一緒一番酒場

营业中

休息中

處理完事務去咗Stanley 11頂樓呢間高級日本料理一緒一番酒場獨食，真係一個人都可以盡興. 餐廳裝修優雅有格調，樓底好高好開陽，兩邊落地大玻璃可以飽覧中環城市景致. 開放式廚房同吧枱座位拉近廚師同食客距離，仲可以欣賞師傅精湛刀工. 餐廳出名食廚師發辦仲有串燒，不過午市定食平平哋二三百就可以品嚐到咁高級嘅料理，想豪啲都有$680/$980 廚師發辦. 叫咗個$280細碎切壽司丼定食.日式雜菜沙律用上高級承載容器，沙律菜新鮮清爽，仲有蟹柳更豐富. 茶碗蒸蛋好滑溜，仲散發着淡淡菇香味. 麵豉湯勁足料，有白蘿蔔、海帶、紅蘿蔔，味道好鮮甜. 碎切刺身壽司丼師傅精心挑選時令新鮮刺身做食材全部肥美新鮮，種類超多有成十種八種不同款式，常見海膽、吞拿魚唔少得，仲有多款平時唔多食到嘅刺身都有啊. 真係未試過食咁豐盛嘅雜錦刺身丼！一路食都聽到師傅同隔籬枱講解廚師發辦嘅食材，都學到唔少嘢. 另外餐廳不定期都會出sake paring 呢啲活動, 想試美酒佳餚嘅朋友記得唔好錯過啦. 雖然話一個人都可以好盡興，不過其實餐廳名嘅意思就係best together，下次都係同朋友仔一齊去食會開心啲🫰🫶🏻

溫暖、人情味、味道、誠意係現今香港好多食肆都欠缺既。今晚同老婆黎食餐好，慶祝記念日。第一次黎，叫左880 set 同生啤。食物質素唔洗多講，味道好好，非常之喜歡。最緊要既係，食客同師父、老闆、老闆娘既互動，大家閑話家常，成餐飯食得好開心，老闆重不定時自家浸酒，比食客品賞，非常好客。老闆對食物既誠意、老闆娘既熱情款待、師父既互動，哩餐飯我會用四個字形容：賓至如歸

(*˘︶˘*).。.一緒一番酒場Best Together Bar & Grill:*♡第一次來到士丹利街Stanley 11 的一緒一番酒場Best Together Bar & Grill，一開Lift門著實被眼前景色吸引，居高臨下的景色實在十分美好，有種大地在我腳下的feel❤️❤️他們高質的午市丼飯套餐也讓人很驚豔清新爽脆的沙律，滑嫩的茶碗蒸和暖心暖胃的麵豉湯，前菜簡單，卻喚醒了味蕾。-主菜點的北海丼，以新鮮的北海道海鮮為主打。丼飯盛滿了鰤魚、帆立貝、馬糞海膽和魚鬆，食材和份量也是棒棒的。鰤魚肉質鮮嫩，油脂豐富；帆立貝爽甜彈牙；馬糞海膽甘甜濃郁；師傅還特地撒上魚鬆增加咸香感。即使米飯也煮得軟糯，每一口都讓人回味無窮。-一緒一番酒場Best Together Bar & Grill中環士丹利街11號Stanley 11 26樓#一起一番酒場 #午市丼飯 #北海丼 #鰤魚 #帆立貝 #馬糞海膽 #魚鬆 #中環美食 #香港美食

一緒一番酒場 🏙️#約會慶生之選餐廳位於26/F，可以飽覽城市景色，而且樓底好高好開陽🌃佢座位唔多，等師傅可以專心serve吧台前面嘅客人，而且open kitchen嘅設計都可以俾大家見到師傅烹調食物嘅手法😗一時用下火槍炙燒壽司，有時用乾冰整前菜，無論係視覺上定味覺上都係一種享受😋1️⃣ 前菜有紅菜頭、牛蒡、同埋超特別嘅魚子海膽豆腐！必食👼🏻👼🏻👼🏻2️⃣ 北海丼 $280 北海都係師傅推薦嘅一個大熱午市套餐，包括沙律菜、茶碗蒸同麵豉魚湯。佢有厚身嘅北寄貝、鰤魚、海膽，再配上生醃白蘿蔔片同薑片墊底，好豐盛😚😚尤其是係鰤魚肉質緊緻，灑上魚鬆粉，令佢有少少微甜🙂‍↕️海膽都咁近乎入口即溶，好新鮮好高質💝3️⃣ 特製燒牛腿肉有機蔬菜 $248牛腿肉半熟，內部保持住肉質嘅嫩滑同多汁，而沙律偏酸味重，頗開胃🥩🥗

