一糖 (屏山)

营业中

休息中

早幾天跟幾位好友趁著假期去天水圍西鐵旁邊的屏山天水圍圖書館，這個圖書館出名大而且靚，但我們這次來的目的主要是借書。假日的圖書館人流很多，借完書，我們便離開，在附近找間小店醫醫肚、聊聊天。屏山一帶有很多隱世的小店，但這些小店總是大排長龍... ...我不是甜品控，但同行幾個朋友都是甜品控，所以他們一看見這裡有間甜品店，立即失控，誓要入去餵飽第二個胃。店舖不算很大，但店的裝潢很有日系風，完全是拍照呃Like好地方。門外有一大片空地泊車，適合駕駛人士。有室內也有室外，有室外坐位，絕對是帶狗狗同行、吸煙人士最愛呢!店內食物選擇超多，連非甜品控的我看到餐牌也禁不住震驚起來!窩夫、麻糬、心太軟、芝士撻、中式糖水... ...可以說是什麼都有，連我不是甜品控，也覺得好正，可想而知，我幾位甜品控朋友情緒有幾波動吧! 就連飲品選擇也不少啊!我點了一杯「紫黃特飲」$32 這杯是什麼? 我點的時候其實不知道，只是看圖覺得好美，所以點了!飲品來的時候，才發現可以自己「玩」的啊! 哈哈! 黃色是柑桔，配上梳打、檸檬汁及紫色的藍豆花汁，然後我便可以隨自己喜好加入檸檬汁的酸味及調較藍豆花的紫色深淺。甜品之中，我會吃

食物價錢算是中肯,因為食物的份量與價錢比,算是交足貨的,味道亦不錯。魚蛋的味道,強差人意,魚肉沒有味道,完全是食麵粉,咖哩汁太辡,小朋友食不到。而甜品方面,芒果河粉的確不錯!

很高興聽到天水圍開了間隱世甜品店，對於住附近，又喜歡食甜品的我，簡直是一大福音。趁星期日就去食，從天水圍E3出口走四分鐘左右已經到了，但由於店所處的位置較隱蔽，最好問附近的居民店的位置，因該店是十分近西鐵站的，無謂走冤枉路。店下午四時才開門，我們3:45PM到，這裡已經有人排隊，店很有自己性格，真是4:00PM正才開門，甜品店店細細間，但裝修成日本風。我們點了生磨芝麻窩夫，綠茶心太軟，朱古力心太軟，鮮芒果腸粉，白桃活乳酸打，鮮雜果芭菲生磨芝麻窩夫，店員送來時已經聞到濃濃的黑芝麻香味，配上烤熱的棉花糖加雪糕，好好味綠茶心太軟，很濃郁的綠茶味道，喜歡綠茶甜品的不要錯過鮮芒果腸粉內裡的芒果好厚肉，而且外層的椰汁皮很香椰子香味鮮雜果芭菲，有很多鮮果，有雪糕，米通，奶凍等，每食一層都有不同的味道，滿足了不同部位的味蕾總結：以天水圍區與屏山現在的人口來說，絕對有充足客源供養這間甜品店生存，看不遠處的華嫂冰室就是成功例子，加上這甜品店有一定質素，所以這店未開門就已經有人排隊，值得推介。

之前去屏山通常都係去華嫂近日有朋友話附近有間日系甜品推介，就即刻MARK 實個地址去試啦!係天水圍西鐵站出，行一陣就到相當方便店開四點，信義妹早到五分鐘去到門口已經見到有一定人數等候搞到信義妹十分期待係未入得既時候就係付近影下壁畫啦~~~~ 夏日炎炎一入到去就要讚冷氣夠即刻涼番曬~~~~~~再點兩杯飲品先芒果沙冰 $28質地綿滑，芒果清新沒有加糖水，純天然的果甜 白黃橙特飲 $32見個名幾特別就問一下店員原來由菠蘿，白桃，鮮芒果汁調配而成顏色配撘吸引甜甜酸酸的為就熱死既信義妹解一解渴 芝麻窩夫 $62窩夫外脆內軟，未上枱都已經聞到陣陣芝麻香味道不太甜，對信義妹來講甜道剛剛好如果愛甜的朋友就可能會覺得不太夠甜有兩塊窩夫有烤棉花糖為口感同味覺添上多一種層次雪糕有六款俾大家揀信義妹就揀綠茶味，茶味香濃，入口順滑 芒果腸粉 $45腸粉皮薄，入口滑滑的~~~~有淡淡椰香 內有厚厚肉的芒果芒果香甜芒果控要試下啊! 榴槤心太軟 $58朱古力心太軟就食得多啦今次見到榴槤心太軟就梗係要試下啦呢款比之前既甜品較甜一點味道濃，但無想像中陣陣榴槤味跟水果撘配下就剛剛好雪糕就揀士多啤梨雪糕酸酸甜甜可以跟心太軟做

