一粥麵 (滙景廣場)

营业中

休息中

雲吞麵配紅豆冰，$30，抵嗎？唔好答我住，睇埋我嘅介紹，再行決定都未遲。先講麵，麵係鹼水麵，雖然未去到生麵嗰種程度，但似係壽桃牌蛋麵嗰種鹼水麵，因而影響碗湯都帶有鹼水味，你接受得到嗎？韮王數量唔少，份量適中，雲吞有3粒，隻隻爽口，隻隻食到蝦仁，而唔係豬肉，好食。紅豆冰正常，唔會過甜，食到紅豆。單叫一杯紅豆冰，你認為要幾錢？單叫一碗有3粒雲吞嘅雲吞麵，你認為要幾錢？綜合嚟計，咁嘅質素，咁嘅價錢，你認為抵唔抵？值唔值？

薑絲牛肉通粉，炒滑蛋，煎蘿蔔糕配凍豆漿就係呢日嘅早餐。原本打算叫凍奶茶，被收銀員告知要加$5，建議我不如加$1飲凍豆漿，呢個暖心行動，值得表揚。呢間快餐店另一個窩心舉動係會加多杯水，而唔係好似同系嘅大家樂咁要自己斟。另外，呢間食店配蘿蔔糕係用辣椒油而唔係好似大家樂咁用辣椒醬，兩者分別係前者有辣椒香味，不帶酸味，後者會有啲酸味，所以站起我嘅角度，辣椒油配蘿蔔糕，辣椒醬配乾炒牛河會比較合適。講返味道，蘿蔔糕味道當然同家庭版無得比，但算係正常，而我第一次蘸辣椒油食，發現原來非常夾味；炒蛋帶有濃濃嘅牛油味，好香好滑，帶畀我意外驚喜；通粉食到有薑汁味，但唔會過重，牛肉雖然係雪貨，但勝在肉質鬆軟無筋，通粉係同老麥及大家樂一樣，都係同一款式嘅螺絲通粉，但煮得剛剛好，唔會好似老麥咁易斷；湯飲唔出有雞粉湯味，所以即使我一飲而盡，都唔會口渴，抵讚！$33有咁嘅質素同窩心行為，絕對滿意，而我嘅好評唔單只畀食物，更係畀收銀員嘅。

呢日嚟到呢間食午餐，望下水牌，畀一個條目吸引住：秘製XO醬蔥油鮑魚雲吞撈麵，$56。只係一碟撈麵，唔包嘢飲，呢個價錢對我嚟講有啲貴，但一諗到有幾樣嘢一齊，就豁出去啦！碟麵好快準備好，可以拎得，而且仲有碗韮黃上湯及一杯水，算係有啲驚喜，可以唔買飲品都得，而且仲有三隻冬菇，驚喜再多一啲，但可惜無蠔油或老抽，令賣相失色咗啲。拎到嚟張檯度，拍攝完開始試食，鮑魚（在芫荽葉之下）雖然得一隻，但唔係$100有4罐甚或5罐嘅BB鮑，而係賣卅幾四十幾一罐嗰啲罐頭鮑，絕對收貨；XO醬有瑤柱仔、蝦米、辣椒、辣油等材料，但唔好妄想有李錦記嘅級數，勉強可以接受。冬菇係勝在數量多，但唔夠滑亦唔香，得個爽字，我嘅評分會比XO醬高，雲吞係佢哋嘅皇牌產品，當然唔會差得去邊，碗韮王湯都係例牌貨色，唔差，但無驚喜，到個麵呢，食到有些少鹼水咪，而且些少偏硬。整體嚟講係合格嘅，鮑魚有驚喜，最失色係個麵，偏硬之餘，亦無老抽、蠔油及或豉油吊起個味，而只係靠蔥油帶出鹹味係唔足夠，反而唔要蔥油，改用製過嘅豉油，做出嚟嘅效果仲好。

一粥麵有得手機app預先落單好方便，平時都會預早少少係手機買定早餐，藍田站匯景商場出口旁邊就係，一到就攞得，通常早餐繁忙時間10分鐘內打包好，唔洗即場買完再企係度呆等，慳番啲時間。職員姐姐包裝得好穩陣，唔會容易倒瀉野飲/搞到啲盒油淋淋。早餐價錢屬正常快餐店價，份量都好充足，薑絲滑牛通粉幾好味👍🏻 我最鍾意佢選擇夠彈性，牛油多士可以轉蘿蔔糕。唯一覺得要改善嘅係牛油炒蛋實在太油，食哂成份炒蛋會好滯。

見近近地，食完早餐返T。結果一肚氣，8時朱夠，粥賣哂。等左12分鐘先有早餐，食左個無味通粉，熱奶茶苦。方包普通，忘記给奶和醬。之前在另一分店食個下午茶。質素可以。

今晚與家人去食這間中式快餐店☺️我睇到餐牌有椰子燉湯配福建炒飯便毫不猶豫咁點左😍出面一個這些燉湯都要50蚊以上，這個餐都只係68蚊仲要配埋茉莉花茶😋好抵食😊期間限定可以一試☺️燉湯好足料用左松茸菇同瘦肉仲有小花膠去燉，椰青水燉嘅湯好鮮甜😋同坊間50蚊以上嘅湯差唔多味道，飲完覺得好潤😌仲暖粒粒☺️唔覺得有落味精。福建炒飯落左好多料去整，有帶子雞肉等等😋蛋炒飯配上汁唔會好干。食完2樣野之後覺得好滿足。茉莉花茶都好香。😍

星期日出地鐵途經此地...有小小肚餓走左入去。到購票處排隊！各式各款的粥麵餐！中式及西式陳列於餐牌上。基本上甚麼時侯叫甚麼餐都沒有所謂。好久沒有吃罐頭餐肉煎蛋麵，就來一份吧星期日估不到這裡咁多人！不過一枝公搭個位無難度⋯⋯煎蛋全熟乾爭爭，仲要得一隻實在煎得太老，蛋汁全然失踪。只是微暖，我甚至懷疑一早煎定的罐頭餐肉雖有略弄熱。但進口仍是腍腍的。吃得人口油膩膩公仔麵麵質都唔錯,還剩少許咬口個湯幾夠味食後唔會口渴.吃完後的感覺是。熱咖啡還可以算是香濃，也算安慰！結論係這裡的東西若是用來填飽肚子就可以.不過若對食物要求的話，就唔好來了！

Super Super Congee specializes in Congee and noodles obviously but recently they have been serving some different stuff like the Aniseed noodles a while back and now the GuaBaos!!They had the usual fluffy white ones late last year and I thought they were quite adventurous with the purple potato guabao but then it is all to do with colouring.ANYWAY BECAREFUL WHAT YOU ORDER AS THE MAIN POSTER SPECIFIES CHICKEN WHILE THE SMALLER MENU SAYS PORK!!!! Anyway decided to try it at this new location which