一緒一番酒場位於中環Stanley 11頂樓，一出電梯就見到佢哋開放式嘅廚房，可以一邊享受美食一邊睇住廚師烹調美食，視覺同埋味覺一齊享受，加上佢哋位置喺頂樓，窗外觀景更加靚～今次我選擇咗～Hokka Sashimi on Sushi Rice Bowl定食有；日式雜菜沙律、茶碗蒸、麵豉湯、北海丼～北海丼有鰤魚、海膽、帆立貝鰤魚肉質細緻、入口充滿魚油香味～北海道嘅海膽、入口即溶～新鮮嘅帆立貝，好鮮甜～好豐富嘅午餐好滿足！

餐廳位於大廈頂樓，並搭配落地窗設計，可欣賞到繁華的中環鬧市及半山一帶的景色。定食附上沙律🥗茶碗蒸、麵豉湯、飯🍚刺身拼盤定食$398笛鯛🐟上面灑上柚子皮，食落更清新鯖魚🐟油份較高，上面落咗少少蔥，口感豐潤鰤魚🐟肉質嫩滑，口感柔軟，有著淡淡的甜味拖羅🐟顏色粉嫩，脂肪比例較高，魚香持而恰到好處的魚油脂，非常甘香活八爪魚🐙 檸檬片上放上八爪魚吸盤及八爪魚身，口感爽脆活北寄貝：味道鮮美，口感滑嫩且彈牙鰹魚🐟上面放上新鮮蔥花及紫蘇葉

早幾日食咗一間係中環Stanley 11嘅日本菜，呢間日本餐廳位於Stanley 11頂樓，餐廳環境幾闊落，唔係好多座位，以bar枱形式為主，可以全程近距離望住師傅準備食材同有互動🤣午餐有lunch set，而晚餐就主要係唔同嘅omakase set，今次就叫咗個lunch set食🙌🏻1️⃣ 刺身拼盤定食 $398 呢個刺身拼盤定食包咗一人份嘅前菜、麵湯、茶碗蒸、主食同一碗白飯🙌🏻呢個刺身拼盤係師傅發板，師傅準備前會問清楚客人有冇食物敏感～今次嘅刺身有九州產鯛魚，上面用咗柚子皮、海膽、中拖羅、赤身、赤足海老、象拔蚌、帆立貝配上生紫菜、銀雪魚🍣📍Address📍一緒一番酒場 中環士丹利街11號Stanley 11 26樓

我們在中環的Stanley11 26樓發現了一家名為「一緒一番酒場」的日本餐廳，這裡的裝修非常有格調，可以看到落地玻璃，而用餐的形式是坐在師傅的周圍。今天是星期六，我們來享用了他們的午市定食，不過我們也知道他們有Omakase供應。我們點了兩個餐點，一個是北海丼，另一個是一番爐端燒串燒拼盤。所有的套餐都包含前菜，包括沙拉、麵湯和茶碗蒸。值得一讚的是他們的茶碗蒸，溫度熱辣辣的，蛋十分嫩滑，裡面還有菜和蘑菇的鮮味。沙拉是由玉米、蕃茄和生菜組成，搭配著芝麻醬，非常新鮮。北海丼的配料非常豐富，包括北海道紫海膽，質地非常creamy，非常鮮甜。另外還有北海道活帆立貝，它的肉質比冷凍的帆立貝更為實淨，非常美味。還有一塊厚切的鰤魚，每一口都是鮮美。在飯的上方，有一層粉紅色的魚鬆粉，帶有一點點甜味，讓整個丼飯增添了不同的層次。而另一款串燒定食有六種選擇，包括蝦釀秋葵、燒豆腐、雞軟骨、雞皮、雞腎和汁燒豬肉串。上桌時溫度剛剛好，燒得恰到好處，而且調味也非常適中。