遠看 日本裝修諗住好正 睇下餐牌雖然價錢有點貴抱著期望 一試，一班friend埋去叫咗幾樣嘢 包括招牌菜麻薯賣相唔錯不過一食就中伏完全唔掂唔好食可能啲人新屎坑想試一試失望酒店價錢大排檔質素元朗求其一間都好過佢都唔明最簡單嘅窩夫都可以做到淋pat pat飲品完全冇特色仲要四圍超多蚊停車位都唔夠， 拍喺門口架車仲要畀啲鄉下仔畫花咗服務又差 已經冇乜客啦 有吉枱都唔畀坐係都要你搭枱去 幫襯 完全係貼錢買難受除非你想試下啲鄉下圍頭特色不時兇神惡煞大隻佬 嘅招呼其實 個老細 轉型 做排九檔可能仲搵得多錢反正咁大班圍村街坊打躉 ，塘水滾塘魚 都 收入不菲

話說突然好想食甜品，但天水圍甜品舖不多，所以就上網seach 一下，發現一間好評既日系甜品餐廳。而且鄰近天水圍西鐵站，無理由唔去試試看...天水圍西鐵站E3出口，基本上行幾分鐘就已經見到👍🏻店員見到我客人走過來，都會主動行出門口招呼，蠻好的服務。點左兩個心太軟，唔算太甜，食落有驚喜🤤芝麻心太軟配新鮮水果抺茶心太軟配紅豆粒整體感覺不錯，因為4點左右過去，所以不用等座位。如果人流不多，坐下跟朋友一邊聊天一邊食甜品是不錯的選擇。

相信不少人都知道，天水圍大部分商場都是領展的，住在天水圍的朋友都呻「搵食艱難啊」！連鎖食店解決3餐尚可，但甜品店就真的廖廖可數！而且質素參差！早陣子在網上見到不少傳媒熱捧，已經心思思想試，呢次終於黎到喇！一糖地理位置尚算方便，西鐵站再向村屋方向行幾分鐘就到，沿路都會見到旗仔指示~周圍都好靜，可以逃離一下都市煩囂~剛到的時候，全場滿座！跟我差不多時間到的，還有一家四口和小朋友呢！幸好等幾分鐘就有人走，可以入座了！看看Menu~選擇也不少! 很多都很吸引 仲有好多款紫薯甜品!! 因為食甜品通常比較漏，點了比較清新的蜂蜜綠茶梳打，飲品上的時候用了日式的盤子，將綠茶，梳打，同蜂蜜分開上，店員會指示你先落梳打水，然後蜜糖，好細心！Baileys 朱古力窩夫其實剛才一入店，就已經聞到濃郁的waffle 香蛋味傳來！超吸引！ 坊間Waffle 有好多做法，賣點各異，有些甜品店主打濃香蛋味，有些主打硬脆口感一糖的waffle 則是外脆內軟，加煙靭麻糬的多重口感，雖然雪糕味道並不特別突出，但坊間少見，奶滑甜甜的Baileys鮮忌廉，就為其添了不少分數。而且這個waffle 才$50大元，可算是物超所值！

第一次跟朋友去一糖吃甜品，讓我覺得好驚喜，天水圍竟然有這種走日系風格的甜品店，這次決定帶家人來再光顧。天水圍一糖隱藏在天水圍西鐵站旁邊的村屋之中，其實它的位理位置十分便利，從西鐵站走過去也不用5分鐘。店內的牆身均貼上不同種類的甜品。大部分食物的相片也印在餐牌上，好讓食客能看看照片再在決定。不過甜品的賣相也都很吸引，每款甜品都好想試奇異果汁（$28）和芒果汁（$28）2款都是鮮榨果汁，每杯也都只放了一兩顆小小的冰粒，非常足料，大大杯，以$28的價錢絕對好抵飲奇異果汁帶有微微的酸甜味，不會太酸，每啖都有奇異果裡面黑色的粒粒，消暑之選；芒果汁的芒果香氣濃郁，質地濃稠，十分香甜抹茶麻薯窩夫配綠茶雪糕（$50）窩夫一上枱就好有驚喜，除了賣相十分精緻外，份量非常多。店員解釋，因為只上半份窩夫的話，剩下的半份稍後再翻熱給客人便不好吃了，所以會原份窩夫上碟。窩夫外皮脆，有淡淡的抹茶味，而裡面竟然有兩種口感，除了柔軟的口感外，有麻薯的部分十分煙韌。而且麻薯的份量剛剛好，不會過多而感覺太膩。值得一提的是，紅粒蓉的份量十分多，味道較甜，窩夫、紅粒蓉和cream一起吃，甜度剛剛好，多重口感，味道一流！榴連心太

