埋隻蛋真係好正！牛肉烏龍麵個麵好食，牛肉就正常。鹽酥雞本人都幾推薦，岩岩炸起，好熱但好香脆可口。不得不提杯菊花枸杞茶，好香帶少少菊花甜味，飲完再加熱水都仲好好飲。同場送左杯冬瓜茶俾我地，話鹽酥雞熱氣，好有人情味，同埋杯冬瓜茶唔係求奇，夠味同好飲！值得去食

我地本身想去食吃什麼㗎 但係佢又無開 所以我哋再次摸門釘啦😭之後因為諗唔到食咩所以就搵咗呢一間都係食台灣野嘅小黃店💛·炸花枝丸$32烤台灣香腸$32肉燥燙青菜$28我覺得佢啲小食個水準都OK 個炸花枝丸係真係即嗌即炸嘅🤤而且個椒鹽調味都唔錯 食落好惹味 個花枝丸都好彈牙😎個台灣香腸就係好食嗰種台灣香腸黎既 唔會話太肥膩得黎都烤到幾脆keke 個肉燥燙青菜就係平時一般嘅水準啦 略嫌油咗少少不過都OK嘅 overall覺得佢啲小食都唔錯😌·咖喱雞肉拌烏龍麵$79因為我地驚食唔晒 所以就冇嗌飯 嗌左呢一個拌烏冬😎佢係日式咖喱嗰種感覺黎既 不過個汁太少同埋比較杰身少少 所以唔係好撈得晒成個烏冬🙊而且個烏冬個質感比較淋身 口感無咁好🤔所以相對黎講 我就覺得佢啲小食好食啲keke·📍中環域多利皇后街2號地舖

咁岩行過中環，見到呢間野外賣減$10 ，即刻埋去睇睇。（最後都係入咗去坐⋯）一入去店員就幫我量體溫，有一半嘅枱都封咗，不過其實入邊都冇人。（應該個個都叫外賣，我係因為攰先想坐下咋）交叉左嗰啲枱冇得坐。嗌咗個葱油土雞肉飯($79)，加$12可以嗌$24以下嘅飲品，我嗌左個冷泡茉前毛尖茶($12)。雞肉飯，水準普通咁啦～因為好食嘅台式飯實在太多，呢碗有點被比下去，下次有機會試吓佢個魯肉飯。附送嘅沙律、雲耳、同泡芙，都係普通。我幾鐘意呢杯茶（個名實在太難記），茶味濃香，如果唔係因為我趕時間，我一定會慢慢嘆。抗疫期間，佢個減$10外賣優惠真係好吸引。仲要係黃店，一定要支持下。

🔸A00 紅燒三寶牛肉麵 $99湯既味由廚房出黎傳出黎, 好濃既牛汁+白蘿蔔味👍🏻 另外牛夠淋啦🔸B11 三色海鮮茶漬飯 $109茶漬飯呢個配搭幾夾, 全碗食哂👍🏻lunch成日都好多人, 所以唔少人叫外賣

今日係中環返兼職，要由朝返到晚，都幾累。早餐食左啲普通既野勒，所以午餐就特別小小食下呢間想食好耐既一起食堂。路過呢間店好多次，今次第一次去試下啲出品如何。我點左个蟹肉茶漬飯，味道無令我失望，啲湯都幾好食，味道清清地，都幾多蟹肉，好味

中環區一陣都覺得就係高級同貴，今日黎開食lunch，唔小心搵到呢間台式小店，試吓先❗️❗️❗️先黎一個魯肉飯 $69魯肉偏瘦，又有蛋同菜，不錯呢間最特別係隔離個兜前菜，分別係麻醬沙律，雲耳同埋忌廉泡芙，整體質素幾好，又多菜，可能係因為中環OL對健康要求比較高😂😂食得咁健康有少少唔慣，就梗係叫啲熱氣野食啦，鹽酥雞（$38），份量多，雞肉汁多，好香好脆，值得留意係都係有菜食😂😂整體質素不錯，黎開中環係你既選擇❗️❗️

#支持良心餐廳紅燒三寶（牛丸、牛肋肉、牛𦟌）牛肉麵$99和風牛肉烏龍麵$79酥炸池魚仔 $48呢間高質🤩！佢個牛肉麵麵底其實有啲似烏冬😂 識落係有到庭烏冬嗰種滑滑地嘅質感 但又保留到啲咬口～但係我覺得最出色嘅係佢個三寶 有好多舊肉！ 本身食到牛肋肉有少少un覺得有啲失望 但係食食吓發覺其實大部份嘅牛肋肉都唔算好硬 係似牛腩咁 牛𦟌都無得頂 係好淋身 好正😍之後牛丸唔好睇佢得兩粒 但係其實食落都好正 係好juicy同埋質感似牛筋丸 食完真係好滿足唔係講笑！之後朋友叫嗰個烏龍麵就比較普通啲 和風牛肉冇乜特別出色 個烏冬都係稻庭烏冬質感 不過佢就冇牛肉麵咁有咬口 偏軟身啲 個小食都好鬼正 條條魚仔都幾大條下😂 炸得好惹味~

芋圓癮起～就同朋友提議去台式餐廳解決我地嘅晚餐，順便食埋芋圓做飯後甜品！係中環眾多台式食店中選擇見到呢間一起食堂好像不錯，就同埋朋友去左一試～一間小店但都有好多飯同麵嘅選擇，我就揀左最吸引嘅原條蒲燒鰻魚飯，賣相令人口水直流！個碗都裝唔晒條鰻魚！肉身幾厚燒汁好入味，魚肉偏腍嫩帶少少骨，側邊仲有啲菜同醃蘿蔔。朋友係愛拌麵之人，就嗌左個葱油雞肉乾拌麵。係旁邊嘅我都嗅到葱油嘅香氣，再帶絲絲雞肉，確係唔錯！小食點左兩款，分別係酥炸地瓜條同埋台式燙鮮蚵。蕃薯控就最愛地瓜條，入面就係綿密嘅地瓜肉。燙鮮蚵係粒粒飽滿，size都唔細，配埋薑絲同蔥絲食都唔錯。飲品點左冷泡茉莉毛尖茶同仙草冬瓜茶，冷泡茶都幾香同清新～而愛台式飲品嘅人士就啱飲仙草冬瓜茶，冬瓜糖嘅味道好清甜，仙草好滑。最後當然係我期待以久嘅芋圓仙草啦，芋圓份量比得好多～有齊三款味道，口感幾煙韌同Q彈～仙草好滑，兩人分享都足夠！