中環有間日本料理幾抵食，夜晚都可以食到lunch set~佢位於Stanely11，中環地鐵站D出口行幾分鐘就到😆而且佢係大廈嘅頂樓，配合埋落地窗嘅設計，可以見到靚靚夜景🥰每個set都有前菜三點、沙律、茶碗蒸、麵豉湯～前菜分別有芥末雞肉、蟹膏豆腐、紅蕎頭，作為開胃菜幾適合❤️刺身拼盤定食一共有六款刺身：馬友魚、帶子、池魚、中拖羅、獅魚、牡丹蝦😚刺身全部都好新鮮好鮮甜，而且仲好肥美添😍飯用嘅係日本珍珠米👍🏻

呢間日本料理餐廳位於中環Stanley，主打廚師發辦、壽司、刺身、唔同牛串嘅稀有部位同季節性限定清酒。採用開放式廚房，可以邊食邊觀賞師傅烹調菜式，係視角同味蕾嘅雙重享受😋 店員服務態度十分有禮，淨係呢樣已經大大加分！先送上前菜，第一次食海膽豆腐，味都突出，上面以黑松露點綴，嫩滑可口，入口即溶，旁邊有赤雞胸，來自日本，完全唔嚡，點埋醬汁，讚。之後到鯛魚，師傅話唔會比柚子同豉油，用竹炭鹽點，真係好夾，更能帶出魚嘅鮮甜味。值得一讚喺壽司飯淡淡香味，唔會淨係用白米！師傅已將全部壽司調味，用上唔同醬汁，逐件放上碟。赤貝粉嫩肥美、地金木鯛濃厚魚香、深海池魚晶瑩剔透、烏賊帶點煙靭、赤蝦鮮甜，黏黏哋、馬友鮮嫩多汁、蠔又大又甜、中拖入口即化、海膽甜濃唔腥、鰻魚滿滿油脂、各有千秋。串燒做得幾有心思，秋葵放上肉餡，令口感同層次昇華咗、白鱔嫩滑又juicy，鮮甜美味、雞翼帶啖啖燒香氣，肉質鮮嫩，肉骨分離。麵豉湯熱呼呼，仲有大量配料，飲完暖笠笠。最後以甜點作結，為呢餐畫上完美嘅句號。

📍中環- 一緒一番酒埸今日帶大家去中環食日本餐🫶🏻✨首先呢間餐廳係地理位置超級方便 係喺娛樂行對面Stanley 11 一棟比較新嘅Building 都聚集着幾多唔同嘅餐廳🫶🏻✨我覺得性價比幾高 但係地理位置同埋環境都好適合去慶祝生日🎁 🍣刺身拼盤定食 $398 嗰日就食咗佢哋嘅lunch set🍣🐟呢個刺身拼盤除咗刺身之外 仲有三款前菜 包括麻醬沙律 茶碗蒸 同埋麵豉湯！當然都仲有配刺身嘅飯啦！刺身方面份量都唔少🐟🍣赤蝦🦐配海膽刺身比較爽口！另外中拖羅來完全冇筋 咬落去超級順口！雖然只係中拖羅 但係都有唔少嘅油脂(⁎⁍̴̛ᴗ⁍̴̛⁎)！跟住我覺得最深刻印象一定係日本馬友！因為師傅有微微灸燒過 所以食落去雖然肉質比較實，但係都好香口！———-📍中環- 一緒一番酒埸地址: 中環士丹利街11號Stanley 11 26樓