飲食業選址方向都有少少改變，由以往旺區，可能考慮工廈，甚至係較偏僻嘅位置，靠嘅可能就係口啤，不過只要有水準，食客都唔介意花時間捐窿捐罅去食。位於屏山上璋圍嘅一糖最初開嘅時候真係好多人介紹同幫襯呢，雖然我地唔係區內人，但鐵路都係幾站之隔，所以都係想試之列。上次去屏山食肉餅係打算順便去埋，結果落狗屎我就急急腳離開，最終拖到而家終於食到了。媒體係又話隱世唔係又話隱世嘅文化下，睇個地址以為幾難搵，實際比想像中easy，頂多叫隱蔽啫。西鐵落車一出沿途都有店家嘅旗仔指示，露天停車場直入就係，遠處仲見到佢地招牌鯉魚壁畫，小平房設計，帶室內室外位置，市區真係冇乜可能搵到。店內裝潢簡約，大玻璃、敞門加上木枱木櫈，位置唔多但唔算逼狹，吸煙或者攜帶狗狗嘅客人可以坐室外，而且有埋車位，方便駕車人士。正值晚飯時間，客人唔多，食完甜品我都hea左一段時間先離開。餐牌選擇豐富，最吸引我嘅當然係紫薯系列，另有梳乎厘、果撻、心太軟、窩夫、芭菲、奶凍、奶昔、中式糖水等，定價合理。芒果小丸子 $32講到芒果同小丸子，腦海不期然就聯想到許留山，但佢嗰種死甜我個人係受唔住，好在呢碗冇呢個問題。芒果份量適中，小丸子係彩色，賣相唔

天水圍上年在這裏開咗一間糖水鋪，之前已經食咗幾次，不過是外賣。今次就親身過嚟食，仲同埋四個bb，四家人，總共八個人加四個嬰孩。我們嗌咗八樣嘢，我就叫咗個榴槤流心雪糕再加一杯特製產橙芒果飲品。 其他東西其他人叫，我俾不到意見。我食這個，我自己就覺得個榴槤流心蛋糕雪糕，蛋糕有榴槤味不過就不是很重榴槤，因為本人很喜歡食榴槤的，但我覺得榴槤味不重， 我只會給7分。但他是滿滿的，又暖，個雪糕就冇特別似係啲普通雪糕，生果就分量不是太多，都一般新鮮。至於個特飲，就係有芒果有橙，咁我覺得幾好飲，但一定要攪勻才好飲，這兩個加埋就九十元。我哋八個人總共消費350元。

真正既淨土, 就係呢間糖水鋪, 知道既人大部份都係天水圍既居民係區內少數又近地鐵站又好味既糖水鋪 地方比較隱秘, 但係交通方便 百利甜酒朱古力心太軟食開普通既朱古力心太軟會覺得有點太普通, 所以我今次揀左既係百利甜酒朱古力心太軟, 大家都知百利甜酒本身係百搭既, 估唔到MIX埋朱古力又幾MATCH, 心太軟質素唔錯, 一刀切落去都見到有流心既效果, 而且佢有百利甜酒, 令到個心太軟更加滑溜, 食落個口感比普通既特別!! 芒果腸粉估唔到咁大份, 凍食既腸粉最正都係呢間, 芒果肉同汁都好多, 因為冇汁既腸粉會冇味好難食, 但今次就冇呢個情況出現, D汁多到食到底, 都仍然係有汁剩!!

住在元朗都有一段日子都唔知原來天水圍站後面都有一間糖水店!!好彩有朋友帶一帶, 如果唔係真係唔會知個度有 我地去到好好彩有室內既位置可以坐我地嗌左有紫薯窩夫同朱古力心太軟 紫薯窩夫淨係個外相已經值回票價, SIZE超大份, 夠2個人SHARE都仲得, 好開心今次係坐近廚房既位置, 可以睇住個紫薯窩夫新鮮咁製作出黎, 窩夫熱辣辣勁正, 食落唔會覺得淋哂咁, 反而脆脆地幾香口好正!! 估唔到同紫薯味又幾MATCH!! 仲有埋球雪糕真係不得了 朱古力心太軟流心既朱古力火侯控制真係要好好, 好彩係流心既, 一口全熟既加埋流心既, 口感極佳

又到小丸子最中意嘅甜品時間今次黎到一糖品嘗手作甜品, 一連嗌左2個紫薯嘅甜品~店舖話紫薯係沖繩直送黎香港嘅(◕‿◕✿)由於小丸子未去過沖繩, 所以唔好問我沖繩紫薯嘅味道係點樣➡ 棉花糖紫薯 $32就咁睇賣相都贏哂, 非常夢幻嘅賣相♥‿♥配著雪白嘅棉花糖再微微輕焦, 底下係收藏著好多紫薯絕無添加任何糖份, 真係食得出係原隻紫薯嘅味道最頂再灑上粉紫色嘅紫薯粉! 真係好靚~~~旁面仲配上一杯朱古力醬, 小丸子個人覺得就唔需要再加淨食紫薯加棉花糖嘅味道已經好足夠➡ 紫薯窩夫 $58呢一份紫薯窩夫真係好大份一碟有齊4大塊, 咬落口感堅內脆外軟係鬆化嘅窩夫中間仲夾有紫薯蓉, 真係好驚喜而旁邊仲配有紫薯蓉, 糖霜同烤乾嘅紫薯乾片真係成口都充滿著紫薯嘅香味, 完全食到停唔到口~最尾再食埋個雪糕就完美哂(~˘▾˘)~

今天來到了天水圍西鐵站新開的甜點店，名為一糖。它的位置其實不難找，E2 Exit再靠左行，有條小小的斜路，行下去便會看到餐廳給人的感覺蠻清新的，在天水圍這些地方比較少見的。天氣十分嚴熱，我先點了一杯奇異果汁。十分透心涼，它是鮮榨出來的，所以保留了奇異果那原始的鮮味，酸酸的在夏天十分開胃。宇治抹茶芭菲芭菲一層層有抹茶雪糕、紅豆、爆米粒、抹茶啫喱、忌廉，十分有層次。最欣賞就是抹茶啫喱，口感清新，令整個甜品不會太膩。這裡很在名的就是紫薯，所以我點了一個梳乎厘紫薯，口感是軟綿綿的，入口好快融化，底層是紫薯，有驚喜！黑芝麻心太軟心太軟我吃得多，黑芝麻味道還是第一次呢！配合曲奇味雪糕，讓人好滿足！抹茶麻薯窩夫十分喜歡這個麻糬內餡，煙煙韌韌的，配上抹茶雪糕，十分討喜！焦糖燉蛋這個焦糖不會太甜，表層是脆的，又保留了原始的蛋味。鮮雜果蛋撻配紅棗茶定食芝士撻的牛油曲奇餅底鬆脆，內面是半熟的狀態，流心效果很不錯。軟腍腍，吃下去帶空氣感非常輕盈。

小妹係一名甜品控, 對甜品一向都係抗拒唔到既咁岩見到男朋友星期五下午放假, 梗係要捉佢去天水圍既一糖試下佢啦因為聽過好多朋友講一糖成日都要排隊所以我地三點五十五分已經去定等佢開門竟然一個人都冇, 應該係因為平日既關係啦咁我地就叫左個BAILEY窩夫同一杯抹茶芭菲試下首先黎到既係BAILEY窩夫, D舊窩夫上台係暖暖地既, 食落去唔太硬唔太軟, 仲好香蛋味, 再加上我同男朋友都好鐘意BAILEY, 估唔到窩夫同BAILEY原來係咁夾既, 值得比讚佢, 唔怪咁多人黎食而配既雪糕就例牌野, 但都OK啦!跟住出場既係抹茶芭菲, 上台既時候賣相好似好得咁但食落真係有D失望, 成杯野唔夠凍, 紅豆又爛容容咁, 又甜得濟, 成杯野最好食就係個例牌雪糕男朋友仲話越食越口喝食完我同男朋友都話可以再黎食多次, 但只會叫窩夫杯芭菲真係企硬, 叫左, 衰硬