趁夜晚分享一下🌆是日午餐🍤 先！我同同事嚟咗呢間中環士丹頓街11號26樓嘅餐廳食日本菜，呢個地方真係有啲隱蔽，我平時好少自己一個過嚟，但係今日嚟到先見到原來呢度午餐選擇都唔錯，價錢偏貴，不過用了基本上全部都係日本貨！✈️我試咗呢一個「北海丼 Hokka Sashimi on Sushi Rice Bowl」 $280 🍣🍚🍱🍙 價錢嚟講係有啲貴嘅，但係睇返入邊啲用料就知，真係唔算貴。主要有三種嘅海鮮，有北海道活帶子、北海道海膽同埋呢一款好好食嘅鰤魚🐟，三款全部都幾正，帶子味道好Fresh，海膽味道濃郁，油甘魚啲油脂分布好平均，食落真係好鮮味！成個Lunch set 包咗前菜、碗物、茶碗蒸、煮物。我個人好鍾意個茶碗蒸，入邊非常之足料同埋豐富，首先個日本蛋黃一望好吸引，仲有好多三文魚子大大粒，撈埋底下滑捋捋嘅茶碗蒸，咬到一啲菇菌，非常惹味！麵豉湯味道同出邊嗰啲有少少唔同，呢度用嘅蔬菜比較多，我自己就食到有多啲蘿蔔。同埋沙律🥗都好開胃，整體感覺唔錯，之後會再多啲嚟！

天氣變熱好多 都唔中意太熱食只想吃冰冰涼涼魚生 降降溫🥵北海丼：海膽 北極貝 獅魚🍣我最愛的三件套！軟軟滑滑鋪在飯上🍚搭配少許醬油咸香 誰能拒絕！魚子蒸蛋：蛋上加蛋🥚！戳破生蛋 蛋液包裹爆漿魚子 與下面彈嫩蒸蛋一起入口 加少許松露調香🍄真係美味可口🥹

今日同朋友嚟到一緒一番酒場，試咗佢個午市套餐，呢度有中環靚境環境又舒適，lunch set 都係二三百，算係幾抵！首先碎切刺身壽司丼，呢道菜用咗好多新鮮嘅海鮮，包括帆立貝、鮪魚同鯛魚等等等等，配上壽司飯，味道鮮美，令人好滿足。每一口都可以品嚐到魚生嘅鮮甜同豐富口感，絕對係海鮮愛好者嘅首選👍🏻另一味試左銀鱈味噌燒，魚肉質鮮嫩，同埋味噌燒嘅調味令味道更加豐富。每一啖都可以品嚐到魚肉嘅鮮美同埋味噌嘅香氣，正。銀鱈味噌燒嘅烤製技巧令魚肉保持著柔軟嘅質感，同時亦帶有微微焦香，增加咗口感層次。呢度仲有提供清酒pairing，可以同菜式相輔相成，提升整體嘅食用體驗。pairing由淡口清酒到濃厚口感，好爽快。另外，柚子酒嘅清新柑橘風味都係一個唔錯嘅選擇，佢可以為餐點增添一絲清爽嘅口感，勁香勁好飲！

大隻仔今次覓食嘅店舖就係💥 一緒一番酒場 💥大隻仔今次介紹一間位於中環樓上舖，客人不多，食物質素不錯嘅日本餐廳，一出lift，就係餐廳位置，餐廳樓底好高，感覺開陽，座位只有吧枱，open kitchen 設計，可以近距離望到師傅烹調食物嘅手法。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 北海丼 $280 （另加一服務費）午市套餐包括沙律菜、茶碗蒸、麵豉魚湯。北海丼係一個三點刺身丼飯，有北寄貝2片、鰤魚4片、海膽， 再配上生醃白蘿蔔片、壽司薑片墊底，大隻仔比較貪心，如果有埋北海道出名嘅帆立貝刺身就更加滿足。北寄貝用上新鮮北寄貝，爽口彈牙，夠曬新鮮，但有少少腥味。鰤魚肉質緊緻，充滿油香味道，表面灑上魚鬆粉，甜甜地幾好食。海膽用上北海道馬糞海膽，入口即溶完全冇腥味，非常高質。飯有濃厚日本醋味道，飯量大概三分一碗滿，配有蟹柳絲、干瓢絲、白芝麻粒。